川府宴 (已結業)

友人很好, 知我喜歡去high tea, 故每逢長假期都會帶我去不同地方tea一tea, 聖誕假期去了淺水灣, 而今個復活節就去了尖沙咀, 仲要吃我最喜歡的抹茶。為了答謝她的悉心安排, 今晚輪到我請她吃飯作為答謝。知她一向喜歡吃川菜, 越麻越辣就越喜歡, 雖然我未必受得住, 但相信一定有所選擇, 不用擔心, 哈! 今晚又走到食肆雲集的登龍街, 還要上到25樓高層, 透過大型的半落地玻璃窗, 可看到夜景, 雖然我們到達的時間上早, 但食食下就有夜景啦!餐廳地方不算大, 只設有三張四至五人圓枱和五張四至六人方枱, 走入一點還有一間可容納十多人的獨立房, 地方雖小, 但環境舒適。內裏以紅色為主調, 掛了多個中國臉譜, 簡約平實, 但具代表性。餐簿的設計亦富中國色彩, 內裏設計簡簡單單, 但很清晰。分別有多款前菜、主菜、主食和數款特別推介。******************************等待上菜之際, 先吃贈送的餐前小吃醫醫肚, 不止花生咁簡單, 而是香辣芋片花生 ($0)。金黃的芋片 又薄又脆, 還有香脆的花生, 也沾上辣粉, 好滋味過癮 , 用來佐酒一流! 不過, 越吃越火辣,

由細到大都比爸爸訓練到食野好似無辣不歡咁，咁中意食辣野既我緊係超級中意食川菜啦！平時食川菜多數都會翻大陸食，因為香港比較少有真係好好食既川菜餐廳，不過，終於比我係香港搵到一間好正宗而且超級好食既川菜餐廳—川府宴！佢餐廳裝修都比較有京川味道，店內牆身掛住幾個臉譜～突顯到餐廳既風味首先講下細細碟既雞絲海蜇，唔好講笑雖然睇落好似好細碟，但其實食落份量都好多好似食極都仲有咁！我覺得D海蜇好爽口，好有口感配撘埋好滑既雞肉真係好好食 加上佢D芝麻都好香配埋個醬就一百分！跟住就要講下擔擔面，佢會擔擔面係涼拌個種~~配料夠多，出黎既味道比我想像中好食，覺得好特別！如果大食既朋友仔呢碟可以選擇同朋友一人一碟，唔洗爭哈哈！我最愛既川菜之一既酸辣土豆絲，一開始以為無咩特別啦，啊呢樣真係完全超乎我想像既咁好食，唔係講笑成碟差唔多比我清哂 忍唔住haha，食既時候同朋友都諗如果放假一邊煲劇一邊食應該好正haha佢唔算好酸不過就夠哂辣！真係超香口，佢D汁撈飯應該都會好好食重頭戲當然要講下佢既招版大大粒辣子雞，一黎到已經聞到超級香，都知道食落一定會好香口！一咬落去D雞肉好滑，而且炸到D雞油出黎真係好香好香！加上佢真

初春呢啲梅雨季節又濕又凍，身邊有唔少朋友同事都感冒。連自己都有少少中招嘅感覺，所以收工就聽朋友介紹過黎食下辣野驅下寒，學四川人咁增強體格。呢度環境格局都似樓上私房菜館咁，有少少隱秘又有少少熱鬧，充滿尋寶氣氛。餐牌選擇都好多，鐘意食辣嘅朋友一定揾到啱食嘅。今晚就同朋友揀左呢度嘅招牌之一紙包牛肉，再加兩三個配菜就已經好夠食了。咁正式開餐前當然要飲返碗湯先啦，圓肉瘦肉燉烏雞飲落清甜夠火候，仲有淡淡嘅杞子香。完全無落味精又無其他調味料，所以飲落啖啖都係材料原本嘅精華。雞絲海蜇涼浸浸又夠爽口，加上芝麻香口，味道算清淡食完都開胃啲。酸辣土豆絲，熟成度啱啱好薯絲仲保留爽脆口感。雖然落左乾辣椒去炒，但都唔太辣反而係椒香味好出，酸酸地增加口水分泌。黎到主角紙包牛肉出場了，店員一送上枱就幫我地將個牛肉包剪開，係打開嗰下花椒嘅辣香味一湧而上，未食都已經覺得夠晒驅寒。紙包牛肉超級有分量，乾辣椒同花椒粒滿瀉咁滯。牛肉藏於其中吸收晒所有味道同香氣，入口麻／香／辣俱全食得好過癮。牛肉因為走過油，所以仲保持嫩滑。因為用左大量辣椒做成所以一食嘅時候舌尖即刻感受到強勁嘅辛辣，慢慢再出現花椒嘅麻，最後咀嚼會食到孜然同滷香味

川菜是中國四大菜系之一，以麻、辣、鮮、香為特色，川菜的「七滋八味」中，麻辣最聞名於世，其實川菜並不只有高於一般人能接受程度的辛辣菜式，只是工人階級的移民先到深圳及香港，具濃厚的鄉土氣息農家川菜先流行，現在不少人開始富起來，新開的川菜館子開始走官家川菜路綫，香而不過辣，樸實清新，甚至精細別緻，月初到過尖沙咀的映水芙蓉，大開眼界；搬遷了的駿景軒依然高雅有實力；今晚我找到一家位於銅鑼灣食廈，名叫川府宴的，更是價錢親民，平實中見功夫，是家常便飯之好選擇！ 以紅與黑為主色調，四川面譜作為裝飾，店內別富巴蜀文化神秘詭異的氣氛。 位於商廈高層，並不走中高檔路線，$88 午餐，該區的合理價錢，而且仲送滋補燉湯，相信吸引附近白領麗人。 餐牌簡單易明，火鍋小菜兩大類別的選擇。 我們先吃三款爽口小吃，有辣有唔辣，好讓味蕾熱身。麻辣雞腎 急不及待先吃辣，但其實麻辣程度輕微，反而香氣十足，雞腎肉質結實爽口，白芝麻添口感，非常適合做佐酒小食，可惜今晚我們不飲酒。 冰菜沙律  胡麻醬汁調味的冰菜沙律，酸香爽脆，非常稱職的前菜，亦有助中和辣菜。 雞絲海蜇  海蜇、青瓜絲及白芝麻，爽口香辛的配搭，就是

去銅鑼灣就一定會去登龍街覓食。今日走去位於永光中心樓上25樓的一間川菜餐廳吃晚飯。原本以為格局會像一間酒樓，但原來環境舒適得很。雖然燈光較為昏暗，但又感覺幾有feel。今晚還有一大班10多人行的年輕人在這裏吃火鍋，的確是相聚的好餐廳。這裏感覺像私房菜，環境不算大，但是店員感覺親切，更有不少熟客來吃。來得這裏就一定是喜歡辣的人！我和媽媽也自稱「小辣椒」，當然就要叫它招牌的酸菜石斑魚！聽落都很惹味！前菜就點了雞絲海蜇和泡椒仙掌。泡椒仙掌＄58所謂仙掌其實就是無骨鳳爪。用上了泡椒腌製，酸酸甜甜，帶有微辣，感覺開胃。這個小菜吃得很過癮，因為鳳爪沒有骨，啖啖肉，而且帶有些幼筋，有口感，又有嚼勁。味道超級入味，鳳爪吸收了泡椒和醋的精華，令我和媽媽吃個不停。喜歡辣的朋友也不妨試吓泡椒，很惹味。雞絲海蜇 $58這個材料有雞絲，青瓜絲和海蜇，加上芝麻和香蔥，香氣十足。那個麻油和芝麻是畫龍點睛的地方，把整個香氣完全帶出。青瓜清爽，海蜇彈牙，雞絲嫩滑，三樣融為一體，口感十足，豐富味蕾。酸菜石斑魚＄358這個真的是必點的招牌菜！石斑魚新鮮，肉質嫩滑，入口順滑順口。魚皮爽彈，把酸菜的湯汁完全吸收，惹味非常。湯底

約了朋友飯敍，她選了在永光中心的這間四川餐廳，一心以為來食辣鍋的我，本想食火鍋，但又覺只得兩個人很難點菜，就決定食小菜。平時常在川菜館點水煮魚或辣子雞等食物今次都不敢點，因為見到很大碟，我們二人不想浪費食物就作罷。結果點了些看似廣東式的小菜。冰菜沙律：就是冰菜加芝麻醬，朋友喜歡冰菜淡淡的咸味和爽口的質感，我則喜愛加了麻醬之後，有點日式的感覺。因為朋友細食，我點了另一個前菜：雞絲海蜇，很好味，海蜇配合適量的青瓜和芝麻，而且有淡淡的辣味，我們笑說有辣味才算是川菜！肉類方面我們點了小米椒酸甜雞，看似生炒排骨的這道小菜極惹味，那些🌶️有劃龍點睛的作用！我們都食得辣，而且啖啖肉，覺得甜、酸、辣這個組合幾特別。因為我愛吃煎炸食物，朋友又不想食太多肉，就點了香酥珍珠蠔：估不到細細隻、平時主要出現在蠔仔餅或蠔仔粥的珍珠蠔原來有這種造法，上面加了點辣粉，炸漿薄薄的香口好味，蠔仔不腥，最神奇的是連墊底的炸芋頭絲都不油膩，很好味，已飽的我們食到清碟！這裡地方不大，但坐得舒服，而且樓面的阿姐細心服務，她見我們的茶已放涼，就帶一個大碗來，把凍了的茶倒了才為我們加添熱茶，這種服務態度十分抵讚！我們決定下次要約多些人

聽朋友介紹有間食四川菜唔錯見平時都好少機會食到四川菜, 就黎試下上到黎, 餐廳雖然唔係好大, 但感覺寧靜舒適, 對面望住Times Square一入黎, 已感受到侍應好有禮貌同笑容睇左餐牌後, 發覺好多野啱食, 價錢亦好合理原盅足料燉雞湯, 真係好足料, 有雞/杞籽/ 圓肉等, 湯頭濃又唔油膩, 飲完好滋潤泡椒仙掌, 即係鳳爪, 已經起哂骨, 清脆爽口味道唔算辣, 酸酸辣辣非常開胃生津雞絲海蜇, 佈滿芝麻香海蜇清凉爽口, 做涼菜最啱, 配合埋雞絲&青瓜, 好有口感擔擔麵, $35 大約係一人份量, 我地叫既時候以為係有湯個種, 原來呢到既擔擔麵係拌麵, 只有醬汁加肉碎拌勻黎食, 麻辣味較重, 非常惹味, 同食慣左既有湯擔擔麵相比, 另有一番風味爆寸香骨黎到時勁香, 勁有鍋氣, 聞到師傅既真功夫每件排骨都唔會炒到乾哂, 肉質軟腍, 仲幾juicy連蔥頭都好香甜老闆仲話師傅好有心機炒呢碟菜架大大粒辣子雞, 份量足, 菜名無改錯, 係大大粒辣子雞表面酥脆, 炸得乾身唔油膩, 一咬就咇出汁, 雞肉仲好嫩滑就算擺凍左, 都依然仲好脆口係我食過最好食既辣子雞食左咁多肉, 食返個手撕包心菜, 睇落雖