一樓咖啡室 (已結業)

剛過的母親節，總共食了三餐，除了老媽及外母，當然要慰勞一下太太。 上次一家四口已經食過築地直送刺身，以為今次都是一樣，原來餐廳再次加強陣容，每位客人由A4和牛，改成即蒸半開波士頓龍蝦，仲要隻隻游水貨，真係未食先興奮。 築地直送刺身 香港正值休魚期，想食海魚就更難，家陣有每日築地直送海魚，仲要日日不同，真係諗起都流口水，今日提供了目仁奈、真鯛及魴彿三種白身魚，就算係日本餐廳都不常遇上，價錢不菲，肉質口感清爽，，最可惜今日無柚子汁蘸點。 刺身 至於基本的刺身有菲律賓赤蝦、八爪魚、吞拿魚、三文魚及帶子，當中最吸引就一定是甜美的赤蝦，與及柔軟幼滑的帶子，絕對不能錯過。 清蒸波士頓龍蝦 大堂中間擺放了一個大魚缸，放滿了鮮蹦活跳的游水波士頓龍蝦，仲要係用作清蒸，每位客人會有一張食物卡，可以憑卡換取一份，每隻有300gm左右，而且有嫣紅的蝦膏，客人可以沾少計松露油增添香氣，但個人反而喜歡蘸點紅醋，令蝦味更鮮。 即煮龍蝦湯 每一碗都是即煮，充滿誠意度，先將赤蝦同藍貝用蒜粒爆香，再加入牛油及白酒煮，即時香氣四溢

怡東酒店一樓Cafe, 出面坐得幾舒服，但裏面食buffet啲枱就好close! A la carte menu 選擇都多，而set lunch 同 set dinner menu 間中都會轉吓！等候食物啲時間唔算耐，呢到啲Pizza 味道唔錯，但材料較少，每塊Pizza啲辣肉腸得一兩小片！仲以為呢到啲海南雞飯會好好味，賣相唔錯，有幾條菜同一碗清補涼湯，可惜只係得個樣，啲雞完全無味道，好失望😞！呢到啲凍檸茶唔好飲，不過通常酒店啲凍檸茶都無茶餐廳咁好飲！

Buffet—-我最愛，特別是平靚正！今晚book左食buffet，因為公司集團有優惠，可以半價食，所以一於泥試下。我同男朋友6點到，無乜人，應該算早。因為我地食到7點左右全個場已經full左。一齊睇下有咩野食啦。凍盤。有蝦，翡翠螺，青口，長腳蟹。蝦好好食，新鮮彈牙既，又有蝦膏，好好味但長腳蟹就好鹹，吾好食既沙律🥗。就普通羅馬菜，什菜，車厘茄，粟米，都新鮮既！仲有巴馬火腿哈密瓜。湯🥣。就有2種，中西湯，覺得吾夠熱壽司刺身。有三文魚，吞拿魚，鮑片，帶子，甜蝦，都算新鮮好味有蟹粥，麵檔。蟹粥好鮮甜，食左2碗。麵我就無試啦，好似有喇沙湯底既和牛。每人有一張卡仔，可以去換一份，個湯放舊和牛，我覺得吾好食，和牛壽司🍣好普通甘燒一燒，和牛片煮到over左太老。羊肉，豬肋骨。幾好食，羊肉吾太so味，豬肋骨燒得幾香，吾錯既鮑魚。呢個必食！即蒸，鮑魚個葱油好香，好好好食！鮑魚吾un咖！我食左3隻！熱盤。我就一向吾太食既，有菜，咖哩飯，魚🐟，雞，炸魚等等。。甜品生果雪糕。係H字杯裝雪糕，正！甜品吾吸引，好普通，完全吾特別。生果就有西瓜🍉，哈密瓜🍈，菠蘿🍍今次有優惠，半價就覺得好抵食！但如果要正價，我就覺得

有酒店及長者優惠，一行8人訂位吃晚餐自助餐。這晚沒有即開生蠔，但有麵包蟹，蟹腳，三文魚、油甘魚、帶子等刺身，還有沙律吧的三文魚、凍肉、八爪魚切片，羊架，西冷，豬肋骨，最重要是有“四大天皇” - 煎鵝肝、煮鮑魚、煮花膠和牛三食等搭夠，而且甜品很符合本人口味，更有雪糕杯，與及創意辣味雪糕提供。其餘的還有麵檔，即煮自行配搭的湯麵，還有咖喱雜菜及牛，有印度米相配，不過有點辣。由於有“四大天皇”吸引，其他相對容易可以吃多幾轉。以上提及的都非常好味與抵食。當然是在有特別優惠的情況下。嘻嘻～

平時都喜歡跟朋友或家人到處四出搵食，適逢家人生日，於是安排他最喜愛的自助餐慶祝。想起銅鑼灣怡東酒店嘅「Cafe on the 1st」推出生日月份內每四位即可享免費一位的優惠，星期六晚上還提供有阿拉斯加長腳蟹及家人最喜愛的鵝肝多士，於是便預早訂位準備享受美食。餐廳安排了靠窗位置，讓我們可以一邊欣賞窗外景色，一邊享受美食。食物大多放置在入口兩旁，看似普通的擺設，但食物款色比我們預期的多。冷盤有沙律、長腳蟹、開邊龍蝦、青口、螺、蝦、壽司、及刺身等等。值得推介的是帶子及蝦刺身，非常新鮮，值得一試。跟着必食的便是我們喜愛的香煎鵝肝多士，入口即溶，只可惜不能食得太多。令我們有驚喜的還有西班牙火腿配超甜的蜜瓜；羊架和燒牛肉，肉身嫰滑 ；花膠冬菇煑法值得一讚，非常美味；蟹粥鮮甜美味；反而鮑魚沒什麼味道。最後出場的當然是甜品及生果，但款式不多，幸好還有HaagenDazs雪糕作完美的結局。

有朋自美國回香港探親，本來想睇下食英式下午茶定tea buffet。想大家乜都有得食，所最後揀左Excelsior「一樓」tea buffet。餐廳有部分客人係order英式下午茶，見唔太特別，所以我地揀buffet應該無錯餐廳內有聖誕裝飾好有氣氛雖然唔係貴嘅食物，但種類都算多，主要係沙律、壽司、熱葷、車仔麵、中式點心同埋甜品。沙律同三文治都幾好味熱葷嘅XO醬腸粉同煙肉火雞卷都好好味有個焗腸仔酥個酥皮好鬆化，熱辣辣好好味甜品唔算太多款式，但有款細細個菠蘿油都幾得柚子芝士蛋糕都要俾like，淡淡清新柚子味，芝士又不會過份膩，唔錯點心區雖然只有幾款，但珍珠雞整得幾好味，妹妹話雞包仔都幾好味車仔麵檔我枱後面嘅area無人，聖誕裝飾幾靚總括食物都ok，當然就唔係話太出色，每人消費$200，1行4人食下傾下就消磨左1個愉快嘅下午

今日一行6人，12點3到達就開始搵野食。 因為咳左成個月既關係，所以一開波就食左熱盤先，見到有栗子同紫心蕃薯兩樣都係平時自助餐唔會見到既食物，但我自己就好中意食種類唔算多，大概分佈如下:熱盤3款，只試左其中一款西蘭花蝦球，味道正常咖哩2-3款，配印度長長既飯或即薄餅，無試到湯粉，自己揀粉，揀配料，湯底有清湯同喇沙。 喇湯味道較淡，無濃濃椰香味，帶少少辣，鐘意喇沙既朋友會失望啊，但如果只想袋配料就無問題啦肉類，有燒牛肉同火雞，醬汁唔會太咸，輕易完成火雞肉一塊，另外有糖浸栗子做配菜，大愛冷盤方面，都係大路既，4款沙律，2款凍肉，海鮮有凍蝦，青口，螺，小龍蝦，另外沙律菜夾完有得自己做mixing，係盤度撈好再夾返落碟，唔錯魚生屬一般貨式甜品種類都夠多，但唔係好岩心水所以無食太多整體質素有驚喜，但種類比起價錢相對較少，但有海景搭夠，如果喜歡多野食既buffet可能呢間就未必滿足到嚕有信用卡優惠，埋單8折~

由於我們之前嚟都係食自助晚餐，所以今次我們就特意揀咗喺午餐時段嚟食！一去到我們當然又係做指定動作影相先啦，一邊影一邊睇，雖然午餐係無阿拉斯加長腳、開邊凍龍蝦等等等等⋯⋯但款式種類都幾多，除咗必定會有嘅刺身壽司、燒牛肉、凍蝦、沙律、粉麵、熱葷熟食之外，仲有冷盤嘅上海豬肉凍批即肴肉同鴨春卷，肴肉嘅質感好爽滑彈牙，味道相當鮮味，而且完全無油膩嘅感覺！鴨春卷嘅卷餅質感好煙煙韌韌，入面嘅餡料除咗有主角嘅鴨肉，仲有紅、白蘿蔔絲同香蔥條，夾埋一齊食感覺好清新，而且口感相當豐富！紫薯同粟子係擺放咗喺啲燒熱咗嘅熱石上面一直熱著嚟保溫，真係好貼心呀！另外！今次最值得讚賞嘅係負責切刺身同切負責切燒牛肉嘅兩位師傅，因刺身原本係限每人祇可以攞一份，但今日師傅會主動畀兩份我們，而且仲問我們夠唔夠，唔夠嘅話仲可以要多一份？今日嘅三文魚係眾多款刺身之中最正㗎，因質感好嫩滑，而且有好濃郁嘅魚油香味！至於燒牛肉方面，我們一向都係最鍾意食嘅，師傅亦非常好咁滿足我們呢個要求，真係切得好厚身，所以食落嘅口感更加正，而且肉質非常鬆軟，就算咁厚身都完全有韌或「硬實實」嘅感覺，真係超正呀！而且兩位師傅嘅態度仲相當親切有禮！另外！由於

家人生日，來一個自助午餐慶祝。第一次來這家酒店的餐廳用餐，我們被安排了靠窗位置，這邊還設有兒童玩樂區，可以俾小朋友自助地玩。對望維港，回想十年二十年三十年前嘅景色......青口凍蝦翡翠螺新鮮有肉地，煙鴨胸肉沙律湯有中湯及西湯選擇。我選了中湯的椰子燉雞湯。雞湯味濃，但略欠雞肉。壽司有十來款選擇，刺身有四、五款。卷物比較做得好。小妺比較細食，這是我的熟食盤。最正當然係件烤牛甜品選擇比較多，小件的，剛剛好不浪費，基本上都不錯還有H記雪糕可選。

久違了嘅婦女兵團聚會，約了又約，終於齊人，所以當然要食番餐好，而今次就揀了香港怡東酒店嘅「一樓咖啡室」。還未夠中午 12 點已經抵達，服務員很貼心，說可以先入座，毋須站在門外等候，而這天我們就被安排坐在窗口位置，可以飽覽整個維港景色，真係令人心曠神怡！立即外出去 Buffet Line 看看，先由我最愛的海鮮區出發，有小龍蝦、熟蝦、青口、翡翠螺等。而海鮮對面就擺咗四款芝士，有 Cheddar，Brie，Cambozola，Emmental，用來配餅乾吃最夾。芝士區旁邊係 Salad Bar，可以自己 DIY，自製沙律作為前菜，打開胃口。Deli Bar 有煙三文魚、Cold Cut 同火腿，煙三文魚每一片都非常厚身，食落鹹香油潤，肉質柔軟，用來拌清新的沙律菜吃就最啱 Key。熱吃方面，選擇亦挺多，有燴牛肉、泰式炒青口、西蘭花扒蝦仁、中式牛柳、咖喱雜菜、牛咖喱、印度飯、印度薄餅、台式滷肉肉燥飯、乾燒伊麵、清蒸大海班、蒜蓉茄子、中式燒味和燒牛肉等。最盡頭係 Noodle Station，可以淥麵、米粉、炸魚片、牛肉丸等，甚至淨係灼菜食都得。唔記得提刺身同壽司添，刺身選擇不多，只有吞拿、三文

會員有折，每位320，有即開生蠔丶龍蝦丶蟹腳等海鮮，絕對OK。生蠔即叫即開，大隻肥美，平時很多酒店的生蠔，食完會吾舒服，我吃了一打有多，完全無事，可見非常新鮮衛生。而且無乜人排隊，吾會話一陣風無曬或要等等等。海蝦大大隻，蝦肉彈牙有鮮味。蟹腳，甜美多肉，侍應refill非常快，大家好禮讓。青口，平時好少食，呢度肉好細，但勝在有鮮味吾腥無雷味。小龍蝦太細，我無食！冷盤有火腿，夠肥，但有點乾身，嚡口。冷盤都有煙三文魚，一般啦，吾腥，卻欠煙燻味也欠三文魚味。壽司，全場無乜人拎，吾吸引。剌生個嬸嬸好寒暄，切得薄如紙，而且魚生無乜味，拎完一次就算。熱食得豬仔骨食得過，燒醬夠惹味。又燒牛仔骨豬腩肉魷魚等，全部吾合格，肉質惡劣。甜品多選擇，最好系葡tart 和 雪糕，葡tart外皮鬆脆，旦液焗得啱啱好，旦香又濃又滑，上面的糖炭燒味十足，正！我食左2個！其餘多數糸好睇吾好食，影相呃like用。會員價320淨食靚生蠔及海鮮已值回票價，仲有餐前果汁和餐後飲品一杯。

容許我講：一流嘅位置， 九流嘅食物！連續三年嘅國慶日都去咗不同嘅酒店食自助餐同睇煙花。今年嘅經驗可以話係最差。衛生差其實大時大節食自助餐都預咗同人迫同埋質素參差啲。但係今次我覺得係衛生都好差。其實睇到佢成晚嘅員工都係見習生居多。我哋食燒烤嘅時候就見到佢用同一個鉗夾啲生嘅帶子，再用同一個鉗夾D熟嘅魚俾我食。其實呢一個係好普通嘅衛生常識，生同屬嘅食物要分開處理。自助餐啲食物碟上面有好多水，作為一間四星級嘅酒店，係咪應該花啲錢去裝置一啲暖碟嘅機呢。食物味道差，選擇少沙律嘅選擇就係幾種菜自己mix.冷盤嘅食物海鮮種類尚算可以但,但係味道好難食。我攞咗幾隻蟹鉗拆開出嚟，啲肉係實、完全冇晒水份。老實講即食蟹柳都好食過佢。唯一可以讚嘅係啲即開生蠔，好新鮮但係每次只可以攞兩隻。傳統燒西冷欠奉，有個爐端燒牛肉我哋攞咗兩次，第一次啲牛肉係燒好晒攤喺度：凍嘅，其實可以攞燈照住姐。第二次攞係喺個爐燒緊嘅，結果都只係䁔而唔係而熱㗎。刺身壽司亦都值得一提，啲刺身切完係出緊水。最特別係佢有一個好似蛋糕咁大嚿嘅壽司，我每一次經過都會諗究竟有乜人去食咁大舊壽司？食完應該乜都唔使食。所以成晚我都見到嗰幾舊壽司係冇人攞過。

由於喺媽咪正日生日嗰日我們已約咗Oppa一齊慶祝，而4姨媽同表姐又聽我們提過話銅鑼灣怡東酒店嘅「一樓咖啡室」有阿拉斯加長腳蟹食，兼且係要星期五、六，日先有得供應，所以我們特意一早約定喺今晚星期日提早同媽咪慶祝生日，因要選擇坐窗口嘅位置要早三個星期前預訂，可以一邊享受美食，一邊欣賞維港嘅景色，真係一大享受！之前嚟食過都有讚過一點話，他們相當貼心，一早將啲阿拉斯加長腳蟹腳剪開晒，完全唔駛人客自己落手剪，就可以食到啖啖嘅蟹肉，呢點4姨媽同表姐都非常讚賞！開邊凍龍蝦嘅膏超多，味道好甘香軟滑，肉質相當爽甜彈牙！香煎鵝肝多士嘅鵝肝煎得外脆內軟，入口即溶，夾埋香脆嘅多士一齊食，可以吸收晒鵝肝油嘅甘香，就算油嘅份量比較多，都唔會有好油膩嘅感覺！另外仲有原條即燒魚，外皮燒得好香脆惹味，肉質相當鮮味彈牙！由於4姨媽唔係好食其他肉類，主要係食魚類，所以另外再攞咗清蒸黃立䱽嚟食，因蒸嘅時間火候啱啱恰到好處，所以肉質好鮮嫩！總括：4姨媽同表姐都讚我們決定今晚嚟呢度食自助晚餐係正確嘅！因呢度嘅款式種類都幾多，而且阿拉斯加長腳蟹係不斷供應，呢點係我們最讚㗎！

台灣一向是香港人短程遊的熱門地點，由街頭小食到燒肉、牛肉麵及文青咖啡店，都會見到港人足跡。 若然閣下是台菜迷，家陣無須老遠飛去台灣，因為怡東酒店繼年前請來度小月傳人來港獻技之後，近月又邀請了在網站有4.5分 (滿分是5)的新北市兄弟食堂主理人及團隊，將當地的風味帶到香港。 偶爾都想同家人吃點特別的菜色，年前一家去過台灣，對當地小食或菜色念念不忘，既然無須搭飛機，又有食友推薦，就找了個晚上去試試。 生蠔 南非生蠔每次兩隻，而且是即開即食，確保衛生可靠，蠔味足略帶爽口，真的不錯。 Seafood Station 有近年Buffet大熱既麵包蟹，肉質甜美，如果食到蟹蓋就更正，因為有蟹膏；另外仲有紅龍蝦仔、翡翠螺、凍蝦及青口，比起同級酒店，在質素上是更勝一籌。 刺身 有帶子、北寄貝、甜蝦、三文魚、吞拿魚、希靈魚及魚，種類不單較多，而且解凍處理得宜，當中帶子、北寄貝及甜蝦最值得推薦，肉質甜美柔軟，不妨試試。 壽司 有三文魚、鮑片、蝦、八爪魚、鯖魚、鰻魚及玉子。 今次主題是難得一見的台灣風味，當然要每樣都試下。

媽媽經常說要去食自助餐，好啦，就趁著Cafe on the 1st推廣著台灣美食而到來。印象所記，好似從沒有來過，對這兒充滿好奇，碰巧自小就很愛吃台灣菜，說來慚愧，還記得多年前他們與台灣名店合作，未有機會來品嚐，所以更加需要來一試。 台灣美食固然吸引，可是大家一定對冰鎮海鮮更感興趣，款式不算太多，但絕對貴精不貴多，六款海鮮加即開生蠔，特別是即開生蠔，肥美又鮮味，很久沒有在自助餐裡遇見咁大隻的生蠔。 雖然即開生蠔的魅力非凡，但台式冷盤的吸引力更為吸引。其中的蛋黃中卷已深深打動了我，吃了一舊又一舊，膽固醇已不會是考慮之列了。其餘還有冷筍沙律、冰鎮萵筍及涼拌茄子，都是不錯的。 另一邊則是供應著沙律及凍肉的位置，吃點蔬菜絕對有助消化，亦可增加食量，所以每次吃自助餐時，也會拿一大碟來吃，放點煙三文魚作配料，不錯的。說到自助餐又豈能沒有刺身壽司，款式雖不多，但都很新鮮，而其中的創作壽司做得很有心思，很有趣的。 既然是台灣美食的推廣，絕對不只冷盤的，等候著我們的一系列的特式台灣美食。首先是手工製作，作法繁複的髮菜魚卷及酥炸芋卷，以新鮮起出的魚肉捲著蝦膠及馬蹄打成的餡料，鮮味十足；