一寿司 (已結業)

朋友生日飯, 每次都會選去唔同食店, 今次就黎到哩間一壽司雖然知道佢22:00後有半價黑夜壽司, 但一來太夜, 大家都餓等唔倒咁夜二來早有聽聞黑夜壽司好多人排隊, 等得黎食得最快都22:30而且亦唔係餐牌上所有野都半價所以就約食19:30可能因為大部份來食都等黑夜壽司星期6晚即使黃金時段反而唔算好多人我地一行6人, 就被安排入6人卡位座位唔會好迫, 都算舒服旁邊仲係落地玻璃可以俯瞰旺角街景 軟殼蟹壽司軟殼蟹都幾大隻, 炸到脆脆地, 唔錯 三文魚子壽司係我至愛之一, 粒粒又圓又大精瑩剔透, 睇倒都垂涎欲滴食落口三文魚子d都唔腥, 仲好鮮甜tim 火灸玉子表面燒過, 食落多左一陣火灸味玉子甜甜地, 軟硬適中, ok 三文魚壽司雖然我唔食但都睇得出好肥美表面光澤, 夠新鮮 海膽蟹子壽司海膽好鮮甜, 份量都唔少 炸雞軟骨食落咸咸地, 幾香脆再蘸埋旁邊o既海膽醬, 唔錯上面係 凡立貝壽司, 下面係 甜蝦壽司帆立貝都算大粒, 好肥美, 食落好滿足甜蝦雖然不及牡丹蝦, 但以甜蝦來說都唔算太細隻, 好鮮甜 火灸凡立貝壽司比普通的凡立貝多, 火灸後多了一股煙薰味, 唔錯 海老三味用海

同個fd去下好耐無食既一壽司 記憶中係唔錯 但今次真係令我唔會再去 首先黎既係炒飯同吉列芝士 味道尙算ok 跟住黎既甜蝦刺身 一個字形容到 霉  個蝦頭已經變左黑色 一啲都唔fresh 個軍艦芝士鰻魚卷粒鰻魚好似手指尾咁細粒 另外就係最不滿既個杯薄荷朱古力 個薄荷味好奇怪好似用雙飛人沖咁 朱古力味只得小小 有個帶眼鏡既侍應姐姐服務態度都令人唔係幾舒服 叫佢就扮睇唔到 應都唔應聲你😓

日本有朝食壽司，天未光就去排隊，務求吃到最新鮮的魚；香港不是盛產漁業 (活捉都不會生食啦)，當然沒有朝食排隊潮。某些香港人下班後才覺得自己剛醒來，愈夜愈精神，9.30pm 後以半價作招徠的黑夜壽司不愁沒回響。小妹對上一次吃黑夜壽司已是數年前，當時未出來賺錢，黑夜壽司是抵食過放題，會特登下午不碰零食而留肚食黑夜壽司。開始工作後，能自給自足，消費力和time cost都高了，跟自己說 "咁辛苦，食好d 啦"，因此少接觸這些要排隊換來優惠的玩意。幾載難逢的一個星期五晚，友人和我忽發奇想去吃一次。不怕排隊，因為我不餓；怕叫不到最低消費$90？友人說可以包底，OK，扑鎚。旺角雅蘭的一壽司位於商場的單邊位，長長的走廊很適合排隊。我們9.50pm 到達，人龍已成了一個U 型，大概有60 人吧。排隊過程尚算良好，職員會派發order 紙和記錄人數，人龍是動一會停一會，未會令人們感到煩燥。和幾年前一樣，壽司、卷物、刺身、飲品有半價，加一係照原價 x 10%。小食無半價，不過會照食。最後等了半小時左右就入座了。座位至少有百多個，但未見滿座。沒有窗，感覺有點焗促，不過在晚上的分別不大。不把門外的人龍全放進去

有晚放夜即慶想食壽司，就去咗旺角嗰間一壽司，因為佢地有黑夜壽司promotion，真係好抵食！不過喺門口真係等好耐，同埋好似唔夠 staff，連加水都難。另外留意有d野食無半價同有設每人最地消費$90。d野食估唔到都上得幾快，刺身叫咗三文魚，帆立貝同甜蝦--尚算新鮮，好厚身，正！一定要試下個泰式甜蝦，雖然上面得個一pat醬同一小塊薄荷葉，但好有泰個味道，比得上泰國生蝦。試咗個炸豆腐，橙紅色個醬辣辣地幾得意，豆腐幾滑，但炸得唔夠熱。

又到午飯時間了！可能我們太久未有品嚐過日本菜，今天我們特別感到「口痕」。之前聽過不少同事對雅蘭中心一寿司甚感滿意，我們也特地試試吧！午餐時段，或許時間尚早，我們一行四人不必在門口等位，而且被安排就坐空間寬敞的梳化卡位，零舍寫意。光是閱讀餐牌已令人食指大動！最後小弟點了一個價錢不太昂貴的午市套餐。海膽角切魚生飯：光看賣相已經「無得輸」。大量色彩鮮艷的魚生滿滿地舖在飯上面，彷彿像一個魚生山谷一樣放於桌上，絕對吸睛。魚生的份量叫人欣喜，包括有三文魚、油甘魚、八爪魚，當然還有最令人期待的海膽啊！不過，角切魚生也不是切得怎麼漂亮，相對較凌亂，可能是由於午市食客多的關係吧！試一口，魚生質感都是爽爽的，吃得出是新鮮；每款魚生的口感亦盡是不同，不錯不錯。至於味道，尤其是三文魚，肥美而且厚切，那種鮮甜的味道是會令人會心微笑的。小弟非常期待的海膽則是超級讃！除了海膽的分量有近四、五片外，味道既鮮甜味濃，完全嚐到海膽的味道，也沒有半點苦澀，無懈可擊！咀裡的甘香餘韻亦久而未散，實在勝過不少自稱「正宗」的日本餐廳！ 倘若魚生的份量再多一點便PERFECT了！魚生飯套餐原來還送有日式蒸蛋。本以為免費送的，通常也只

午飯時間黎到一壽司，毋須等位，入到去一陣，被安排到中間梳化位就坐，空間好寬敞。打開午市餐牌，食物種款多元化，定食、魚生飯、石鍋、拉麵等樣樣齊。好快甘點左個卷物定食，定食送埋土瓶海鮮湯、黑松露茶碗蒸及吉列南瓜餅，好豐富! 侍應亦順帶提一提南瓜餅即叫即炸，所以要等一段時間。等左15分鐘到定食一併黎到，當然先食即叫即炸的南瓜餅先。南瓜餅炸得好鬆脆，黎到時仲熱，咬落去南瓜軟淋淋，加埋沙律醬更好食!意想唔到最好食係黑松露茶碗蒸，蛋滑一滑，帶有好香的黑松露味添。同樣附送的土瓶海鮮湯清清地亦唔錯，打開蓋有唔少蜆，好足料。卷物定食包括8件壽司，有火灸芝士天婦羅卷、芒果三文魚卷、海鰻加州卷及槍魚卷。卷物最忌太過散，但呢到整得剛剛好，不會一夾就散開。個人認為火灸芝士天婦羅卷較好味，雖芝士味稱不上太濃，但夾住脆脆天婦羅，好脆口。芒果三文魚卷亦新鮮，三文魚滑一滑，夾住甜甜地的芒果，好開胃! 可能不太食慣槍魚，碎碎的味道，感覺奇怪。另點左個軟殼蟹手卷，雖然軟殼蟹好脆，但手卷黎到時已凍晒，有D失望。不過整體食物唔錯，定食附送左好多野，好味又抵食。

放學去到旺角已經快12點，在迷茫去哪食晚飯時就看到朗豪坊附近有人超巨型BANNER寫住這間野有優惠，就心血來潮去試試一去到已經勁多人排隊，心諗gg了，但最後不用10分鐘就進到去了，可是，一坐下，他就告訴我已經Last Order，我什麼都不想，見到想食的就叫以下只是部份食物的照片：不記得這叫什麼，是甜薯的FD，幾好食吞拿魚壽司，入口會慢慢溶的感覺，口感很好！其他壽司，特別是左口魚，真的好正！！壽司飯，沒什麼特別整體，壽司、刺身都很新鮮，也沒有很厭的感覺，吃的很飽，不錯不錯

今日咁啱要去到旺角整野，整完野开始有啲肚餓添😛一諗...緊係要去我的飯堂“一壽司”啦😊坐下之後發現多左好多set lunch，而且價錢亦不算太貴。所以我亦点了一客魚生飯定食，當中已包含3个前菜及飲品，也只需$72元……超抵呢！但旺角的“一壽司”的服務似終係差少少，送來的熱檸檬茶竟然係暖的😨又無set好張枱，服務員送餐上來時就咁2set定食擺晒係到，幫我執好少少張枱先放抵唔洗死呀……😬贊的地方係“一壽司”的食物真係好正，有水準！今日只係个魚生飯的魚生唔多夠新鮮&飲品唔夠熱(連咖啡机都壞左)，其他就好好味！北海道炸南瓜餅，蒸蛋，海鮮湯簡直一流👍下次一定会試埋其他午餐set😀😉😄

今日組聚8個人去食黑壽，等左五分鍾就有份，野食上得慢，所有壽司都好好味，但最好味既係醬燒火炙三文魚，佢成個都係腩肉，食起上黎勁肥美，油甘魚又好新鮮，放在冰上冷冷得不得了，食到停唔到口。D蝦個頭係藍藍地綠綠地色，唔知係唔係太新鮮定有d奇怪(?)，感覺怪怪的……雖然還是照食左，味道都沒有什麼古怪……但是我還是不會再叫了-.-不知會唔會有事?我地叫左二十四件三文魚同一碟上，真係唔係到到都可以見到，咁樣食法都係另一番風味，但好快就比人搶曬~所以都冇咩所謂，咬起黎好冰好滑，正呀!有一個員工服務態度特別好，同佢講唔該佢會好好咁應你，係咁講唔洗，食得開心d咁。每晚十點之後半價，隨便點，最尾都唔會好貴，真係食得又飽又好味，勁滿足，下次有組聚都會再黎食呀!

食黑夜半價壽司好過去食放題，好彩呢間一壽司比較大間，排隊吾洗排好耐就有位，兩個人食左380蚊，如果冇半價見到張單要差吾多6舊水，半價真抵食又高質素美少年純米酒特飲推介: 石榴菠蘿推介: 麒麟啤 ，我地食左3客雞軟骨，個海膽汁都吾錯蟹膏軍艦特長海鰻泰式赤海蝦，呢個麻麻芥辣八爪魚、 三文魚籽、辣汁三文魚軍艦蔥金槍魚腩卷三文魚壽司三食

食黑夜半價壽司好過去食放題，好彩旺角呢間地方大，所以排隊吾洗等好耐就有位，兩個人食左380，如果食正價應該差吾多6舊水美少年純米酒<石榴菠蘿特飲> 啲野飲都吾錯，仲有麒麟啤飲＼(^o^)／ 三文魚壽司三食 芥辣八爪魚 辣汁三文魚 三文魚籽軍艦泰式赤海蝦壽司 呢個麻麻地 食左好多客雞軟骨 個海膽汁都ok 極級吞拿魚特長海鰻，呢到既玉子都好好食 ，總括都吾錯，最緊要有半價，抵食，高質素

表嫂生完BB，去完醫院探佢地，離開時已經好夜了。妹妹說咁夜不如去旺角食黑夜半價壽司啦！然後我地飛忘命小巴出MK。不知是否平日，去到居然無人排隧，入座後立即下單。壽司飯調味適中，飯也不會太大舊，握得會太實。三文魚壽司較薄，魚味OK。帶子壽司很大，鮮味不夠，但味道差一點。其他壽司材料很新鮮，不會因半而因貨就價。海膽壽司不知是否已太晚，味道沒那麼新鮮，有點臭。三文魚刺身看上上去頗瘦，但味道OK，有魚味。青瓜絲蟹子份量很多，很好味。

日本食物絕對係香港人最愛，我都唔例外，今次選擇旺角雅蘭一寿司。雅蘭中心裝修完，一寿司終於可以用返正門出入 (之前係旁邊寫字樓出入)，而且方便好多唔洗再係個LIFT位到等咁迫。今次去人唔算太多，等左一陣就有位，ORDER咗幾款壽司、刺身、卷物及熱食。三文魚壽司-我嘅至愛，嘩…好味! 軟殼蟹手卷 –軟殼蟹好脆不油，但可能我放左一陣先食，所以紫菜淋左少少 芒果三文魚卷 - 三文魚配酸甜芒果，兩者味道十分夾  King Kong卷 – 能一次過食晒幾種口味，格外鮮味黑松露蒸蛋 - 清甜味濃 飲品有雙生兒優惠買一送一, 好抵呀! 其實開咗業喇多件嚟講，都可以KEEP到咁嘅水準經已不錯。

上完堂去食竟然唔使排隊，但都要等20分鐘先上。三文魚腩好甘香，飯唔係散有握實的口感，可能太肚餓第一碟特別好味，之後再叫多左碟。 黑松露拖羅甜蝦，成件放入口黑松露味都幾出。山葵八瓜鱼一定點，最中意攻鼻感，咸左少少。 手卷麻麻地。左口魚，蛋，蟹柳都好普通，唔算新鮮。軟売蟹同吉列蠔，粉太厚，完全食唔到入面既味，最差。 芒果花之戀，芒果中和左魚油的肥，幾清新。最正係刺身，三文魚夠厚同肥美，蝦夠鮮。最正係半價。

 有晚11點半收工 , 諗緊食咩宵夜獎勵下自己好呢 ? 既然咁夜....不如就落旺角食黑夜半價壽司啦 !都擔心去到CUT ORDER , 特登打去問...話12點25分截單....去到樓下12點15分....滿心歡喜衝上去.....但比留低實Q截住 !!!實Q叔叔: 你地去邊架? 商場閂左啦我: 一壽司實Q叔叔: 無架喇...閂左啦!我: 下?我岩岩打電話問過.....仲未閂喎實Q叔叔: 岩岩先有人比一壽司趕返落唻我: 我岩岩打電話問過話12點25分截單....宜家12點15分咋喎!實Q叔叔: 你唔信你自己上去睇囉 !我: 好丫...唔該 !上到去...我問侍應哥哥...仲有無得食? 我岩岩打過唻 !侍應哥哥: 有 , 12點25分LAST ORDER , 有無問題? 哈....好彩無信樓下實Q叔叔...真係幫一壽司趕客半價....緊係唔會就住荷包啦 ! 2個人食飽飽都係270數左右 ! 仲有海膽...拖羅 ! 好味道半價真係非常吸引 ! 款款壽司都正常水準 ! 唔會因為半價而將貨就價!食舊拖羅就知啦 ! 入口即溶架 ! 雖然有1條根....但絕對接受 !細細舊唔會太多飯 , 多以食多