一碗肉燥 (喜薈)

營業中

休息中

自從食完阿元來了既肉燥飯之後H先生由抗拒慢慢變到對肉燥幾有興趣👅今日H先生主動約P小姐去試新野👫入到餐廳見到有order紙但紙上純文字無圖 👀無圖無真相 驚出事架嘛😦於是P小姐就問waitress攞個menu睇睇點知原來係無既😂😅咁就見到啲字幻想下眼前既食物啦🧐.H先生見有樣叫好吃鹽酥雞排燥底撈(香辣）😮唔知係乜又想試下一於try try 啦🤗噢！原來係肉燥撈台灣面😏不過面底淥得過左龍😖面條質地淋左啲😖雞扒真係好巨😱炸得好脆 亦好夠肉👍🏻咁啱仲要俾左個脾位H先生🤩所以都真係好滑 都幾有肉汁架落埋餐廳提供既海苔粉 H先生覺得仲好味.肉燥方面就唔太特別😟不過不失 唔算好惹味🙅🏻‍♂️肉質都係偏瘦 所以食落比較鞋口🤷🏻‍♂️碗面伴左一啲切碎左既長青豆反而呢樣幾爽口 清新💁🏻‍♂️令成碗面感覺無咁油膩整體黎講試一次就夠

在20度氣溫下，全店都坐滿人，但竟然一個通風都沒有開(如果有開的話出風口是會郁的)，一入店內已感覺非常侷促。向店員反映此情況但完全沒有一個人能夠幫忙處理，直至向一位疑似話事人嘅阿姐投訴，她才開啟一個通風口(全店起碼有10個通風口)，但最離譜的是她一開始仲要說是有開到通風的(但當時所有出風口都是沒有郁的)。這樣做生意的手法及服務態度，真的匪夷所思！

而家一碗肉燥勁難walk in搵位，個個都經GULU個apps攞位，今次我地都醒目，經apps攞位，好快就有得入座！望一望menu，又不知不覺加左價但佢個menu選項係豐富左，除左之前嘅套餐外，仲有個叫精挑細選套餐，係相睇又的確精美啲專一嘅我都係揀識撈系列嘅兩款餸，揀左回魂黑醋豬軟骨同手搖脆雞翼，配香辣燥底撈同熱飲！可能漏單，催左次單先有得食賣相依然精美，豬軟骨入味，雞翼仲好脆，而個燥底今次辣左惹味左佢地轉埋麵底反而好食咗，以前係幼身嘅，而家就用上扁身類似粗麵咁，更加彈牙有口感！只不過以前個豬軟骨多好多舊，應該成本上漲，加價再減少份量同事叫左個好吃鹽酥雞扒燥底飯，可自由落海苔粉、七味粉同梅子粉調味，啱啲重口味嘅朋友！其實唔落都好香口，份量好足！整體係ok嘅，只不過越來越唔抵食，仲記得想當年嘅棒棒芝士巨腸貢丸肉燥飯（見下圖）都係$37，以前嘅燥底仲有爽爽勁有咬口嘅紅色嘢同薄薄嘅獅子狗卷，可惜而家已經無咗棒棒芝士巨腸，往事只能回味！ 

長沙灣自從多咗一座大廈之後都多咗幾間餐廳甚至幾間餐廳都係唔同嘅國家菜式而附近台式餐廳選擇比較少所以呢間店鋪都算多人去呢一日嘅lunch時間我同同事們都決定試一試呢間台式餐廳店內嘅裝修喺同區嚟講算係少有，幾靚幾特別不過部份坐高櫈嘅位置就唔係好舒服lunch佢哋係套餐咁樣點菜有幾款唔同嘅小食/肉類去配搭主要嘅肉燥飯麵我就點咗個手搖脆翼加餃子配辣肉燥飯加六蚊升級做珍珠奶茶當上菜嘅時候有啲失望肉燥份量唔夠，飯亦都幾少味道上亦一般，不過溏心蛋唔錯反而小食令我滿意雞翼脆身但內裏依然有肉汁，餃子亦夠皮薄成個lunch令我最深刻都依然係份量唔夠…

又一間由台灣引入香港的肉燥飯店，店的招牌卡通是一顆長得很像《櫻桃小丸子》裡山根同學的米粒。店裡的風格也很可愛，那當然要嚐嚐它的味道～.鹽酥雞香辣肉燥飯 HKD$55厚厚又香口的鹽酥雞排，鬆脆多汁，加上微辣的肉燥飯，讓人吃了一口就停不下了。

呢間鋪頭開左年幾2年，但係深受街坊歡迎！鋪頭設計時尚，臺面都係用格子磚設計，墻上有不同霓虹燈牌！系舊區有一間咁既台灣菜真係好難得。食物選擇方面有自選菜式拼麵或者飯，可以揀辣肉燥或者唔辣~仲包一杯蜂蜜紅茶，今次就價錢upgrade做珍珠奶茶。先講食物方面，最欣賞每碗飯的溏心蛋，而且牛肉好入味，好軟。雞排炸得酥脆！而且飯都大大碗！較為遜色既系D配菜豆，好似唔太熟而且好大陣青味。蜂蜜紅茶都太甜，建議大家叫少甜，健康d!

一碗肉燥呢間舖係我食過咁多間台灣餐廳之中，最不台式的一間。我係指餐廳的環境。入到去的感覺比覺似美式快餐店的那種，唔係話佢差，只不過是有點格格不入的感覺。怎樣都好，環境係乾淨，光鮮的，位置也算是坐得舒服的，只是很美式而已。說不定這間餐廳係美國人開的呢（誤）說到尾紅燒牛肉麵才是主角，好食與否才是重點。一說到台式紅燒牛肉麵，隨左牛肉同麵之外，更值得我地去留意的就是湯底。我覺得湯的濃淡算是適中，但就是缺乏了那種藥材的香味。雖然我唔太了解牛肉麵的湯底究竟是用什麼材料，但我食過比較出色的，在台灣本土食到的，都會散發着那種獨特的香料味道。但我似乎在這一碗找不到這期待已久嘅香料味道。牛肉方面量多，夠腍身，而且入味，也是不錯。仲有隻蛋，不過我覺得同牛肉麵唔係咁match 。麵量唔多，麵質偏軟。最後想講下個類似豆角的東西。這個食材變了整個麵的敗筆，太過草青味重，而且還蓋過了，牛肉和湯本身調味

舊年新開張嘅時候常常都有很多人等位排長龍，我也幫襯過幾次，好耐冇食，今日經過便入去睇吓有冇驚喜。係呢一區嚟講，店舖外觀時尚搶眼，俾人感覺年輕有活力。店內亦光猛舒適！食物種類唔多，主食幾款，配飯或麵，小吃又係有幾款，再加埋飲品幾款。完！套餐就係以上嘅組合。我點了兩個午餐～回魂黑醋豬軟骨併台灣腸原味肉燥飯。很讚紅燒牛肉原味燥底湯麵。整體來說，肉煮得夠淋，味道亦ok，但就唔係好道地囉！唔似食緊台灣嘢，啲豆角粒太生硬，隱若有陣草青味。條台灣腸好味可惜沒有分碟上，放咗係飯上面，拎到來已經淋咗。餐飲凍蜂蜜紅茶，淡淡嘅蜂蜜同紅茶配合得宜，清新可口。

OT辛苦，但有人接放工係幸福事。所以今晚同佢一齊去食晚飯。因為想食啲未食過嘅餐廳，所以就試下呢間一碗肉燥。入到去八點幾，都仲好多人，不過都仲有位。我叫左個蜂蜜豬排肉燥飯，飲品係蜂蜜紅茶，佢叫左個雞腿肉燥麵。食物賣相幾好，因為人好攰，見到咁色彩繽紛嘅晚餐，心情都好左，而且豬排係有蜂蜜，所以甜甜地，好開胃。而個飯又有肉燥，又咸咸地，加個半熟蛋，味道好豐富。而個飲品，有茶味又夠甜，所以食飽左都仲好想飲埋佢。而佢個炸雞腿，因為太熱氣，我無試到，不過應該都唔錯～～仲有，食食下比我地發現～呢間係大快活集團黎，佢話唔怪得個雞腿口感咁熟口面😂😂😂

今日傾盆大雨, 走進長沙灣一碗肉躁吃飯順便避雨, 店內坐滿人, 店員請我等等, 等了5分鐘左右就有座位了! 時間2:30 pm , 有下午茶吃!! 選了BB餐, 七味魚餅串燒配原味肉躁撈麵, 凍紅茶! 好快就上菜, 溫度唔算太熱, 微溫啦! 肉躁撈麵上有些菜粒同半隻蛋, 但個撈麵好濕! 味道一般啦, 魚餅無乜味, 靠面頭的七味粉吊出少少辣味! 飲品好多冰, 所以唔太夠喉!! 原本覺得細細碗應該唔夠飽, 但食完又覺得岩岩好! $31 有埋飲品都算唔錯

一碗肉燥 係長沙灣開左一段日子，但無乜機會入去試，今晚終於同太太黎試下。望落鋪仔細細原來入面都幾多枱，七點幾晚市唔駛等位，正。自己劃飛，一人一張好似唔太環保。主要係揀麵定飯，同埋咩餸。飯就揀左個撈起，即係可以揀三款餸。揀左黑糖豬軟骨、台灣腸同埋雞翼，加埋本身有的肉燥同埋半隻蛋，都幾豐富。豬軟骨味道普通，夠淋；雞翼做唔到有兩隻中翼，不過味道無乜特別；台灣腸有一條，一般台灣腸味道；蛋無特別；肉燥揀左辣味，基於本人唔算好食得辣，所以覺得有少少辣，不過可以接受，送飯一流。三餸黎講幾抵食。另外叫左個回魂黑醋豬軟骨撈麵。整體評價同個撈起三餸飯相約。個餐包杯蜂蜜紅茶，加左$6轉左其中一杯做泡沫珍珠奶茶。蜂蜜紅茶幾好飲，杯珍奶就普普通通不過不失。最特別係呢度凍飲熱飲同價，係香港好少有。整體黎講都值得推介，五十蚊包飲品味道唔錯。行過可以一試。

本來去麥記，從遠處就比佢店面設計吸引左，行多兩條馬路都走去試。 超可愛的蛋蛋公仔，餐牌，餐紙，名片，制服，裝修，全部都好kawaii 呢！叫得做一碗肉燥,當然叫乜都是會有肉燥。我點了雙併，黑醋豬軟骨和餃子，餐包飲品。飲品是大杯的蜂蜜紅茶，還用了同logo系列的杯子，feel到老闆的心思。飯的賣相不錯，有豆和蛋。但我就like熱野，呢兩樣餸都是凍。豆都算鮮味，蛋有驚喜，是溫泉蛋。豬軟骨味道幾好但不夠軟，要煮耐些。餃子正常，普通。都係個句，細心，有餃子醬用碟仔分開上。肉燥是佔了一半，味道ok.一個set $44無加一，都算okLunch hour都要等一陣先有位。我坐近門口，有人等位時見人多，企係到唔入又唔出，頂住大門，冷氣走晒，食食下滴汗。其實，等位時都應該諗下其他人，世界會美好d。

幾十元吃到台灣味道的一個不錯選擇。舖頭整體嘅裝修十分有心意，入去之後見到好多黃黃白白嘅顏色， 令到食慾大增。餐牌亦都十分簡單，有飯撈麵及湯麵選擇，撈麵湯麵需要另加3元，用了一個很有趣的稱呼肉燥，他們稱為「燥底」。嘗試一下這個香辣肉燥麵，味道應該不是小辣類型，如果不是吃得辣的，要留意一下。上菜速度十分快，一下單轉頭兩分鐘內即到！那個麵條很有彈力，但是麵粉味不太足。選了一個三餸撈麵，餸菜之外，還有豆角及滷蛋，十分抵食。

長沙灣好多野食，不過環境闊落，坐得舒服，可以揀呢間。肉燥不太肥，味道偏甜，蓮藕餅幾香口，有爽爽粒蓮藕，惹火牛肉夠冧，少少辣，流心蛋好味呀，飯的份量偏少。餃子味道幾好，不算厚皮，個黑醋魚柳的炸粉太厚，無咩魚食到。免費蜂蜜檸檬茶味道怪怪的。

一碗肉燥（餐廳名），51蚊，三餸連肉燥連蛋連無檸檬既檸茶。飯餸暖，應該煮定，但保溫做得好？肉燥味濃。或者台菜本身就味濃？蛋未全熟，無老。黑醋豬軟骨，一舊，味重，但有酸，唔止喊，有少中和。台灣腸，原來係臘腸？但又無一般臘腸咁硬，應該界乎臘腸同脆皮腸之間既口感。味質似臘腸而濃到約四分一。附圖中，黃色既係蛋餃。佢特別。用蛋皮當外皮包木耳同肉等作餃。特別在，單獨食，佢味同質感都怪。但喺成個飯都太重味既時候，時世做英雄：佢成為救世主，拯救成個飯：佢味淡。一啖重口味，一啖淡蛋餃，正正平衡返成個飯既味濃度。