一八六一廚房 (已結業)

一間隱世西式漢堡快餐店—— 一八六一廚房 ，位於開滿左唔同小型食肆既將軍澳寶琳市場，人頭湧湧🍴餐廳主打彩色漢堡，用左食用色素，創新做法增加左食用者既視角享受🌈 而且漢堡以健康為前提，採用韓國麵粉，無糖無豬油製作，口感外脆內軟，完全唔會油膩，配上自家製醬汁，味道配搭得相當唔錯！而漢堡餡料方面，魚柳、炸雞都炸得岩岩好，香脆可口亦保持肉質juicy! 而小食方面，特別推介芝士磨菇釀雞翼，咬落多汁啖啖芝士香，非常開胃😋 餐廳堂食位置唔多，主打外賣🥡 而食材即叫即整，新鮮熱辣，建議可以手機落單，唔洗等太耐，屬於一間對食材有講究、有熱誠既店舖👍🏻

今日又同表哥去食好嘢😋今次呢間店舖居然喺food court入邊,真係好隱世，入到去見間舖頭仔細細，但嘢食種類都幾多。先講隻蟹鉗炸得好鬆脆，一個字正☝️上面呢個餐叫做All day breakfast好多種類😋個沙律係新鮮嘅，啲蛋好滑，火腿都煎過好野味😋重點係個漢堡扒厚切，厚切，厚切，（重要嘅嘢要講三次）🤩🤩🤩厚切得來啲肉好嫩，好似有入口即溶嘅感覺，真係好好味再嚟重頭戲，上面呢個叫「星夢漢堡」睇個賣相已經非常吸引，見到都令人地好開心先講個雞扒一個字「大」，但大得來又好嫩滑，好脆，個包又好脆，再配合埋佢嘅秘製醬汁又酸又甜，加埋雞扒上面啲星星圖案真係錦上添花，呢個包我真係誠意推介俾大家👍🏻👍🏻👍🏻估唔到food court都有啲咁美味嘅美食，今次真係食得好開心，呢間餐廳我哋會再嚟食的

判斷一間食肆的好壞應該以食物的質素為主。說要支持小店，不是盲撐；激讚，是因為這間值得。🥢🥢剛到店就看到老闆的背影, 非常專注細心地用筷子擺放著牛肉，調整它的位置；是擺盤的姿勢。✓食物質素上乘🟢🟡🟣麵包內外都色彩夢幻，外層脆內層軟，上面更佈滿密密麻麻既芝麻，非常高質！老闆解釋這款麵包係純素，即係無落豬油同糖，用新鮮酵母同韓國麵粉製作。- 星夢漢堡，迷彩炸雞漢堡🌈🌟我覺得三個之中最好食的! 炸雞🍗外皮薄而酥脆，內裡既肉好嫩滑，好好味！同出面嘅炸雞好唔同,老闆無介紹錯！炸雞表面點綴著彩色星星，配襯粉紫色嘅麵包感覺好夢幻，充滿著少女心🟣- 招牌手打牛肉漢堡🍔🍔牛肉非常厚身juicy, 充滿濃郁嘅牛肉味，因為係手打，所以質感鬆化得黎又有口感。 以其他配料點鮮茄醬汁，真係滋味無窮！- 日式芝麻醬黑豚肉漢堡比麵包大得多既大大塊黑豚肉，啱曬食肉獸，呢個醬汁都好好味！我好中意三個麵包都有好大塊配菜，好健康🥬；仲有洋蔥🧅係有煮稔過種，平時出面好生果種我係唔食的。✓細緻位中見quality外賣的紙盒硬身實淨，唔怕疊起時會壓到burger 變形。外賣送上透明手套，外賣袋更印上店舖名稱。食物已屬性價比超高，上網

1861 Kitchen 🍔大家有冇去過寶林商場市場呢？其實今次都係我第一次去因為位置比較偏僻所以大多數都唔會經過☹️嗰度有好多小店，諗住下次會再試吓其他嘢食，今次就試咗1861 Kitchen🙆‍♂️（皇帝漢堡）至尊鵝肝手打漢堡：$128真心癲🤩漢堡嘅餡非常足同埋勁大份🥰佢地係用鵝肝煎得好香口，入口即溶🤤同埋因為係手打牛肉，所以肉質唔會好實，乾同埋鞋😆而家諗返起都流晒口水🤣（痴心漢堡）雙重芝士流心手打牛肉漢堡：$98依個都好有驚喜😻面頭有一層半溶芝士跟住牛肉仲要係流心嘅，咬咗一啖啲肉汁同埋芝士都爆曬出嚟🙈肥死啦🤦🏿‍♂️兩度都係跟餐，一個配薯蓉一個配薯條/蕃薯條同埋兩罐嘢飲。佢哋嘅薯條仲要係用氣炸鍋炸出嚟嘅感覺上比較健康😁依間真係好食值得encore✅同埋大家去到寶琳嘅話都可以去試一試🙌。。。。。。。。。。。。。。。。。。。。。。。餐廳：1861 KitchenOverall (Out of 5): 🔆🔆🔆🔆🔅地址：將軍澳寶琳北路18號寶林商場市場T-PL14號舖

今日去完西貢諗住出寶琳買袋 就見到呢間隱世漢堡好似好多好評 就黎試下😋✨招牌手打牛肉漢堡 $68➡️$48見佢價錢幾平但個包都唔細 舊手打牛都幾大舊 都香牛味 口感幾腍 超多蕃茄醬同埋係幾好味嘅👍薯條同蕃薯條我就覺得一般般 唔知係咪因為外賣焗左陣先食 搞到淋晒😢😢 同埋薯條我覺得冇乜調味又唔係話好有薯味🙈 蕃薯條就甜甜地總括黎講我覺得正正常常 可能因為外賣所以失色左啲 喺openrice 叫有特價 $48 都可以食下嘅 如果以原價食就要諗諗🙈味道❤️❤️❤️價錢❤️❤️❤️❤️服務 (外賣）環境 (外賣）💰晚餐人均～$25 (+其他外賣）

愈來愈多美食 隱藏喺 屋村市場，今次走佐去將軍澳寶琳商場寳琳市塲入面，一間只接受網上落單既小店，每個order 即叫即做，大約等15分鐘，最吸晴係佢五顏六色burger, 餡料有多款唔同選擇而且份量 唔少喔！💫（甜蜜漢堡）蜜糖蘋果手打牛肉漢堡 配 一口蝦多士 兩件 跟餐罐裝鳳梨烏龍茶漢堡好juicy, 蜜糖蘋果味道好夾，個包焗到有少少脆，蝦多士都有驚喜，多士非常香脆可口，𧎚膠彈牙，炸佐都仲有好濃蝦味，必食之選😋 💫（佛系漢堡）黑松露野菌漢堡 配特色薯餅 跟餐罐裝鳳梨烏龍茶朋友喜歡食素，揀佐呢個漢堡，野菌片唔厚但係好juicy, 份量都唔少，加上味濃黑松露喺面，成個漢堡滋味好多。特色薯餅都幾特別，脆粉裡面係咖喱薯蓉，味道不錯呢！鳳梨烏龍茶好少見到有，味道清香👍

疫情下減少堂食，已經吃厭了連鎖或大集團的餐廳，多了上網搵附近有什麼外賣，見到這個1234套餐幾抵，weekend 和家人的午餐有著落啦！😏1234，顧名思義，1款Pizza 2款Burger 3款小食 4款飲品：薄餅🍕揀的是超級夏威夷，個底唔會烤到好乾，醬料好足，加埋個蕃茄醬好惹味。漢堡🍔有好多款，揀咗招牌手打牛肉漢堡和星夢漢堡（迷彩炸雞漢堡）。手打牛肉漢堡果然是招牌，牛肉很多肉汁而且不生，肉質很厚，調味剛好。星夢漢堡的炸雞扒上鋪滿彩色星星，增加了吉列的口感更加脆口，既可打卡又可增加脆度，大小朋友都鍾意！竹炭包外脆內軟，與出面的麵包不同，拎到家中開餐時，兩個漢堡的包面🍞仍然挺身不會給盒內的濕氣或醬料整到淋晒，漢堡內的醬料不是普通的茄汁，吃得出是自家製，有很多新鮮蕃茄酸酸甜甜，非常開胃。🍅🍅🍅小食揀了一口蝦多士🍤（6件），一口芝士🧀（8粒），芝士蘑菇讓雞翼（四隻）。小食有誠意，鍾意是一口size，炸物炸到脆卜卜，雞翼仲要去骨，釀了芝士蘑菇，與雞翼好夾。飲品方面，除了罐裝汽水外，還可以選擇韓國或台灣的罐裝飲品👍🏻唔似其他薄餅店得汽水揀3-4人食得夠飽又好味，好適合開party/ 一家人/朋

朋友住左係將軍澳幾年，成日都會去探佢地～佢地話平時除左食d 連鎖食店，有時都會幫襯一d 小店，因為可以感受佢地既心思和對食品的創意。今次同朋友食寶林市集入面的一八六一廚房。這個市集跟傳統的街市不一樣，好有管理，好整潔。睇餐牌呢間一八六二係主打西餐，係有創意特色個類。因為疫情關係，都係揀外賣會安心d。老闆好有心機咁介紹佢的出品，最後因為同埋屋企人食，所以揀左個4人餐，有三款小食，兩個漢堡，一個pizza。外賣包得好穩陣，番到屋企放番出黎都仲好整齊，屋企人都覺得賣相好吸引。首先食左個小食，一口芝士。口感好正，外脆內軟，咬到第二口入面的芝士己溶滿左係個口度，好邪惡啊，忍唔住一開始已經食左兩粒。第二款小食是一口蝦多士，好喜歡呢個size的蝦多士很好，因為平時的蝦多士好大塊，成日食的時候會唔小心整親個口。個蝦多士好香又唔油。第三款小食是芝士磨菇雞翼，芝士味好濃，但可能咁樣令到磨菇味無咁出，但鐘意芝士的我表示喜歡。三個主食入面，我揀左食pizza 和 手打牛肉漢堡。Pizza 是我揀，所以揀左我最喜愛的夏威夷，分到六件，份量好夠。雖然揀左厚批但個pizza皮都仲係好鬆軟。招牌手打牛肉漢堡，漢堡好厚

今日去將軍澳探表弟，順手搵下有乜好嘢食啦😋😋，呢間位於寶琳街市嘅漢堡包店🍔，我眼前一亮。「一八六一廚房」鋪面細細但係佢啲食物一啲都唔惹少。叫咗一個all day breakfast同埋一個炸雞漢堡，都係特級好味。佢哋個包皮都係用呢個素食嘅包皮，食落去一啲都唔溜口👍🏻👍🏻，最重要佢個自選牛肉漢堡，嗰塊牛肉簡直係世間一絕😍😍，外脆內軟入口即溶，一個咁厚身嘅漢堡仲可以做到咁滑溜，從未食過咁好味🤤，值得一讚，不論口感同牛肉嘅juicy都我回味無窮🙈🙈。另外個炸雞漢堡更加值得一讚，呢個炸雞漢堡名叫「星夢漢堡」💖，店主特別推介，💯十級好食，賣相已經令你非常之開心，五顏六色嘅星星麵包糠✨✨，令賣相更上一層樓，最重要佢個醬汁係自家特製，酸酸甜甜簡直開正我嗰飯😋😋。大家都知道我鍾意食漢堡包，對漢堡嘅要求係好高。估唔到喺將軍澳竟食到一個令我驚豔嘅漢堡店舖仲有好多不同嘅漢堡包同小食可以選，擇下次一定要試下，呢間店一定會返食。咁好食嘅漢堡包喺本地好少有，所以一定會畀爆心心🥰🥰環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️💗抵食指數🤩：❤️❤️❤️❤️❤️💗回頭指數🤩：❤️❤️❤️❤️❤️💗

位於寶琳市場嘅平民漢堡店🍔佢地價錢親民 而且用料充滿誠意🤓外賣買黎食就perfect池喇~-🍔蜜糖蘋果手打牛肉漢堡 $88佢地嘅漢堡係素漢堡 無糖無豬油!我地揀咗新推出嘅蜜糖蘋果手打牛肉漢堡🍎麵包牛油味重 夾住超厚切嘅安格斯牛肉配料仲有蜜糖蘋果、紅洋蔥、蕃茄同生菜🍅加上燒烤汁 口感味道非常豐富😛值得一提係佢地用焦糖焗過個蘋果 所以超香甜!呢個價錢仲配埋薯條同野飲添🍟🤪-☀️1861 煙三文魚ADB $88除咗burger 佢地仲有all day breakfast~包含三文魚、美式腸、火腿、炒蛋、茄汁豆、薯餅、沙律同餐包我想講佢地個薯餅勁好味！！老闆話佢地嘅特色薯餅每次都唔同我今次係大大件嘅南瓜薯餅🎃一咬滿滿南瓜蓉 而且個皮粉唔會太厚 好味!而餐包係迷你漢堡包 勁cute🍔😆-如果大家有興趣嘅話記住提前上網落單!跟返取餐通知預時間去拎咁就大家都開心喇~

呢日黎到寶琳街市，見到呢間1861廚房既burger望落唔錯，於是就試試佢～聽老細介紹先知原來佢d麵包皮係用美國色素染包皮顏色變左橙色，有7種色，次次唔同～我地叫左個2人burger餐，用電話落單仲有9折，抵～Burger方面我地揀左一個招牌手打肉漢堡，一個日式芝麻醬黑豚肉漢堡，淨係睇個賣相已經勁吸引！ 兩款burger件肉食落仲超juicy, 成個包既肉同醬都好夾！小食方面我地叫左蝦多士，糯米釀雞翼，同埋黑松露薯條，蝦多士一啖一件，超脆超好味，食到好香嘅蝦肉味！糯米釀雞翼就夠晒多餡！一d都唔姑寒！黑松露薯條就超香黑松露味，薯條份量有多基本上食完呢個2人餐兩個人都一定飽到上心口！唔係咁大食嘅三個人share都得！已經要諗定下次食乜！

#HKFH西式介紹一八六一廚房地址：將軍澳寶琳北路18號寶林商場市場T-PL14號舖.1.佛系漢堡（黑松露野菌漢堡）（$48）個漢堡包嘅皮顏色其實係隨機今次呢個係粉紅色💕好靚💓但因為外賣返到嚟其實已經凍咗啲🥲相信如果熱辣辣食會好食好多😭😋推薦指數 👍🏻👍🏻👍🏻人均消費: $50港幣整體推薦指數 👍🏻👍🏻👍🏻 （5👍🏻為最高）.此Page主要紀錄在香港吃的食物🍽任何類型及國家的食物都會嘗試😋如果有好介紹也歡迎留言/ DM🤩也歡迎其他地方的美食介紹🤤.#熊小館 #cafemed #新都城 #西式 #hkfoodie #吃貨日常 #hkeat #hkig #hkfood #hkgirl #美食 #美食打卡 #foodstagram #foodblogger #foodlover @1861kitchen #1861kitchen #hamburger #漢堡 #粉紅漢堡 #佛系漢堡 #黑松露野菌漢堡

前幾日入咗寶林揾朋友，晚黑想買外賣番屋企食，朋友就介紹左我黎寶林商場翻新過的街市場買，入到去新式嘅街，裝修似台灣室內夜市，各式各樣的美食！今日試咗間手工漢堡，join左佢哋嘅會員仲有9折，同埋50蚊coupon！朋友介紹話係健康漢堡，有七彩色的漢堡包，今次兩款包分別揀咗竹炭漢堡包和素漢堡包。漢堡包嘅顏色都非常靚，而且素漢堡包更加係冇用糖同埋油製作，健康得來賣相一百分💯漢堡即叫即做，堂食嘅話更加好食！黑松露野菌漢堡🍔黑松露淡淡的香味撲鼻而來，即叫即整令到口味更加新鮮同juicy，每口都滿滿的野菌，好滿足！雙重芝士流心手打漢堡🍔🍔好多的流心芝士係包住個牛肉漢堡扒，食落口好香濃的芝士味，但又唔會好鹹！跟餐配的薯條同埋薯容都好食，薯條係粗薯條，好香薯仔味，岩岩炸起食落熱辣辣！薯容亦好滑😆

之後好想試哩間，連續去咗三日冇開，最後開返即刻落單，老闆打嚟晏啲開，好禮貌是如有交帶，d 漢堡都ok。事隔一個月又去, 我同老闆講想要綠色嘅漢堡，佢耐心解釋麵包顏色冇得揀，但咁啱真係有綠色，非常好運

🐟 一八六一廚房 (將軍澳) 🐟-· 雙重芝士流心手打牛肉漢堡佢地面包嘅顏色好特別，原來全部都係自家製😱入邊塊牛肉都係自己做！唔怪得咁厚🤣芝士味濃郁但係唔溜♥️而且仲有好多配料🤣係一啖都咬唔晒嘅漢堡包我哋配左薯條🍟竟然係番薯條同薯條😱而家已經好少見♥️😚今日係紫菜味薯條😂佢話日日都唔同🤣好搞笑· 迷你麻辣雞腿漢堡我哋呢啲淑女💃🏻梗係食迷你包😚估唔到佢麻辣做得幾出色😂都真係好辣下🤣第一次食咁中式嘅漢堡包🤣估唔到又幾夾呢個我哋配咗薯餅🥰今日係咖喱薯餅😂都係果句佢話佢哋日日薯餅味唔同🤣🤣-Total: 158(2ppl)推介指數：8/10———————————————🔺 一八六一廚房 (將軍澳)🔺 將軍澳寶琳北路18號寶林商場市場T-PL14號舖-----------------------