一鍋豐 (已結業)

早幾日打邊爐癮起，就聽朋友推薦去咗旺角呢間火鍋店食晚飯。聽講呢度最吸引嘅係有新鮮魚生拼盤同埋新鮮海鮮！為咗唔會去到先係無位，所以我哋一早就訂咗位啦一共有三個set可以選擇，我哋就揀咗第二個除咗限定海鮮之外，其他嘢食都好似平時任叫一樣，畫紙點菜，不過都係果句啦，食幾多叫幾多唔好浪費做大晒鬼！！有鮑魚呢！令我驚喜嘅係牛肉超級新鮮，雖然上菜速度有啲慢，但係職員服務態度良好，就算我遲遲未點菜，職員都冇催我要快啲下單！雖然價錢唔算超級抵食，但亦值得大家一嘗呢

本身諗住成班朋友開開心心打邊爐 點會估到最後個個要嬲住走。真係唔想講太多 自己睇圖啦 見唔見到有曱甴？仲要原隻有曬手腳同觸蘇我地同左職員講之後 佢話幫我地轉另一個鍋 但試問甘多位 你地發現鍋入面有昆蟲 仲會有胃口繼續食落去嗎？我就食唔落啦好啦 講完有昆蟲之後 職員問返當日放假既經理 只係比左九折我地 但係7點半前結賬一樣有九折。甘其實我地同比錢食昆蟲鍋有什麼分別🤔？講真隻昆蟲唔知幾時係鍋入面 可能我地食左甘奈 佢一直都係鍋入面依一間野真係冇下次 什至同親戚朋友講唔好黎依間打邊爐 衛生質素差 唔想佢地黎依到打邊爐同樣出現曱甴情況然後肚痛..因為我同幾個朋友食完曱甴鍋之後 個個都開始肚痛肚屙。

服務好，唔洗等成十幾分鐘先接單。但放題時間有成2小時半。食材算中規中矩，但款式較少牛肉亦無分太多款刺身都係得5款雪糕機D雪糕幾抵食蝦🦐是不錯的，滾完還是挺大，有肉

它有三個唔同套餐，由貴至平：象拔蚌海鮮火鍋套餐、鮑魚海鮮火鍋套餐，刺身火鍋火鍋套鍋，我地5個去食，簡左中間套餐，238一位：鮑魚海鮮火鍋套餐，我地叫左一輪刺身，三文魚，吞拿魚，一來就俾夾哂，我地唯再叫一輪，好味有6款刺身叫，其實都夠了，跟住我地叫左個火鍋，可以叫辣湯底，但我地有朋友唔食得辣，所以叫左豬骨湯，又味道ok呀，火鍋料種類夠多，真系有好多簡，雖然味道普通，不過我地叫成抬都系野食，個個食到飽到上心口食滿HKD1000，仲有HKF優惠劵下次可以用反，不過我地俾錢果度個待應忘記左俾我地，我地後來再問收銀追反。

本來約左朋友去食雞煲，點知餐廳無啦啦打黎，話突發俾人包左場，俾餐廳放飛機，臨時臨急要改地方，諗黎諗去唔知食乜好。大家都喺油尖旺區，所以揀定旺角食，原本打算食番食開嘅大鍋口算，但男朋友話想試下呢間。事實上一早都有睇過好多關於呢間火鍋店嘅介紹，終於今日一試。雖然係平日，但我地決定得比較急，為免冇位，都係預先打黎訂位比較穩陣餐廳位於創興廣場，全棟都有唔少食肆，特別多火鍋店，一鍋豐就喺18樓，一行五人準時入座。整體環境闊落，有卡位有大枱，唔會好逼狹。餐牌分幾個任飲任食套餐，最基本嘅$188/位，另外有啲海鮮就要加幾十蚊位，但我地見啲海鮮又唔係任點，都係上一次，又唔係真係十分抵，就點左最基本嘅餐算，唔收加一，真係賣性價比。畫紙仔上菜，數量都係按人頭俾，亦都算上得幾快，冇漏單呢度有刺身類，都係任食，不過都唔會期望好高質素，叫一轉、兩轉都算。刺身有三文魚、虎蝦、希靈魚、立魚、鮑片、八爪魚。十分普通，第一轉嘅三文魚好一般，第二轉好少少。湯底方面揀左蕃茄蜆仔鍋，都係唔好期望，普通都極點，冇乜蕃茄味，蜆仔肉唔算少，乾淨冇沙，但感覺唔係好新鮮配料方面，同大部分呢類型火鍋放題差不多，質素中規中矩，冇伏物。仲有

見到呢間餐廳價錢幾適合就上咗嚟食晚餐，一黎到發現都幾大喎。我哋揀咗鮑魚海鮮火鍋餐$238，就可以任點六款刺身，送一個海鮮拼盤，同埋任點餐紙上面嘅火鍋料火鍋料選擇都好多，淨係肉類已經好吸引，無論你想食豬牛雞羊都有亦都有部份海鮮提供，丸類仲寫明係手打添湯底方面到有12種選擇，我哋叫呢個價錢就叫唔到最尾嗰兩種。大家都同意清下熱氣就叫咗清湯蘿蔔牛腩鍋，事關白蘿蔔清熱氣㗎嘛拎野飲同醬料都係自助式，野飲選擇真係有好多，放咗好多個嘢飲雪櫃係餐廳嘅唔同位置。汽水，韓國嘢飲，果茶，茶類，啤酒等送嘅海鮮拼盤都大大碟，有海班，鮮鮑魚，蘭花蚌，馬刀貝同蠔大大件也都鮮味十足，尤其推介我薄切海班同鮑魚，一個夠滑，一個彈牙爽口任點嘅嘢食都好足料新鮮，海蝦大大隻，墨魚仔爽口，牛肉六幾秒就熟，又滑又重牛味另外手打丸都比平時出邊食嘅彈牙新鮮芝士豆腐都好特別可以試吓好滿足，而且湯底清甜，更加帶得出材料嘅鮮味 呢度仲有幾款雪糕俾你揀，我就食咗個童年回憶大腳八電條再加幾粒雪米池

屋企人比較鍾意食中式打邊爐，但我自己又比較鍾意食日式啲果種咁朋友就推介我嚟到旺角嘅呢間一窩豐~果然呢間餐廳唔會話好似酒樓咁，偏中式得來也混合好多年輕人元素呢度環境幾大，多人就可以坐大枱，人少d都有二人同四人卡位，全部都坐得闊落唔會逼，呢一點我幾欣賞睇吓餐牌先，我哋就叫左中間加錢，$238鮑魚海鮮火鍋套餐除咗套餐上面嘅嘢亦都可以係呢張紙同刺身紙到任點首先我哋就點左啲刺身先開下胃先，三文魚色澤好靚，仲要厚切，鮮味十足，虎蝦亦都好爽口出去拎野飲嘅時候經過見到，師傅即刻切魚生因為有小朋友嘅關係，費事食辣，我哋叫咗清湯蘿蔔牛腩湯底呢度竟然有沙嗲醬，於是我就冇後悔都冇係鴛鴦湯底，沙嗲醬係必點嘅話咁快海鮮拼盤就嚟甩啦，基本上係跟返你有幾多個人而定既份量， 分別有海班，鮑魚，蠔，蚌同馬刀貝，份量都唔少海班去哂骨又夠滑，蚌好大隻，鮑魚都好新鮮另一個最重視嘅火鍋料一定係牛肉，媽咪中華食食一定食手切肥牛，新鮮好多果然牛味好出，點少少沙嗲醬好正嗌咗好多唔同嘅嘢食，材料大部份都好新鮮，而且好似豬紅豬腸炸魚皮，呢啲日式火鍋未必有嘅，呢度都食到，屋企人表示鍾意最後仲拎咗個芒果雪糕同雲呢拿雪米池做甜品呢度可以適合唔同

香港天氣時冷時熱，但都無阻我地打邊爐既興致🙈🙈今次我地去左旺角創興廣場既一鍋豐～餐廳有三種套餐揀，包不同刺身、海鮮拼盤。我地揀左$238 鮑魚海鮮火鍋套餐，內有5款的海鮮拼盤、6款刺身任食、火鍋配料任食、啤酒汽水任飲聽落都好抵～湯底選擇都多，我地揀左南瓜蘋果魚湯鍋 比較鮮甜的湯底店員會先送上海鮮拼盤款式都幾多，除左鮑魚、蠔，仲有少見既海斑、蘭花蚌、馬刀貝件件都份量十足，絕不欺場！蘭花蚌夠大隻又新鮮，肉質彈牙而火鍋配料都好多選擇～除左常見既肥牛之外，仲有黃立倉、白膳片岩哂中意食魚既我地海蝦都算大隻，重點係新鮮蜆肉雖然細粒，但乾淨無沙 脘魚腩、脘魚片都好大份，一點都不吝嗇黑豚腩片切到好薄，每次食一塊剛剛好 鮮牛肉片、牛骨髓都好濃味黃立倉切開一小件，方便食用，好細心～食左一個半中，我地都已經好飽，完全忘記了有刺身可以點😅😅飲品方面，除左汽水啤酒，都有菊花茶，烏龍茶揀最後，當然要食個甜品先完美有雀巢杯裝雪糕、雪米糍

放工同朋友聚舊，又想任食又想任飲又唔想等個半鐘，結果我㨂左呢間 一鍋豐。其實依家好多任食打邊爐舖都好倒模式經營，所以要分高低除左食物質素之外仲要睇下其他因素，例如環境、等候時間、服務態度、用餐時間⋯⋯幾方面睇完，一鍋豐係值得推薦。我地六點半就食所說完全唔使等位。入到去，有三個餐，我食過188，我覺得都幾抵食，不過今次我就想飲下紅白酒，所以㨂左288一位個餐。個288餐同188餐既分別在多左一盤海鮮、牛肉靚啲、有多幾款食材（例如雞子）、任飲紅白酒、啤酒可以㨂藍妹。如果你唔飲紅白唔一定飲藍妹既，188我覺得都抵食。其他餐都包任飲啤酒汽水同埋刺身。出面仲有啲雪糕不過我就無特別食喇。湯底方面，今次揀左麻辣湯底。個湯底我覺得唔錯啦，比可以接受高一Ｄ。當然啦，你要同專做麻辣既舖頭對比就一定有進步空間，不過做人無得咁貪心，我自己就覺得以呢個價錢黎講算幾唔錯。野食方面，用料都OK，牛肉都有牛味，海鮮都新鮮，紅酒唔算hea。服務方面幾好，阿姐吹得下水，上菜快，無漏單。最重要係，限時兩個半鐘，比一般餐廳長。出面仲有一個醬料區、任飲區、雪糕區等。呢Ｄ就間間差唔多，無乜大分別。總結，二三百蚊，可以坐兩個半鐘，

今天和一家人來到這家期待的火鍋店 ，名字叫做一鍋豐， 這家店一早已在報章雜誌看過介紹, 所以非常期待來到門口已經看到很多人慕名而來, 來到店內座位都非常寬敞舒適， 這裏的卡位是我見過最舒服的這家任食打邊爐最令我驚喜的地方， 是除了打邊爐外還有刺身任食， 滿足我多過刺身共有六款:包括有三文魚,虎蝦，希靈魚， 立魚鮑片和八爪魚，夠鮮而我們點選了鮑魚海鮮火鍋套餐， 包括有鮮鮑魚，螺片，蘭花蚌，馬刀貝和海斑， 一大盤非常吸睛! 而且非常新鮮!湯底是南瓜蘋果湯鍋， 是我之前未試過的選擇，非常惹味!而這裏的配料選擇也頗多， 上菜的速度是我見過最快的一家， 而且沒有任何漏單情況。蔬菜方面非常新鮮，而且正寫得非常乾淨!牛肉方面賣相雖然不是很好， 但味道遠勝賣相， 牛肉有口感， 而且很濃味。飲品方便選擇很多， 隨了果汁及汽水類， 還有森堡啤酒。雪糕方面是雀巢雪糕， 還有自助的雪糕機自由享用。

同幾位朋友打完波,吃飯當然選擇火煱啦,行過創興,見到哩間好似幾低食,上到去發現有3個價錢選擇,店員極力推薦$288果個,我地亦都選擇左,有幾款刺身任食,不過味道ㄧ般,我們亦只吃了ㄧ點,再來ㄧ大盤海鮮(附圖),海鮮味道不錯,雖然海鲜不是任食,只来ㄧ盤,但份量相當足夠,接著就火煱纸上任食的,我地ㄧ行四人都食左相當多既安格斯牛片,味道ㄧ般丸類,雞類,菜類亦都很多選擇,不過有ㄧ點要留意,如果選擇$188或$238牛肉是沒有太多選擇,如果想食安格斯就要點$288餐:

每次嚟到旺角嘅創興廣場， 總會花多眼亂 唔知食咩嘢好 !左揀右揀之後， 最終都係選擇咗呢一間叫做一窩豐嘅任食火鍋。呢間任食火鍋價錢算係中規中矩，唔算太平唔算太貴， 但係就勝在樣樣食材都有品質保證!而今次我哋選擇咗每位$238既套餐。未開始食火鍋之前 先嚟食過刺身!今日大約七點半左右嚟到， 已經人頭湧湧座無虛席!而呢度嘅火鍋湯底絕對足料， 揀咗一款比較特別嘅湯底南瓜蘋果魚湯鍋而呢度除咗一般飲品可以飲飲之外 仲有我最愛嘅啤酒亦都任飲， 一啲都唔會吝嗇， 認真抵讚!火鍋送上之後 一盤海鮮拼盤立即送上， 所有海鮮食材都有大又新鮮， 海鮮拼盤包括有海斑，鮮鮑魚， 蘭花蚌和馬刀貝等， 完全同喺街市買嘅新鮮海鮮不相伯仲!而點菜紙上面嘅食材雖然都係比較大路嘅食材， 但係就同平時食嘅任食火鍋有分別， 明顯係比較新鮮!而牛肉方面係火鍋唔少得嘅一環， 呢度嘅牛肉除咗有滑牛外，仲有埋手切肥牛， 淨係牛肉都咁多選擇， 個人推薦手切肥牛， 有牛味而且有咬口， 真係唔係到到食得到!最後仲食埋雪糕， 真係食到認真飽飽喇!

香港天氣轉換第一件事便想起火鍋店，香港台式火鍋店各式各樣一覽無遺美食選擇比其他國家享有各種風格，想經濟又要價錢實惠打邊爐全天候無分季節限定，很多新手上路既火鍋餐廳要火速上位推薦任點任食，這邊的火鍋價雖然不低但無限追加食材品質、色澤、新鮮食材與服務衛生效率，盼讓每一位莅臨用膳的街坊或貴賓吃得飽之餘，每道菜都看出師傅們的用心！相約好朋友乾杯或談天及浪漫情侶相聚，別具特色就憑無限特色供應或盡情享用生猛海鮮，未吃一邊涼住冷氣可以舒舒服服慢慢歎！這家沒什麼裝潢可容納30人左右，氣氛蠻熱鬧，九龍區一帶地理位置放便人流算ok,價位大眾化形式亦與一般任食火鍋不同，憑自己味選擇那一個價位，選擇超級豐富形式亦與一般任食火鍋店不同自己口味選擇那一個價位，而且自由度偏高，價位較大眾化，如此類推愈多朋友去愈划算！生猛料有成80多款，款款湯含料多，每道火鍋配料做得跟x1)藝術品樣精緻漂亮，但隨著配料實在吸引各種肥牛、豬頸肉、牛骨髓，墨魚滑的熬煮後味感鮮甜可口，涮約8分鐘肉食也不賴就食得，肥牛雪花脂肪平均肉味適中濃香有咬口薄切快熟質素真的不錯，每天鮮製香，有咬口薄切快熟質素真的不錯，每天鮮製雲吞/水餃和手打丸類，還

放假涼涼地又落雨，最適合就係去烚下烚下係旺角又好多選擇，而我今次就去左呢一間一鍋豐！其實前幾個月己經好想食，但可能太Full 啦！好難Book位！今次我就同老公好早就去到！所以都未算爆滿！呢間湯底都有好多選擇，有成12個湯底俾你揀，總有個岩你口味最特別呢到有個出面好少有的川芎天麻大魚頭鍋！可惜我老公唔鐘意，所以下次同朋友來先試下呢個湯底還有六款刺身任食三文魚，虎蝦，希靈魚，立魚，鮑片，八爪魚都算新鮮，唔錯仲有個海鮮拼盤鮑魚，馬刀貝，海斑，蘭花蚌....新鮮好味，由其是馬刀貝，勁大隻，鮮味滿口，肉質爽口手切肥牛肉質好鮮嫩，牛肉味亦幾濃郁！仲有任飲汽水可以出去自取，另有雪糕機供客人自行使用，更可加上不同配料！還有雪條，雪糕糯米糍等等....

難得約舊同時聚會，當然要吃好一點！同朋友揀左間係創興廣場樓上的火鍋店，地方很大，食物選擇又夠多。自助醬料區能滿足重口味的我！半任食火鍋套餐，先從3款海鮮套餐中選擇其一，再可從12款湯底中選擇其中一款，雙拼湯底要加收$68，我選了胡椒銀杏豬肚湯底，胡椒味道唔算很重，湯頭清甜，豬肚腍滑可口。🍲鮑魚海鮮火鍋套餐🍴（$238/位）海鮮拼盤有5款供應，海鮮都非常新鮮，肉質鮮味可口。除了海鮮拼盤外其他超過80款火鍋配料都是任食2.5小時，非常超值！其他火鍋配料上菜夠快，下單後一般五分鐘內會到齊食物，而且每碟食物會按人數而分配，不致造成浪費，實在很好！食物款式種類夠多，有海鮮類、丸類、餃類、肉類、蔬菜類、粉麵類都應有盡有，實在每客人非常興奮！吃完火鍋後，還有甜品等住我地，有自助雪糕、杯裝雪糕、朱古力雪條、雪米糍、大腳板等等！由於太划算的關係，讓我總結一下一鍋豐的自選套餐：👉🏻2.5小時任飲任食👉🏻自選湯底🥘（10選1）👉🏻自助醬料區🌶👉🏻6款任食刺身🐟👉🏻海鮮拼盤🍱（海班、鮮鮑魚、有殼蠔、蘭花蚌、馬刀貝）👉🏻任食超過8️⃣0️⃣款火鍋配料👉🏻啤酒汽水任飲🥤.📌店名：一鍋豐‘📍地址：旺角彌敦道593-601號