一風堂 (新港中心) (已結業)

嚟到一風堂，一定係叫拉麵，我自己鐘意食辣，所以一定會叫赤丸拉麵，店員會問你想食咩麵質，我選擇普通，嚟到既麵唔太軟唔太硬，仲有煙韌彈牙，拉麵上既肉，肉味好濃，肉質鮮嫩彈牙，好好味，另外有隻糖心蛋，蛋味濃，有別於一般既蛋。今次除左拉麵，仲點左個沾麵，麵比平時拉麵粗，但唔會硬，都係煙韌彈牙既，沾麵汁味濃，沾沾上麵條食，味道剛剛好，不得不提麵上面既肉，好肥美，油脂比例啱啱好，怕肥既我都忍唔住食晒。到小食方面，今次我無點餃子，而係點左牛油果大蝦配芥末醬，有驚喜，本以為40幾蚊應該得一兩隻蝦，點知佢係有好多隻蝦，蝦好鮮甜大隻，牛油果好新鮮，配埋芥末醬真係perfect match，好清新，下次一定會再點嚟食。

在尖沙咀Shopping完，途經SilverCord過海港城之間，突然醒起呢間老公最愛一於去食左dinner先再買買買。今次有兩款限定，試了札幌味噌。赤丸，一貫高水準，濃湯，叉燒滑，麵煙煙un un。札幌味噌，原來有肉碎，可能肉碎本身夠味，加埋味噌湯，令整碗麵偏咸。個人不喜歡肉碎配麵，因為「夾」唔起。

同同事黎一風堂食午飯，見到餐牌加兩蚊有得加麵，突然之間覺得好抵(笑)... 點咗個鹽味拉麵，雖然係鹽味，但係個湯底冇一種死鹹嘅感覺，反而真係有種淡淡鹽香味！檯面有一小碗辣芽菜，加入拉麵後令到個麵嘅味都提升，生色不少！本身面嘅份量都唔少，加埋替玉食完真係好飽好滿足！下次再試下其他味嘅拉麵先得...

一風堂出左和牛拉麵定食呀, 係8週年期間限定, 採用左慢煮的澳洲和牛, 超級大片, 仲有成4塊甘多😍 咬落去有淡淡和牛既肉香🤤🤤定食仲有迷你和牛丼, 珍珠米幾煙韌, 和牛切粒幾好咬口, 加埋少少牛汁幾夾!☺️麒麟啤就飲得多, 今次加入左麒麟柚子啤酒, 味道幾特別, 平時怕飲啤酒太苦的朋友就岩晒, 會帶點柚子的回甘👍🏻👍🏻🇯🇵贅沢大判和牛拉麵定食($148)- 成個定食甘多野抵食啦!另外點了一風堂黑松露餃子，皮夠薄，但唔夠脆，肉汁再濃點就更好，黑松露味亦未見突出。

今天路經一風堂，發現有和牛拉麵推出！身為和牛迷的我一於試試看。餐廳經過翻新後，依舊以紅、白和自然木色作主調配以大圓筒吊燈，用餐空間更見光猛整潔。贅沢大判和牛拉麵$108這贅沢大判和牛拉麵的和牛認真大大片，份量十足。慢煮澳洲和牛肉雖不致入口即溶，但肉味濃厚又幾juicy。啖啖肉又帶一點厚度，口感唔錯。唯肉質纖維比較粗糙，略帶嚼勁，都幾ok. 半熟旦滷得入味，而且溏心旦王旦味濃厚，好吃。深褐色湯底是以牛肉和魚干熬製，真的吃不出魚干和牛肉湯，反而比較像醬油風味，鹹鹹地，當中又透出炸洋蔥和丁點柚子的清香。配上幼身的拉麵，掛湯力一般，整體味道比豚骨湯清爽，沒有膩口的感覺，整體而言，是恰如其份。迷你和牛丼$28和牛粒表面微焦，滿有肉香和牛脂風味，加埋曰式芥末的辛, 吊起和牛的肉味，亦減少了油膩的感覺，拌以燒汁白飯，又幾唔錯。以$28的價格，是對板對位的。這一曰的和牛午餐有麵又有飯，所費唔多，吃得滿足。

日本過江龍一風堂進駐香港已久一直末能品嚐，今日恰好經過此處又是午飯時段，一於入去探究魅力所在，為什麼無時無刻人龍不絕！要了一碗味噌拉麵，份量看似很少，原來碗底比較深，是錯覺的問題。簡單的賣相，兩塊义燒和數片筍片。味噌湯底非常濃厚，加上免治豬肉的餚製，増添了肉香。一塊牛油慢慢溶化，整碗拉麵變得更加香滑。麵條掛湯力強，質感彈牙，滋味！义燒比較肥不是我杯茶。整體來說味道不是很突出，中規中矩，魅力不能吸著我。

 煮干系拉麵 ($82 plus 10% service charge)-食之前已經聞到好香嘅魚干味飲咗一啖湯魚香嘅鮮味喺嘴入面擴散 🐟👍再試隻蛋 🥚煮得啱啱好 唔會 over cook麵條有得揀硬度 軟硬適中🍜碗麵仲有啲小魚乾 幾好🤩又有少量波菜 幾健康整體來說 可以試-味道/Taste: 8.2/10抵食/Value of money: 7.5/10環境/Environment: 8.5/10服務/Service: 8.5/10

Haven’t met my fd for a long time and we would like to have a quick gathering and just select to have ramen I chose 赤丸 which the noodles are thinner than normal one. After I mix the red ball with the soup the soup changes to a different taste which is quite fabulous. With price within a hundred still recommend u to come we also try some dessert at the end of meal. I chose egg roll with cream which the sweetness was good. Won’t be too sweet. Their dessert price are economic not so expensive and

一直都有聽講過一風堂嘅拉麵好出色，但自從開咗喺香港之後 長期見到人龍 懶得排隊 所以一直冇機會試食，反而喺日本都食過兩次 質素係唔差嘅。平時都係尖沙咀返工 但少行過嚟呢頭，今日難得經過開 時間尚早 又唔使排隊就一於試吓佢啦叫咗個慢煮叉燒豚骨拉麵，可以選擇面嘅硬度 而我就揀咗偏硬嘅面質，重可以選擇走青走辣等等 確實好貼心。一想到枱見到個湯好濃郁嘅奶白色，叉燒睇落去都好軟淋 唔似平時拉麵譜見到嘅叉燒。食落口麵質對我來講啱啱好 因為唔鍾意食淋啤啤嘅面 面嘅粗幼到剛剛好 遍幼細少少 可以容易咁掛滿湯汁。拉麵湯入口濃郁 但又唔會好鹹 食晒成碗面再飲埋個湯都完全冇問題，唯一就係塊紫菜淋身 個人唔太鍾意，但呢碗拉麵同日本嘅質素相差無幾，真心唔錯。

尖沙咀新港中心有唔少野食，咁岩有一晚收工去搵食，就去左一風堂食拉麵，第一次食呢間拉麵，打開餐牌唔係好知招牌拉麵係邊款，所以就隨便叫左個「辣肉醬味增拉麵」。後來我地又見到個「一風堂爆烈豆腐」，以為同沙嗲王既蟹粉豆腐鍋差唔唔多，所以就叫左，如果要配白飯加20碗，反而拉麵加面底係2蚊！咁緊係加拉麵啦～拉麵味道唔錯，湯好濃郁，而個辣肉醬都係好味既～不過呢個「一風堂爆烈豆腐」就要鬧下啦，同我期待既完全唔同，豆腐本來係主角，但竟然只係得幾舊？而成個野入面有好多拉麵碎....唔知邊個廚師發明左呢個地獄料理其實呢個唔係豆腐鍋而係類似味增湯...菜名好誤導人，真係要改下。Overall我覺得拉麵味道同性價比不錯，而用環境都好，有拉返啲分數！

「沖縄風豚軟骨丼🐷」($78) 值得推薦！🔖豬軟骨燉煮到非常之淋 佢嘅膠質同埋油脂包裹住粒粒嘅日本米 配埋糖心蛋嘅蛋汁 正！「赤丸新味🍜」 ($72) 係店舖嘅新招牌 小小嘅辣味將豬骨湯底嘅味道昇華「黑松露汁一風堂餃子🥟」($48/6隻；$62/10隻) 係一口餃 黑松露味唔濃 肉汁尚算多 但略嫌皮唔夠香脆「茄子杏鮑菇燒(配蒜香牛油醬油)🍄」($32) 蒜香牛油嘅香味配埋清新嘅檸檬味🍋味道係幾特別 但🐰小編認為試過一次就夠...-I highly recommend the Okinawa-style Pork Cartilage Rice🐷 ($78).🔖The Japanese rice wrapped by the colloid and grease of the stewed pork cartilages and the egg yolk of the soft-boiled egg is scrumptious! The Akamaru Shinaji🍜 ($72) is another signature dish of Ippudo. The spiciness is

今日天氣麻麻，就在公司附近的新港中心一風堂吃午餐。看到店內有新產品，立即試一下。濃厚豚肉拉麵$92嘩啦！這碗麵上鋪滿了豚肉！豚肉的份量真是震撼，豚肉有成200 gram! 豚肉有兩種口味味，有火炙叉燒和普通叉燒，仲有豚肉腩片和溫泉玉子，真是肉、肉、肉！先試試火炙叉燒，賣相吸引，表面微焦，但肉質比較結實和乾身，味道只是一般。普通叉燒肉質比較柔軟一點，然而肉質比較瘦，亦無乜肉汁，水準和以前的叉燒相比，稍為下降。賣相最不吸引的腩肉片，反而是三款之中較為味美的。腩肉片半瘦帶肥，充滿濃濃的豚肉味，肉質稍為軟腍，吸收了湯汁，口感濕潤。溫泉玉子就是滑溜溜的，旦味濃厚。湯底方面是豚骨湯，有點像白丸的湯，湯色奶白帶一點豚骨的鮮味，唔太油膩。麵條是幼身麵，口感比較腍而掛湯力不錯。肉的份量雖多，但個人還是偏好赤丸多一點。赤丸半份$45加醬油旦$13有時候不想吃大碗拉麵，這赤丸有半份的選擇，適合胃口小的朋友。半份的赤丸只有一片叉燒，叉燒未算軟嫩，但肥肉唔多，可算健康一點？豚骨湯加上特調辣醬，湯的味道變得更加惹味辛口，味道更為濃郁，再配上幼身麵條，和半流心的醬油旦，感覺滿足不遜於全份拉麵。簡單的拉麵作午餐也是個

廣告賣得幾多的 #一風堂 超多肉肉達200g的 #濃厚豚肉拉麵 HK$92!! 加替玉才HK$2!!入到餐廳，地方挺大，下單用手機自己落，首頁推介話售罄，原先極度失望，但原來拉麵嗰頁有呢！立即精神起來！麵即煮熱騰騰上台，湯頭濃郁，豚肉有燒過的3片，正常的3片，用洋蔥炒過的一堆，再有一隻溫泉玉子及其他配料。可惜湯說加錢都沒得加，再落替玉時，湯已微熱了，有點覺得一風堂沒考慮到這問題，真失望！#唐揚雞 真的很好吃！一份4件，大大件，多汁！底部還有沙津菜解油膩！好吃！

週末下午在尖沙咀吃飯，幸好只等了一會就有位置了。座位十分寬敞，二人坐四人座位，服務也殷勤。有各款拉麵，竟然還有甜品！當然試試期間限定的增量拉麵。⭐️增量濃厚豚肉拉麵 $92這碗拉麵的豚肉的總重量超過200g啊！一次過吃三種種肉。分別是特製醬汁煮而成的豚肉，入口軟嫩。肉質軟腍的卷豬柳叉燒，薄薄一片，口感有點像牛肉，炙燒卷腩叉燒，入口軟滑而有焦香味，也是我最喜歡的。湯頭是濃稠的豚骨湯，拉麵是有彈牙的太麵，我反而最喜歡他的麵底，泡久了也不會變軟。⭐️Johnny唐揚雞 $45外脆內軟，雞汁還鎖在肉裏！很不錯！⭐️黑豆抹茶布甸銅鑼燒$28銅鑼燒夾心是一塊厚厚的抹茶布丁和黑豆，抹茶味道剛剛好，既有抹茶的奶香，又不失抹茶的茶香，配搭軟軟的銅鑼燒，加上黑豆和輕盈的忌廉，十分有驚喜呢！

This time come to IPPIDO(一風堂）, of course need to try their fascia hand-pulled noodle which is called ‘雞油拉麵’. It’s quite special for me to try this lighten hand-pulled noodle. It’s cost $7x-8x, it’s not very expensive and taste quite good. So, I strongly recommend people to order this hand-pulled noodle.