一寿司 (已結業)

一壽司喺旺角分店做週年優惠，黑夜壽司時段提早到6點，我地就決定試下啦5點3左右去到排隊已經有十幾人排緊，因為人太多所以後面好多人都要入防煙門通道排隊5點9左右就有職員派點菜紙，填好左入到去就即刻submit呢款係創作壽司，其實即係軟殼蟹反卷，軟殼蟹同飯嘅比例啱啱好，都唔錯劍魚睇落無咩光澤，食落魚味欠奉火炙三文魚偏薄唔夠油脂，芝士味都係偏淡花之戀嘅三文魚夠厚身，一啖食晒夠晒味三文魚三食: topping分別加左辣汁、大蔥同黑椒，味道同三文魚分別唔大帆立貝吞拿魚蓉: 吞拿魚蓉份量太少，味道唔太突出，同帆立貝都唔太夾甜蝦: 都幾新鮮蟹膏蟹肉: 蟹肉係蟹柳黎食落無蟹味吞拿魚蓉: 吞拿魚蓉太乾身應該唔係用toro整，魚味欠奉呢個沙律最有驚喜，刺身份量夠多，而且全部都好新鮮不過沙律係無半價的清酒嘅味偏淡，勝在有冰鎮夠凍總括黎講大部分菜式都係一般水準，而且半價左都唔算好平，都係唔值得排隊黎食

壽司同刺身都新鮮好味,喜出望外.但杯巨峰Long Island飲左一啖,即刻由天堂跌落地獄,味道衰過咳藥水,送都唔飲,問主官話係mix出黎喎！嬲爆！如果有人鍾意挑戰明將ｄ地獄壽司,我推薦飲呢杯野

食開壽司，順便食埋佢，記得雅蘭d間夜晚次次都排到想死，好多人，但佢d野食係好食既，仲要有串燒食三文魚一定係必食既，為佐想食多d野，所以叫三文魚刺身，而唔係叫壽司，三文魚腩刺身，好軟，脂肪算多，好味！軟殻蟹手卷好好味，欣賞佢真係即做，d紫菜係脆既！其他壽司都唔錯最最最推，次次都會叫既係玉子燒，去峰壽司都冇d到既好食，佢真係燒得好好，我唸佢整完個蛋之後仲有用火槍焊過下個面，加小小燒汁T.T真係好好好好好味，，，我仲味搵到有佢咁好味既玉子燒，係日本食既都好味，但就食唔到佢d浸味！！好想食番啊，，，，串燒，就冇咩野特別要讚或彈XD

旺角呢間店我由佢搬之前已經食食到而家，上個月中推出左呢個六點開始嘅黑夜壽司，梗係要帶埋屋企人黎食啦。嗰一日大概七點三到嚟到，條人龍排到去穿過左後樓梯係另外一邊出返嚟，我哋大概排咗一個鐘左右，可能因為係星期五都比較多人。但係我印象中黑夜壽司不嬲都排咁上下時間。入到去即刻落單，但係可能因為太多人，都等左成半個鐘頭先有第一碟黎。我哋今次覺得最好食嘅就係火炙三文魚，其實佢有三款，一款就係普通嘅，另外一款加左芝士，最後一款係汁燒。我就最鍾意係汁燒，個汁甜甜地，配埋油香既三文魚真係好好食，但係媽咪就最鍾意係普通火炙三文魚，話咁先食到三文魚既油香，唔會比個汁蓋過。 但係啲三文魚切得好薄，燒完都所剩無幾另外點左帆立貝壽司，我覺得比較乾身，又唔夠凍，好似唔係好新鮮，所以就冇再encore。至於甜蝦，呢度嘅又大隻又甜又夠凍，我地叫完壽司再叫左刺身食另外我屋企人好鍾意點北寄貝，我自己就麻麻哋，覺得佢好乾身，好似𡁻舊膠咁。今次食咗每人大概百零蚊，質素唔係話好高不過性價比就幾好，如果係正價嗰陣時我諗我就唔會黎食啦。

仲記得之前一壽司也不錯，估唔到宜家變成咁😨可以難食到咁🙄🙄帆立貝壽司好腥😠火炙三文魚凍的，鵝肝壽司生既 唔熟既😡一d都唔熱(同職員講 佢話鵝肝不能整太熟🤔因為會硬 我知，但都唔係得3-4成熟 同埋凍嫁呢堆野 係來由我叫左名為(鵝肝和牛赤蝦壽司😕）唯一蝦同飯吃了，鵝肝又係生的（仲差過剛剛個件）堆所謂係和牛 其實係一堆生免治牛肉 真係食完 都怕肚痛😩其他壽司三文魚 👎🏻飛魚子👎🏻👎🏻 紫菜軟哂 好似放左好耐咁三文魚子 👎🏻d魚子爛哂北寄貝 一般 比較硬身火炙三文魚 唔熱 好似無燒過咁吞拿魚 😣好似生豬肉咁款都未食過咁難食既壽司☹️😣😡我同職員講話個鵝肝和牛蝦壽司，鵝肝唔熟 和牛一堆生野咁佢話係咁嫁喎 鵝肝可以整咁熟 和牛係生 仲話叫我下次問下生定熟先叫😡😡😡😡😤

前排同friend約放工食飯，佢話呢間夜晚有半價優惠，咁抵梗係要試下啦！呢個青瓜蟹子沙拉，青瓜好fresh～清甜爽口！配埋沙律醬同蟹子，既開胃又有口感！ 甜蝦蟹子軍艦，甜蝦切碎左同蟹子mix埋一齊！雙重鮮味！ 三文魚必點！佢舊飯整到細細舊，一啖食晒！三文魚好令，紋既分佈好均勻！ 芝士炸蝦壽司！面鋪上上塊芝士，味道淡淡地！蝦炸脆！再加d蟹子系面～口感豐富

一壽司以前是我的深夜飯堂4年無黎喇今日再黎試下水準有無變原來有慶祝活動6時開始便有半價優惠難怪早早就見到大排長龍慶幸到我們還有位置三文魚刺身和火炙三文魚用料仍然新鮮三文魚的油脂味好重最愛還有蟹膏軍艦用青瓜代替了紫菜滿滿的蟹膏，鮮味十足！一啖咬落去非常滿足呢！海膽雞軟骨雞軟骨新鮮炸，非常惹味配海膽汁真的一絕！

以前細細個準時早一個鐘去一壽司排隊可謂美好嘅童年回憶。但宵夜壽司咁尬尷嘅時段唔係成日都可以就到時間。最近一壽司做緊週年紀念，响夜晚黃金時段就有半價，點可以唔去。一去到旺角雅蘭中心，就見倒人龍排到去扶手電梯，都咪話唔驚嚇。不過我哋晨早半個月前book左位，一分鐘唔洗排就被安排入座，超威威！因為有半價關係，所以我哋叫嘢食完全無就住黎點。主打當然係刺身同壽司，反而飲品就無咩興趣。油金魚壽司個賣相同我想像好唔同，睇落唔太新鮮。食落無咩油甘魚特有嘅香味，失望呢！三文魚三食係我每次去一壽司必點，三種口味都同三文魚好夾。我最中意左手邊嘅辣味三文魚，辣度剛好，與三文魚的魚味相映成趣。吞拿魚腩帆立貝壽司的吞拿魚腩調味調得剛剛好，但帆立貝略嫌不夠新鮮，可惜可惜！特上刺身盛可謂全晚主角，皆因其盛惠98蚊，不過我覺得只有三文魚同帆立貝值回票價。甜蝦唔夠大隻肥美，另外黃金魷魚口感一般，味道好淡，我真係唔識欣賞。原條蒲燒鰻魚壽司賣相相當唔錯，而具份量十足。不過味道唔夠濃，而且我對鰻魚真係一般般。一句講曬，沙律醬配蟹籽加上三文魚係絕配，無可能唔好味。尼味火龍卷我真係唔識欣賞，軟殼蟹一啲都唔脆，牛油果加鰻魚口感好林,

好耐無黎, 因食元X/千x食到悶, 咁啱係旺角所以黎食; 無等到10pm黑夜特價時段, 因8:30pm已太肚餓等唔切 (走時9:30pm見d人已排長龍)~唔知係質素差咗, 定係依家太多選擇比下去, 所以好似無以前咁好味, 個場都好少人~1) 牛肋骨: 好味, 推介~2) 三文魚壽司, 其他軍艦: 三文魚不過不失, 唔算太新鮮~ 其他軍艦好一pat好似唔係即叫即整~3) 芒果加州卷: ok, 但整得散哂~4) 厚燒蛋: failed, 一大舊無層次感, 看似簡單嘅食物其實好考功夫的~5) 串燒-燒鷄翼/牛舌/煙肉蕃茄卷: 唯一保持到水凖, 燒鷄翼好味, 牛舌好厚~6) 巨鋒提子梳打: 大柸, 但太甜多過係提子味~質素比以前差咗, 好失望, 加上我正價時段食唔係平, 我介意個質素多過個價錢, 所以寧願去返千x其實唔會貴好多~

由三月廿四日開始，為期一個月，一壽司由六點開始便提供黑夜壽司半假優惠。為了慶祝復活節假期開始，加上ot 夜了放工，所以便和妹妹及她男友食返餐勁的。本來以為六點開始便有半價優惠，到九點半的時候會很少人排隊。誰知人潮依舊，排了近個半小時才有位。辛苦！排了這麼長時間卻沒有換來好食物。不知道是不是太因為夜了，食物的質素很差。 刺身方面，點了三文魚，白吞拿魚，極品吞拿魚，甜蝦及牡丹蝦。牡丹蝦不太新鮮，蝦頭沒有香味，是最為失望的一款食品。白吞拿魚不俗，有甘甜魚，魚味十足。 壽司方面 ,下圖都見到，十分粗製濫造，最可惡的是曼魚壽司，四件中有兩大兩細，但其實他們是同一款，同一價錢的壽司。好明顯是因為唔夠貨，偷工減料，將原來兩塊曼魚減得一塊。其他壽sr外貌亦十分不討好，很失望。 老實說，我一定不會再排黑夜壽司了，食物的質素的確差了很多，以這個質素來說其實都不算太便宜。

今晚8:15pm 去到，見好多人排隊，等到9點鐘至可以入到去食，仲諗住食半個鐘就走，點知 D 食物出得鬼死咁慢，叫左一客牛舌、一客洋蔥牛柳和自家制魚餅( 原來係計正價 ), 個串牛舌只得兩片，又硬又凍，好似廁紙咁薄，個價錢仲要19元，個串牛柳得三粒好似手指尾頭咁細，仲要收21元，個魚餅完全無味，只得面粉和紅蘿蔔，28元的垃圾，茶又凍，又無人招呼，D 冷氣凍到殮房咁樣，全晚食左350元好似無食過嘢咁，正垃圾，以後五會再幫襯

上一次食一壽司已經係4年前既事...因為已經無興趣再食，今次旺角9週年慶祝，提早半價黑夜時段，由下午6點鐘開始，唔洗等到10點鐘，又可以食一食，看看水準有無變！5:40pm去到已經排左50幾人，好彩個場夠大，第1round都入到，其實一壽司餐牌同4年前無乜分別，今次我地專食海膽，和牛，鵝肝等壽司，因為4年前既我無食到（細個無乜錢）和牛壽司好重牛味，好滑，少少羶味。鵝肝尚可，外皮唔夠脆，入口都溶，還可以。海膽試了原味海膽軍艦同火炙海膽壽司，火炙海膽較香，但普遍海膽不夠新鮮。原條鰻魚壽司不得了，因為我超鍾意食鰻魚，成條食啖啖肉，又香口，真係好好味！象拔蚌爽口，三文魚肥美香甜，天婦還蝦卷就不推薦，因為蝦已炸林了。服方面，場太大但員工太少，上菜慢，買單等左20分鐘，催左3次先比到錢，本身會員送一客三文魚刺身，結果漏單。

行完街去食黑夜sushi~有半價ma~不過都唔平, 每人min charge係$90~真心野食出得好快, 但似係一早整好哂, 因為有d明明應該熱ge野, 好似卷物, 舊軟殼蟹係凍ge, 而d魚生又個面乾乾地咁. 不過半價. 唔睇價錢, 想食就嗌, 係幾爽的!呢個叫美人魚~唔知點解~HAHA, 但呢個配搭幾好,好鮮甜, 魚生ge香味好濃好厚其實軍艦最明顯整好好耐~d紫菜好淋>< 碟咁長鰻魚, 半價好抵食!!!卷物很不錯=p呢D係果D SUSHI 3食, 看似好抵食, 但其實計番都幾後悔嗌左...因為碟碟都係得一舊係正常味,,,其他配搭都怪怪地~可能我比較難接受新事物吧~

在讀書時代常與同學一齊排隊排午夜場食9:30 半價優勢，那時覺得真係好好味，三文魚好厚好長，長饅魚，色水靚而且飯小！真係好好味。果時無咩錢唔可以成日去食！現多年無食第一次見咁夜都仲有開，開到1點，就去排下隊食下。點知中伏。。。壽司紫菜，又林又痴口。三文魚勁淡色。又厚飯唔新鮮。饅魚好似面粉一樣。刺新，甜蝦（巨）。。。細隻到呢帶子。細粒到。。真係元氣係大好多好食好多，價錢平好多！ 火炙。。三文魚。。唔多講🌚 蛋壽司。蛋既色係暗啞色。仲要隻蛋印左條紫菜色落去。一條直線。。可以想像放左幾耐我敢講"爭鮮"都好食好多！三蚊都好過佢呢一種質素半價價錢已經好唔掂，更何況正價！

今晚朋友補辦我生日，請我去一壽司食晚飯。新搬既一壽司，地方寬敞，闊落，坐位舒舒服服。我哋叫咗元貝壽司，味道鮮甜，質感好好，加上芥末，恰當好好味。原條鰻魚壽司，真係好長，加上蒲汁，非常美味。宜家鰻魚係好貴架，難得咁長咁長，你哋睇下，真係好長長架！仲有天婦羅，很脆口，有蝦，有南瓜，有矮瓜。三文魚刺生切得厚厚的，有魚既味道。唯一可惜的就係太細碟，好似不夠喉！