一品滷水專門店

營業中

休息中

朋友係北角街坊，帶咗我嚟呢間”一品滷水”，話呢間好好味，所以我都買啲返屋企加餸先😋。滷水有好多選擇，除咗招牌滷水鵝、特大鵝翼之外，仲有鵝腸、滷水鴨、鴨舌、麻辣鵝紅...等。今次點咗滷蛋 ：好入味豬耳 ：煙韌好咬口豬大腸 ：好淋又係好入味 特大鵝腎 ：真係大大隻又爽口，呢幾樣都滷得好入味紅腸 ，屋企人好鍾意食，同埋滷水豆腐好嫩，大件夾抵食！本來想要埋豬腳仔，但係一早已經賣晒。如果喜歡豬腳仔嘅朋友仔就要早啲嚟啦。整盒裝得滿滿的，擺碟時一隻碟都唔夠擺。有跟埋滷水汁、醋、蔥油及鹹酸菜作調味。真係好送飯。

今日去北角經過一品滷水專門店，見到店前廣告牌寫滷水鵝有優惠，只係100蚊一斤，還有滷水豆腐送，真係好抵，一於買啲返屋企做餸。招牌滷水鵝：滷水鵝肉質肥瘦適中，鵝肉嫩滑，滷水汁鹹味恰到好處，亦充滿油香，味道香甜，點些特製嘅蒜蓉醋食，可令味道提升。滷水豆腐又香又滑。滷水特大鵝翼大隻有咬口，食落充滿滷水香味，送酒一流。滷水豬耳：豬耳口感又韌又脆，味道鮮香不膩，且富含膠質。滷水雞蛋、紅腸滷得入味，做小食真係食唔停口！

📍北角 一品呢間燒味店成日行過我都會睇吓有咩優惠，今日佢買一斤燒鵝又有折扣，所以就打算加了返屋企食個靚晚。其實見到呢間燒味店除咗燒味之外，仲有好多配菜買，其實都好吸引，而且價錢都唔貴。店員非常有禮貌，會笑笑口去問客人要啲乜嘢，而且好快就已經出錯，基本上唔使等好耐，今次用咗$100去買咗一斤燒鵝，肉質好嫩滑，唔會過硬，而且佢嘅醬汁加埋味道非常香，每一次食都有驚喜🙂‍↕️，住北角附近嘅朋友，如果想買滷味，都幾推介呢一間。

本人特別鍾意食滷水食物，包括雞髀雞翼、豬大腸、滷水蛋等等，滷水嘅精髓在於滷水汁要夠香濃，食物要煮得夠入味。嚟到北角就去呢間一品滷水專門店，雖然佢舖頭細細，但對正英皇道非常容易搵。門口嘅收銀姐姐態度好親切。睇住個餐牌有太多選擇，諗咗一陣我揀咗滷水豬大腸、紅腸、雞蛋、鵝肝同鵝翼，廚師老闆好好人，話送多幾嚿豆腐俾我食，我梗係即刻講多謝啦，成個餐盒放到滿晒都係$100左右，非常抵食！可能係做開街坊生意，老闆同啲客人都好熟絡，記得晒啲熟客食咩，客人嚟到都好有親切感。講到食物，呢間嘅滷水汁真係非常香濃，未入到店已經聞到嗰陣好香嘅滷水味，而且不論豬大腸定係鵝肝都完全吸收晒啲滷水汁，一啖咬落去除咗食到本身嘅肉味之外，裏面嘅滷水汁滲出嚟，充滿個口腔，其實唔使點汁都好好味。我個人最欣賞佢嘅滷水蛋同紅腸，滷水蛋夠入味，紅腸夠爽口，食完一塊接一塊。鍾意食滷水嘅朋友，一定要你試一試！

今次黎到北角，二訪陳氏主理，三代傳承既潮式滷水店 一 一品滷水專門店 @ichiban_marinared_food今次就黎食佢既招牌 🤤🌟招牌滷水鵝 $126(斤)不負招牌之名，鵝肉肉質嫩滑飽滿，陳年滷水陳香醇厚，齒頰留香📍一品滷水專門店地址：北角英皇道301-319號麗宮大廈地下5號舖#北角 #一品 #滷水 #陳滷 #滷水蛋 #滷水鵝 #潮州滷 #留港消費 #支持小店 #滷水豆腐 #一品滷水 #覓食北角 #食在北角 #三代傳承 #潮州滷水 #招牌滷水鵝 #為食關注組 #北角食乜好 #香港美食地圖 #一品滷水專門店 #九十後行到邊食到邊#HKIG #HKIGER #HONGKONGFOODIE

呢間滷水鵝店，路過勁香滷水味😃，即刻買啲滷水野返屋企加餸‼️😆見佢門口寫住滷水鵝特價，$100/斤‼️即刻叫師傅幫我執左幾樣滷水😆加埋都係$110，就已經有兩大盒🫢🫢😃✨️滷水鵝🦆｜$100／斤見到好多街坊都黎買佢滷水鵝就知佢係出名啦👍滷水味好香😆，鵝肉都可以但最鐘意係食佢啲皮🤣好爽好滑嫩👍點埋啲醋仲可以解油膩添 ✨️鵝肝｜$25／1隻鵝肝粉嫩，入口濃郁🤤✨️滷水蛋｜$6滷得勁入味👍✨️鵝腸｜$60／4兩好爽而且夠入味😃我覺得最好佢係有埋飯盒食👍，一個人叫咁多又食唔晒，但一個飯盒一個人食一餐，咁就啱啱好❤️，仲要有9折添呀

最忙嘅時間，最好就係斬料返屋企食，食完攤下、休息下👋🏻😂但幾忙都會想擺靚佢，為忙碌生活增添一點樂趣️今次買位於北角嘅一品滷水專門店，款式多樣而且足料，店主好慷慨，斬咗好多比我，返到屋企拼落大碟度，🫶🏻🤣大滿足，感覺好抵。今次我哋食咗滷水鵝｜鵝肝｜炸豆腐｜滷水蛋｜紅腸，滷水濃度剛好，唔會太䶢👋🏻😂雖然唔算美味絕倫嗰種，但算係偷閒恩物✨。自製榨菜辣辣地幾惹味，遲啲可以去買樽，之後煲麵加嚟食🥰

北角人氣滷水店🙌🏻始於灣仔「潮洲滷」，開業至今三十逾年，由陳氏主理，歷經三代傳承，後遷址於北角並改名為 一品滷水專門店 。剛到店已經見到有人排隊買滷水，老闆好親切介紹左個滷水豬拼盤比我，真係包羅萬有咩都試哂🤤招牌豬手（燻蹄）豬手被滷得軟嫩入味，煙燻的香氣更是讓人難以抗拒。每一口都是膠原蛋白的滿足感，口感豐富且富有彈性。豬耳豬耳脆而不韌，滷製後的爽脆口感搭配濃厚的滷汁風味，一口咬下去，既有滿足的嚼勁，又能感受到獨特的香氣。豬大腸豬大腸被處理得非常乾淨，入口即化的口感令人驚艷。滷汁深深浸透其中，每一口都是極致的享受。鵝肝鵝肝嫩滑細膩，是整個拼盤的點睛之筆。滷汁的鹹香搭配鵝肝的柔滑，讓你在嘴裡品味到無與倫比的融合感。鵝臀鵝臀肉質豐滿，經過滷製後變得更加嫩滑。每口下去都有濃郁的油脂香味，讓人十分滿足。豆腐滷水豆腐吸足了湯汁的鮮美，一咬即破，內在的嫩滑細膩與外層的滷香形成鮮明對比，口感絕佳。紅腸紅腸帶有微微的煙燻風味，加上滷汁的浸透，口感醇厚而迷人，是盤中一顆鮮明的亮點。雞蛋滷水雞蛋看似普通，但內裡的鮮美卻不可小覷。滷汁的滲透讓蛋白和蛋黃都變得格外香濃。

👧🏻😋👅🍽✨高質滷水外賣店☺️-🙌🏻 放工時間好多人排隊買滷水加餸, 老闆親力親為斬料出單, 另有位姐姐負責落單同收錢🙌🏻 廚窗掛滿一隻隻肥鵝肥雞, 餐牌寫上不同限時優惠, 有滷水拼盤樣樣有d, 又有折扣沙薑雞, 乳鴿, 飯盒折後最平$36有交易仲送埋紙包飲品! -🐓 🍱 滷水豬拼盤 $148💯招牌豬手燻蹄當日賣晒用左半隻雞代替, 其實我更鐘意😆 肉好滑, 冇一件係柴, 油雞唔會太鹹💯豬耳鹹香爽口好送飯（同酒😂）; 豬大腸見師傅手起刀落刮腸刮到乾乾淨淨, 食落果然完全冇臭味, 只有大腸油香配滷水味💯鵝肝出色肥美又幼滑; 鵝腎爽脆💯紅腸豆腐雞蛋最愛又厚又滑既豆腐, 本身有滷水味, 而點其他醬汁味道就更豐富

今晚想喺屋企開紅酒，就出去買啲滷味返嚟餸酒。喺北角有間主力做外賣嘅滷水店”一品滷水專門店”。其實我本身好怕買滷水店嘅嘢食，一來花多眼亂，二來價錢好難預，逐樣買又驚買得太多…但”一品”就有提供兩種拼盤選擇 - 滷水豬拼盤 / 滷水鵝拼盤，都係百幾蚊就有，依家買仲有九折，最啱我呢啲懶得諗嘅人。今次買咗滷水鵝拼盤，打開盒相當驚人，我都數唔到有幾多樣嘢食😅，睇返Menu先知有 招牌滷水鵝、鵝肝、鵝腎、豬耳、豬大腸、墨魚、豆腐，紅腸、雞蛋，實在太誇張，而且都好啱餸酒。睇樣就知滷水鵝片好腍，好有鵝味，其他嘢食都有鮮味，特別係豆腐同雞蛋，其實滷水嘅質素點睇呢，睇呢兩樣本來冇乜味嘅嘢食就知了。呢度都keep住有人排隊，我都等咗幾個先買到。睇返原來佢啲飯盒都好平，下次預算少啲都可以試吓。

話說今日嚟到北角要上親戚屋企食飯，諗住買啲滷水返去加加送，之前上網見到人介紹呢間一品滷水店，抵食夾大件😋去到大概下午5:30左右，已經超級多人，好彩都未賣晒，不過就得番一隻半滷水鵝，幾驚買唔到😆價錢果然唔貴，係做街坊生意，仲有特價飯盒同埋拼盤等等都好抵食，下次再黎試埋佢嘅鴨舌，今日俾前面個客一次過買哂😮‍💨滷水鵝選用新鮮肥美的鵝肉,用秘制的滷汁慢慢滷制而成。滷汁中食得出包含多種中草藥材,有層次嘅味道😋滷水鵝翼鍾意"選"骨嘅朋友一定要嗌鵝翼，價錢都唔算太貴，而且份量大大隻，一隻鵝翼可以斬開四舊。滷水蛋滷水蛋，唔會過老，有蛋味，非常不錯，配埋佢本身有嘅醋就更加好食😋滷水豆腐叫滷水點可以唔叫豆腐底，豆腐$10一嚿，都幾入味👍👍

呢間滷水店前生係灣仔開業至今三十逾年「潮洲滷」，由陳氏主理，歷經三代傳承，後搬咗北角仲改名為 「一品滷水專門店 」潮州妹今晚想食潮州嘢，朋友就二話不說外賣來，真係唔話得！一煲靚滷味汁烹調多款滷味+酒飲，爽呀！而且價錢好抵～🥢招牌滷水鵝 $126/斤秤左半斤，色澤味道適中，油香鵝嫩唔會死實非常好鮮，墊底鹵水豆和雞蛋原舊豆腐墊底雞蛋一隻，+$配埋特大鵝腎和鵝肝都好入味有嚼勁，小食送酒不得了～🥢豬腳仔$30/隻豬腳充滿膠原，焦糖色澤，豬皮及膠質部分非常有彈性，滿滿一盒好滋味

今次陪媽咪去北角買餸，經過呢間人來人往嘅滷水專門店，即刻行過去八卦吓 🤣🤣🤣 人來人往嘅原因好簡單，好多款選擇，再望吓價錢牌一啲都唔貴 👍🏻👍🏻 老闆熱情好客，店入邊亦都好乾淨整齊企理！！ 諗都唔諗就即刻決定今晚加餸斬料！！ 同老闆傾開計，原來仲係良心小店，間唔中都會舉辦派發活動，值得支持👏🏻👏🏻👏🏻招牌滷水鵝 $126/斤 （而家有優惠，$100/斤）肥美啖啖肉，完全冇骨，正 🤤🤤 潮式滷水鵝嘅特色就係入味香濃，肉質細軟，而且仲要皮薄，而家買滷水鵝仲會送一件$10 嘅滷水豆腐，豆腐會幫你切件，方便容易夾，外皮炸到金黃色，豆腐鬆軟，有彈性，好食！滷水鵝肝 $（25/個）夾起嚟唔算好硬，滷水好入味 滷水蛋 （$6/個）雞蛋嘅外皮浸到變咗滷水嘅啡啡哋色，蛋香味濃，係每次食滷味必定要買嘅食物 🤣滷水豬耳 （20/隻，$50/3隻）彈牙而且好大份，又爽脆，非常入味店家仲會奉送特製嘅滷水汁同埋酸汁，又會跟埋自家製既菜脯！！ 菜脯味道香辣，新鮮爽脆，送飯簡直一流！！ 滷水係隨着時間越滷越香醇，而店舖使用嘅滷水已經係早傳三代，絕對係陳年秘方滷水！！📍北角英皇道307號地鋪

.突然間好想食滷水嘢😋，今晚又冇飯開😆所以去咗斬料👐🏻咁啱係北角附近搵到有間滷水專門店👐🏻估唔到有驚喜🤩真心推介好食👍🏻要比5🌟🌟🌟🌟🌟連我老公咁嘴刁都係咁讚好味👍🏻重要舖頭好乾淨又衛生！老闆又好Nice又貼心💓叫我記得唔好倒晒啲豉油落去🤣會好鹹👍🏻佢唔講我應該真係會到晒落去咁食😆而且價錢合理唔貴..嗌左咁多野食都係$150左右🫶🏻🪿鹵水鵝鵝肉軟嫩入味，好重鵝味❣️配上香料味重嘅鹵水，真係好惹味🪿鹵水鵝肝鮮嫩蓬鬆,入口即化❣️配以香料醬料調味,滷水鵝肝都簡直係焦點🪿滷水鵝腸一向唔識鵝腸嘅我都覺得整得好出色💯非常爽口彈牙🥚滷水雞蛋好入味既滷水蛋❣️滷水墨魚🐙非常爽口，肉質鮮甜👍🏻加上滷水汁都好入味📍一品滷水專門店北角英皇道301-319號麗宮大廈地下5號舖#美食分享 #滷水店 #育兒親子樂

今日我嚟到一間三代傳承嘅滷水店 -- 一品鹵水專門店。位置在於英皇道炮台山地段嘅一間小店，客人卻熙來攘往，街坊們都歡迎到此買番d滷味來送飯。呢度d滷味咁受歡迎據聞係因為食材「靚」，例如 : 只用澄海來嘅獅頭鵝做滷鵝，又規定要10斤重，確保滷水鵝有肉地。再加上師傅精心調配滷水膽，美味之餘又不令滷水汁太咸。有咁「正」野食，貪吃嘅我點都要嚟試下。今日隨意點左滷水鵝、滷水乳鴿、八爪魚等。另外，配料嗌紅腸、蛋。驟眼看外表，滷水色水5係太深色，但色澤係光鮮、「㕸㕸令」咁。而調配得宜嘅滷水汁，十分滋味。仲非常入味，連鵝、乳鴿嘅骨頭都滲滿滷水味。滷水八爪魚保留原本顏色，不似一般滷水店染到鮮橙色。食落Q彈爽嫩，不會覺得硬。配料嘅水準都好高好好味。呢間滷水小店食物嘅質數真不錯，一品鹵水專門店d鹵味真一品。