きっとかつ Kitto Katsu

營業中

休息中

如果你鍾意日式豬扒或者咖哩飯，觀塘嘅「きっとかつ Kitto Katsu」真係一個唔錯嘅選擇！呢間餐廳隱身喺工廠大廈入面，環境雖然簡單，但勝在食物質素高，價錢合理，啱晒兩個人一齊慢慢享受。 輕型二人套餐（$239）我哋點咗輕型二人套餐，首先有兩款沙律，雜菜沙律同煙三文魚沙律（+$15），雜菜沙律清新爽口，配埋日式芝麻醬好開胃，而煙三文魚沙律嘅三文魚香濃，鹹香味道同菜葉好夾。是日餐湯係蕃茄忌廉湯，酸酸甜甜，質感滑溜，飲完暖笠笠。 主菜方面，千層吉列豚係必試之選，切開之後可以見到一層層豬肉疊起嚟，炸得金黃酥脆，豬肉仲保持嫩滑，唔會太乾。至於牛肉漢堡扒，肉質嫩而多汁，帶有少少焦香，簡單又好味。 主食就揀咗秘製咖哩湯烏冬同秘製日式咖哩飯。咖哩湯烏冬嘅湯底濃郁得嚟帶啲微辣，烏冬煙韌彈牙，十分惹味。而日式咖哩飯嘅咖哩汁香甜濃郁，黏度啱啱好，配埋白飯食到停唔到口。配菜嘅蘆筍炒雜菜算係清新解膩，啱晒食完炸物之後平衡返味蕾。 最後甜品係海鹽雪糕同紅桑子布朗尼，雪糕鹹中帶甜，口感順滑，而布朗尼有濃郁嘅朱古力味，再配埋紅桑子嘅微酸，絕對係完美收尾。飲品方面，熱檸茶同凍拿鐵咖啡質素都唔錯。 總括嚟講

今晚約左朋友係觀塘食飯，朋友介紹最新新開左一間主打吉列千層豚肉嘅日式食堂🐷見到店鋪採用嘅豚肉係來自北海道千歲地區，用含15%北海道大米嘅飼料養殖，令豬肉不帶豬膻味🐷輕型二人套餐 $239雜菜沙律． 蟹籽沙律+$10套餐本身有細沙律，加$10仲可以升級蟹籽/煙三文魚/牛油果大沙律，沙律菜新鮮新爽，落埋芝麻醬仲惹味是日餐湯餐湯係蜆肉薯仔湯，湯面仲擺左幾粒魚仔餅好可愛☺️千層吉列豚千層原來係指將豚肉片逐層逐層疊埋而成，呢個做法比起一般豬扒juicy同提升口感，而且炸得外脆內軟，咬開非常鬆化· 秘製日式咖哩飯 - 味道溫和，散發微微甘甜味，撈埋米飯食一流豚肉生薑燒豚肉份量幾多，脂肪分布平均，醬汁甜甜咸咸，加埋洋蔥一齊食仲惹味，微微薑味令豚肉更清爽又唔油膩· 鴻喜菇炊飯 - 炊飯充滿菇菌香氣，單單米飯已經食唔停口蘆筍炒雜菜食完熱氣野，食返個炒菜啱啱好，蘆筍清甜，正好一解油膩感Unbloodymary +$12健康版bloodymary，用紅蘿蔔、橙、蘋果、提子同梳打水調製而成夕焼け +$12特調珈琲espresso 配埋橙汁令味道除左有珈琲嘅甘香，仲有橙汁嘅酸酸甜甜，好開胃海鹽雪糕

見廣告介紹觀塘工廈中有一間食吉列千層豚肉嘅餐廳，睇相勁吸引，是晚就同朋友嚟試下。小店在成運工業大廈中，地點都唔難搵嘅。上到嚟餐廳光猛企理，感覺唔錯。店員好快送上水同qr code，可自行落單，亦有介紹今晚晚餐餐牌，佢話餐廳主打戶米豚，鍾意食豬肉嘅一定要試下。⭐餐湯落完單，好快就送上餐湯，是晚餐湯係蕃茄湯，個人覺得偏杰身咗少少。⭐千層吉列豚芝士流心版一心係嚟食千層豚肉，梗係試下佢哋嘅招牌千層吉列豚啦，揀咗有芝士流心版本，而呢款吉列豚除咗可以配烏冬、飯外，仲可以造成漢堡包，幾有創意呀😆千層吉列豚咬落香脆多肉汁，滿口嘅肉香帶甜味，漢堡包鬆軟，夾了生菜、蕃茄等正好去腻，而醬汁揀了牛油果醬完全冇稀場，勁多牛油果好開心呀。伴碟仲有炸薯條同沙律，大大份，好味又好飽肚🤤⭐一口翡翠千層吉列豚另一份都係叫咗千層吉列豚，不過呢款中間夾有翡翠苗，捲起再炸，賣上好吸引🤤肥美嘅豚肉片中間夾咗菜苗，香口又清新，真係好好食🤤另外主食揀咗秘製日式咖喱沾烏冬，烏冬彈牙，拌上咖哩醬就係美味。⭐炸洋蔥圈跟餐加小食有優惠價，叫了炸洋蔥圈，一客入面都幾多，炸物本身就冇得輸。⭐慢靈魂 & ⭐晚霞最後就係特飲啦～餐牌上五款特飲都好吸

觀塘好多工業大廈裏面都有一啲出色嘅餐廳，只要你肯在觀塘捐窿捐罅，總能找到性價比高的抵食小店。今日搵到一間食千層吉列豚嘅日式餐廳，實在令我大驚喜，因為發現佢啲豬扒，無論質素，煮法，都好過出邊好多大型嘅日式餐廳。餐廳位置位於成運工業大廈。 餐廳冇華麗嘅裝修，入到去，會見到牆壁有富士山大油畫，令我有啲震撼感，職員仲非常好友善。千層吉列豚漢堡包 (芝士流心)係舖頭嘅主打！製作過程一啲都唔馬虎，全自家製，每塊都有13至15層，指定用北海道千歲米豚，用梅頭肉位，一層肉，一層油，一層芝士，一層煙肉，係一層一層搭出嚟豬肉片，超驚喜！肉香及芝士鹹香，口感味道都豐富，鬆脆又多汁！日本北海道戶米豚 （吉列）配沾烏冬舖頭採用日本北海道戶米豚，厚切，豚香濃，豚肉只係簡單以鹽及胡椒調味，簡單醃過已經炸得好吃！咖哩也經過自己調配，不是傳統日式咖哩，加入了港式及馬拉咖喱風味，微甜帶辣，味道有層次！富士山泡沫梳打，加上海鹽奶泡，一啲都唔甜，塑造到一杯好清新嘅飲品！賣相仲好靚添！慢靈魂飲得Tiramisu，層次分明，奶蓋夠晒滑，口感豐富。飲品加甜品，一杯嘢兩個享受！

觀塘工廈出名臥虎藏龍同事今日放工帶我黎呢間Kitto Katsu食晚餐餐廳主打千歲う米豚簡單黎講就係日本豚肉單係呢點已經夠吸引我呢個觀塘打工仔來朝一朝聖餐廳以工業風簡單佈置好處是樓底甚高 而餐桌之間距離甚開方便同朋友傾計 岩晒我地 //千層吉列豚(芝士流心) X秘製咖哩湯烏冬 $150//重點是要試呢個!芝士流心的千層吉列豚是以千歲う米豚吉列炮製千歲う米豚含有15%北海道大米的飼料養殖幾乎沒有豬肉的異味肉質蓬鬆且甜 豚肉入口多汁而且嫩入面有流心芝士吉列炸得好酥脆又唔會太厚粉口感不會覺得油膩而且真係做到千層的口感豚肉，吉列，芝士清楚見到同食到個層次感 另外選配秘製咖哩沾烏冬手打烏冬入口口感煙韌微辛的咖哩同芝士加埋吉列豚加埋一齊呢個口感真係世一 //牛肉漢堡扒X秘製日式咖哩飯 $148//同事之前食過芝士吉列豚所以今次就試下呢個牛肉漢堡扒\估唔到牛肉都好出色大大塊的漢堡扒厚肉牛味超濃郁 配飯又是另一番風味咖哩少甜微辣令人開胃混埋飯一起吃先正連平時唔食飯既都可以KO整碟 //炸墨魚咀//呢個都幾出色香脆得來又Juicy 又有口感!感到油膩的時候用沙律醬食食下食下好快清空//緩久空氣//咖啡

觀塘好多餐廳，呢間係工廠大廈既餐廳主打吉列豬扒。我哋叫咗幾樣嘢食，首先係千層吉列豚，呢個好特別，佢地既豚肉排成一層層，炸得外脆內嫩，咬落去好有層次感，肉質都算Juicy，唔會乾。評分：👍🏻👍🏻👍🏻/5跟住係豬扒，佢會幫你切成一細嚿，容易食。評分：👍🏻👍🏻/5小食方面，我哋叫咗單骨雞翼同埋洋蔥圈。單骨雞翼炸得香脆，醃得入味，食落好方便。洋蔥圈外脆內軟，炸得啱啱好，要讚既係佢既炸漿唔會好厚，因為出面有時食既洋蔥圈成日都會同個炸漿分離。評分：👍🏻👍🏻👍🏻/5飲品方面，我哋試咗佢哋嘅Signature Drink - 晚霞，呢個係Espresso配上新鮮橙汁，味道好特別，咖啡嘅苦澀同橙汁嘅酸甜結合，飲落好清新。評分：👍🏻👍🏻👍🏻/5另外仲叫咗Espresso配柚子梳打，柚子嘅清香同咖啡嘅濃郁形成強烈對比，帶少少氣泡感。評分：👍🏻👍🏻👍🏻/5整體味道指數：😋😋/5性價比：💰💰/5環境：❤️❤️/5服務：✅✅/5

二訪觀塘隱世日式料理kitto Katsu，鐘意呢度食物製作用心，用料高質，加上價錢吾錯，值得推介午市套餐餐湯 新鮮蕃茄雜菜湯 味道濃郁，酸酸甜甜好醒胃小食脆香七味單骨雞翼 +$28微辣單骨雞翼，非常脆口蘆筍炒雜菜 +$28蘆筍炒雜菜有鑊氣，吾錯主食牛肉漢堡扒跟薯條 $98牛肉漢堡扒外層微微焦香，非常厚實，濃郁肉汁好滋味。薯條香脆內層綿密煎三文魚排配秘製日式咖喱飯 $88推介呢度嘅日式秘製咖喱飯，咖喱汁惹味，有薯仔、蘿蔔、洋蔥，配上日式珍珠米，好滿足，今次煮食揀咗三文魚扒，肉質幼嫩又健康飲品熱香滑奶茶、熱拿鐵咖啡奶茶，咖啡口感幼滑甜品海鹽雪糕 平時去日本都好鍾意食海鹽雪糕，呢杯海鹽雪糕好有日式風味

觀塘呢間日式餐廳主打千層豬豚肉同埋其他豚肉嘅主食，今次食過覺得質素唔錯，亦叫咗兩杯特色飲品，有驚喜。餐廳牆身有幅大大嘅富士山畫，今次用餐體驗唔錯，坐得舒服✅ 千層吉列豚 配 日式咖喱飯將豚肉片疊埋並卷至厚身形狀再去油炸，豚肉片鬆軟唔乾身，入邊有肉汁，非常好食，我女朋友都好鍾意✅ 照燒蘆筍豚肉卷配千層麵豚肉片捲着蘆筍，蘆筍清脆，加少少黑椒調味，我亦都推介✅ 富士山泡沫梳打，加上海鹽奶泡，入口少少鹹的味道，配上梳打好特別✅ 緩ウ空氣呢杯係Tiramisu，不過將佢變成飲品咁飲，口感綿滑，味道香濃

好食日式定食👍🏻咖喱汁烏冬好食，咖喱汁濃厚，配埋千層吉列豬扒好味，咖喱的香氣濃郁，讓人食欲大增。烏冬麵滑順且有嚼勁，與咖喱醬汁搭配非常和諧。推介觀塘午餐來食

番工同事係OpenRice 搵到呢間話想試下 就黎左食叫咗兩個set 唔算貴千層芝士流心吉列豚肉秘製咖喱湯烏冬緩々空氣蘆筍炒雜菜豚肉有層次感 原來中間仲夾咗一層煙肉 仲會食到芝士味用左偏幼嘅烏冬 口感唔錯 但湯底就唔係一般嘅日式咖哩湯 嘢飲有驚喜 有淡淡嘅tiramisu味 而且唔會太甜煎三文魚扒秘製日式咖喱飯炸物拼盤三文魚扒好大塊 煎到微微金黃 口感香脆咖哩汁比起傳統嘅日式甜咖哩 更加似椰汁偏重嘅咖哩味 都算容易配飯炸物正常發輝 配左4款唔同炸物 一次過滿足左4個願望整體食物同格局比較有家庭式嘅感覺 而且份量充足 同事們想食飽啲 都可以試吓🤣

觀塘日本菜二人埋單只需$269飽到捧住個肚走，唔怪得隱身系工廈入面都坐到爆曬棚🤫最基本既輕型二人套餐低至$239！🌸輕型二人套餐🫕是日餐湯x2餐湯系番茄湯，加左忌廉cremy得黎帶微酸好開胃🥗沙律x2醬汁就落左枱邊既日式芝麻醬，其中一個加錢upgrade左煙三文魚沙律😎輕鬆試到兩款唔同既沙律。🍲角煮大根腩肉｜大根夠淋夠清甜，完全冇渣。腩肉一睇就知有幾邪惡，肥肉入口即溶。🍤千層吉列豚🍛秘製咖喱湯烏冬｜烏冬彈牙掛汁🍚鴻喜菇炊飯｜珍珠米粒粒分明，入面除左鴻喜菇，仲加左煙肉粒提升香氣🐙炸墨魚嘴｜香脆多汁，最加分系枱邊有他他醬任唧😍🍨海鹽雪糕🍫紅桑子布朗尼套餐配埋甜品只能說：完成度太高了吧。海鹽雪糕仲系富士山配色，雪糕+布朗一定系最強組合。🍹凍燕麥奶朱古力咖啡🍹UnbloodymaryUnbloodymary有驚喜！入面有紅蘿蔔、橙、蘋果、提子汁、梳打水，見到紅蘿蔔我系抱住試伏既心態叫呢杯野飲，點知令人驚喜，最主要飲到既系提子味，簡單直接黎講佢就似一杯低糖既提子梳打但又會飲到少少其他蔬果既味，成件事好fresh。

隱藏在觀塘工廈裡的【きっとかつ Kitto Katsu】，推開門的瞬間，彷彿走進了另一個世界。簡約的木系裝潢，搭配柔和的燈光，營造出舒適放鬆的氛圍。最吸睛的莫過於牆上那幅巨大的富士山壁畫，藍白相間的色調讓人彷彿置身於日本，瞬間忘卻了工廈的繁忙與喧囂。這次品嚐的是「輕型二人套餐」，份量適中，適合想淺嚐多款菜式的食客。⭐️是日餐湯：煙肉忌廉湯⭐️  濃郁的忌廉湯底，搭配煙肉的鹹香，口感順滑，層次豐富，每一口都充滿了溫暖的幸福感。⭐️雜菜沙律⭐️  新鮮爽脆的蔬菜搭配日式胡麻醬，清新解膩。⭐️牛肉漢堡排⭐️  漢堡排外層微焦，內裡多汁，肉香濃郁，搭配秘製日式咖哩飯，濃厚的咖哩香氣與漢堡排的肉汁完美融合，令人回味無窮。⭐️千層吉列豚⭐️  外層酥脆的吉列外衣，包裹著層層疊疊的薄豚肉，口感豐富，肉質嫩滑，蘸上咖哩汁更是錦上添花。⭐️秘製咖哩湯烏冬⭐️  烏冬彈牙有嚼勁，咖哩湯底濃郁香醇，帶有微微的辛辣，令人食慾大增。⭐️炸墨魚咀⭐️  外脆內嫩，墨魚咀鮮味十足，蘸上沙律醬，更添風味。⭐️富士山⭐️  這杯飲品不僅造型吸睛，味道也十分獨特。泡沫梳打搭配海鹽奶泡，鹹甜交織，清爽解膩，底部的藍色糖漿更讓人聯想到富士山的雪景，視覺

🔸輕型二人套餐今日收工同老公撐枱腳，又發掘咗一間工廈小店，係和洋風fusion菜嘅餐廳，環境好溫馨～叫咗二人餐：是日餐湯係甘筍忌廉湯，好杰身，滿滿打碎咗嘅材料，有甘筍、煙肉等，好足料。沙律揀咗牛油果同三文魚兩款，蔬菜都好新鮮，擺盤仲好靚𠻹！小食就揀咗炸物拼盤，有齊薯條、雞軟骨、墨魚咀、洋蔥圈，同埋炸雞，開心share就啱晒喇～主食揀咗signature嘅千層吉列豚，上枱超厚切，切開十分脆，裡面係一片片豚肉卷成嘅肉扒，調味食到淡淡嘅黑椒香，配埋咖喱飯超下飯。另一味揀咗豚肉生薑燒，係好家常嘅日式料理，調味恰到好處，好有家的味道。最後叫埋兩杯特調飲品，夕燒係新鮮橙汁配上espresso，攪拌嘅時候就見到橙嘅渣，真係好fresh喎！另一杯叫咗緩々空氣，係Tiramisu配咖啡，好似飲緊甜品咁，超好味啊！

觀塘工廈入面嘅隱細日式餐廳，主打千層吉列豚，一入到去就俾佢幅富士山畫吸引住，一直播住日文歌，staff都好熱情有禮貌雖然佢出名千層吉列豚就梗係要試吓啦，好得意，佢哋揀完個煮食之後再揀主菜，可以配咖喱飯、咖喱湯意粉、咖喱天使麵，仲可以配burger，竟然仲可以走澱粉多菜，都好多選擇千層吉列豚配秘製日式咖喱飯 $118飲品: 凍奶茶老實講千層吉列豚都係第一次食，外皮炸得好脆，但隔油有格得幾好，完全唔會覺得好肥膩，入面係一層層嘅豚肉片，仲有肉汁，又真係幾好食喎咖喱飯都唔馬虎㗎，入面都有紅蘿蔔同埋薯仔，味道唔錯芝士流心千層吉列豚配漢堡包 $138飲品: 富士山+$12呢樣非常之impressed，嚟到已經非常震撼眼球，超級巨型嘅burger，醬汁有多款選擇，我哋揀咗牛油果醬，其實係牛油果蓉，係食得出一粒粒嘅牛油果，層次非常之豐富，味道亦都好好，千層吉列團有芝心，可以輕微拉絲，我會為咗呢一個burger再嚟食飲品又係打卡之選，顧名思義用咗富士山嘅藍色同埋白色，除咗靚之餘仲好味添，去泡沫梳打加海鹽奶泡，可愛而家又好fresh套餐追加炸物拼盤 $48套餐可以以優惠價加配小食，我哋樣樣都想食，所以揀咗

新年期間吃了多餐盤菜和中餐，今晚出觀塘吃吃其他菜式。喜歡探索小店的朋友，看到這店的廣告，便想去試試。這店的晚市套餐包餐湯、主菜、飲品，也可以優惠價叫些小食或甜品。千層吉列豚 （晚市套餐$118）這個吉列豚外皮十分香脆，用刀切下時發出卜卜的響聲。香脆的外皮包着一層又一層的豚肉，很有層次感。套餐還有天使麵配咖哩汁，配合得很好。照燒蘆筍豚肉卷配天使麵 （晚市套餐$108）薄豚肉外層有點碳燒味的脆口，豚肉保持肉汁和嫩嫩的肉質，加上黑椒調味，味道可口，配搭蘆筍，更加健康。蘆筍肉卷包得很好，不易散開。天使麵沾上少許的甜燒汁，也帶有淡淡的蒜香味洋溢出，令人胃口大增。秘製咖哩焗西蘭椰菜雙花（跟餐+$28）芝士厚香拉絲，咖哩汁香甜，微辣，鹹味適中，不會感覺太濃味或太膩，很配合西蘭花和椰菜花，美味、健康。蘆筍炒雜菜 （跟餐+$28）多款的雜菜與蘆筍一起炒，十分新鮮，也帶有蒜香味。海鹽雪糕（跟餐+28）這飯後甜品有冰涼雪山的快感，與海鹽味道配合得很好。忌廉蕃茄湯、是日水果、凍奶茶（跟餐免費)這店服務員很有禮。餐廳需收加一服務費。