一喜車仔麵

營業中

休息中

聽朋友介紹，土瓜灣有一間唔錯既車仔麵館叫一喜車仔麵，咁岩係附近做野，就順便黎試一下。🔹生炸手工韭菜餃🔹自家包既韭菜餃即炸即上枱，外脆內軟，入面既餡料十分飽滿，每咬一口都熱辣辣，仲有滿滿肉汁滲透。🔹生炸單骨雞翼🔹一落單即刻生炸，同比時一早炸起再翻熱果啲係完全唔同層次，調味又夠，一喜既炸物真係好值得試。🔹椒鹽魚片頭🔹新鮮手製既魚片頭真係一喜既名物。魚肉味濃，炸到鬆香脆口之餘又保持到爽口彈牙，灑上少少椒鹽調味已經好夠。🔹咖喱三寶🔹三寶分別係魷魚、魚蛋同牛栢葉。材料正正常常但咖喱汁非常出色，仲好辣好惹味。咖哩汁特別香濃，好有細細個食街邊車仔檔既感覺。🔹汕尾紫菜四寶配黃金雞湯🔹咁岩有位潮汕人同我一齊食，指明一定要試下地唔地道。除左汕尾小米粿外，仲有魷魚丸、馬鮫豬肉丸和瀨尿牛筋丸，聽講都係手製，食落冇雪味好新鮮足料。手製既丸子係特別彈牙同爽口，尤其係瀨尿牛筋丸，爽彈之餘，又真係會爆汁。湯底既黃金雞湯亦係整碗的靈魂，金黃色望落已經令人食欲大振，飲落亦真係好鮮甜。🔹豪華九寶大雜麵🔹$53 食到九餸車仔麵，而且仲要啲餸好多底我地楝左油麵，餸有瀨尿牛筋丸、魷魚丸、牛腩、瑞士雞翼、豬紅、豬皮、蘿蔔、紅腸同菜

🌟餐廳：一喜車仔麵📍地址：土瓜灣北帝街31號地舖💰價位：$51-100⏰營業時間：星期一至日11:30 - 21:30📱電話：23288030好晏先食咗個下午茶，晚飯時間唔係好肚餓但又想食啲野，經過土瓜灣北帝街見到有間車仔麵，都幾多街坊支持，一於叫返幾個小食同車仔麵試試先～———————————————————🔹 生炸香辣單骨雞翼雞翼即叫即炸，上枱時熱辣辣，口感好香脆之餘又可以保留到肉汁，啖啖肉夠哂JUICY！———————————————————🔹 椒鹽魚片頭魚片頭表面有微微炸過，再灑上椒鹽粉，食落新鮮又彈牙，好惹味～———————————————————🔹 重料咖喱三寶呢碟係餐廳既招牌小食，最出名就系個秘製咖喱汁！咖哩用上唔同既香料製作而成，再淋於魷魚、牛柏葉同魚蛋上面，咖喱香氣十足，一流～———————————————————🔹 我哋仲嗌左個車仔麵，酸齋味道甜甜酸酸，凍食更佳～豬大腸彈牙爽口，唔會有異味。河粉亦都夠滑，索曬啲腩汁味！———————————————————🔹 自家製豆漿豆漿有香濃黃豆味，口感濃郁。———————————————————😋味道：4/5🏢環境：4/5💁🏻

今日收工搵個朋友攞散水餅，太耐無見，順便坐低食碗麵吹下水。金牌咖哩三寶🥘咖哩汁香濃，唔係好辣，非常之惹味。有牛柏葉、魷魚、魚蛋，好豐富。潮汕手工小米果🍲好少地方有呢種食物非常驚喜，煙韌嘅薄皮包住新鮮豬肉餡，非常美味。生炸單骨雞翼🐣脆炸雞翼外皮炸到脆卜卜，裡面又juicy。酥炸韭菜餃呢個係我最愛，本身已經好鍾意食韭菜餃，餡料菜同肉比例適中，又唔太鹹，好正。豪華九寶大雜麵🍲材料非常豐富，樣樣都好新鮮入味，仲可以配埋個淮山麵，驚喜💫✨️整體評語值得推薦嘅餐廳，多款餸/麵食選擇，價錢合理，涼茶又抵飲又好味。正!

突然間好想食啲小食之前見依間車仔麵好似幾唔錯就去試吓佢啲單點小食😋⭕️ 椒鹽魚片頭好彈牙 好soft 唔會死實實👍🏻 面頭少少椒鹽粉吊一吊味將味道昇華✴️⭕️香辣單骨雞中翼外層炸到好乾脆 但食落好juicy加埋少少🤏🏻香辣粉 搞到食唔停重點單骨好方便食😌 少少肉都唔會放過😝⭕️咖喱三寶🔹魚蛋 🔹魷魚 🔹牛柏葉係童年回憶呀🥹咖喱汁好夠辣好惹味 簡直係個靈魂啲汁仲要比得好慷慨😌加埋三寶 完全係perfect match🤘⭕️炸韭菜餃餐廳自家製粒粒飽滿好足料咬開滿滿韭菜同豬肉 脆卜卜 好香口😋⭕️紫菜4寶淨餸(配秘製黃金雞湯)🔹有魷魚的魷魚丸🔹汕尾馬鮫豬肉丸🔹爆汁手剁牛筋丸🔹汕尾手工小米粿飲第一啖湯已經好impressed😳好濃郁嘅雞湯味 飲得出好有心機煲唔係味精湯四寶都好有特色😍 自己偏愛馬鮫豬肉丸同手工小米粿🫶🏻每粒丸非常彈牙好有咬口🤓小米粿煙煙韌韌 好特別👍🏻 ⭕️生炸潮汕三寶🔹汕尾馬鮫豬肉丸 🔹有魷魚的魷魚丸🔹深海粒粒墨魚丸生炸version同樣做得好出色唔會好油膩 而且每粒真材實料咬開真係有魷魚同墨魚👏🏻味道非常rich😋

❤️老闆超好人，店員都非常好人，全間鋪頭都好有人情味，feel到佢地超用心經營🧡野飲叫左豆漿，淋左少少雨，特意問有無熱嘅，老闆特登用熱水坐暖比我地。另外飲左自家製嘅石斛竹蔗茅根，fresh解熱氣，同埋呢排keep住落雨可以幫我袪下濕💚紫菜四寶嘅紫菜好好食，彈牙，好香紫菜味，仲喺透綠嘅，🤫係靚過純紫色嘅紫菜架💜好平！一餐西餐嘅價錢已經可以餵飽兩個人有突，仲多多款式💙大家可以試下黃金湯底，金黃金黃嘅雞湯好濃味，配搭起淮山面真係好好食💛沙爹牛腩最驚喜係佢嘅蘿蔔，好清甜，又多汁入味🤎韭菜餃好大隻，不過個皮少硬

一喜車仔麵🍜香辣單骨雞中翼🐔$28佢哋嘅炸雞翼全部都係生炸，仲要為咗方便客人食用，全部都整晒做單骨雞翼，非常細心，啱晒我呢啲懶人😗沙嗲牛腩淨餸🐮$55牛腩非常入味，炆到好淋身👍🏻👍🏻蘿蔔好淋，而且唔會苦～咖喱三寶🍛（魚蛋、魷魚、牛柏葉）$45咖喱三寶應該唔少人嘅兒時最愛，喺呢度就搵得到，仲要係大大份絕無欺場～紫菜4寶淨餸(黃金雞湯）$49呢個我非常推介！首先係黃金雞湯非常好飲✅✅超級鍾意呢個湯底，第二就係佢哋嘅四寶丸同外面唔同，幾款都係佢哋特登自製，別出心裁！（不過留意番佢哋有一種牛丸係會爆汁㗎，好好食，但係小心睇熱呀～）車仔麵我總共叫咗五個餸，包括紫菜、魚片頭、生菜、瑞士汁雞中翼、生炸豬扒，湯底就叫咗秘製黃金雞湯🐔🐔紫菜同埋生菜好吸到雞湯嘅精華，意外地非常好食！✅魚片頭都幾出色，一份總共有三粒大大粒～至於瑞士汁雞中翼就中規中矩，去到邊都唔會輸系列😁😁最後一個生炸豬扒，可能因為切得比較厚一啲，個人覺得比較靭咗少少，但係味道OK嘅👅朋友嘅車仔麵就叫咗餐廳比較少見嘅准山麵，冬菇、墨魚丸、豬腩肉、豬大腸，佢就叫咗麻辣湯底，順便講吓佢哋嘅辣油，比起大部份雲吞麵店嘅更加好味，係麻辣有後勁嘅！😋😋

車仔麵係懷舊食物，配上新派裝修風格，總係令人眼前一亮！今日同媽咪落樓下試咗間車仔麵小店淨餸 (4款餸) $55🍜自製韭菜餃/咖哩魷魚 / 豬腩肉 / 牛腩 最驚喜係韭菜餃包得好有誠意，十分足料！問咗佢原來可以另外買生料返屋企，睇嚟下次打邊爐要來買啦！🍜車仔麵 (3款餸+烏冬) $40生炸豬扒 / 雲耳 / 牛腩汁烏冬好彈牙，豬扒肉都好彬唔會柴，記得要提佢豬扒另上呀！要讚下佢地個辣菜脯，加埋黎食好正！🍜香辣單骨雞中翼 $28韭菜豬紅 $24勁足料！又大碗又大粒！份量好足，唔會韭菜多個豬紅，而且豬紅一啲都唔腥！🍜秘製一試難忘沙嗲牛腩 $55牛腩好淋身，沙嗲味好重好入味，但食落都唔會太辣🍜生炸香辣單骨雞翼 $28即叫即炸，好脫！🍜自家製酸梅湯 $10自家製金橘酸梅湯，跟餐加$10，唔會好甜，味道啱啱好一喜車仔麵 (土瓜灣)土瓜灣北帝街31號地舖

上次同事來過食lunch話超級好味，今日我收工就來食，真心民間高手啊！超級好食！呢到主要食車仔麵，但好多小食都超好食，雖然已經食到好飽，但因為老闆娘話好推介，我地又一路加點，結果每一樣都好高質！首先我要左個腩汁銀針粉，一食就知係貴價銀針粉，咬落冇好粉咁斷開，加埋佢哋嘅自製咖喱，真係好過癮。自家炒嘅咖喱汁好有層次感，辣得來又會令人想食完一啖有一啖！有汕尾小米粿好特別，係我第一次食，qq口感好正。特級瀨尿牛筋丸真心好彈牙，同埋真係要小心啲食，因為真係會爆汁！丸類我地要左汕尾馬鮫豬肉丸，秘製菜肉餃炸有魷魚的魷魚丸同炸蝦條，所有都好好口感。講到小食，我地叫咗生炸手工韭菜餃，生炸潮汕三寶同生炸香辣單骨雞翼。全部都好鬆脆，又唔會食到成口油另外想講就係佢哋個雞湯湯底都真係好甜好出色！叫咗咁多嘢，最後當然食唔晒啦，叫咗老闆比外賣盒我哋，就發覺佢哋用一啲好特別嘅外賣盒，成個罐頭咁樣，湯底都整到好似湯包咁樣，保持到好熱嘅溫度，返到屋企食都好方便。

四寶丸紫菜米粉 有四種丸，牛筋丸 、小米粿、魷魚丸、同埋馬駮豬肉丸🍡，四個種丸都各有特式，粒粒都好juicy🤤黃金湯亦都好好味，湯底好濃郁🤭老闆同啲客都好好傾，係一間有人情味既小店。

成日教完班都會經過呢一間車仔麵，但就無入過去，今日心血來潮入去快食個車仔麵，都見到有好多唔同選擇，店員特別推介黃金雞湯+$3，唔係度度有又試下啦！必點：．蘿蔔．自家製汕尾小米粿．紫菜．特級瀨尿牛筋丸一般的車仔麵餸都有呢度唔多講，重點推介自家製汕尾小米粿，店員太熱情我覺得有必要都要同大家講下，係佢地汕尾自家製的獨門秘方，一直流傳落黎，我個人覺得口感唔錯的，皮唔厚仲好晶瑩剔透，咬落去亦唔會太咸太甜，飽肚，好食！蘿蔔係韓國白玉春蘿蔔，只係呢點都誠意十足，唔會有苦味同時係清甜入味的！我叫左黃金雞湯後索晒D湯底味道好正！小食：滋味無窮紫菜四寶 特級瀬尿牛筋丸、有魷魚粒的魷魚丸、汕尾惹味馬鮫豬肉丸、汕尾小米粿湯底係用黃金雞湯紫菜同樣加左湯之後爽口，我覺得幾good match最後就講下個牛筋丸，堅爆汁，爽口重牛味都唔錯~~而汕尾馬鮫豬肉丸同小米粿一樣都係自家手製，餡料鮮味帶大地魚粉香，最好笑係講明魷魚丸食到魷魚粒！真係有魷魚味！已證實！仲有自家製清熱涼茶💕💕

今日經過土瓜灣食街～試一試左依間車仔面🔆👉🏻滋味無窮 紫菜4寶 配 特製黃金雞湯🔆潮汕手工小米棵❤️❤️❤️🔆特级瀨尿牛筋丸🔆汕尾馬駮豬肉丸🔆魷魚丸我自己覺得佢個小米果係最令人印象深刻， 米果嘅 薯粉皮煙煙靭靭🔆 入面嘅馬駮同埋五花豬肉 十分之鹹香🔆黃金雞湯 有淡淡嘅南瓜味同埋香濃嘅雞味🔆 非常之夾🔆👉🏻准山車仔麵蘿白，雲耳，豬紅，秘製菜肉餃，配秘製黃金雞湯麵淋麵爽都可以request 🔆 白蘿蔔好大個 食得出有好多水份 ， 咬落去非常juicy ， 有啲食緊 おでん ge 大根 嘅滿足感🫶🏻👉🏻生炸香辣單骨雞中翼👉🏻炸韭菜餃(3隻)Jin ja 野都係外脆內滑🔆👉🏻咖喱三寶水魷魚，牛栢葉 同魚蛋都好滑同埋爽口彈， 聽講咖哩汁都係佢哋自己調制 ，唔係出面食到嘅味道👍🏻食飽飽 就望到店面嘅海報 佢啲小米果都可以就咁買外賣返屋企煮👍🏻👍🏻👍🏻 下次試下先🫶🏻

土瓜灣一喜車仔麵是我近來食過最好食和最有特色的車仔麵檔。實在太掛住她們的潮汕美食和特色小食，每樣食物都是非常有水準！😍😍忍唔住真係要再去幫襯😋💢生炸潮汕三寶 HK$33汕尾馬鮫豬肉丸： 爽口彈牙深海粒粒墨魚丸：滿滿的墨魚粒口感有魷魚的魷魚丸：市面少有，魷魚粒滿滿💢生炸香辣單骨鷄翼 HK$26唔乾，鷄翼生炸後仍然 juicy，微微辣！👍👍💢椒鹽魚片頭 HK$26💢咖喱3寶 HK$36有水魷，牛栢葉和魚蛋，特制咖喱香而不辣！👍💢 生炸手工韮菜餃 HK$26自家包的韮菜餃，皮薄餡靚，香脆可口！👍💢 滋味無窮紫菜四寶 HK$39潮汕手工小米粿 ：潮汕特式小米粿，皮煙煙韌韌，饀有少少豬肉和小蝦皮，味道不錯瀨尿牛丸： 爆汁，爽口彈牙，牛肉味濃魷魚丸馬鮫豬丸值得一提是那金湯，店主精心烹調，鷄味十足，滋味無窮！好好飲！必點之選………👍👍👍👍👍💢沙爹牛腩 HK$45自家制沙爹醬配上蘿蔔牛腩，蘿蔔清甜無渣，牛腩軟焾入味！😋😋😋💢還有自家制飲品，少甜……用心製作，貼心，值得一讚！👍👍👍

滋味無窮紫菜四寶,加12蚊配個銀針粉。紫菜四寶除左有紫菜心外，仲會有潮汕手工小米粿、特級瀨尿牛筋丸、汕尾馬駮豬肉丸同有魷魚的魷魚丸。佢地嘅瀨尿牛筋丸超正，超爆汁，口感都好好.。另外個湯底都幾好味，就咁叫個清湯都好甜好味。另外仲叫左生炸香辣單骨雞翼同咖喱三寶（水魷魚、咖喱魚蛋、咖喱牛柏葉），雞翼好香，而咖喱汁都唔錯，唔會太稀或太濃。最後，我仲叫左沙嗲牛腩同鴛鴦餃（韭菜餃和菜肉餃），沙嗲牛腩嘅沙嗲味重，而且底下有蘿蔔配搭。而鴛鴦餃會有兩種唔同味道嘅餃，令人食得好滿足。

同事食過大讚的「一喜車仔麵」，今次相約朋友返工前到訪聚舊新派裝修風格，衛生狀況良好除車仔麵外，仲提供大量港式、潮洲特色小食及飲品選擇==========🔹自選車仔麵麵底$10起、餸菜$9-$12可要求加減蔥、湯及汁生菜底$12、蘿蔔$9、紫菜$9、雲耳$10、自製韭菜餃$11、魚肉$11、黃金雞湯+$3貼心的讓顧客選配菜底，為低碳人士的福音生菜翠綠鮮爽；蘿蔔鮮嫩腍甜；雲耳爽口吸湯；韭菜餃餡料豐富，韭菜及豬肉皆新鮮；魚肉彈牙；黃金雞湯鮮甜不膩==========🔹自選車仔麵油麵$10、紫菜$9、生菜$10、胡椒豬肚丸$11、豬大腸$12、肥牛$13胡椒豬肚丸爽彈帶豬肚香，夠特別；豬大腸甘香有嚼勁；肥牛牛香不錯；油麵爽滑；湯底帶淡淡沙嗲香==========🔹瑞士汁雞中翼 $244隻雞翼上色均勻，飽滿肉厚；瑞士汁鹹甜平衡==========🔹秘製 一試難忘沙嗲牛腩 $45牛腩及蘿蔔份量豐富；牛腩肉質緊實有嚼頭帶牛香；蘿蔔鮮甜多汁；沙嗲汁微甜滋味==========🔹咖喱三寶 $36魚蛋、魷魚、牛柏葉魚蛋爽口彈牙；魷魚新鮮軟嫩；牛柏葉爽脆吸汁；咖喱汁調配恰好==========🔹滋味無窮紫菜

兩個朋友行過想食少少野，見呢間車仔麵店有好多潮州食品，入去試下。 黃金雞湯紫雲四寶。有潮州小米粿、馬駮魚豬肉丸，呢兩樣比較特別，其他潮州麵店唔會有。小米粿似潮州粉粿XDDD；馬駮魚豬肉丸係比較結實有咬口有魚味既豬肉丸，正。牛筋丸好香，好似返左潮州食黃牛牛丸。魷魚丸真係有粒粒魷魚。食完咁正，叫埋潮汕三寶，有炸馬駮魚豬肉丸、魷魚丸同墨魚丸。炸左又另一種感覺，香口D熱D。而韭菜餃都好香韭菜味，應該落左豬油，炸度剛好。同樣地，炸單骨雞翼都幾好，炸粉唔會過多，單骨唔洗食得咁辛苦。自製咖哩三寶有魚蛋、水魷、牛百葉，咖哩味幾香濃又唔會太辣。最尾朋友追加爆汁牛筋丸，豬大腸車仔麵，佢今晚唔洗食晚餐了！