金鳳茶餐廳

營業中

休息中

今次嚟到灣仔街坊介紹嘅金鳳茶餐廳，當然必選喺沙嗲牛肉公仔麵加菠蘿油，再配上個火腿奄列就是一個午餐D約$55。牛肉果然喺新鮮牛肉，食落都比較嫩口，菠蘿油方面，包身鬆軟，夾心住整片牛油真喺超邪惡嘅配搭。作為女生，喱個牛餐喺絕對要打包走，食完個麵同奄列後已經9成飽，個菠蘿油食咗兩啖唯有打包帶走。舊式港味茶餐廳喺香港已經買少見少，搭枱加上伙記大嗌茶記暗號都喺其中一種除咗美道之餘嘅特色享受。不過街坊就話，今次未喺最新鮮嘅菠蘿油，有時遇唔遇到出爐時間就好睇運氣了。

啲人話嚟灣仔一定要試吓金鳳就好似去旺角一定要食義順牛奶公司一樣今日就專程嚟咗試下叫咗一個午餐同一杯飲品有沙嗲牛肉麵 火腿奄列 菠蘿油 跟餐奶茶同埋單獨嗌左一杯荷蘭谷古沙嗲牛肉麵個沙嗲味好香 唔會過咸公仔麵食到最尾都唔會林晒火腿奄列就好失色煎得好乾 唯獨係火腿絲好夠 要浸湯先至食得落菠蘿油係涷嘅 唔係新鮮出爐 如果加熱先上會更加好味 奶茶好滑 你就算嗌涷奶茶佢都係冇冰 呢個幾好 最怕有陣時太多冰令到成杯野好淡 荷蘭谷古就唔甜嘅 但勝在朱古力味夠濃 整體來講都麻麻哋最後$78買單 其實唔係好抵希望食物質素可以更加改善啦

今次介紹既係一間係春園街屹立不倒既金鳳，有65年歷史。由我中學年代食到呢家，味道10幾年都冇乜點變。最出名係奶茶、雞批同菠蘿油。-🍲 特價午餐💰531️⃣ 沙嗲牛肉麵（👅: 7.5/10）沙嗲牛肉同一般食到既唔同，味道偏甜，醬顏色偏深，味道偏重偏鹹，加落無味既麵就岩岩好，如果百花生會更好。麵同平時大家食開嘅大江麵唔同，佢係用頂好伊麵，識落就係伊面嘅質感。-2️⃣ 火腿奄列（👅: 7.5/10）雞蛋唔算滑，不過蛋香味重。火腿分量多，切成大量火腿絲。煎得唔錯不過偏油膩。-3️⃣️⃣ 菠蘿油（👅: 7.5/10）菠蘿包個包身比較札實，唔係蓬鬆個種，較乾身，中間都係實而唔係空心，呢個好睇個人口味，有啲人鍾意實有啲鍾意鬆。菠蘿包頂層皮脆，甜度適中。牛油夠凍，會係雪櫃羅出黎擺入包。不過要撞正岩岩出爐先食到冰火既對比口感，如果唔係牛油未必會瞬間融化。-4️⃣ 熱奶茶（👅: 9.5/10）通常奶茶我都會叫熱奶茶，因為覺得茶味會比較出。不過金鳳嘅凍奶茶都係好出名，而且出名係唔用冰，所以唔會有奶水分離而個情況。奶茶係用金玫瑰紅茶加lipton錫蘭紅茶，而淡奶係用荷蘭黑白奶。奶茶非常之滑，色澤均勻，茶味足夠而且奶都夠唔會澀，奶

金鳯茶餐廳 Kam Fung Restaurant📍灣仔 Wan Chai.⭐️ 金鳯茶餐廳最岀名係佢哋新鮮岀爐嘅菠蘿油、蛋撻、雞批、凍奶茶❤️⭐️ 佢哋嘅菠蘿油皮酥內軟 牛油融化咗之後更加滋味 菠蘿包金黃色酥皮夠厚又脆 最值得讚嘅係麵包唔似岀面嘅連鎖麵包店賣空心麵包 所以絕對係真材實料👍🏻⭐️ 金鳯嘅香滑奶茶係有自己獨特嘅味道 用上玫瑰牌+立頓兩個品牌嘅紅茶葉沖成 奶茶入口順滑😋.⭐️ 豐富早餐B $40🍜 沙嗲鮮牛肉公仔麵🍳 奉送煎蛋一隻 🍞 菠蘿包 (加鮮油加$3)

<<九蚊個菠蘿油,夫復何求😍😍>>金鳳菠蘿油真係灣仔恩物❤❤ 絕對係良心小店!! 九蚊個新鮮熱辣辣菠蘿油，配童年回憶紅豆冰，simple is happiness 😋😋😋今時今日，金鳳甘出名，仲要喺灣仔，都淨係收你9蚊! 我真心覺得好抵!同埋佢人流多，啲菠蘿包睇住一盤盤新鮮滾熱辣咁出爐!! 佢個菠蘿包皮做得好香脆，好夠酥皮😋😋個包身又夠軟綿綿! 由於個包夠熱辣辣，舊牛油喺入面都唔洗搽就自己慢慢咁溶~化~啦.... 就係呢個magical moment💖💖💖，舊牛油自自然然咁同菠蘿包二合為一啦😍😍😍😍雖然要排一排隊，但其實好快就有得坐，今次仲好好彩係卡位~我本來以為金鳳甘忙，伙計可能會好似澳牛甘黑口黑1面🤣 但係我發現佢地原來鐵漢柔情架!!☺☺ 我地擰住把濕笠笠嘅遮行入去，見到金毛哥哥行緊嚟，以為佢一定會兇我哋整濕個地板，點知係我地勁驚嗰陣，原來佢係勁細心甘攞左個袋俾我地😍😍😍真係忍吳住佢講左句"好貼❤丫!!"驚喜真係一浪接一浪, 我哋一共食咗58蚊，但係身上淨係得兩張十蚊紙，其他全部都係碎銀，俾錢嗰陣要用兩隻手托住啲散紙埋單😅😅😅真係勁唔好意思😂😂😂但係

今天同同事去咗呢間冰室食午飯，本身佢地就話呢到係專係食常餐，好啦諗都唔諗就叫咗常餐。常餐50蚊，有一份火腿奄列，一個餐包，我就揀咗菠蘿包，加牛油要另外加錢，仲有一碗沙嗲牛肉麵，同一杯餐飲。火腿奄列，識我都知我係火腿奄列死忠。味道一流，唔洗講。但係菠蘿油就令我有少少失望。首先佢上枱時已經凍，你知，菠蘿油塊牛油係用菠蘿包既熱力整溶，等牛油香入哂個包到。但佢個包就凍既，唔洗講，到食完果下啲牛油都未溶。沙嗲牛麵就幾正幾惹味。餐飲我叫咗熱奶茶。冰室一係飲奶茶一係試佢杯凍檸茶。最後埋單50蚊，食飽飽繼續努力工作食下一餐！

假日同屋企人行完山，跟住行到落灣仔，大家個肚都有啲餓，所以就想去搵啲野醫下肚。大家都不約而同都唸起春園街既金鳳茶餐廳，佢除左食物出名好食，最重要係富有香港味同埋人情味。 去到金鳳，好多人都係度排緊隊，有啲人就索性外賣。不過外賣既隊都唔短，所以我地就決定係度等入去食。大概等左30分鐘就鍾意可以入到去食。入得金鳳，叫菠蘿油食係常識是吧。我另外再叫左一杯熱華田。 菠蘿油熱辣辣，個酥皮超香超脆，包內既牛油已經溶左一半，牛油味融入左個包。真係超級好味。熱華田就不過不失。

車婆婆同車公公呢個星期天要去飲，所以造就咗呢個拍拖日，當天瞓到夠皮便出灣仔嘆個下午茶做早餐之後便去找鴨王。聽聞金鳳的奶茶好有質素，尤其係無冰的凍奶茶更正，可惜吃罷才知道呢嘻嘻！營養快餐{沙嗲牛肉麵餐}$37，那沙嗲汁香到不行，我起勢咁偷車爸爸的麵吃，麵質亦淥得剛好唔會淋pat pat，充滿童年的味道。很久沒吃火腿意粉就要份{火腿意粉餐}$37，火腿份量慷慨，可惜意粉偏淋，湯亦沒沙嗲牛咁惹味，但清清哋也不錯！跟餐有牛油餐包，另可加$3轉菠蘿油，一於邪惡一番啦~菠蘿包質地鬆軟，面層菠蘿皮酥脆香甜不易散，夾上香而不羶的軟滑牛油，人間極品啊！比起金華的出品更討我歡心呢。凍檸茶+$2都清香好喝，整體表現上佳，吃罷時才見到新鮮出爐的菠蘿包和蛋撻勁想吃囉，即時約定車爸爸下次再來*^O^*

今日係灣仔上堂有個半鐘食飯，OPENRICE左附近既餐廳，見到呢間有過200個笑，去到仲有成條龍真係滿心期待。未入到去先睇定門口既餐牌入到去，坐既位好似去左幼稚園咁，一個位兩個人座，張枱細到放到嘢食又放唔到飲品都呆左，比澳牛仲要迫好多，租金係唔係咁貴呀，座底真係郁唔到，腳都唔知放邊。 但排左咁耐唔試好曬姐....叫左個最多人叫既營養快餐D，仲要菠蘿油菠蘿油，上得好快，特點係凍，包底無口咁，差過旺角間金X好多....人生食過最難食的火腿奄列，好大份，正常但無特色。沙爹牛肉公仔麵，個賣相真係好唔得，當然都唔好食，好咸，完全融入唔到個麵....更令人失望既係茶餐廳既奶茶唔好飲，茶膽好差，奶同茶比例完全錯曬呢間嘢真係揾唔到一個好既地方，係我食過最差既茶餐廳，服務當然係0

金鳳茶餐的確出色，沙爹牛肉麵味道濃郁多汁，麵不黏之餘還十分彈牙。最出色的莫過於菠蘿油，菠蘿皮之鬆脆，一試難忘。麵包的熱力將牛油融化，只咬一口便有鬆脆和香滑的感覺。還有凍奶茶也相當出色，餐廳將奶茶雪凍而不會加冰，故奶茶的味道不會被溝淡。奶和茶的比例還算可以接受，但這個不加冰的做法相當值得嘉許。

我住灣仔，金鳳同檀島兩間茶餐廳可以話係區內代表，可以話係景點級數。個人嚟講，我鍾意金鳳多啲。金鳳係出味長期排隊的，作為街坊，我當然係會響啲冇人排隊嘅時間幫襯，即係大約朝早11點半或之前。金鳳最出名係冇冰凍奶茶、菠蘿油同埋蛋撻，都值得食。不過其實佢啲餐都OK的，感覺上近年佢地個餐嘅火腿奄列大份咗，質素提高咗，值得為咗佢而叫午餐。至於服務，可能我去親都係非繁忙時間，所以招呼OK。其他排隊時間我唔知，所以講唔到。

同B君兩個去食個早餐，雖然係閒日，十點幾都仲係坐滿人。唔知係咪旅遊書推介，唔少幫襯嘅都係遊客。同好多舊式茶餐廳一樣，金鳳主打嘅係新鮮出爐嘅麵包同蛋撻。裡面地方細細座位唔多，有幾張圓台同幾張卡位。呢度嘅卡位窄嘅程度，係除左件外套都唔會有位擺。值得一提嘅係呢度嘅員工，大多數都係上左年紀，佢地間唔中會傾下計，搭下膊頭。一路食早餐一路睇住佢地互動，其實幾溫馨，幾窩心。至於食物方面，我同B君分別叫左個 “豐富早餐B” 同 “豐富早餐C”。呢度嘅早餐大大份，不過價錢都唔便。HK$31一個早餐，菠蘿油仲要額外加 HK$2。不過野食的確唔錯。沙爹牛用嘅係鮮牛肉，沙爹味濃，面唔會太淋，幾好味。菠蘿油雖然唔係新鮮出爐，送到黎已經得少少暖，不過仍然好脆！最滿意係杯奶茶，茶味濃郁，夠滑，不過奶稍微落重手左少少。不過個火腿奄列令我有少少失望。蛋太熟，凍凍地，好普通。總括黎講，金鳳係眾多舊式茶餐廳黎講表現唔算特出。不過勝在裝修同味道都保持住舊香港特色，唔怪得咁多遊客黎。

早上同老友行經灣仔,順便去試下期待已久的無冰涷奶茶叫左一個早餐C,有火腿奄列,菠蘿油,跟涷奶茶,另外散叫左個雞批火腿奄列好足料,蛋煎得幾滑,火腿份量多,食完已經6~7成飽菠蘿油未能趕及係出爐果下,所以上來果陣已經唔係好熱,食落味道ok,一大舊牛油咬落去都幾香雞批都唔係剛出爐,食落就冇乜特別感覺最後出場的就係今次去金鳳的目標 - 無冰涷奶茶茶味好夠,飲落無冰味的感覺真係正好多