What The Food Cafe (已結業)

呢間工廠小店開業時係區內風靡一時，一來野食好食，環境唔錯，價錢亦可接受，絕對區內數一數二既中高級dinning restaurants👍🏻今次黎同區內朋友亦都一樣，為左慶生食好少少就黎左呢間到食👍🏻位置黎講呢間野真係夠哂偏避同難搵，但場內依然會好full就知佢既吸引力幾大啦🤤講番野食，以我所知呢到食野都會送個人頭湯同包，（唔排除叫少d會冇）羅宋湯正常但個包熱辣辣咁好好食🤤好似仲要係黑糖包，正👍🏻小食叫左個雞翼拼盤，估唔到真係幾大份，入面有4隻味：芝麻（芝麻雞翼），芥末，玫瑰，辣醬，其實我本身以為係四種味道既雞翼，點知只係幾種醬已經有d失望，但估唔到個三隻醬食完係更加失望，黃芥末正常因為都係咁就買番黎一枝既黃芥末，玫瑰真係唔知做咩，根本就係玫瑰糖水黎，食落好甜融入唔到雞翼到，本身好港女既玫瑰雞翼依家炒哂車，之於個辣醬都平平無奇，唔係好想食既個種辣醬🤦🏻‍♂️本身都係純粹見有4隻味既雞翼好過癮好想試，但估唔到個落差咁大，所以真係頗為失望，不過都講番句雞翼就咁食都正常可以既講到呢度嘅王牌，就一定係由以前到而家都咁受歡迎嘅鰻魚蛋包飯，但係超級滑，鰻魚好彈牙，再加上飯底係全部沾滿左燒汁嘅飯，所以即

夜晚同老婆去睇戲，諗住睇之前食個早Dinner，上網搵到呢間cafe既鰻魚蛋包飯唔少人話好食。門前面條走廊已經好有特色，有唔少卡通公仔喺牆上面。新鮮麥包，個包仲熱辣辣，好軟熟。羅宋湯，唔會稀框框咁，味道好香好濃，而且辣辣地幾好飲。黑色狂牛，以前飲開黑牛都係可樂加朱古力雪糕，但呢杯狂牛就加埋咖啡做底，飲落都唔錯。WTF水果茶，個果汁底唔係好甜幾好飲，仲有唔少果肉，上面加左啲花聞落好清新。軟殼蟹Pizza，餅底好薄，邊脆內軟，而軟殼蟹炸到好香，少少腍好易咬。蒲燒鰻魚蛋包飯，黎既主要目的就係想食呢個飯。鰻魚唔算大塊，但啲肉就幾厚，而且用埋鰻魚汁燒更加香。滑蛋唔係全熟所以好嫩滑，好濃既蛋香味。而飯就係珍珠米用鰻魚汁炒，所以入味。

住係粉嶺好多年，知道係聯和墟有間開左好耐的工廠區Cafe⋯⋯ Daddy一直都好想去，襯住星期日無咩野做，就去左食個Early Dinner，順便係附近睇埋戲。一出電梯轉右就見到磚畫，指住餐廳的位置。餐廳行工業風，加上創意滿分的設計，非常有特色。我們叫了三份餐點，所以有三個羅宋湯。個湯好足料，而且茄味幾香，加埋微微辣的味道，所以非常惹味。去Cafe當然會叫特飲啦～ 媽咪的WTF水果茶非常大杯，而且唔算好甜，如果想係Cafe慢慢坐的話，建議叫呢杯哦～ 我自己就叫左一杯凍鮮奶拿鐵咖啡，咖啡味唔算特別濃，不過係炎熱的夏天，可以飲杯凍冰冰的咖啡真係透心涼。Daddy就大愛呢杯香濃朱古力沙冰！雖然朱古力味幾香，但又唔太甜，加埋滑滑的忌廉，應該會俘虜好多人的胃。媽媽近排開始食得愈來愈清淡，所以我們就叫了一份超級豐富的超級沙律。呢份沙律除了有沙律菜外，個有煙鴨胸、煙三文魚及燒牛肉。個沙律汁仲有得揀添～ 我們今次就揀左較開胃的黑醋汁。係沙律的三款配料中，我比較鍾意一口牛肉粒，佢煎得幾香，入面又Juicy。餐廳的招牌菜之一就係蒲燒鰻魚蛋包飯！係7分熟的蛋上，放上燒得香口的鰻魚及燒汁，整體份量仲唔少。蛋包

【What The…Food!?】粉嶺既工業大廈一間位置隱蔽但幾有名氣既工業Café👅▪️蒲燒鰻魚蛋包飯 86蛋既份量好多，估計用左3-4隻蛋👅雞蛋炒得半熟，入口超滑溜蓬鬆，係我食過最滑溜既滑蛋飯😍滑嘟嘟既雞蛋放上一大條鰻魚，鰻魚都幾厚身同超級入味，至於口感係雞蛋一樣走滑嫩style。蛋包飯淋上超多蒲燒醬汁，並灑上大量紫菜碎，進一步增添和風風味。值得一提係，裏面係用鰻魚汁炒成既飯，比起一般的白飯底來得有誠意。整個蛋包飯口感滑溜豐腴、醬汁澎湃，一啖食晒珍珠飯+蛋+鰻魚+醬汁，簡直係人生美味。要挑剔既話就係比較重口味。如非地理位置較遠，絕對想一個禮拜黎食一次！

What The Food Cafe突然好多人話好食，所以住係粉嶺既我當然會去試下！佢位於工業區內，外表睇落平平無奇，但當你步出電梯之後，你就會發現佢既裝飾都相當有特色！第一次黎既時候，已經被佢既「蒲燒鰻魚蛋包飯」吸引左，所以今次帶埋朋友黎encore！點左餐之後，店員會送上曖曖的餐包同羅宋湯，羅宋湯內的料相當豐富，有好多菜及肉碎，係屬於偏酸的羅宋湯，未必人人喜歡，小妹我個人就覺得非常口胃！「蒲燒鰻魚蛋包飯 ＝ ＄76」，唔需要＄80就可以食到非常高質的鰻魚蛋包飯，真係好吸引呀！！！呢個鰻魚蛋包飯內的鰻魚係用心煮過，相當入味之餘亦且非常大條（手掌咁大），絕不兒嬉！由圖片所見，滑蛋滿滿咁蓋住左飯，加上紫菜做裝飾，外表都已經非常吸引！蛋汁＋滿滿鰻魚汁的肥鰻魚肉＋一口飯，可以話係我近年食過最好食的鰻魚飯！可能因為太好食既關係，小妹希望飯量可以增多非常推薦比大家！

對於港島人嚟講，入上水粉嶺嘅次數分分鐘仲少過出國旅行(笑)。今次難得入到粉嶺，緊係叫地頭蟲朋友帶我去食下「隱世」特色野～Café 外走廊有唔少卡通磚牆畫，啱晒影相打卡。而Café裝修方面則以木餐桌配水泥牆，簡約得嚟又有特色。星期六午市時段都有9成full，餐牌上嘅選擇唔少，而價錢亦都唔貴。朋友大推「蒲燒鰻魚蛋包飯」，一於就試試佢!叫主食都會奉送餐湯同麵包，不過就冇得揀紅湯/白湯，今日供應清一色蕃茄湯。呢個湯真係誠意十足，超級濃! 飲得出佢用咗大量蕃茄蓉，濃稠到直頭可以用嚟撈飯XD 不過個人略嫌佢酸左少少。麵包上枱已經唔熱，而且比較乾、硬。白酒蒜香蜆肉忌廉意粉($66)蜆嘅數量都唔少，意粉帶微酒香同蒜味。每條意粉都掛晒汁，但唔算好creamy會食到好飽濟嗰種，所有嘢都係啱啱好，好味到要同朋友搶食～蒲燒鰻魚蛋包飯($76)基本上見到枱枱都有點，賣相好靚仔，份量大份，鰻魚亦算都厚身。鋪上面嘅炒蛋夠綿滑，再配埋鰻魚燒汁超級開胃！底嘅飯亦唔係白飯咁簡單，而係有醬汁嘅珍珠米，又係食到停唔到口，幾分鐘就清晒成碟～喺打緊呢篇review嘅同時，又好想再去食個蒲燒鰻魚蛋包飯T_T 實在太邪惡!有機會再去

舊區工廈終於有Cafe風格美食！已經第二次來光顧，之前吃過這裡的「蒲燒鰻魚蛋包飯」回味無窮，今晚特意帶媽媽來吃。鰻魚飯是媽媽的最愛，平常都只會在日式餐廳吃，今次帶媽媽到工廈區內吃，給媽媽帶來新鮮感。一出升降機，只要找到任電玩卡通牆，就會找到餐廳的位置。餐廳外的環境都是一般舊式工廈的模式，但就是因為有這個對比，更顯得餐廳格局有特式及悠閒感。原來6pm前入座可以免加一服務收費，今天剛好5:45pm入座，亦未有人流，不過食到7pm左右就已經坐滿，還以為這裡較偏遠，晚飯時間應不會很多人，但原來這家店都幾受歡迎喔。是日餐湯是蕃茄濃湯，超濃的蕃茄湯，吃得出份量十足的蕃茄蓉，可惜味道太酸。晚餐點了「蒲燒鰻蛋包飯」$76  一直人氣高企的鰻魚蛋包飯，第二次來吃，水準依然保持到。鰻魚肉肥美但不算大條，不過配滑蛋燒汁飯食已經很足夠。旋風滑蛋包著燒汁飯，每一粒飯粒都沾滿著燒汁，再配滑蛋一併吃特好味。紐西蘭肉眼扒 (配意粉) $108 我們點了7成熟牛扒，真的要給讚，生熟度剛剛好，除了時間火喉控制得很好，肉眼扒質素亦很好。想不到在這餐廳也能吃此水準。另一讚的是，配意粉竟然是雜菌忌廉意粉，味道相當好，意粉軟韌度

首次踏足粉嶺工廠區，竟然是為了這間隱世cafe的蒲燒鰻魚蛋包飯。撘左45分鐘車，到左粉嶺地鐵站，仲要攀山涉水，行多15分鐘先到cafe位於的工廠區，真係少啲恆心都唔得呀。餐廳位於工廠區1/F，係全層唯一一間餐廳，仲以為自己去錯地方，哈哈。本身好期待佢地嘅羅宋湯，得知今日只有白湯嘅時候，真係有少失望。點知原來佢地嘅忌廉粟米湯都同樣足料，忌廉湯偏甜，好濃郁，入面有粟米，洋蔥，夠晒足料。佢地嘅餐包係黑糖包，麵包烘得熱身，外脆內軟，黑糖味好香，令我諗起一間著名西餐廳嘅黑糖包，真係好好食好出色！小小嘅餐包已經見到小店嘅心思。蒲燒鰻魚蛋包飯($76)朝思暮想嘅鰻魚蛋包飯，賣相真係吸引到不得了，見到都流曬口水。滑蛋舖滿左成個大碟，份量十足，同時加左麻油，炒得夠曬滑嫩邪惡！蛋下面係充滿醬汁嘅珍珠米，份量同樣十足，主角鰻魚好厚身好肥美，燒得香甜，加埋紫菜同鰻魚汁，真係食到lamlam俐。紐西蘭肉眼扒配飯($108)本身以為小店嘅牛扒質素有限，點知食落都有驚喜，牛味濃郁，食落嫩口，配上帶有醬汁嘅日本珍珠米，不錯不錯。草莓千層酥配雪糕($40)女人食到幾飽都會有另一們個胃嘅，哈哈。草莓千層整得鬆脆，入面夾有

真係要多謝女朋友成日幫我手搵好野食，連今次咁偏僻的地方都俾佢搵到。星期日的工廠區四周圍都好靜，唯獨係呢度仲有唔少人氣。 餐廳名玩食字用左接近粗口，擺設都有唔少二次創作的元素，環境闊落。本來想叫佢「頹飯」入面果堆野食，因為平d，但係星期日唔供應，似係俾平日返工人士點的。 最後自己揀左蒲燒鰻魚蛋包飯，因為見多人揀。鰻魚有兩條。汁比較多同偏甜，蛋比較滑，似滑蛋飯多過蛋包飯，不過好味的。 女友要左份香煎帶子黑松露燉飯，帶子有三粒，都幾大下，係咬落有少少韌，似意大利飯，帶有好香的黑松露味。 最後叫左份「非工業用小食拼盤」，亦都係最gag果樣，因為佢真係用左工具箱黎上，入面裝左四款唔同的炸物：炸薯角、蝦、炸魷魚同炸芝麻雞翼，伴泰式辣醬。最好食就炸芝麻雞翼，因為上到黎係最熱，炸到唔太淋又唔太乾。蝦就唔算好大隻，炒到個穀好淋可以一齊食埋，椒鹽味好香。炸魷魚有少少失色，可能係炸得太多或者擺得耐左少少，外面果層炸皮幾硬下。 整體黎講野食水準ok，不過因為地方太遠要搵到呢間野都唔易。

走進粉嶺工業， 原來是十分清靜，而且幾乎了無人煙， 可以舒舒服服地、悠閒地吃過晚餐。坐完lift，正迷茫餐廳的方向時，只要跟著充滿電玩風的卡通走，就會指引你來到餐廳。餐廳內裏空間感大，有日光的時候還可以在大玻璃窗看到戶外綠油油的風景。 在這裏進餐，感覺特別寫意，完全沒有工廈的拘束感。青檸梳打、柚子梳打，味道很淡 、很遜色！是日例湯羅宋湯， 絕不馬虎，足料有水準。用中式蒸籠放著西式漢堡，賣相精美破格！ 漢堡份量十分足料，大大塊燒菠蘿燒得惹味又多汁。漢堡牛肉有驚喜， 喜歡漢堡冇筋且牛肉肉汁被鎖住，並不是又硬又實。 配菜薯角都冇得輸，令人食過返尋味！雖然鰻魚份量只有不足半條，但厚肉，食得出鰻魚質上盛，精髓更在於滑蛋做得相當出色， 滑溜混油蛋漿，在鰻魚及蛋上灑有少許燒汁，而飯底並不是一般的白飯，而是每一粒飯都充滿著燒汁，十分惹味，令人一試難忘。

朋友推薦粉嶺工廈有間餐廳的蒲燒鰻魚蛋包飯好食，平時係觀塘工廈食得多，今次一於試下朋友的推薦。餐廳唔近地鐵站，要行大約15-20分鐘左右，我地大約12點到，剛好未有太多人，但之後都坐滿人，如果星期六來食最好都係訂左位。入到去環境都闊落舒服，而且食物選擇都唔少。雜菜湯 - 其實即係羅宋湯，不過佢落胡椒粉都幾重手，有少少偏辣。但個芝麻餐包鬆軟好食。桂圓紅棗茶 - 加左$18，味道正常，但分量就少左D咁囉。蒲燒鰻魚蛋包飯 - 今日的主角終於登場，分量相當豐富，特別係紫菜同蛋都有唔少，而且蛋好滑，入口即溶，跟飯一流，鰻魚都係合理分量，只係個汁太多，影響左整體的質感，不過味道都係好食的。整體而言，餐廳食物質素唔錯，性價比都合理，只係位置有點不便，如果唔經附近真係唔會有機會來試。

粉嶺多利工廈1樓有一家復古咖啡廳，穿過七色工廈，就是為了來WTF吃至愛的鰻魚飯。工廈前有大馬路 後有單車徑和小樹林，附近人煙稀少，屬是半隱世。門外的瓷磚牆砌了一隻二隻小東西挺好辨認的。前菜的小麥芝麻包和羅宋湯比平日的菜館有驚喜，麥包烤焗香脆，芝麻味特岀；羅宋湯真材實料，每一口都嚐到番茄高麗菜胡蘿蔔。蒲燒鰻魚蛋包飯$76熱哄哄的食物最討喜，鰻魚一貫的好吃，加上他們自家製的醬料，會吃到麻油的香味，配合緊熟的炒滑蛋，蛋心還是流漿狀態，整個飯吃著就有滑嫩的感覺。蜜糖芥末醬燒豬肋骨配薯菜$76醬料之選：BBQ / 蜜糖芥末 / 咖哩配合：白米飯 / 意粉 / 薯菜芥末醬很有魔力，帶甜又帶辣，豬肋骨肉不多但肉嫩加分。山楂玫瑰茶（跟餐+$18）忘記了是啥（跟餐+$18）芝土煙肉蔥油卷$48喜歡蔥油味夠香口，芝士滿滿溢岀來吃完充滿能量。小店經食客吹捧，現在每逢假日都好多人慕名而來，所以前來最好先預約。.地址：粉嶺業豐街13號多利工業大廈1樓F室（）營業時間：星期二至日: 11:00am-10:00pm | 星期一休息電話：2677 1303

是日媽媽拋下我們跟她的friend子聚餐，淨下我爸、我跟兩個妹妹自行解決吃的問題，英明的老爸當然選擇帶著我們外出找好吃的～～最後決定來點新，試試在我們附近開業大半年，但我們反未到訪過的What The Food!!!地點雖然有點難找，儘管我這個粉嶺人都花了點點時間找路，因通過十字路口的隧道被草叢小樹擋著，較難見到，不然就像我們去程時那麼傻，走到遠遠油站那邊的馬路到對面工業村。晚上餐廳環境相對較暗，整體設計主要以水泥作基本裝潢物料，配上復古的掛畫和裝飾，而且餐廳滿滿卡通漫畫的藝術作品，更甚是醒目的白雪公主磚牆壁畫，帶點浪漫卻調皮的氣氛，完全是「打卡」之選！😆😆餐包及羅宋湯餐包微暖，食落不會死乾，反而濕潤鬆軟，正！😋羅宋湯需要大讚一下，蕃茄味濃郁，重點是用料十足，食到粒粒紅蘿蔔、薯仔、蔬菜粒，而且有大大粒牛肉塊，熬得香濃可口，令人開胃！泰式煙三文魚青蘋果沙津沙津菜新鮮爽口，青蘋果配上泰式沙津汁，酸甜的又帶微微辣，刺激一下味蕾，頗清新有趣蒲燒鰻魚蛋包飯鰻魚蛋包飯是這裡的成名菜，一定要點來試試～一上枱時，視覺效果十足，滑蛋鋪滿整個碟子，上面放了肥美的鰻魚，鰻魚汁更是如瀑布般優雅四散在滑蛋上，再

原本相約友人去上水某冰室，可惜遇上假期休息。於是立即快搜北區人氣食店。觀塘區工廈食店一般假日都會休息，想不到粉嶺這家工廈食店很勤勞地營業，好讓我們這些假日才有機會四周搵食的人，能夠試嚐。幸好先打電話去book位，否則遲一些就full house.附近有公眾停車場，當天假期，很多位⋯樓下的大廈入口很難想像藏了一間型格食店一出lift, 見到很有心思的「壁畫」下次如果訂座，我會指定窗邊位⋯ 窗外開揚景致，配上假日氣氛，絕對可以hea住食夠一個下午這個餐牌似乎不會常常轉⋯ 因爲跟其他食評者的內容都一樣⋯是日我們4大3小；共點了5個餐。首先出場的餐湯，很真材實料⋯ 超多渣好飽肚⋯ 我個人希望湯多一點⋯ 這個鰻魚蛋包飯，外觀非常日式洋食feel.... 味道 其實似蛋蓋飯多些⋯ 炒香的滑蛋，入口軟綿綿，配上鰻魚汁的飯；我2個囡爭住食這個是大蝦溫泉蛋卡邦尼意粉，也是very good 把溫泉蛋打散拌均整碟意粉，那種每根意粉都被濃濃醬汁包圍的感覺，不會太over, 超滿足。我女兒是芝士控，一個5歲小朋友都可以食哂成碟的份量⋯ 是似乎少左少少反倒我點的帶子黑松露意大利飯；除帶子外，令我感到很失望⋯ 沒

從不起眼的偏僻工廈有間精緻cafe。餐牌如下，小小廚房做到咁多款式。注意，有加一。鰻魚蛋包飯有誠意，大塊鰻魚大碟蛋。不過蛋炒得有d水，軟得濟。麻油好濃。白飯另外用鰻魚汁炒過，做得幾細緻。Beef willington形狀好似菠蘿包，酥皮好脆，涵好足料，有菌醬。不過就因為太脆，一切就皮肉分離。牛柳亦熟左d，well done，而且唔夠香，野菌醬味都唔夠出。配菜薯角好脆口，好過自己整同M記。沙律同醬汁有誠意。要重質不重量，食物可以更進一步，雖然會整Beef Willington既cafe唔多。另外餐具亦好影響餐桌體驗，WTF cafe用膠碟多，刀又唔夠利。不過環境裝修加分不少。下次會再黎，因為好多款未試，而且好多甜品好似好吸引。