一番日本料理

營業中

休息中

大胃嘅大家一定鍾意食嘅日本餐廳！因為佢哋大份夾抵食！！蟹籽沙律沙律有蟹籽、粟米粒同大量青瓜絲，加埋沙律醬，清爽開胃~清酒煮蜆蜆肉鮮甜，湯嘅清酒味都幾濃🤤芒果天婦羅蝦飯卷一碟總共有六件，呢間餐廳出名相撲壽司，每一件都好大件，酸甜嘅芒果配埋香脆嘅天婦羅炸蝦，口感豐富，醋飯口感都幾香軟，但係酸度可以再調整~剌身都好新鮮，而味道都鮮甜肥美，每一件都厚切好大件！❤️串燒方面，叫咗鹽燒牛舌、炭燒雞肉同炭燒雞軟骨，牛舌質感幾特別，店員話牛舌特登整得腍身少少，所以相對其他地方食到嘅牛舌會冇咁韌，加埋黑椒更加惹味，而燒汁亦值得一讚！！估唔到餐廳仲有免費嘅飯後甜品，店員同我哋講每晚八點就會有糖水送，今晚係椰汁西米露🥥

平時經過元朗呢間日式餐廳，見到都幾多人幫襯，於是今日就約同朋友一齊去試吓😋蟹籽沙律沙律包括有蟹籽、粟米粒同大量青瓜絲，加埋沙律醬，清爽開胃😉清酒煮蜆蜆肉鮮甜，湯嘅清酒味都幾濃🤤芒果天婦羅蝦飯卷一碟總共有六件，呢間餐廳出名相撲壽司，每一件都好大件，酸甜嘅芒果配埋香脆嘅天婦羅炸蝦，口感豐富，醋飯口感都幾香軟，但係酸度可以再調整~刺身方面，色澤可見剌身都好新鮮，而味道都鮮甜肥美，每一件都厚切好大件！😆我哋方別叫咗三文魚、三文魚近腩、吞拿魚油甘魚、大甜蝦、大八爪魚同鮮帶子~串燒方面，叫咗鹽燒牛舌、炭燒雞肉同炭燒雞軟骨，牛舌質感幾特別，店員話牛舌特登整得腍身少少，所以相對其他地方食到嘅牛舌會冇咁韌，加埋黑椒更加惹味，而燒汁亦值得一讚👍🏻餐廳有一個地方幾特別，枱面預先放咗紙杯，入邊已經有茶包，杯子中間有一個隔層網，倒水就可以飲到茶，呢個設計幾方便🤩飲品叫咗白桃乳酸，白桃味可以再濃啲，而朋友飲嘅百香果乳酸味道唔錯，百香果嘅味幾出👍🏻我哋估唔到餐廳仲有免費嘅飯後甜品，店員同我哋講每晚八點就會有糖水送，今晚係椰汁西米露，不過因為我同朋友都食得好飽，所以淨係叫咗一碗🙈總括而言，呢間日式餐廳幾抵食，性價比高

其實我地哩啲大食仔，食一啲高級日本野真心好唔抵。最直接既原因係，我唔係好分到啲野食既味道有好大分別。但又貴又細。宜哩道真心抵食，一大碌卷物都係3十幾4十蚊左右，已經飽到上心口，仲要幾好食。溝非港女可去食🤟🏻

位於元朗既一番日本料理，由中學時期已經成日放學去食，滿滿既回憶，應該都係好多中學生既食堂，因為呢到真係平靚正。今次咁岩放假去開元朗呢邊，即刻去一番食個晏就，點左個廚師發板刺身，種類都好多款，有我最愛既海膽，不得不提個拖羅勁好食，入口即化。串燒就燒茄子都幾吾錯，應該用左燒汁黎燒，好入味，三文魚鮫炸到好香口，牛油味極重，然後都點左啲壽司，最後真係食到勁飽啊！呢到呢綠茶好得意，紙杯底有個好似網既野，一直飲都吾會飲到茶葉，味道都幾好

今日行開元朗，見差唔多已經就嚟3點，有少少肚餓，可能今日早食午餐既關係(籍口🤣)，所以有少少肚餓😂。經過一番日本料理，見到佢餐牌既下午茶好抵食，所以一於入去試吓😆下午茶餐牌都好多選擇，加$5 就有一杯冷/熱飲品1杯。我地叫咗熱紅棗蜜、熱檸蜜，好適合今日咁凍嘅天氣，飲咗成個人都舒服晒😌今日天氣凍，想食d暖笠笠既野，所以叫咗碗叉燒拉麵share。呢碗拉麵真係好抵食！！只係$30！但係個份量係正常嘅份量，而唔會因為下午茶既關係而減少份量。所以我哋兩個人share都ok！另外，我哋見佢既下午茶刺身同壽司咁抵食，所以叫咗好多款😂呢度d壽司係相撲壽司，即係舊飯比平時個d大一倍，上面嘅魚生都會大少少😋不過如果驚食唔晒，可以同店家講唔要相撲壽司。左口魚壽司個左口魚油脂好豐富，食落口好爽脆同鮮甜😋 鵝肝壽司d鵝肝好軟淋！皇帝蟹棒超大，仲大過舊飯😂劍魚腩爽脆肉質好厚實！珍寶赤蝦刺身好大隻！好鮮甜丶好爽！蝦頭仲爆哂膏！味道濃郁丶超鮮甜😍😍帶子味道鮮甜，而色澤望落去好新鮮油甘魚刺身超爽超肥美，好好味😋海膽好正丶好濃郁，咬落去好鮮甜丶勁creamy ，超正😍😍，整體d魚生好鮮甜👍🏻👍🏻

平時比較少去元朗，今日去探朋友，喺佢介紹下去左一番食日本料理，對壽司控嘅我黎講絕對啱食。見menu上有極多吾同食物種類供選擇，俾我望到壽司欄上有我鍾意食嘅壽司，我當然吾會錯過，叫左鮮帶子壽司、劍魚腩壽司、松葉蟹膏壽司及象拔蚌壽司。剌身亦係我嘅至愛，珍寶赤蝦刺身及時令生蠔不能錯過，芥末焗帆立貝都order左，仲做緊今期推介㖭！每款壽司都超大件而且又新鮮，劍魚腩同帶子好厚身，松葉蟹膏味道濃沃，象拔蚌好爽口。珍寶赤蝦刺身值得推介，又大隻又嫩滑，加少少wasabi食好正，生蠔真新鮮，點檸檬汁食最啱。芥末估吾到焗過之後同帆立貝味道咁夾，真係要試。

性價比高嘅日本菜以呢個價錢已經好抵黎元朗必定食大大件壽司剩食壽司已經好飽😂唔記得咗$8定$9嘅生蠔都幾大隻少少海水味都算ok唯一餐廳啲位置比較迫坐中比較無咁舒服😅

已光顧過無數次，食物保持水準價格實惠店內空間略小，座位略擠迫點學生贈送飲品，午餐時間經常有大批學生門外排隊，早已不是學生的我們盡量避開12-1:30lunch time去！ 「蒲燒鰻魚丼」鰻魚無骨厚肉入味，雜菜伴日本珍珠米香軟，首選！ $58 「滑蛋吉列朱扒鍋飯」皮脆肉嫩，滑蛋汁伴飯，一流！ $52可選多飯或少飯！每餐贈送麵豉湯及綠茶，茶杯自帶茶葉內層，衝泡方便又衛生！跟餐加$5有熱飲/涷飲，特色飲品加$8。

每月去到糧尾嘅時候，就會諗下邊度有平靚正嘅晚餐，即時諗起一番日本料理，叫埋同事收工一齊食好西。每台預先放好餐具，飲品杯是即棄茶包連在紙杯底的，感覺很貼心，自己加熱水就能有茶飲。餐牌最近有秋季推介，例如熱辣辣的鯛魚頭玉奶鍋、關東煮、煎羊架，又有採用季節性海產的廚師發板刺身拼盤。可惜同事唔食刺身，唯有自己點一份細的刺身拼盤$68,有吞拿魚、大甜蝦、翡翠螺、立魚、海膽。除了翡翠螺是一隻，和海膽是一片，其他刺身都有兩片。$68價錢超值，明碼實價無加一，刺身新鮮大片，海膽質感爽甜有海水味，下次要食一板啊！(都有特價$68一板) ，誰說糧尾無啖好食？鹿兒島豚肉蜆肉鍋， 天氣涼，點個鍋物扮打邊爐，暖暖的。這裏的鍋物是公認的美味又大份，非常推介！我還加$10配烏冬，怎麼不見了蜆肉？只見豚肉鋪滿鍋面，原來好物沉歸底，越挖越多寶，除了大量的蜆肉，還有粉絲、黃芽白、白菜、雜菌等，蜆肉和 蔬菜都令湯底增添甜味，而清湯精心淆製過本已很鮮甜，加埋一齊食令湯底超好味！整個鍋連湯也喝完，特別一提豚肉，帶有少許豬軟骨，咬下爽口有嚼勁，足料份量夠，大食如我都覺得超值！滑蛋雞扒飯$55,同事不吃刺身，點個熟食算了。鍋飯原來

《嘆一嘆下午茶》三點鐘 踏入這間在元朗區內開咗好耐既人氣日本平價料理食好西😚街坊生意 裝橫平實 食物價錢相宜實惠👍 👉星期一至五📍三點至六點有十多款下午茶餐價錢由 $11.00起 食物有日、 台 、港 、韓式都有~~ 👉另外📍三點至六點半優惠時段刺身/壽司價錢由 $6.00起自私食嘆咗~~八款刺身( 立魚 劍魚腩 八爪魚 油甘魚 甜蝦 赤貝 帶子 珍珠赤蝦) 新鮮冇雪味👍鮮茄牛肉湯烏冬🍅湯底香濃 幾多蕃茄蓉 天然嘅茄味🍅🍅烏冬都幾多下 牛肉正常 差唔多飲曬啲湯😆

8號風球在家悶了一天，落波後外出晚餐，可能打完風仲落緊雨，街上餐廳選擇不多 (未開門/休息)，見到呢間日本菜剛好有位，價錢ok又選擇多，就入去。 餐廳裝修以簡約和風為主，也有擺放不同牌子sake。食物方面選擇多，包括一般刺身壽司海鮮串燒炸物拉麵烏冬鍋物等等，而且相當抵食。 刺身拼盤 ($58)餐廳的刺身都做優惠，多款拼盤由$5x至$7x已有5，6款刺身，十分吸引。今次選擇了: 三文魚、油甘魚、鮮帶子、北寄貝及北極翡翠螺。刺身整體新鮮，三文魚和油甘魚的條紋清晰，魚油多又夠厚身。 貝類的刺身也鮮味十足，甘甜唔會苦。 牛油果反卷8件 ($62)牛油果控表示，由於不是很多日本菜有，一見到就必點這個卷物! 有蟹柳和玉子包在卷物內，加上牛油果，以蟹籽和千島沙律醬調味，牛油果是厚厚的和半熟的，配搭卷物口感豐富。 吉列豬扒烏冬 地獄湯底 ($58)辣味湯底值得一讚! 調味剛好，不會過鹹或太淡味，加上日本魚蛋，芽菜，雞蛋和昆布，每樣都十分入味。吉列豬扒是厚身，炸得外邊香脆內裏鬆化，不會炸得太乾，而附上沙律醬調味，配合烏冬食，滿足又性價比極高。 紙製茶杯很特別，原來茶葉已經在杯底，只要加入熱水，立即變日本

平日中午路過，見好多學生喺門口排隊，望一望午市定食，價錢真係好抵。最近減肥，佢地嘅巨大壽司我就唔啱了，不如就試少少刺身啦。入到去果斷揀左餐牌比較高價位嘅刺身，覺得質素很不錯。磯煮鮑魚 ($35)邊口香味更濃，肉質有韌性而不硬，有鮮甜味道。珍寶牡丹蝦 $40好大隻✨入口超滿足，肉質爽滑彈牙，鮮味十足❤️極上三文魚腩 ($62)五片都算厚切，肥美香嫩，入口即溶嘅嫩滑程度，好滿意👍🏻珍寶帶子 ($40)超大一粒，入口鮮甜無比，帶子係我食刺身之食首選✨牛舌串 ($22)想食啲熱嘢作結，牛舌不過不失，味道可以，但比較乾身。刺身鮮甜肥美，埋單只係200蚊多啲，以食左咁多珍寶size刺身來說，價錢好貼地！

成日晚市時間路過經常都排滿人，諗住平日中午嚟應該會好啲，點知都係好多人，好彩朋友一早來排位。辛苦晒😘廚師發板刺身拼盤（18片）$298採用日本季節性海產，各款刺身鮮味十足。極上迷你雜錦壽司配烏冬$88跟餐追加$10蟹子沙律 抹茶蕨餅$5凍柚子蜜啱晒又想食壽司又想飲碗熱湯嘅朋友👍🏼吉列豬扒定食$29跟餐追加$10雜錦沙律 泡芙$13巨峰提子乳酸超級抵食，吉列豬扒非常酥脆，分量十足，啱晒又想食好嘢又要飽肚嘅學生哥。另外佢哋嘅茶包好特別，係設置喺茶杯嘅杯底唔會浮上面，唔會喺品茶途中有茶葉或茶包黐住個口。

同朋友係元朗工作完好攰，想食餐開心啲嘅午餐，行行下見到一番，好似唔錯😁就入去試下。其實我地坐低都兩點幾，但餐廳仍然好多人，望下餐牌，嘩！平到😂 有啲嚇親，仲驚係伏。就係呢個平民超脆豬扒飯，必點！鬆脆，厚度足，咬落去仲有肉汁😍 最緊要係佢只係廿幾蚊！不得了！我就叫咗呢個壽司set，最好味係魚子😋 三文魚腩同吞拿魚都好出色。因為好平，所以忍唔住叫埋其他單點嘅嘢食。登登！廚師發板刺身拼盤，三百蚊唔洗就食到咁多款刺身，仲有海膽呀大佬！海膽我估係用加拿大（估架咋，我無問😂），因為食得出佢好甜，同母好大陣嘅海水味！真心推薦！抵食度：⭐️⭐️⭐️⭐️⭐️

元朗出名多好嘢食，撞啱最近做周年慶嘅一番日本料理，發現性價比真係唔係一般嘅高🤣店舖唔算好大，裝修唔係走精緻高檔路線，不過最重要就係食物質素係咪？呢間真係冇得輸。先來時令白身魚（$98/10片）開頭見到白新與但唔講名係咩魚類，有點卻步，但識落的確係非常新鮮，也許只是店舖想有走盞空間吧？用柚子醋漬嘅處理手法，配合新鮮山葵，試問而家仲有幾多間日本餐廳賣呢個價錢，但比咁樣嘅質素呢？😆☺️👍🏼再來日本宮崎和牛壽司（$48 ）油脂分布睇圖都見到，唔使多講，入口即溶👍🏼松葉蟹味增甲羅燒（$48 ）相信應該係自家製或真係入貨選料上乘，冇出面食嘅一般甲羅燒嘅死鹹味，反而上嚐到蟹膏真正嘅鮮味。一個人就食咁多嘢，飽肚又唔肥膩，真係好鍾意日本嘅飲食文化啊！🦪右邊係時令生蠔號（ $13 ）、🦐珍寶赤蝦刺身（ $9 ），全部都係非常新鮮，試想像仲有邊度可以搵到比呢間用料新鮮，價錢唔貴嘅日本嘢呢？🙈好喇，來到今晚嘅重頭戲，細節決定成敗，呢個位置值得我再去呢間餐廳食完再食👍🏼明明見到個底浪下浪下有茶葉，點知飲落從來未有茶葉渣，原來係餐廳入咗一批下面有過濾紙嘅茶杯🍵🤣👍🏼往往遇到性價比高嘅餐廳，有人會話餐廳好傻，有錢唔賺