一番日本料理

營業中

休息中

今日同朋友去元朗行街 諗住是但搵間嘢食吓 見到呢間平平哋 就諗住食呢間但係我都未入到去 足足企咗喺出邊半個鐘人手嘅問題 佢哋完全唔會寫紙仔 我後面有一個三個人嘅 明明我嚟先都比佢哋插隊排咗係我前面 仲可以即刻入 跟住我同佢講我嚟先 但係店員非但無讓返個位俾我仲叫我企喺出邊等我足足企咗半個鐘頭都冇人理我我覺得非常不滿人哋三個已經好舒服咁坐喺度食緊嘢佢冇比一個完善嘅服務態度我冇咩事我都唔會再去 唔想排隊嘅千祈唔好入呢間連一句sorry都冇

第一次試呢間一番日本料理，唔熟佢有啲咩食，企咗喺佢門口睇咗張餐單好耐先決定到食咩。最後就叫咗照燒雞排飯定食、汁炒金菇肥牛飯定食、京蔥拖羅茸壽司同埋鵝肝壽司。先講咗2件壽司先，我都未見過一舊壽司係咁大舊飯haha。京蔥拖羅茸壽司個賣相麻麻地，食落都係正正常常咁，無話覺得特別好食或者難食。件而鵝肝壽司，塊鵝肝整得太乾身，而且已經無咩肝油係上面，食落完全食唔出鵝肝本身既香味，係幾個菜式入面最失望既。定食方面其實照燒雞排飯定食同汁炒金菇肥牛飯定食既味道都係差唔多，個汁係好食既，但係相對就咸咗少少。照燒雞排既雞皮都有啲韌，肥牛就好似食緊香口膠咁。

落咗咁多日雨🌧️，今日終於出太陽啦🌞 呢度3pm之後幾抵食，而且相撲壽司好出名，size比正常壽司大，啱晒大食嘅我🤰🏻壽司🔸佐口裙邊 $12（2件）一入口質感彈牙，然後就漫漫溶係口中，香氣四溢，另外配埋姜蔥作調味。🔸京蔥拖羅蓉 $16（2件）拖羅蓉份量滿瀉，口感好綿密，完全冇筋，幾高質。🔸松葉蟹膏 $16（2件）有蟹膏同蟹柳，前者尤其味道香濃，整體口感有層次。🔸三文魚籽 $22鮮甜多汁，唔會有腥味。刺身擺盤幾精緻用心👍🏻Size由細到大嘅🦐系列，味道鮮甜，質感彈牙爽口，細嘅比較濕潤，大嘅就比較有咬口🤤🔸無頭甜蝦 $7（2片）🔸大甜蝦 $10（2片）🔸珍寶赤蝦 $12（1隻）🔸鮮帶子 $12（2片）大大粒口感軟嫩，鮮味十足。🔸三文魚 $18（2片）肥美厚切，味道鮮甜，推薦💯🔸吞拿魚 $18（2片）口感厚實、略帶咬口，魚味濃郁。叉燒烏冬 $33咁平嘅價錢都有驚喜！有兩片叉燒，豬肉香味濃郁，但冇肉燥味，而且冇乜肥膏👍🏻 烏冬份量唔少，口感煙韌彈牙；配菜水準正常～柚子蜜（熱）+$5凍熱飲品同價幾抵，不過冬天都係嗌熱飲啦。飲落暖笠笠，柚子皮帶自然果香同甜味，唔錯～職員同師傅嘅態度都好好，出菜速度又

初三去左元朗朋友屋企拜年，無乜食店有開門，就求其入左黎食個晏，我地叫左兩樣野share～野食即叫即整，所以都等左十零分鐘⭐滑蛋吉列豬扒鍋飯 💰6️⃣1️⃣豬扒炸皮好厚兼好淋，肉質好韌。。。。滑蛋唔夠滑，飯又無乜汁，真心食過最難食既吉列豬扒飯🤦⭐炸軟殼蟹卷 💰6️⃣8️⃣軟殼蟹新鮮炸起幾香脆，但炸粉佔左大部分，無乜蟹肉🙈飯粒微暖，口感煙韌，由於飯量多所以食晒一碟既話都幾飽😅元朗有好多出名壽司店，呢間就。。。。可一不可再🙈🙈

一去到見到好多學生有lunch menu 超級抵食 最平$29 加一學生仲要唔使+1免費送杯嘢飲真係好有心的餐廳好有屋企嘅感覺💕不過我唔係好食飯都係嗌左個三文魚鍋 炸得有點油🙈最後尾個沙律廚房唔記得咗整，食到差唔多完問一問😂不過職員都好好盡快安排

價錢好合理💕質素很好尤其係關東煮50幾蚊好多了料 仲有牛筋✨沖綠茶的方法好特別杯裏面已經準備好茶葉係個杯底本身唔係好食肉嘅我終於找到心頭號呢個集材煲好正😊仲要好清嘅湯底夠晒健康

元朗站📍一番日本料理-最後一晚堂食晚市，食返餐日本野🇯🇵時令生蠔（$13/隻）店員話做緊優惠，$13點都試試佢。生蠔有淡淡海水味，以$13黎講質素都唔錯！刺身（$58）呢個刺身碟有三文魚、油甘魚、帶子、北寄貝、北極翡翠螺。三文魚同油甘魚好厚身、肥美😋女朋友平時話帶子腥，今次都食晒😒我都冇得食。芥未醬焗帆立貝（$13/隻）帆立貝size都唔細，配埋芥末醬幾惹味！鹿先島豚肉蜆肉鍋（$95）呢個鍋物叫左地獄湯底，另外轉左烏冬底（加$10）。豚肉好滑好爽口，肥瘦適中，豬味濃🐷。蜆都有9-10隻，好鮮甜。食完生冷野食返個鍋成個人暖晒😎不過今次叫左小辣唔夠喉，下次試試大辣🌶應該仲惹味！環境方面，坐得幾舒服，餐廳都幾企理。一路食一路聞到d日式串燒/燒海鮮嘅味就好想去返轉日本😿🇯🇵平時經過都見到好多人排，第一次試就知點解，價錢公道，質素ok，下次再encore😸

好耐無去過我中學既飯堂，今晚去到見唔洗排隊就入左去試，原來裝修已經唔同哂，感覺光猛左好多！唔知係咪疫情關係，變左即棄紙杯，底部已經係茶包，呢個設計幾得意。坐低店員會細心問需唔需要紙袋放口罩，加分👍🏻最後menu 好多選擇，心思思左好耐見到有激安推介，男朋友試左🦪生蠔/$13隻同🦐珍寶赤蝦刺身/$9隻，新鮮抵食，男朋友都食到😋可惜今日無海膽試唔到🥲🍣壽司/$11-$20件壽司大大件，刺身都好厚切，特別係帶子，左口魚同三文魚，都幾新鮮😋😋🥗魚生碎配蟹子沙律/$48🥘肥牛野菜葛絲鍋/$63配料有肥牛，豆腐，冬菇，雞蛋，娃娃菜同粉絲等等，我們試左小辣地獄湯底，如果可以再辣少少就好，飲落肚好暖胃🤩食完仲有芝麻糊送，整體用餐感覺好好，環境舒服，職員都好友善，keep住會收碟，見有一家大細慶生，下次會再去

好耐都冇係元朗食日本野，所以一定要去一番回味一下😍😍，真係勁掛住一番嘅大大件壽司，冇一間夠佢大件夾抵食😂😂🦑三文魚碎蟹籽沙律$48—-每次我都會叫蟹子沙律，今次叫咗三文魚說蟹子沙律，估唔到三文魚同蟹子沙律都可以咁㗎🦑鰻魚炸蝦卷$72——我個朋友好鍾意食鰻魚我有鍾意食炸蝦，所以呢有呢個鰻魚炸蝦卷真係必叫🦑三文魚反卷$58——真係唔小心帶咗兩個卷物，勁大件係勁大件呀，其實我哋兩個人真係食唔晒，但係真係好抵食好正🦑珍寶赤蝦刺身$9——好鮮甜嘅赤蝦，又大隻又抵食，所以每次去到我都會叫來食😘🦑時令生蠔$13——真心係甜嘅，好滑好正👍🏻

今日去元朗玩下，去食下好西，摘下士多啤梨，我朋友帶我去食元朗的特色壽司店，大大件壽司🍣🍣牡丹蝦、鮮帶子、三文魚刺身$78牡丹蝦手掌咁長，新鮮好甜😋，帶子好爽口，好正👍🏻，三文魚肥美香滑，大大件厚切😍🍣日式炒什菜$45有椰菜、芽菜、洋蔥炒的什菜，日式料理方法，味道好香濃😍🍣鹽燒三文魚水撥$35燒到好香好脆，完全釋放出三文魚油😋🍣佐口魚裙邊壽司$11好多地方都冇佐口魚裙邊壽司了，lee到有要立即食下，好重油香😋🍣三文魚壽司$14真係勁大件，片三文魚大到可以卷一圈個飯架，好底食😘🍣黃金魷魚壽司$14我覺得正常發揮的黃金魷魚🦑🍣油甘魚壽司$18好厚切，好油香，勁底食😂🍣劍魚腩壽司$20都係勁厚切，肥美好吃😋🍣凍檸茶$9正常茶記味道，但最重要係只係$9，一杯凍飲$9，真係邊到都搵唔到😂

記得N年前 入親元朗都必食日本嘢 出名抵食夾大件 不過自從朋友搬離元朗 已經好多年無踏足過呢片大西北土地 今日有機會入到黎 就去懷緬下 依然冇令我失望 嗌到成枱面野 嗌左刺身 壽司 沙律 兩碗拉麵 一份燒三文魚腩 四個人食都$500有找真係不得了 刺身好新鮮 雖然平 但係唔會將貨就價 壽司依然大件 雖然或飯唔值錢 不過佢面頭嘅料都絕對唔少 沙律依然有睇頭 雖然聽落$65個沙律好貴 但係佢嘅份量係一個大湯碗嘅份量 青瓜粟米蟹籽 樣樣都好足料 另外個拉麵雖然係頹頹拉麵 不過$30俾到咁嘅質素 我都覺得算係交足功課

今日Y到訪呢間喺元朗享負盛名，又屹立多年嘅一番日本料理。Y我去到都要等一陣先入到去，而餐廳菜式嘅惹味同份量都同佢哋嘅人氣成正比，令慕名而來嘅Y心滿意足(*´ ω`*)*天婦羅拉麵 $76提提大家！食拉麵前要攪吓碗底嘅麵！因為Y我一開頭食嘅時候覺得個湯太淡，食咗半碗先發現原來啲湯料喺底，成個湯底係好濃郁，配合埋中辣口味，更加係香辣惹味，大家千祈唔好同我犯相同嘅錯啊嗚嗚( ；∀；)而辣湯同海帶，仲有鮮甜嗚門卷都係最佳拍檔，辣與鮮嘅喺口腔嘅碰撞同融合，真係非常醒胃((●♡∀♡而個天婦羅都不得不讚，外層炸漿薄薄哋，唔會太厚，炸蝦肉質鮮嫩，完全無雪藏味，完美示範出咩叫皮脆肉嫩嘅天婦羅✅其他炸物方面，不但為南瓜、茄子、香菇增添酥脆口感，又保留佢哋嘅原汁原味，都頗為美味。*餃子拉麵 $50餃子外皮炸到脆卜卜，內餡嘅菜肉鎖住肉汁，令每啖都齒頰留香，個人強烈推薦！🔥🔥*炸軟殼蟹飯卷 $62抵食精選！每舊飯卷都好大舊！內裏暖暖哋嘅軟殼蟹炸得酥脆香口，令Y欲罷不能，忍唔住食完一舊又一舊🤤 P.S.佢哋嘅茶杯有特別設計過，用濾紙隔住咗啲茶葉，唔驚品茶嗰陣飲到茶葉，可謂非常貼心嘅設計♡鐘意食日本料理嘅大家，Y誠

元朗區日本料理，一番日本料理，抵食夾大件， 作為元朗居民，不可不知，不可不食。首推海葡萄海膽杯$78，大大件的海膽放在海葡萄上，加上小許的裝花朵，十分美觀。海膽新鮮甜美，海葡萄有益健康，加起來就是完美。點了另一鐘情項目，雜錦壽司$135，大堆頭的壽司🍣制作，絕對抵食。三文魚壽司兩件黃金魷魚壽司兩件飛魚子壽司兩件𩶘魚壽司兩件加州反卷六件壽司🍣最重要食材夠新鮮，一片魚刺身再加上壽司飯，就成了絕佳美食。一番的壽司飯底特大，魚片新鮮，價錢公道，出色超值。

同細妹行完街就帶佢試下我中學時嘅味道😋記得之前中學年年陸運會完左就會喺元朗運動場過嚟食，因為又平又大份，壯丁都一定夠飽😂過咗咁多年好多元朗嘅餐廳都物是人非，但係佢仍然都做得住，就知佢咩料啦👍🏻今次返嚟食都係大件夾抵食👍🏻·日式餃子拉麵（$50）我就叫左個地獄小辣拉麵，呢個價錢仲要係晚市食到有一份六隻餃子加大大碗拉麵，真係好抵食👍🏻仲要整體質素係好好食，餃子個皮好脆，中間啲餡又好香豬肉味👍🏻拉麵唔會太淋又或者太硬啱啱好😋天婦羅拉麵（$76）細妹叫左個都係地獄中辣拉麵，同樣地有六件天婦羅，有兩件炸蝦,兩件番薯,仲有一件茄子同埋菇，我淨係試咗個蝦係好味嘅，甜嘅唔會有雪味👍🏻同埋炸粉份量啱啱好唔會太厚😋炸軟殼蟹飯卷($62)呢個係中學必食之選，因為價錢好平但係有成六件大大件嘅飯卷👍🏻佢中間個軟殼蟹炸得好趣，最鍾意點沙律醬食👍🏻仲有芝士吉列豬扒飯卷都好好味，因為啲溶咗嘅芝士好香，仲有中學嘅時候一定會叫佢個洗面盆咁大嘅沙律做前菜😂😂但因為今次我哋得兩個人就冇叫到😂今次食佢啲茶轉左用紙杯茶，下面有個網格住啲茶葉，唔使一邊飲一邊吐😂好貼心👍🏻希望一番長做長有，等我時不時返嚟懷緬下過去❤️

今晚一樣懶洋洋唔想出街🙈🙈🙈係附近近近地食飯算🤪諗起呢間日本野都開咗好耐口碑唔錯，今日就去試吓🤣整體評分：7.8/10味道：7.8/10環境：7/10服務：7.8/10（店員姐姐一直同我哋介紹菜式❤️服務100分）人均消費：$50-100地址：一番日本料理 (元朗)元朗教育路29號地下C舖海葡萄海膽杯（$78）：呢個係鋪頭新出嘅菜式，入面有加拿大海膽，蝦同海葡萄！😍😍😍好高級精緻！店員教我哋要一筷子直插全部材料先好食～味道好鮮甜，層次好豐富，仲帶有柚子香！廚師發板：刺身拼盤（$298）：入面有三文魚腩、油甘魚、池王、牡丹蝦、伊佐木、加拿大海膽和牛刺身、 珍寶帶子王同埋眼仁奈有回甘）😍😍😍全部都好新鮮～不愧為飛機貨🤤其中伊佐木有香蔥係上面，好香油脂，做到入口即化😍 珍寶帶子王用柚子醬油泡，表面燒過，大大隻。另外佢哋係生磨芥辣🔷時令生蠔🦪（$13/1隻）：超抵食！😍😍😍 好甜！仲要好大隻珍寶赤蝦刺身（$9/1隻）：呢個仲抵！🤩蝦好脆好大隻特制火焰巨長壽司盛🍣（$108）：入面分別有左口魚、鰻魚、芝士玉子燒同巨大蟹柳～每件都超巨型😱😍😍特別係左口魚油脂豐富，超有滿足感鹽燒油甘魚頭（$88）：皮