Barista by Givrés

營業中

休息中

位於中環蘇豪區的特色cafe，小店不太起眼，但人氣超高非常多遊客及本地客。主要提供輕西餐及甜品。部份菜式以玫瑰花做主題，造型非常吸引!! 🌹- Handcrafted Gelato Rose HK$65 🌹超可愛手工玫瑰義式雪糕!!每朵雪糕玫瑰都以人手逐瓣逐瓣加到雪糕筒上非常花心機。口味可選1-3款，愈多口味玫瑰愈大!!今次試左白桃及開心果!!- 白桃 🍑意想不到清新!!白桃果粒非常香甜，散發濃郁白桃香甜味。雪糕微黏偏向雪葩清爽口感，可以一試!!- 開心果 🟢開心果控必選!!濃郁奶香充滿開心果香氣，甜度剛剛好，超好食!!

又到左清假嘅季節，搵左日黎中環些利近街哩頭影壁畫，平日嘅下午人唔多行得好舒服，行行下見倒哩間主打食牛油果嘅Cafe，健康得黎仲present得好靚咁，就坐低食個brunch先再繼續影壁畫。作為一間Cafe，Barista以提供多士、牛角包哩類輕食輕食為主，當中大部份都加左牛油果喺入面。店面唔大，不過都幾relax嘅。Lavender Latte($45) - 咖啡present得好靚，除左有拉花杯邊仲有薰衣草，咖啡香得黎唔會太苦，就算平時唔太飲咖啡嘅我唔加糖都接受倒。就咁飲唔會飲倒薰衣草味，但飲埋薰衣草會聞倒好重嘅薰衣草香味。Everything Eggs Benny($138) - 哩個All Day Brunch有齊晒我想要嘅野，靚靚嘅牛油果花、半熟蛋同風乾火腿，一份有兩大份多士，一個人食都幾飽肚。牛油果砌到花形，除左靚之外，半融口感食落好潤滑，半熟蛋切開好流心，火腿唔會太鹹，火腿下面仲有菠菜，多士都烘得夠脆，食時可以蘸埋旁邊紅色嘅蛋黃醬，因為加左紅菜頭汁所以係紅色，聞落有好大陣香草味。Handcrafted Gelato Rose($50) - 除左牛油果，哩度嘅玫瑰雪糕都係靚到

📍 Barista by Givrés 小編前日去左中環覓食🙈 就比佢哋餐廳嘅toast吸引咗 入咗去食嗰lunch😛-Everything Toast $138嗰toast 有好靚嘅牛油果花花做裝飾😍仲有三文魚、cream cheese 係toast 上面~Toast 食落去外脆內軟🥰 食落去鹹鹹地 兩塊食完都幾飽肚🤭Lavender Latte $45薰衣草味嘅latte 小編第一次飲🤭 有靚靚嘅拉花🌟 飲落去咖啡味濃郁 Handcrafted Gelato Rose $50有好多唔同嘅口味選擇 小編就揀咗白桃味❤️玫瑰花形狀相信可以滿足好多少女心🥰 亦都好啱打卡😆食落去甜甜地 幾好味🤤-大家睇完我哋嘅食評之後 想試嘅話可以參考下面嘅地址😚👇🏻✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ★回頭率：★ ★ ★ ★ ☆抵食指數：★ ★ ★ . 5✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎想睇相關食物？！？😋可以參考🙊⇊ ⇊#loeyfoodies西式想睇相關地區？！？🤤可以參考🙊⇊ ⇊#loeyfoodies中環-地址：中環士丹頓街7號地舖- #西式 #中環 #健康食物 #中環

#EverythingEggsBenny HK$138朵牛油果玫瑰花花真係好吸引🌹，Benedict Egg流心效果做得好好🍳，Prosciutto Ham唔會太死鹹，中間夾咗少少菠菜幾好食，最抵讚係個酸種麵包好食又有嚼勁🥖，Sourdough萬歲！#LavenderColdBrew HK$50薰衣草味算係少見嘅咖啡口味🥃，淡雅薰衣草香中帶點咖啡苦澀，我個人係鐘意嘅！但我感覺唔鐘意花香味嘅朋友仔會有啲抗拒🌾#HandcraftedGelatoRose - Strawberry HK$50我相信唔會有女仔抗拒呢一朵玫瑰花🌹🍦！我個人覺得甜咗啲，但佢嘅靚係會令到再甜多10倍你都想食😋！如果男朋友喺呢頭收工，可以買一杯咁嘅雪糕俾女朋友，我100%肯定你會氹到佢好開心！📍Barista by Givrés中環士丹頓街7號地舖

最近中環有多個展覽，乘著近中秋節假期，不如清一清假期，到這邊打卡吃個CAFÉ。這間CAFÉ正正於大館的旁邊，店內座位不算多，以花朵形狀食物作為主打，充滿打卡感。Everything Eggs Benny - $138個人推薦必點含有牛油果的，會切成花朵形狀。牛油果好鮮美細膩綿軟，兩隻水煮蛋切開流出濃濃半熟的蛋黃汁，清嫩的菠菜充滿水份不苦澀，再墊著大片甘甜芳香的巴馬火腿，旁邊還有開心果杜卡醬汁，底部的多士正好吸收多餘的醬汁。Lavender Latte - $45薰衣草味是較為少見的口味，除了Latte本身那綿密滑順的牛奶和香濃的咖啡口感外，還渗透著淡雅的薰衣草香。Handcrafted Gelato Rose - $50最愛吃Gelato那綿密的口感，因空氣及脂肪較一般的少，質感較紮實，玫瑰花香濃郁。店員親手逐片花瓣砌成，精緻又立體。

🕰️用餐時間：08:30-09:00**方向指引💥😵‍💫作為一位零方向感的城市人，本人看著地圖繞了幾圈才找對地點，實在有必要跟大家説説如何以最快捷的方法到達咖啡店。咖啡店在士丹頓街7號(7 Stanley Street)，可以沿著中環至半山的登山電梯直上，直至盡頭(見到大館後向右轉、繼續上電梯)，也就是些利街(Shelly Street)，旁邊便是Barista by Givrés了。店內的食客比想像中多，主要是一些上班族 - expats尤甚。咖啡店面積不大，但勝在裝飾簡潔，予人舒適感。整體而言，伴碟裝飾很有心思，所以絕對打卡一流；上餐有序，不會太快而令食物質素下降。Lavender Latte ($45) 💜在上咖啡時，一拼提供袖珍水杯盛水，很是貼心。咖啡的薰衣草的味道不會過濃，根據個人喜好，咖啡面有細細的薰衣草乾供咀嚼以調整薰衣草的濃度。Everything Toast ($138) Smoked Salmon | Cream Cheese & Chives | Avocado | Beet Hummus & Pistachio Dukkah見到這美美的一碟時，下意識覺得有位燈髮碧

這間cafe留意已久，但遲遲找不到機會光顧，趁今日放假把握機會。午後，餐廳的客人陸續離開，最佳時間應該食下午3點至5點的時間。餐廳全白裝潢，木製桌椅，走小清新的風格。最吸引的莫過於櫥窗的雪糕，不同口味，有芒果、椰子、薰衣草、蜜桃等口味，味道也較特別。⭐️rose latte$45咖啡飲得多，玫瑰味咖啡第一次飲。飲落去有咖啡香氣，隱隱約約開始有玫瑰淡淡的香氣，咖啡的品質不錯，玫瑰只是陪襯。⭐️everything eggs benny$138這份餐非常豐富，有西班牙火腿、菠菜、牛油果、荷包蛋，最吸引是玫瑰花形狀的牛油果，還撒了開心果粒粒。不得不水果有西班牙火腿可以加分，加上一點鹹味，令整體更加美味。荷包蛋一戳下去緩緩流出蛋液，配搭麵包很正。⭐️ handcrafted gelato rose $50最後還有Strawberry雪糕，Strawberry有果醬，入口酸酸甜甜，正！

下午約了朋友在中環逛街，我尤其喜歡平日在中環半山腰閒逛，休閒自在的感覺，行人的步伐也不急促，一齊享受這下午的時光是最好不過。咖啡店位於半山腰，純白黑字的門口較低調。餐廳的位置不多，有數個靠窗的位置和幾張桌椅。這裡提供咖啡、輕食和甜品雪糕。⭐️lavender latte$45以隔熱玻璃杯呈現，咖啡上面有簡單拉花，點綴薰衣草。入口沒有咖啡的苦澀，香醇順口，夾著薰衣草的香氣，實在是不可多得。⭐️avocado toast w/poached eggs$95兩份牛油果吐司，配上兩顆荷包蛋，牛油果切成一片片，捲成兩朵玫瑰花，既有視覺的享受，又兼顧味蕾的快感。牛油果的質量不錯，入口軟滑無渣，熟成度剛好，配上半熟的荷包蛋，健康美味。⭐️handcrafted gelato rose$65最後來一份雙球雪糕，同樣帶來視覺的衝擊。我點了Levander和vanilla味，薰衣草配上奶白色的雲尼拿，薰衣草的味道十分突出，配上香滑的雲尼拿味，最佳配搭。

早排與朋友到蘇豪食飯時，無意間留意到呢一間咖啡店「Barista by Givrés」，之後再上網睇睇佢哋嘅風評，的確唔錯，尤其佢哋嘅開放式牛油果多士，賣相非常吸晴。趁今日公司飯唔喺好啱食，一支公過到嚟嘆番個午餐。 蘇豪呢區始終有少少隔涉，所以，就算午飯時間過到嚟，都唔會太多人，比起晌德輔道、皇后大道一帶，呢頭食嘢就悠閒、輕鬆得多。室外嘅壁畫成為打卡熱點，而室內就一室以白色為主調，襯以波燈，裝修簡潔明亮，不同嘅角落又擺放少少植物，讓人有種小清新嘅感覺。剛好，對住些利街挨窗嘅吧枱位仲有空櫈，揀坐晌度喺個人認為最心水吓位置，一來外面陽光燦爛，坐近窗可以舒舒服服享受日光浴，二來對住半山自動扶手電梯，望住上上落落嘅身影，自覺更悠閒，更要好好享受此時此刻。 一紙餐牌就顯示晒餐廳所賣嘅食物，輕食啲嘅如多士、牛角包或其他烘焙包點，大份量啲嘅有牛油果、水煮蛋……等食材配酸種多士，以及各款意大利麵。 咖啡亦喺店家嘅賣點，有多種特色咖啡供選擇，當然，唔少得各種口味嘅熱茶，甚至有埋沙冰、雞尾酒添。 此外，餐廳仲兼營零售咖啡豆，晌鋪內飲過覺得啱飲，又有興趣返屋企自己沖番杯，就不妨買番包豆返去試吓。 Every

中環小店特別多，平時鍾意影相嘅朋友仔就帶我去間好味又打卡嘅cafe。Barista by Givrés 位於Solo區，剛剛好喺電梯隔離，corner位好易搵。店內位置唔算多，不過氣氛好cozy，仲有窗邊位可以揀。Avocado Toast w/Dukkah $110將牛油果砌做花花造型，超少女。下面係Beet Hummus，自然嘅甜味，加上開心果同Dukkah增加口感，成份簡簡單單，食完成份都無負擔！Handcrafted Gelato Rose $65勁靚嘅玫瑰花造型嘅Gelato，可以揀兩個口味，開心果勁nutty；Rose Petals有清香玫瑰花味，一定要影完相先食！Rose Cold Brew $50又係好igable嘅飲品，Cold Brew啱曬夏玫飲。玫瑰花味較重，而咖啡味比較輕，鍾意玫瑰嘅朋友仔必點。Rose Latte $45Latte反而啡味重啲，奶香中滲透玫瑰香，每一啖都好少女！

每次坐完場電梯看見這間藝術風的cafe都很想去吃，這天上班前，終於都有時間💕Everything Eggs Benny $138這份牛油果多士比一般多士餐更豐富，上面除了有精心擺成花的牛油果外，還有parma ham、水波蛋、菠菜等等，吃完真的超級飽！粉紅saurce微酸，上面有芝麻和開心果碎，令醬汁味道更豐富又有強烈nutty香，點脆脆的酸中麵包，這個組合很調和。不過我覺得最加分是切開一秒爆醬的水波蛋和鹹香滿滿又豐腴的parma ham，和清新綿密的牛油果一起吃，無論口感或味道都得到高的滿足感。一般brunch都會用火箭菜做沙律，但這份夾上煮得腍的菠菜，讓菜的味道更滲透呢。 Lavender Latte $45店主推薦這款latte，平時我真的不太喜歡其他味道latte，因為很怕太甜，但薰衣草latte的糖漿是小店自製，比例上調整至低糖，所以甜度真的是怕甜得我也輕鬆駕馭，上面的薰衣草除了美觀外還讓我每喝一口都感受到清清花香，第一次來的話一定要試！Handcrafted Gelato Rose $65這裏每天都有5款雪芭和5款gelato口味選擇，平常我不太喜歡雪芭，但為了視覺效果我選

搭親行人扶手電梯都會見到呢間Cafe，但次次都無暇入去幫襯。適逢最近返工時間比較彈性，所以上晝返完工，下晝就嚟試下☺️。咖啡店最Eye-catching係佢幅壁畫同玫瑰造型雪糕🌹。除咗雪糕外，呢到其實仲有All Day Brunch食，主要係麵包類🍞同意粉🍝。我要咗Avocado Toast w/Dukkah($110)，造型超靚，望落有啲搞笑，因為花係綠色，葉就係紅色😂。牛油果份量超多，而且廚師勁好心機咁切片砌咗朵花出嚟，真係不得了。味道都唔錯，桃紅色嘅醬係紅菜頭鷹嘴豆泥(Beet Hummus)，夾埋牛油果🥑食都幾夾，而且仲有啲海鹽同開心果碎(Pistachio Dukkah)吊味。多士係用上Sourdough Bread，一啲都唔硬，有兩大塊，食完飽哂。不過我食唔慣全素，下次都係加煙三文魚先🙈。飲品我要咗Barista Signatures嘅Rose Latte☕️($50)，上面個拉花幾靚，有啲玫瑰花瓣碎點綴，飲落唔甜，都OK；不過我略嫌玫瑰味唔夠出🤔。題外話，餐廳幾好會放多杯水喺飲品旁邊俾客人。食完正餐，我就梗係要食埋甜品啦😋。我揀咗3 Flavours Handcrafted