三和火鍋雞煲

營業中

休息中

好肥好肥呀~去大排檔食飯一定好肥~ 但又好好味! 真係好矛盾佢地個椒鹽九肚魚炒得好香! 超多炸蒜頭, 但入面唔會好乾身, 味道濃入面有魚香! 個九肚魚又稔到好似肥膏咁, 好好食~~~超厚炸魚皮! 雖然食落有少少韌, 但味道不錯, 而且好新鮮, 完全冇油益味好正~

今日系圖書館自修室温書，準備系附近搵下有咩食聽講上水有間幾出名的雞煲，決定去試下之後發現竟然系圖書館樓下我同我朋友兩個人去食，當時六點幾時間早，無咩人同朋友兩個人決定叫半隻辣雞煲試下$158不過半隻對於我大胃王黎講有啲吾夠食食吾到辣的朋友仔注意，叫咗小辣都有點辣。之後再叫左份芝士丸價錢系$48同墨魚丸$38肥牛一般$68味道都好吾錯，唯一要改善嘅系等的時間太耐

今晚同同事食雞煲做節。雖然新年過咗好耐，無辦法，新年係最旺個陣，餐飯遲食好過冇食。今晚一行9個，同事神早就黎霸左枱仲可以帶紅酒黎賀一賀佢乾杯先祝新一年大家都搵到盤滿鉢滿叫咗2個雞煲，有人5食辣鮮甜椰子雞煲 $228 好足料 有紅棗，椰子，雪耳，杞子，個湯滋補又養顏 岩哂女士們至於個奇味辣雞煲 $228 小辣 惹味又chur喉 一開始5辣，之後開始入味 大獲啦啲雞鮮嫩呀 又煲得入味 2邊食嘅味道非常5同，又補又辣 好矛盾其他配料都5錯，我中意個個腐竹，吸哂啲味，甜甜爽口，好讚

估唔到上水街市樓上既熟食市場有一間咁正既羊腩煲！係就係等左好耐，但一開煲蓋，嘩！足料！我地叫兩份煲埋一煲，勁多肉！惹味！未入口就聞到好香，老闆走過黎話，佢係用煲狗肉既方法煲既，所以超惹味！又夠稔！啖啖肉！一般出面食到好多骨，呢煲我覺得骨不多，又連皮，我至愛😁我食完幾個鐘都仲暖笠笠囉😆😆仲有叫其他配料打邊爐架，但係個羊腩煲真係太搶鏡啦😆😆下次平日去好呀，唔洗等咁耐！

最近天氣涼了不少 .... 又是四出打邊爐, 吃雞煲的時候 ~某日, 住在上水的友人相約我們到 石湖墟 新街市 吃雞煲 ....我們也很久沒到 石湖墟 新街市 用餐了, 感覺很奇 ~見到大 banner 便知找到地方了我們比較早到, 仍未夠鐘開檔我們喝杯清茶, hea 著等開檔, 感覺很正 ~Menu ~我們點了比較平和有益而滋潤的 .... 椰子雞煲 $228 ~湯頭清甜又濃香, 材料豐富, 椰香四溢, 感覺很合時令似的, whatever .... 雞 (一隻) 來了, 皮光又肉滑, 一看便知是好貨, 據店方說這是鮮雞 !煲好之後, 打開煲蓋 .... 嘩 .... 香氣四溢 ~雞肉夠厚而又滑嫩, 雞味濃, 充滿椰香味, 湯底味道非常鮮甜, 看似平凡, 吃著又滿有風味 ~安格斯肥牛 $138片片厚薄相稱, 紋理分明, 紅潤光澤, 質感嫩滑, 放湯稍灼即熟, 入口鮮嫩, 肉味濃 ~本篇完 ~

近這兩年來，間中都會走到市政大廈的熟食中心，看看有否合心意的食店，找到的話，就坐下來，就像今晚走到上水的市政大廈，找到一間火鍋店，於是與好友就打起邊爐來。三和火鍋餐廳雞煲位於市政大廈二樓，地方簡潔企理，也可安心在這裡用餐。既然是打邊爐，就點來一個雞煲，內有椰子及杞子，是一個很滋補的雞煲，當湯底滾起後，便可把雞件放入煲裡，待雞件熟後便可以吃了。湯底清甜具椰子的味道，雞件嫰滑可口，不錯。火鍋怎可沒有牛肉？一蹀安格斯肥牛亦成為今晚的另一主角，牛肉柔滑嫰口，脂肪分佈也平均，加上醬料，令肉味也帶出不少。丸類有墨魚丸及芝心丸，是火鍋中的良伴，也是在下必吃的配料之一。墨魚丸富有彈牙嚼勁，入口也頗煙靭的。芝士丸內裡的芝士非常燙熱，吃時還是要小心。芝士味道濃郁，亦有彈牙之感。魚皮餃和鮮蝦雲吞亦是火鍋的良伴，魚皮餃煙靭富有嚼勁，口感不錯，鮮蝦雲吞裡的蝦仁也具有彈牙爽口，吃起來亦有滿足感。吃過肉後，就要一點蔬菜吧。蔬菜方面則有蓮藕片和粟米，當中的蓮藕片薄薄一片，幾爽口的，而粟米就清甜。雖然今晚吃的不多，但當中的主角雞煲，確是適合夏日食用，是不錯的選擇。

老友回港想食雞煲，上網搵資料，街市一直都只知道強記呢間野，突然見到呢間雞煲有咁多好評，就抱住試下心態啦.....但估唔到可以令我寫post7點到達冇咩客，坐低就有人過黎介紹佢地嘅雞煲，最後要左個豬肚雞煲，諗緊要一隻定半隻雞時，店員話半隻都夠，因為入面有其他料，豬骨雞腳果啲，當然我心諗會有幾多嚿丫.....咁朋友話想叫埋其他火鍋配料，所以聽佢講叫住半隻...但個煲黎到...我地4個女仔都愕哂然，勁足料囉真係....,入面最少有4大嚿豬骨，1x隻豬腳仔同6-7隻雞腳.....我地見完個煲已經想cut左啲火鍋配料，因為我地叫左12個送....可惜cut唔切.....最後我地食剩左一碟丸同好多豬腳😥😥😥

入到北區同親戚食飯, 其實都好少選擇, 但聽講街市樓上開左間新雞煲好好味, 見佢咁多好評, 一於黎試試先一直走到盡頭轉右就見到三和, 但因為佢唔係成日掛BANNER, 所以都搵左一陣配料紙非常簡單, 就一張, 材料亦就係咁多, 唔會花多眼亂2個人叫左一大隻椰子雞煲, 唔怕唔夠食估唔到一個平平無奇既地方會有用新鮮雞做湯底,  成隻雞油份好足, 肉質鬆軟, 仲有埋雞腎同雞膶, 好少有!成隻雞放左落去, 好多油! 差唔多去左成碗油出黎, 但D雞佢地係用煲完再焗既方法, 所以唔會太老, 而且非常嫰滑, 雞帶點椰香味, 香甜又天然, 而且佢地有好多塊超大既椰子肉, 滑到極! 個湯底就甜, 非常之咁甜, 因為見佢地用左差唔多一大湯碗椰子汁補湯D雞肉真係好好味, 又甜又有雞味而且仲加左D蟹, 雖然唔太隻, 但足夠吊出個湯既鮮甜, 因為湯底有海鮮閎咸香特別鮮另外仲叫左安格斯肥牛, 雖然唔係好肥, 但就夠晒煙韌, 而且唔太肥, 煮一陣就食得, 非常不錯!最後就係補充下菜類, 食多少少菜平衡番食左咁多肉, 佢地D菜都幾新鮮, 可以用黎吸走D油

話說天文台話呢幾日會變冷～就很開心再約朋友吃雞煲～對上次吃果間有點失望，朋友就介紹上水很好味既「三和雞煲」，有人帶路黎搵食～直入街市行到尾就見到～叫左椰子雞煲～等左無耐就上菜～～第一次食雞煲見到湯同肉分開～湯裡面本身有椰肉、同蟹～等水煲老闆就幫我地將雞肉放落去～感覺超pro~等左10分鐘度老闆又黎熄左火～話焗一陣～雞肉無煮太耐所以超滑，也超級新甜，不會像雪藏雞～加上椰子湯又加甜了～食完雞之後當然開始打邊爐～～又點少得肥牛呢～老闆話平時有兩種牛，一種係新鮮既，一種係安格斯肥牛，不過當日咁岩無新鮮果種，食安格斯都一樣啦～肉質超肥美～大大碟都幾抵食～墨汁墨魚丸終於被我食到了，多左墨魚汁的鮮味，感覺更鮮味了～街市有大排檔既氣氛，但又有冷氣非常好～一大班人傾計食飯飲酒超正～

地點自成一角乾淨又冇咁嘈雞煲湯底夠足料又好味老闆同員工教埋要焗幾耐另點食物價錢分量合理牛肉點左貴啲個款..好好食!差碟酸辣青瓜唔係好叫得過..青瓜有啲苦同唔入味同有啲可惜點左兩個最冇特色嘅煲

最近很想食雞煲∼尤記得兩年前同事帶我去荃灣食雞煲之後就愛上麻麻辣辣既好滋味，想早幾年前雞煲都算幾獨市，只有荃灣和紅磡才有∼但現在不管大的店小的店賣的都是雞煲∼雞煲已經變成很普遍香港的特色食物∼當然從只有麻辣滋味變得更多元化∼經朋友介紹，就來上水另一間隱秘的雞煲店∼我先到了街市，走了一圈都找不到「三和雞煲」，還好在街市門口看到有寫著走到底就是∼∼來到店門口老板很熱情招待和介紹，剛好友人唔想食辣，我地就點了椰子雞煲$228∼∼先來上是大盤椰子水有椰肉、蟹肉、雪耳，和一盤生雞肉∼等水滾再下雞肉，再焗了7分鐘∼∼前後差不多要等15分鐘∼這樣就變成椰子煲雞∼∼再隔下油∼∼湯頭非常鮮甜∼∼雞肉也很嫩滑∼∼連椰子肉雪耳都很好吃∼∼吃完雞肉後老板就叫人拿來椰子水加湯變成火鍋∼配料都很新鮮好味∼∼特別推薦一種是爽口萵荀，煮過後很軟，而且不會有青草味，連我這種不愛吃菜的都喜歡∼炸鮮魚皮∼覺得很特別∼很厚，比較有口感，也很有魚味∼很不錯吃，與平常吃的很不一樣∼不要友人就比較喜歡平常的炸魚皮∼∼結果整個晚上我差不多把整個湯都喝完∼真的超棒！！

今日同FD黎左呢間上水既邊爐, 都算幾難搵嫁, 因為冇招牌, 最後因為見到伙記既衫先知道原來係呢度普通既雞煲其實上水好多地方都有, 但呢度真係與別不同除左雞煲, 仲有椒鹽脆骨腩可以點, 佢個骨腩D魚肉真係幾實, 唔會話林到一咬就散, 即係好唔新鮮, 而且椒鹽唔會係浸水咁濕, 亦冇油益味, 幾好估唔到竟然有魚膘! 平日屋企食飯一定爭餐死, 而家有一大堆, 佢地彈牙得黎又軟林林咁, 鐘意呢個口感真係會愛不釋手本地生蠔幾新鮮, 煮好耐仲好大隻, 起碼唔會有沙, 好過食縮水美國桶蠔~呢個真係好肥既鵝腸, 但食鵝腸就一定要肥先好食喎, 越食越有罪惡感, 但D肥膏真係好好味呀魚皮係厚厚既, 真係煮成分鐘先好拎上黎, 魚味重一D但就唔脆, 可以話係多肉既魚皮黎湯底係加埋海鮮同肉既煎煮之後, 已經變成左精華, 係一碗非常好味既老火湯

上水...實在是好遙遠的地方, 下一個站就係"羅湖"..., 再行過d就係深圳,  深圳喎..., 翻大陸旅行一樣囉... 今天, 準備行裝, 早上回公司坐坐, 午飯後 去上水探班, 老友記在馬會路開新店, 約多兩位退休老友, 一齊入去八一八. 轉車連行路, 加埋火車時間, 花了"個半鐘", 落車還要行經兩個現代化商場和一個大街市, 才到達馬會路. 與老友吹一陣水, 發一陣噏風, 然後齊齊去打邊爐, 地點係街市熟食市場: 最喜愛的地道、平、靚、正風味, 途經兩層街市, 到達三樓的冷氣大排檔.目標店是近大窗戶的火鍋雞煲店, 友人一邊行一邊念念有詞, 好似拜神咁...: "今晚唔食...點都..唔食辣雞煲.. 上一星期已經食咗三次麻辣雞煲"時間尚早, 六時未夠, 天仍光亮, 店內只有數檯客人, 我們揀了最角位的中型檯, 背牆式, 坐得特別舒適.坐低後第一件事: 啤酒! 朝日$23, 藍妹$28, 生力$23, 全都是正常價.叫了一枝藍妹, 一枝朝日, 跟冰桶, very good啦...老友是此店常客, 無問大家意見便落單, 要了一碟: 椒鹽脆骨腩 ($108), 價錢唔算平, 但這碟是我

今晚去上水朋友新開的甜品餐廳，之前食咗晚飯先，橫掂經過熟食中心，上去打個轉，搵搵食。二樓店員向我地介紹招牌雞煲，大家無異議，都話好，就OK啦.呢間雞煲，朝早同中午無得食，只係晚上才，要搵啱時間﹗位置就係近窗旁邊的興記麵家前面，原來係同一個老闆.大量啤酒，等待出發。多款啤酒，價錢唔貴，廿幾蚊一枝。雞煲款式也算多，有五/六種，一般的火鍋配料有齊，還有一些較特別的款式，例如: 墨汁丸、牛心頂、鹽燒丸等。佐酒小食，好推介: 椒鹽脆骨腩，用脆肉鯇魚腩，炸香，魚肉爽脆，炸過嘅蒜粒很香，口內有陣陣蒜香，魚肉新鮮無梅，好有咬口。鮮甜椰子雞煲／半隻＄148，湯底早已放入杞子、圓肉、雪耳、紅棗、花蟹同椰子肉等材料去煲，女士超鍾意, 滋潤保身，湯夠香甜，再放入雞件翻滾，椰子肉甜，雞肉又嫩身，可食完雞後再放入其他配料，即使夏天食用都不怕熱氣。老闆教我們將青檸檬汁加上醬油嚟食，味道會更好﹗ 椰子雞煲滾好，香氣逼人，鮮甜美味。椰子肉加大大件雞肉，剛剛熟，皮唔厚，肉好嫩，超好味。湯底鮮甜味十足，無花假，真係有花蟹嚟煲，所以好飲到不得了。我們打邊爐特別怪，先食蔬菜，專家話蔬菜通過胃和腸道快一點，所以先食蔬菜後食肉比較

最近好得同事心的陳主任離職，懷住依依不捨的心情去送別佢，雖然知道佢只係過左格黎細公司做，都係有種難過的心情，成班同事埋藏不捨得的心情，整晚都嘻嘻哈哈去左上水街市吃火鍋，其實有2個女仔頂唔順出左去喊。我又無喊，仍然抱住放鬆的心情，其實大家都會KEEP會聯絡的，一直都係幾個月搞一次上水飯局，又不會不再見，反而我全程享受食物的樂趣和跟大家聊聊天。我們點左個豬肚包雞，係全隻雞，好利害的好大鍋！令我們都不知所措該不該再點多幾樣火鍋料，所以我們先吃個煲先，老闆好NICE，來跟每枱介紹和落單(可能剛好這天人不算多)，他建議我們先飲個湯，再吃料，個湯真係幾鮮甜，不會有死咸和味精的感覺，而且飲得出豬的濃味和雞的鮮甜味，而且他們加湯都係湯番該屬的湯，不會有溝淡加水的情況出現，令由頭到尾都係食番果種味。響鈴!!由唔知幾時開始，響鈴變左火鍋必備的好料！新鮮炸起的響鈴更正，只能!!是"只能"泡2秒就一定要拿起！否則會"林"哂唔好食!!2秒的泡一泡，令響鈴保留脆與林之間的口味，湯底愈正，響鈴吸湯的嘛，就會愈好味囉。有樣野真係要介紹下，是令戰爭挑起的罪惡源頭！芝士丸!!佢唔同出面果D，呢間係有烤過，就算滾兩滾之下，