1988 (已結業)

朋友B揀咗呢間餐廳替另一位朋友慶祝生日我哋book咗八點半仲諗住咁隔涉, 入面應該冇乜人, 點知全場爆滿我哋四個人order了7樣野青芒沙律 （$68）小食拼盤 （$76）蝦餅 x 2, 春卷 x 2, 雞棗 x 4魚露蒜子炒椰菜 （$78）鮮蝦炒金邊粉 （$88）泰式炒飯 （$88）泰式燒豬頸肉 （$56）蜜糖撻配新鮮西柚啫喱 （$38）本身對工廈區嘅泰國菜冇乜期望, 但結果食物質素令人感到驚喜 而且服務態度好好, 雖然我哋係全場最遲走但職員都態度友善我哋食到好飽, 每人都唔使$150總括而言, 呢間餐廳性價比高值得推介P.S. order一客甜品免切餅費

餐廳引入自然光, 感覺份外舒適。午市套餐包主菜和飲品, 價格合理, 可選擇加配小食和甜品。青咖喱雜菜配白飯 + 泰式奶茶 $68 - 優惠券 $6青咖喱汁充滿椰香, 辣辣地好惹味, 完全勾起食慾。白飯甚有咬口, 伴上青咖喱汁, 一碗似乎不夠。雜菜有南瓜, 泰國迷你圓茄, 西蘭花, 椰菜花, 豆角等。泰國迷你圓茄實淨, 南瓜煮得香口, 兩者不會煮得過軟。西蘭花及椰菜花為健康蔬菜, 配上爽口豆角, 令人回味。蜜糖撻配新鮮西柚啫喱 $15西柚啫喱的酸帶來清新感。蜜糖撻甜而不膩, 沾上蜜糖感覺甜蜜, 很想encore。

朋友生日🎂於是便在觀塘工廠區找到了一間環境不錯的泰國菜🍽 好鐘意餐廳會有幫客人在甜品上寫生日快樂的服務， 在電話預約時便可以落定order。特別推介海南雞🐔無骨有雞味 肉質嫩滑👍泰式生蝦肉質爽滑泰式醬汁好味沙爹4串(雞肉豬肉各2)肉質不算鬆軟但夠入味香葉肉碎飯跟在泰國吃的味道差不多 很有質素冬陰公不喜愛冬陰公有太多椰奶的我這裏的冬陰公很開胃一點也不膩炒泰國椰菜苗環境餐桌擺放漂亮每道菜味道也很好希望下次嚟可以試更多嘅菜式

好友轉了新工, 由返中環變了返觀塘, 的確有些不習慣, 但她最擔心並非工作, 亦非人事關係, 而是擔心不知去那裏開餐, 哈! 無疑她對觀塘這個地方不太熟悉, 但其實觀塘有咁多食肆, 要搵食一點也不困難, 只是她對食很有要求, 又要有特式, 又要好好味, 又要唔太貴, 仲要想吃泰菜…..於是就請我出手, 介紹好地方給她。其實我都較少在觀塘覓食, 不過不用擔心, 因為我有個好幫手, 搵食當然靠Openrice, 第一時間上去搜尋。在頭五甲位置有一間很特別的店名, “1988”既簡單又特別, 正正吸引了我。今次又潛入工業大廈, 一出升降機門, 轉個小彎便見到一塊大餐牌, 再轉左又見到兩塊大餐牌, 找到了! 都不難找, 但要細心看看。走進內裏, 以白色為主調, 幾塊落地紗幕, 裝潢純樸簡約。燈光柔和, 歌曲輕快, 設計簡簡單單, 感覺很舒服。餐店地方不多, 近廚房重地設有四至五張四人圓枱, 而泊牆和窗均設有一排長櫈配四人枱, 骨子企理。餐牌設計優雅, 翻開看看, 共有七大類, 分別有小食、沙律、湯、主菜、蔬菜、飯粉麵和飲品, 另外還有一份甜品menu, 選擇不算很多, 但正正有我們的心頭好。*

1988喺位於觀塘工廈入面新開嘅泰國菜傳來嘅口碑非常好所以急不及待去試口碑好所以平日嘅lunch hour令到就算開業不久都已經人氣旺盛 黎遲左就要等位店子座位唔算好多 二人大多要搭枱下午兩點左右黎到 都差唔多等左十分鐘先有位而lunch set係至到三點Lunch set $68起包一個主食同一杯飲品兩個人分別叫左· 青咖喱雞扒配白飯 + 青檸梳打· 烤雞青木瓜沙律配白飯 + 檸檬梳打青咖喱狀態偏流質不過味道幾好 辣辣地雞扒切成雞柳狀 不過D雞冇乜味烤雞青木瓜沙律都幾大份味道ok不過如果青木瓜沙律多D汁就好會更惹味檸檬梳打嘅檸檬偏酸青檸梳打比較上好飲D我地加左＄15 食甜品藍莓芝士餅同蜜糖撻配新鮮西柚啫喱甜品嘅賣相好藝術 present得幾靚不過份量偏小藍莓芝士餅嘅餅係碎晒餅碎藍莓醬偏濃 蓋過左芝士味不過舊芝士幾好味蜜糖撻雖然甜左dd不過我覺得好味 幾特別而且新鮮西柚啫喱好fresh好醒胃唔知係咪新營業所以lunch hour免收加一同埋每位減$8不過要睇下就係暫時佢出菜嘅速度都比較慢希望佢日後會改善下環境氣氛： ★★★☆☆食物質素： ★★★★☆服務態度： ★★★☆☆

呢間係一間非常隱蔽的泰菜餐廳，好在之前有喺觀塘返過吓工，所以難唔到我，可能對外來人路線會比較復雜。好少寫食評唔係寫主菜，不過我真心覺得甜品賣相味道價錢都比主菜出色所以我今次主要係想講吓佢嘅甜品，如果問我佢哋主菜評分我可以話平均嘅。好喇，直接跳入介紹甜品先。甜品總共有8款，每款都係$38咋。我三個人去食所以只係試到三款。我哋揀咗蜜糖撻配新鮮西柚啫喱，baileys mousse，英式伊頓蛋白餅覆盆子奶凍，淨係睇名都好想食喇一上枱就已經好似藝術品咁唔係好捨得食呀 蜜糖撻配新鮮西柚啫喱: 我地三個人一食個西柚啫喱都有好清新好好味嘅感覺，再配個蜜糖撻好醒神呀Baileys Mousse: 酒味好濃，個有烘烤過好香，再配香蕉簡直perfect呀英式伊頓蛋白餅(覆盆子奶凍): 呢個個蛋白餅有食硬身乳酪嘅感覺，再加覆盤子酸酸甜甜，味覺大享受如果要講甜品有咩唔好，可能就係我朋友話嘅咁細份食咗會好似無食咁，不過從來甜品都係味道同視覺嘅享受多於飽肚㗎啦

餐廳位置的確有小小隱蔽，但係搵到之後一入門口就好有驚喜！首先環境簡潔清靜，好舒服，完全同門外面觀塘工廈有種強烈對比。食物方面，呢間係一間泰式餐廳。一嚟就叫左我最愛嘅沙嗲雞肉串燒。一碟有四串，雞肉好嫩滑，其實就咁食已經好夠味。隔離嘅沙嗲醬簡直係畫龍點睛，醬係偏甜嗰種，食唔出係有啲咩材料做但真係好好味！一個人一碟都絕對冇問題！之後就叫左係呢度出名嘅海南雞飯，因為晚市冇1個飯咁叫，所以叫咗一碟半隻嘅海南雞，另加左呢一碗油飯。先講碗油飯，好夠味但唔會太過油，其實完全唔需要配任何餸，就咁食都已經好好味！重點海南雞，果然做得出色，啖啖肉一舊骨都冇，非常嫩，雞皮亦都好爽，冇肥膏，加埋海南雞必配嘅黑豉油同辣醬，正呀！之後要左一個都係泰菜必食嘅炒金邊粉，一嚟都嚇親我哋，唔單止隻碟大，啲粉既份量都好大。金邊粉既羅望子味加埋青檸汁，酸酸地好醒胃。而蝦既數量都好多，加埋蛋碎同豆干粒，好似喺泰國食咁！雖然真係好飽，但係見到甜品有咁多款，女仔始終都係會忍唔住叫翻個。揀咗好耐決定要一個冇禁漏嘅檸檬撻，相當有驚喜！檸檬餡嘅酸味啱啱好，撻皮好脆，撻面裝飾用嘅蛋白脆餅都唔hea，就咁食都好脆，又唔會太甜，真係好滿足！本身