一寿司 (已結業)

之前見到食評, 食午餐尚可, 團購後要搵時間去食呢個優惠, 加上要維修手電, 一於食完才取機.入食店時覺得職員有d "pea". 跟著點了壽司餐 $88. 等了10多鐘才到. 環境: 燈光太柔, 見圖. 人少食物: 蒸蛋/壽司/蘿蔔, 不會有驚喜! 乏善可陳. 蜆湯之前有食評提及有好多蜆, 開蓋後, oh 2粒, 仲要1粒冇肉. 不過湯尚可, 我用蒸蛋杯飲, 大大啖仲好飲.由於用團購平$30, 連加一共$67. 呢個價錢($67)在旺角午餐偶一為之尚可. 但正價($98)就無謂 (午餐時得十枱客都冇就知原因)

呢次係我第一次寫食評,好耐無食黑夜壽司, 今次試下雅蘭分店, 一試就出事啦 !一個字形容: 差9:30分開始排, 10:25分已經入得去一坐底之後馬上叫野食, 不過等左好耐...大約20mins之後先有第一碟上檯.甜蝦刺身d肉爛唒既重細件過d 三蚊壽司火炙帆立貝(無燒過一樣) D飯好差，一夾就散同尖沙咀店差好遠:再加上零服務員服務全部都係聾啞人士幫親開尖沙咀店有一段日子，點知雅蘭分店可以差成咁，仲要E度D食評全部都係差 雅蘭分店一壽司我以後都唔會幫襯.食到我一肚氣.未搬遷都還可以.依家食物質素勁差.又唔新鮮你們必須檢討下總之唔會再返黎雅蘭分店啦

其實不嬲都有食開一壽司既黑夜時段..不過係旺角新世紀分店..的確要讚下！佢地既三文魚刺身真係成塊扒咁一啖塞滿左個口既感覺的確真係好正！！口感方面真係贏左唔少行家！但自從新世紀鋪搬遷之後..琴日就黎左雅蘭分店..雖然見到好多食評都話呢間麻麻..但就因為自己未試過又死不心息..況且之前新世紀店真係ok.!!!就即管試下..服務態度唔見得差..但速度的確比較慢..再講刺身..三文魚無喺新世紀食咁厚..口感差左少少..甜蝦刺身d肉爛唒既..明顯地..師傅技術唔夠..再黎講我最愛既焦糖鵝肝壽司..竟然放錯左辣粉喺面...真係人都癲！在於有以往既比較之下..的確令人失望..

比較喜歡舊位置多些, 舊店有窗口, 因此有自然光進入.新店沒有窗, 被安排坐卡位, 頭頂只有2小燈, 非常幽暗.而且招牌的大魚江消失了.....每次都是叫壽司飯餐$68, 有好豐富的午餐蒸蛋-裹面有好多料, 有蝦, 蟹柳.味道ok!(之前食有時淡有時鹼....)湯 -用茶壺盛住. 裹面有好多隻蜆, 一塊魚肉,及一粒銀杏. 另外有青檸, 可加進去, 味道會更出 而且個湯好好熱, 所以好好味白蘿蔔-上面有面鼔酱,蘿蔔閉是暖的 味道一般壽司飯 -已叫少飯, 但依然今多飯, 食唔哂... 有好多料-帯子三文魚, 白魚, 魚子, 魚春, 青瓜, 蛋, 八爪魚(只有一粒), 每次料份量不一樣, 有時三文魚多d, 有時蛋多d,....次次都唔同,好彩今天好多帯子 今日好多好大粒. 正餐飲-冷奶茶, 好大柸, 味道好似茶餐廳 ok! 而且冷熱同價, 好抵! 其實食完今多, 都飲唔哂....

因為自己唔太中意係街外食宵夜,所以都係同黑夜無緣,要用正價;(串燒雞翼已去骨,好香香草味同煙燻味鹽提升左鮮味而又唔會太咸雞肉粒好清新好紥實肉有煙燻香同甜味玉子壽司蛋都好甜,但認為比玉子燒遜色玉子燒幾厚,有5CM高本身唔會太甜加上上面有D似照燒醬既醬汁同埋暖暖地突出左甜味同蛋香食落去好有水分好綿軟鰻魚壽司鰻魚好嫩滑,冇骨架DDDDDDDDDD鹽燒魚應該有預先調過味,魚肉好甘甜好新鮮但唔腥本身都唔係好油,加埋檸檬汁更清新更突顯鮮甜仲要D骨係食得既脆既豆腐每塊上面都有唔同既配菜,有唔同既味有蔥,原味,紫菜同辣蘿蔔醬汁好清同較淡豆腐好滑好香,但較易碎餃子煎得好香,但油左D黑醋係稍為調過既,多左香味同唔係淨酸後來有再點海膽炸雞軟骨雞軟骨好爽,炸完但唔覺有油,加埋LEMON JUICE好清新海膽MIX左係個醬到食落係冇味既,但點左令雞軟骨冇咁膩加豉油再食個醬,會覺得好鮮甜好香黑椒三文魚三文魚帶子鵝肝帶子三文魚好香,有微微煙燻香食落有三文魚油滲出,魚肉好軟滑帶子好新鮮爽口,有甘甜味鴨肝正到oooooooooo好香,食落雖然有d油但香味係由口上個鼻煙過既帶子壽司提升鮮味同清走佢既油膩感dd三文魚後來有

今天同媽媽行街街買嘢同埋食生日飯，行到旺角媽媽話想食壽司，咁我哋就上左去一壽司食個早早的晚飯，雖然係星期六但因為我哋早所就唔洗等位，真好！叫了媽媽喜愛的多春魚天婦羅壽司，樣子不太吸引但咬落卻很脆，熱辣辣的多春魚冇咩腥味，很好，下次同朋友黎都可以再叫。我們亦叫了個季節推介叫『日本稚兒雪魚唐揚』我哋估應該的銀雪魚之類的食物，當我們看見店員送過來時有點擔心好似炸得好燶咁，媽媽先試說肉質很滑很甜，應該係迷你版的銀雪魚所以佢個名叫『稚兒』，我個人都覺得好好味，不過就有少少骨，所以要慢慢地吃。另外我重叫左個『冷鮑魚野菜焚合煮』冷盤黎架，媽媽生日梗係要食鮑魚先夠尊貴，哈哈！藉得講吓個鮑魚上面有片金萡飄吓飄吓，真係好意頭呀！但我就好欣賞片很甜很甜的南瓜，媽媽就話個鮑魚都過得去，但佢就話佢整梗係更好味，重話下星期會親自操刀整一餐鮑魚宴添，呵呵呵！呢次我重試左個『日式刺身冷麵』混合左日式芝蔴醬的冷麵簡直就係我的至愛，非常消暑，跟住再食埋個芥辣八爪魚、火炙玉子、芝士蟹籽蟹捧同蟹捧就結束左我哋今日呢餐好味又滿足的尊貴生日飯了。

與友人去了旺角一寿司，貪佢地方夠大就算等位都唔洗等咁耐，友人忽發奇想說今天不如全吃小食，我呆了一呆，然後說……一試無防，哈哈！我們將本 menu 從最尾一頁開始看，就點了海膽雞軟骨、秘製章魚丸子燒及三文魚刺身。看到一個季節推介的 menu 又點了個黑松露鮑魚一口素麵、雪之花蟹肉壽司及海鮮照燒風沙律軍艦。到最後還點了火舞黑蜘蛛卷、海膽金倉魚腩、鹽燒青檸三文魚、梅醬貝片、海膽蟹籽、黑松露左口魚邊同蟹膏蟹肉呢幾個寿司，我們都要屈服於非常肚餓的狀態底下而點了些飽肚嘢。先來的竟然是那個黑松露鮑魚一口素麵及三文魚刺身，大家當然就瓜分了個鮑魚先啦，味道似小小汁煮但鮑魚味濃，個素麵就稍欠味道，很淡的。至於個三文魚刺身呢都算切得厚同新鮮，但三片就似乎不夠喉了……嘻嘻……接著送來的是寿司，那個海鮮照燒風沙律軍艦有點以北寄貝沙津，但當中多了其他的海鮮粒混在其中，味道都很配合，雪之花蟹肉壽司就有點似希靈魚加了蟹柳的味道，有口感又很有趣。不得不提嗰個海膽蟹籽寿司，海膽真的很甜很新鮮，還有那個擁有霸氣名稱的火舞黑蜘蛛卷，內裡的軟殼蟹仍有點暖及脆脆的呢！]想不到這裏有章魚丸吃，跟街邊有點不同的是外皮非常脆，不過內裡

呢次食壽司好特別, 其中一個朋友係食素, 心諗佢可以食咩呢, 原來呢度都有野啱佢食, 佢點咗腐皮壽司同埋初吻, 初吻呢個壽司名就幾攪鬼, 雖然唔係好聯想到個名同壽司有咩關係, 但個賣相就好fresh, 外層用青爪片代替紫菜包住壽司飯, 造成軍艦咁嘅樣, 而飯上面就係三文魚粒、 芒果粒及青瓜粒, 雖然全部都係普通嘅材料, 但拼湊出特別嘅感覺, 有時食物嘅視覺享受都好重要架! 我地就食咗果d三文魚粒, 咁果位食素嘅朋友就可放心食啦!再點咗南瓜蕃薯天婦羅、吉列芝士及冷麵給那位食素嘅朋友享用, 我都有食南瓜天婦羅, 估唔到呢度嘅天婦羅炸得如此脆口, 入面片南瓜超甜, 外脆內軟, 真係好食! 而吉列芝士炸得非常香口, 內裡軟軟嘅芝士有好重cheese味, 呢個真係整得超好食, 愛芝士嘅人要試下。點兩個卷物食, 主要係賣相靚想試下, 辣汁加州卷其實係普通加州卷沾上辣汁, 但又唔係好辣, 而金龍之卷個名就好有氣勢, 係蝦天婦羅、三文魚及牛油果卷, 賣相又係引你去食, 不過呢個金龍之卷又幾好味, 三種食材加埋味道夾, 大大件咁, 樣靚又好食。白鳥貝壽司係第一次食, 估唔到白鳥貝係咁爽口, 同埋係有鮮味

終於去排左黑夜壽司,企左成粒鍾哈哈,呢個係我最愛的美人魚呀~~呢個真係一定要食,勁好味魷魚薄切,呢個就表現平平海膽軍艦勁鮮味赤貝壽司呀,佢個樣好令仔呢個牡丹蝦好甜,今次係第一次PO相呀不5可能有D唔清,但係overall黎講都幾抵食

一壽司搬咗真係唔知, 太耐無去, 係朋友話要去食壽司先知。天氣咁熱, 見到餐牌, 點d清新之選食吓, 就點咗香芒甜蝦壽司及梅醬貝片。香芒甜蝦賣相討好, 睇落都清新, 食落去芒果加甜蝦加青瓜再加沙律醬, 真係似芒果沙律加飯, 芒果夠甜, 意料之外, 因為好多用芒果做嘅菜色都係酸酸地, 唔係咁鍾意, 所以就覺得呢個壽司特別好食。試下個梅醬配貝片會唔會開胃d, 塊貝片好爽口, 夠新鮮, 加梅醬酸咪咪, 都算開胃, 夏日不錯之選。兩款蟹嘅壽司, 分別係蟹膏甜蝦及蟹膏蟹肉壽司, 蟹膏配甜蝦同配蟹肉有唔同食法, 雖然蟹膏嘅顏色望落去就麻麻地, 但食落又好香蟹膏味, 我就覺得配蟹肉好似夾d, 蟹肉好鮮味, 成為我至愛之選之一。唔係咁多人會食左口魚邊壽司, 我地都無咩食過, 但今次就試下, 發覺左口魚邊好爽口, 肉質有口感, 雖然唔係肥美的感覺, 清淡d, 無咁溜。帆立貝三食分別有汁煮帆立貝、柚子帆立貝及火炙帆立貝，我只係食咗汁煮及柚子，我比較喜歡柚子帆立貝, 都係果句, 夠清新, 都係啱夏季食, 汁煮其實都好食, 味道唔太濃, 無影響帆立貝嘅鮮味, 都值得一食。

分不清是本身店員服務態度有問題，還是她們歧視享用「黑夜壽司」的客人。當天只是簡單地打電話查詢價錢及食物，一位女店員就以厭惡的語氣回答我，而且不斷提及現在有很多客人 & 隨時CUT飛，彷彿警告著客人「不要來，來了後果自負」。作為前線員工，代表著全間店，已經給客人壞印像，得知店員質素如此，相信得來的，會是不愉快的用餐經驗。因此，無謂俾錢買氣受，唔去了!

好耐無食一壽司, 路經旺角, 去咗雅蘭果間來個晚飯, 水準依然。吉列生蠔壽司 – 吉列做得不錯, 外面炸得香脆, 內裡生蠔夠juicy, 每次食都覺得好食, 好怕吉列食物炸得太老或層外皮淋晒, 我對吉列食物都有要求, 去食日本野特別鍾意叫吉列食物試一試, 好在呢度都無叫我失望, 可encore!秘製汁火炙玉子 – 我唔係燒玉子die hard fans, 可能係咁, 我就覺得一般, 亦對秘製汁做出來的玉子味道都唔係太大驚喜, 味道尚可。辣汁加州手卷 – 加州手卷成日都會食, 第一次叫呢度嘅辣汁加州手卷, 居然有點驚喜! 其實好味道嘅食物有時真係唔需要好花巧, 平凡的食物只要加點心思, 就可能有不平凡的效果, 好似呢個手卷, 只係加咗辣汁, 食出嚟嘅味道已經有唔同, 值得欣賞!汁燒金菇牛卷 – 個汁令牛肉卷好食, 當然牛肉有咬口但唔會乾柴咁, 金菇配牛肉又係永恆的定律, 絕配又好食, 當然要睇兩樣食材嘅質素, 但個汁好味會令成件事錦上添花, 呢個金菇牛卷就做到呢個效果。海膽雞軟骨 – 坦白講, 我覺得同一般雞軟骨無咩分別, 無話特別食到海膽味, 但真係炸得香口, 一面吹水一面食呢個小食,

今天中午特意走到一寿司吃午餐定食，早幾天已有同事報告了並推介藉得一試，看過了餐牌發覺有很多種類包括刺身、寿司、石煱飯、咖喱、拉麵、烏冬等。想了一會我還是選了餐牌的封面相片的定食，就是賣相很吸引的角切魚生飯定食，而同事選了海膽海鮮石煱炒飯定食。正常預計都會是我的角切魚生飯會快一點，誰不知被同事的海膽海鮮石煱炒飯跑出了，想不到比餐牌上的照片還要靚，炒飯盛得滿滿的，紫菜絲及蔥粒佈滿飯面而浸出陣陣的炒飯香味，令我忍不住要迫她給我試一試，在餐牌上並註明用「日本富山縣入善町精米」果然係入口的軟硬度剛剛好，有咬口之餘又不會硬硬的感覺，炒過的海膽沒有散開，加上有蟹柳、魷魚、蝦及蛋絲混在其中令這個睇落普通的石煱炒飯變得一點都不平凡。我的角切魚生飯定食就跟照片沒甚出入，只是魚生粒粒比我想象中還要大粒，真好！因為最拍一些店舖將魚生粒切得比手指尾的指甲還要細小，那種感覺就像將廚餘聚集一堆給你吃，很難受呢！今天這一個的魚生看上就很新鮮，厚切的粒粒剛好一啖放進口裡就只有 ”Oishi” 的一個字浮現出來！其他的小碟有熱騰騰的蒸蛋、特式醬料伴超甜蘿蔔，還有一個我似為是茶壺的海鮮湯附一小角青檸，我估計是給怕腥的朋友用

難得今日放假就去左一間一直都好想試下嘅壽司店 – 一壽司。 一去到門囗有個侍應比左本午市定食個menu比我睇， D相影得好吸引令到我更加肚餓! 可能因為平日關係又未到D Office放 Lunch 時間，所以唔洗等位就可以入去食啦。入到去之後餐廳裡面嘅燈光暗暗地都幾柔和，E到D環境都幾適合三五知己黎聚一聚，我叫左一個壽司定食（八點）跟餐小食仲有日式土瓶海鮮湯，風呂吹大根，日式蒸蛋，餐飲我加＄18轉特飲荔枝西瓜冰砂。D刺身都好新鮮，個賣相仲幾靚，我最鐘意個日式蒸蛋，好有鮮味, 個海鮮湯就有好多蜆肉同一個青檸比你放入湯到去腥昧。我叫果杯特飲甜味剛剛好仲好大杯， 飲到走都未飲曬! E到嘅侍應都好有禮貌，好快回應到我嘅需要。

好耐無寫食評, 但係呢間都忍唔住俾個"叻"佢. 今日同屋企人去旺角行街, 到3點幾肚餓要食少少野, 其中有人鐘意食日本野, 心諗旺角無乜好日本餐廳, 食壽司應該最穩陣, 諗起以前經過雅蘭成日見一壽司有人排隊, 睇過食評又OK, 點知去到就搬左二期, 去二期都唔係遠, 咁就無睇到二期新開分店既食評就咁就出事啦. 搭車立上到二樓, 見到係新裝修都幾大又OK. 3點幾食客唔多, 另一邊都無人坐, 去到坐左卡位. 其實就坐係個下單機隔離, 等左5分鐘都未見侍應斟茶過來就叫佢, 個姐姐仔就話斟緊, 就過左幾分鐘見幾個侍應仲係度傾計, 好就再問啦, 佢又話斟緊. 我話係唔係以落單先啦, 個女仔就好唔願意咁慢慢lan 過黎, 我同佢講要乜, 叫完一樣佢就dup低頭望一望我個餐牌, 原來佢要寫number, 咁我就索性講埋個number 佢聽, 落完單多謝都無緊就行左去, 真係"叻"不久隔離枱有幾個人坐低, 好快就上茶俾佢地, 再過幾分鐘先上茶, 一摸上手杯茶係熱, 終於明白點解叫斟緊啦 , 經驗話我知咁既環境都知唔方好食架啦, 只係希望唔係太差. 叫左D熟食希望大步larm 過. 到上菜另一個侍應