Glasshouse Greenery (K11 Musea)

營業中

休息中

餐廳好大，有户外、室內位，室內都有唔同嘅區域，最右邊嘅區域有啲似酒吧設計，摩登啲，中間係模仿户外位嘅區域，光猛但會有人經過，最左就係玻璃屋設計，舒服。*蟹肉牛油果沙律 $168牛油果切成大塊，質地未算好腍，仲有粟米粒，多一層口感。蟹肉同牛油果撈埋一齊，份量少，而且有啲腥。法包烘到好脆但好乾，整體感覺一般般。秘制海南雞燴意大利飯 $168海南雞crossover意大利飯，雞胸肉冇骨又嫩滑，而且有雞肉味，唔洗點汁都好食。Risotto意大利飯好creamy，有雞油香味，仲唔會太油膩添。牛肝菌芝士意粉配馬德拉酒 $148大片半融芝士鋪面，仲有好多菇菇。意粉質地彈牙，白汁做底，奶香又有淡淡酒味，但醬汁略為杰，食到最後有啲張口。意式辣味香腸蘑菇薄餅 $158薄餅係薄脆底，係我最唔鍾意嘅style。表面有番茄醬、芝士、辣肉腸、蘑菇青椒。芝士、辣肉腸嘅份量頗多，所以有少少辣🤏🏻炸薯條配黑松露蛋黃醬 $48薯條炸到外脆內軟，外皮有啲薯仔碎碎，令薯條更加脆，入面依然軟綿。醬汁有好香好濃嘅黑松露蛋黃醬同埋普通番茄汁😂香蕉火焰焦糖燉蛋 $88淋上冧酒點火，好有gimmick，雖然唔係好影到相🙈香蕉片鋪滿表面

2/9/2021 星期四，知道今日放假，所以預先經 open rice 訂位，因為呢度好多時都滿座。戶外始終都係比較熱，所以我哋二人選擇坐室內，有冷氣，舒服啲！午餐有：蟹肉牛油果沙律，清爽美味，配以蒜蓉包，恰到好處！主菜有龍蝦肉意粉，微辣！本身不吃辣的我，都想嘗試一下可否接受「微辣」，不過，我都先將尖尖的紅椒撥開，盡量避免辣味！意粉夠彈口，配以龍蝦肉一齊食，正正！另一款主菜係 Deep Fried Dirty Duck with rice! 皮脆肉嫩，鴨肉加兩隻鴨脾，我都分咗一隻，美味😋飲品我哋都係偏愛茘枝玫瑰花茶及雲霧士多啤梨。呢兩款飲品之前都飲過，今次再重複飲，就知道係好嘢嚟啦！最後，梗係要有甜品啦，雲尼拿味梳乎厘，新鮮出爐，香噴噴，好圓滿呀！好好享受了一個放假心情嘅午餐😊

其實我真係好少俾負評，不過佢值得擁有。的確，呢間野網上嘅觀感喺環境靚，亦都係我當初揀佢既原因。可惜幫襯之後發現，完全唔係嗰回事。CP值低，服務更加差到值得俾一個負評。千祈咪比照片呃到！話說當日其實朋友同我dinner慶祝生日，晨早已經訂咗位，但係訂位期間其實冇問佢要室內定室外，不過都唔緊要。嚟到確認訂位之後唔知點解都仲要你企响門口等，即使無人排隊。佢鋪位嘅位置好大，除左中間嘅室外位置外，右邊個鋪位都係佢嘅。最後安排坐右舖一個完全冇景的室內位，都唔緊要，緊要嘅係：居然坐得不舒服！枱面位置比較少，仲要佢的座椅設計古怪，感覺張櫈分分鐘會反，朋友坐得非常不安心，需要不時調整坐姿。入座時才被告知限時90分鐘。菜式配搭比較古怪，有啲西式有啲泰式，講唔出佢係咩國家菜，咁我當喺多國菜啦，佢又好似樣樣都唔係好出色。想嗌一杯signature drink "Super Greenery"佢居然冇貨！失望！點菜期間個男侍應已經非常之寸同唔耐煩，雖然佢背得哂菜單號碼，但係個態度真係唔好，輕佻浮躁且高傲。朋友安排咗甜品寫字Happy birthday，個侍應俾左張紙佢寫字，然後明明表示ok咁收左張紙。最後上到嚟

難得限聚令放寬至六人（真好彩，相隔一個星期已變回四人限聚），立即約朋友出來飯聚慶祝生日。網上找找有什麼新開的餐廳，找到這間Glasshouse呢期好Hit !! 日日排長龍⋯⋯連打電話訂位都無人得閒接聽，我都打幾次先有人聽電話！我預早兩星期打位，時間只可選6:00pm or 7:45pm, 用餐時間90分鐘⋯⋯果然，7:30pm 來到Glasshouse, 已經大排長龍，幸好早已訂位打開Menu, 竟然我前幾天在銅鑼灣時代廣場食通天的「Greenhouse」是一樣的，原來係同一個集團訂位時要求近窗口嘅位置，但最後安排了室外嘅位置，今天的天氣很好、很涼爽、唔熱有少少微風，加上室外亦有禁煙，坐在這裏跟朋友飲幾杯真的很有氣氛，正！大家咁耐無見，先來幾杯飲品「乾杯」先！！～～～我選了一杯「荔枝玫瑰花冰茶」我很喜歡這飲品，淡淡的荔枝同玫瑰花味很夾，不太甜，飲了很舒服，很清新朋友點了「檸檬薑茶」這個很特別，可以冷熱兩飲，倒入茶壺下的茶杯再加入付上的蜜糖是一杯熱飲；倒入付有玫瑰冰塊的玻璃杯即成一杯凍飲另外有朋友點了「士多啤梨沙冰」再來前菜「牛油果蟹肉沙律」這個味道很好，牛油果同蟹肉味道好夾，牛油果味

我好鐘意去K11 Musea 因為泊車方便, 今日同屋企人慶祝生日食Lunch 都揀左呢個商場既餐廳 食過太古城個間唔錯 同埋尖沙咀呢間個落地玻璃好似幾靚 所以就想試下我早上11點就黎到 已經開始有條小隊 香港人都好早起身😂今日叫左4樣野食, 全部都唔錯特別係個酥炸富貴鴨配森巴醬伴飯 ($198)隻鴨炸得好香脆 個份量都幾多仲叫左個椰香青咖喱青口, 蜆($148) 個咖喱好香 如果有配埋飯就一流 d海鮮都係新鮮既 蜆肉多汁同埋香辣龍蝦意粉 ($198) 我好鐘意食意粉 呢個都無失望 好香 同埋d龍蝦肉都彈牙 但比起個富貴鴨 性價比就無咁高個蟹肉牛油果沙律 ($148)都唔錯 蟹肉都多 但份量細左d 不過呢餐飯有個小插曲 話說因為疫情 而家枱上都會有塊板隔住 點知塊板因為無痴住張枱 跌左落隔離枱既食客 諗住好心提下d職員怕會危險整到人 但佢地d態度就好差 希望可以改善下 見到佢地咁 都唔敢再問佢地有無得係甜品上寫happy birthday個d lu(應該會太麻煩佢地), 開開心心食埋餐飯算D野食係唔錯既 如果服務可以好d就好好啦!