一樂小鍋 (已結業)

同事極力推介下，預早book 左星期六同朋友仔去試下呢間海鮮粥底火鍋，海鮮book 位時可早選定，免得到時去到先選會無晒，我預先選定4款海鮮，分別選左肉蟹（好大隻，2人一隻），海蝦（每人2隻，超新鮮），鮑魚（洗得好乾淨，仲要好大隻，每人1隻），象拔丰仔（每人一隻，起鮮甜，正），另有2款就老板選，當中有蠔仔再加一貝殼類，另外再有6款火鍋配料可選擇，份量都很多，當時我選左，菜肉餃，九菜餃，金菇，肥牛，魚腐，牛柏葉，最後食到堅飽，但最後發現無黎到九菜餃，老板立即補番俾我地，但由於太飽，不想浪費，只叫老板俾3粒我們便夠，2款菜餃都好好味，食完後，老板會將湯底煮成粥，好入味，但由於太飽關係，我只食到半碗，價錢$218 再有9折，平到呢⋯⋯份量又多，仲要全部都好新鮮好亁淨，無時間限制，真的覺得不錯. 絕對有下次再下次！ 唯獨暫未有酒牌，但老板都好好，可自行自己帶酒，不收費，好到不得了，老板同老板娘服務都好好，好人又好傾，絕對是良心食店👍👍

價錢大眾化，海鮮由老闆娘每天親自挑選買返嚟，唔新鮮既唔會俾客食，夫妻檔男主外（樓面）女主内（廚房）熱情招呼，最緊要係食蟹，隻隻都洗得乾乾淨淨👍🏻仲要超大隻，預先訂枱仲有折，抵讚🤤🤤👍🏻👍🏻

我特意為呢一餐，開了賬戶寫食評，目的係希望唔好再有人同我一樣中招。其實打邊爐都冇乜技巧可言，最主要係要食材新鮮，$2xx位，我已經不求上盛質素，但最基本的，一樂都做唔到！海鮮餐1. 蟹：我好肯定係死蟹，食慣海鮮嘅人都知，蟹一死就唔食得，未煮都知出事。煮熟咗，一開，成隻及臭，出晒黑色水。2. 蜆：都係死的！個殻一出廚房，未落煲都開晒口，我唔明廚房又或者侍應點解咁都可以出俾客，咁都可以上枱。3. 牛肉：佢唔配叫「肥牛」，佢係瘦過瘦肉，簡直韌過車軑。4. 響鈴：一睇就知係街市買，但都唔明點解要吹水話係手工，仲要油淋淋，多油過我d面油。呢間野，我覺得冇心就真係唔好再做，又或者轉型，冇新鮮海鮮咪出下午餐肉、魚皮餃。總之，就一定冇下次，見到就怕。

今日第二次幫襯呢間一樂小鍋喇！之前係睇過食評，見到有負評都有d擔心，但係試左兩次都真係好好，所以一定要向大家推介呢間新開2個月既小店！首先揀6樣海鮮都非常新鮮！🦐🦑🐠今日海鮮我地揀左肉蟹 蠔仔 海蝦 白蜆 扇貝 蟶子，肉蟹上次食都多汁多蟹肉，今次仲有埋蟹膏，真係不得了！超多膏，好好味！蠔仔好大粒，我地留返最後煲粥既時候先加落去一齊食，同粥底好夾，好鮮甜！扇貝好大粒，蟶子都大隻 非常新鮮好味！之後揀6樣火鍋配料🥗🥬🥩🥙我地揀左1)韭菜餃/菜肉餃 店主自己手包 大粒足料2)安格斯牛肉 大塊抵食3)手切豬肉 好食！喜出望外4)魚腐 好食5)炸響鈴 即炸，好有heart 6)油麥菜 正常 份量多另外之前食過貢丸，青口都幾好！最後由老闆親自整粥底🥣打完邊爐之後就可以叫食粥底，老闆會先用隔渣篩將火鍋內的渣隔走，然後放煲好既粥，加菜圃，南瓜，豬油渣，蔥花落去一齊煲多10分鐘，個粥底就完成啦！個火鍋同粥底都完全係冇味精冇雞粉，我食開濃味，所以覺得如果就咁食粥底會有少少淡，加海鮮就岩岩好，食完碗粥真係大滿足！老闆非常年青有為，好有心做飲食業，真心欣賞。上次係星期日去食，見到佢忙到踢晒腳。今次平日去，少人

寡人剛從台北回來，吃了好多美食ɿ😏ɾ。台北有理念，有特色的食店琳瑯滿目。各種小店百花齊放的姿態，不禁讓朕對香港的營商環境黯然神傷，更有點羨慕台灣人的口福。回港後感覺只能往貴價餐廳的方向才能繼續朕的吃貨大道。然而世事豈是吾等凡夫所能窺探的呢😶？朕萬萬想不到在石門也能找到一間性價比超高的隱世小店🥘。前幾天有事到了石門，環顧不大的京瑞廣場，食店卻不少，茫無頭緒下唯有找開飯幫忙。一開始本來找到在開飯上好評如潮的飯店，滿心期待下排著隊。但在排隊時側耳聽見他們的員工在討論樓上新開的火鍋店，要怎麼打壓之類。這倒引起了我的注意⚠️。能引起火熱新店🔥的重視，必定絕非等閒。反正要等，就去看看吧！這隱世小店名叫一樂小鍋。在開飯裡找附近餐廳或設定京瑞廣場都找不到，更有隱世之感😝。最後直接找名字，找到了，卻被幾個負評嚇得猶疑了！仔細看看那些負評內容😏，發佈日期相近，而且食友全都只發過一篇食評。要是再看不出點端倪，便枉我在社會打滾幾十年了。所謂不招人妒是庸才，我立刻進去看看。一樂位於一層角落，有種與世無爭之感。裝潢挺有心思，時尚舒適。麻雀雖小，卻有種獨特的親切感。店員見我過來，立刻殷勤帶位。因為看見其中一個負評說海

成日都想試粥底火鍋，咁啱朋友話公司附近有間車仔麵夜晚有粥底火鍋，於是就約埋去試下。我哋7點到，無乜人喎，會唔會伏㗎。。。雖然唔係任食，呢個價錢，好似都幾多嘢食。我哋4個人，揀咗一隻蟹活魚。。。。嘩一條多寶魚仲有蟶子王 ，都幾大條大蝦魷魚一條細細粒蠔仔同貝殼（唔記得問叫乜）仲要揀多幾款火鍋配料炸魚皮、仲有牛肉、豬肉、午餐肉、魚腐、花膠仔同魚片頭之類啦，食材真係新鮮。食咗兩個鐘先清晒D食物，跟住就到我期待個粥啦，個哥哥幫我哋清理一下個湯底，之後就加一大碗又似粥又似飯嘅嘢，仲有南瓜同其他配料，煲10分鐘就食得雖然已經飽，最後都食咗兩碗，好滿足呀！多謝收看

和朋友飯聚，見到新店開幕，就試下！Order時店員介紹我們揀豬骨湯底。同蟹！蟹一黎，我係有少少嚇親！係好多膏加好大隻！最估唔到，老闆一路教我們要滾幾耐，滾完還幫我們把蟹分開，等女士們可以慢慢享用。小店有這種服務，我同朋友係嚇親，但非常開心！之後來的海鮮都非常驚喜！鮑魚係好新鮮，爽而不韌，帶子亦鮮甜！其實食依幾樣，已經覺得值回票價！而且打卡一流。之後仲有好多肉，自家包既餃。我由7:30，慢慢食到10:00。得閒店員老闆會過黎問我們食物點！依家真係好少何食到咁既質素而舒服環境既火鍋！最後仲估唔到，火鍋配料有花膠。花膠好膠好正！有驚喜，一定會再黎！

石門食店越來越多，好壞參半 ，今日同朋友一行三人試到間好野，忍唔住要打番兩句推介下！海鮮方面，新鮮足料，尤其係隻鮑魚又大又新鮮，清洗乾淨上枱仲識郁架！ 蜆唔係大隻個種，但肥味新鮮，入口Juicy有鮮味。蟹既份量十足，多甜又多羔😋😋。肉類唔算有驚喜，但亦不失禮。餃子係即叫即包，皮薄新鮮。魚腐好味，必點！我地早一日訂枱除左有9折之外，仲可以自選選定想食既海鮮👍🏻👍🏻堅抵食特別要讚下店主店員親切有禮，仲會提示每樣食物最佳烹煮時間。

海鮮，我諗冇人唔岩。現在又一新發現，兩個人的好選擇，打海鮮邊爐同老公行街，搵野食，都幾煩嫁。兩個人食野又唔多，但又想多款式一點，唔好只係叫個飯，得一味菜咁單調。咁岩在石門的朋友介紹了這家一樂小鍋。這間店是新開張的，人不算多，環境寬敞，裝修設計幾靚。跟店員了解了一下，原來一樂小鍋早上、下午是做車仔麵，晚上就是打海鮮邊爐。海鮮新鮮，聽店員說是每日出去親自采購。我和老公出去一般的火鍋館叫一碟碟來食，都幾貴，而且份量多，款式又少。食任食邊爐呢，通常價格貴，而且食物質素又不行。不過這間又幾好喎，海解6款，其他火鍋配料又6款，一共12款火鍋料。我最中意隻爆糕蟹，蝦🦐肉彈牙口感好。令人最回味的是最後加埋個海鮮粥，十分完美。以後兩個人，都可以有好選擇了。我已約埋一眾師奶朋友們下星期再去

首先係網上外賣平台叫左兩碗外賣先係比漏一杯野飲然後食食下我就發現有一條毛我都仲可以算但再繼續食落去就發現有第二條第三條同第四條！真係頂唔順 去左網上外賣平台投訴！到底廚師係點既情況下做呢碗河粉呢？係人都知飲食業有幾污糟 眼不見為淨但我今次確實敢想像🤮經過呢件事 得出一個結論就係呢間野真係好有問題而且極唔衛生 以後唔會再食勸喻大家小心D！不過如果想試下食毛可以無視我呢個POST祝大家好運👍🏼

先唔講價錢，食物質素本來就是一間餐廳的基本，第一次每碟食到一半就要放棄，怒火中燒，有誰共鳴！諗住同阿媽試下石門新餐廳，經過一樂，侍應細細聲以9折招手，好喇，就試下。先講價錢，9折後應該兩百幾蚊位，又話有海鮮，呢個價位，其實都預咗唔會係d 咩靚海鮮，但更加估唔到，佢完部俾死海鮮我？！2個人，食一隻又瘦、又完全有肉嘅蟹，蟹膏仲要又黑又水，食蟹嘅人都會知，蟹一死就會嗅，我食緊嘅就係呢d 蟹。仲有合共4隻蝦，2粒帶子，一埋又係死晒合唔埋口嘅蜆，如果我真係食晒佢地，我怕我後果會佢地一樣！再黎就係一碟充滿雪氣，流晒血水的牛肉「乾」，得罪講句，佢鞋過我對鞋底！唔講斯唔得，仲有油到可以揸出一碗油嘅響鈴，一睇就知係街市買到唔會係即炸嘅響鈴，我都唔明點解可可油到咁，好彩佢拎張核突餐紙印下d 油。不過不失只可以講係個青菜。最後，原來佢仲會用我地食完個鍋煮個粥，但佢係拎我鍋野，入廚房攪咗好耐先再拎出黎，講真，你客又唔多，得1-2枱，攪咗成20分鐘。Overall, 未試過食一間感覺咁差的餐廳，周圍都係蚊滋，我冇叫飲品，叫佢俾杯水我，侍應就用佢徒手執完垃圾嘅手，開水喉俾一杯水喉水俾我！住咗沙田區三十年，第一次遇

我見有人寫個負評，心諗唔好食咪算囉，做咩要負評人，點知今日食完真係忍唔住要俾一個，我食野都算求其，冇咩要求，但哩次真係好想講俾人知終於知道上一個負評嘅慘痛程度我都忍唔住寫一編話俾大家知因上次食過地下車仔麵一般般，所以上咗1樓食一樂，我入到去間鋪都有半數枱滿，午市都係好過晚市嘅，因為有啲人食，但平時晚市唔見多人，小貓3-4枱，冇人食又好令人有入去嘅衝動， 佢地出海鮮set，$2××一位食海鮮，其他配料係街市雜丸，完全唔值得唔吸引，晚市2人要$4××消費，我唔會食佢，寧願去食陳根記（都係麻麻地）起碼有3個餸講講下離咗題，我唔係想講佢個晚餐，係想講佢個車仔麵，佢堅稱0味精，我點咗4餸1粉+罐可樂，埋單$64，我覺得合理，湯底加咗腩汁如同+咗2匙粗鹽我相信0味精可能係咩汁都唔落，即係清湯+烚菜+烚丸，咩都係烚有可能（健康醫院餐）食車仔麵精髓一定要叫豬腸，牛腩，冬菇，上餐個樣都唔錯，但啲餸咸到嘔勁味精，係啲汁超咸，由其係個辣汁， 確喉到我要叫罐可樂沖淡一切，哩幾樣都做得唔好食，相信其他都唔駛試我食咗一半已經冇食，個侍應仲話我地分量好大碗，好抵食，你下次唔好叫咁多餸就食得哂🙄我無言以對埋單離開，佢

一家四口想食好質素火煱，又想近屋企。見到Open Rice 推介，可以網上訂枱及九折，食評及相片吸引，於是早一日訂枱。職員好好人，訂枱時間之前３小時，打電話俾我，問清楚我們的海鮮類別選擇，確保我們想食的有貨，並且包保新鮮。晚上去到，職員友善，細心招呼，我已經好耐無見過Ｄ侍應生同生客有傾有講，有禮貌又專業。環境裝修不俗，燈光明亮，地方不大卻無壓迫感，坐得舒服，碗筷乾淨，剪蟹的較剪新淨有力，很好用！要了番茄湯底，無鹽無味精，食完餐飯，三個人分享了一罐可樂(＄10 )，同平時一晚火鍋，每人要飲３枝汽水有好大分別。食物主角係海鮮，我們要了魚，蝦，蟹，同鮑魚，此外仲有牛肉，豬肉，花膠仔，蜂巢豆腐和自家製菜肉餃。材料新鮮，配上秘製豉油，令食物本身嘅味道更加美味。最後，湯底去渣加入特製南瓜粥，滋味之餘更令我全家捧住肚離開！無加一，經Open Rice 訂枱仲有九折！！新開業小店，肯聽客人意見，真係好得！

今晚同阿女撐枱腳試新野，見今晚凍凍地阿女搵到呢間新開既海鮮火鍋店，海鮮火鍋配料好新鮮，膏蟹爆膏，海蝦彈牙，聖子爽甜，鮮魷小蜆鮮甜，兩人選5種海鮮加6款配菜，開頭諗住會唔夠食，但食到中段已開始飽飽地，加埋最後既極品南瓜粥底，簡直無得輸，回味無窮！但真係飽到上心口食唔落，之後老闆見我地停哂手停哂口，問我拎唔拎走返去食，我當然樂意之極，見他禮貌友善，睇得出好有心做好生意，又不浪費食物，抵讚！最後埋單仲有九折，阿女話下次再去幫趁，真係好好味！

住係石門附近 成日去京瑞廣場到搵食 醫肚呢一年開左好多食肆 間間都食過 但其實好食既 食黎食去都係 沙X一同丸仔清湯腩今日黎左新開既一樂小鍋 叫左碗車仔麵又幾好食 標榜唔落味精既豬骨清湯幾甜 撈埋辣汁都幾香 雖然小辣都幾辣至於車仔餸 牛腩夠入味同淋 豬皮口感恰到好處 糖心蛋香 肯定唔係普通大陸蛋成碗車仔麵食得出 用心整 學周星馳話齋 只要用心 個個都係食神 臨走時同老闆娘傾兩句 順便讚下D食物 佢叫我上網寫食評支持 同 搵日夜晚再黎試火鍋幾長氣 但都幾Nice 一定會再返轉頭幫襯同支持京瑞又多一間好食既餐廳 唔洗食黎食去都係果2間下次帶埋老婆 再去試下海鮮火鍋 希望繼續有驚喜