金鶴拉麵 (蜆殼街)

營業中

休息中

是夜過到嚟炮台山攞番啲嘢，估口到又好順利，老婆上堂，得一支公，順利成章食埋先返屋企。晌周圍兜吓兜吓打個轉，見到「金鶴拉麵」，大概大半年前晌中環店試過，印象幾好，見其口碑一直都唔錯，故此就食碗拉麵先閃。餐廳位處蜆殼街，屬旺中帶靜嘅地段。而走進入內，對比起一般嘅拉麵店，裝修上明顯型格得嚟，甚有高級日本餐廳嘅感覺，柔和嘅燈光，舒適嘅空間，一大幅金碧輝煌嘅金鶴圖，突顯其高雅感。主餐牌印刷精美，黑底襯上食物圖片，夠格調，翻開內頁，有各款拉麵、沾麵嘅介紹、人氣嘅活燒蒲燒鰻魚飯，此外，仲有多款餐前 / 佐酒小食，招牌小食。尾嗰幾頁，就喺啲手工啤呀、清酒、吟釀……等等。另外，大概想吸引更多客人，加設咗串燒添，有近30款，睇落定價都OK，不過，翌日晚就約咗人食串燒，所以，今晚就無試住。仲有就喺，佢哋兼賣Bless嘅冷壓果汁，算做得幾成功嘅品牌，標榜100%天然，無人造色素，無化學成份。Bless雪梨汁 $28除咗拉麵，亦想試其炸雞，再加上近日天氣確喺有點乾燥，所以，倒不如揀支雪梨汁嚟潤吓。先小喝一口，陣陣清爽嘅感覺，雪梨味清甜天然，糖度亦嚟得自然，而且，有更微微果肉。日式唐揚炸雞 $38一客有3大件炸雞

屋企附近新開了拉麵店，雖然每朝都經過，但今次第一次食。一踏進拉麵店，彷彿進了隨意門去了日本般，裡面裝修好日本feel呢。剛坐下，店員遞上一杯熱騰騰的麥茶，好像去了日本的家庭般。這裡的招牌菜是極濃雞白湯拉麵，堪稱史上最濃，緊係要試。每一條的麵條都掛上奶白色的雞白湯，其濃度可以媲美忌廉湯，濃而不膩，叉燒好大塊，個樣好似火腿咁，兩片雞肉好彈牙。另外點了醬油拉麵，雖不是這裡的招牌菜，但毫不遜色。同樣有半個溏心蛋、兩塊滑嫩的雞肉及叉燒。醬油湯底較清，豉油的份量剛好，喝醬油湯時不會過鹹，我都差不多喝光了。其實還想試鰻魚飯，但再吃不下了，於是單點了一串蒲燒鰻魚串，滿足我那想吃鰻魚的胃。本來沒有抱著任何期待，當吃了一口後實在驚嘆，這是我吃過的鰻魚裡面最好吃的！鰻魚表面有一層薄薄的魚油，燒烤過的鰻魚，魚油溶化了，而鰻魚的表面有點燒焦了，魚油的香加上焦香，鰻魚脆脆的，加少許鰻魚汁，何其美味，這個價錢吃到這個質素的鰻魚，值了！香港人喜歡吃拉麵，所以在香港吃拉麵的選擇好多，感覺這拉麵店這裡將會成為我的新飯堂。

上一次喺佐敦嘅分店度食，應該係因為晚飯時間掛，好多人排隊～所以今次揀到蜆殼街分店，仲要下午茶時間比我同朋友靜靜地坐下來食拉麵🍜門面，遠望有啲似居酒屋🏮店內環境偏暗，可以選擇坐吧枱牆壁上印有鶴嘅壁畫，令客人感覺置身於日本既餐廳一樣枱同枱之間有足夠嘅空間，幾鬆動，坐得好舒服😌餐牌，以黑色底為主。雖然選擇唔算多，但係每個拉麵既賣相都好吸引！但係對我來講，最重要嘅係質素，好嘢係貴精不貴多既《芥辣八爪魚》最先到既係跟餐小食，有咬口嘅八爪魚加上爽口既唐芹，配搭、口感非常好👍🏻芥末味不重，適合稍為怕辣嘅人，都幾適合做前菜嫁！《醬油拉麵》佢哋拉麵，賣相又真係幾有睇頭。材料有豚肉、雞肉、溫泉蛋同紫菜。拉麵麵質偏硬，夾開中間嘅豚肉，先見到原來有木耳絲。木耳絲爽口，湯底唔算鹹，濃度適中。溫泉蛋嘅蛋黃啫喱狀，好軟身稍為用力啲夾都會斷開《極濃 · 雞白湯拉麵》啡色嘅應該係炸番薯🍠片。湯底乳白色，好濃好杰。食左半碗已經覺得好飽啦！食到尾嘅時候竟然有驚喜，因為炸番薯片浸得耐，味道融入雞白湯，令到碗湯多咗一種獨特嘅香味！下次再嚟就識食啦，要一早將番薯片浸落湯度雞肉十分軟身整體質素都不錯，下次再嚟過！