三星台菜食堂 (The L. Square) (已結業)

見食評吾錯，加上名人效應，今日下午去試。叫左一碗紅燒牛肉刀削麵及玫瑰檸檬冰茶。前者蔥及酸菜太多，令湯很酸甜，完全蓋過原先湯味，加上麵太厚，碗細湯少，完全索吾到湯汁，好膩，食左一半就食吾落了，唯一讚嘅係牛真係好腍，但得3舊；後者真係估吾到，原來檸檬、玫瑰加綠茶會變成香精味，好難飲。總括：好一般，無下次。

呢排日日都要帶住個口罩，真係想吸啖自由空氣都難....上到三星都有8成full, 見到有高枱望街景就揀左個度坐，之前去咁多次都唔會想坐高枱，因為怕唔方便同坐得唔舒服，但而家咁既時勢坐高枱係最佳選擇 第一次坐高枱望住個街景加埋啲自然陽光，仲有藍天真係好舒服！！加埋杯熱芋香奶茶真係好輕鬆兩個人叫左一份古早味焢肉飯，一份阿嫲魯肉飯，一份三星蔥餡餅同一杯芋香奶茶 (埋單$233) 價錢都尚可接受。食物方面: 份焢肉其實係五花腩，有三大塊既闊又厚身既腩肉，腩肉食落唔肥膩，質感唔會太實或者太淋散，塊皮仲好好食而佢個焢肉滷水味夠香食落唔係死濃咸而係清清地既滷香味不錯阿嫲魯肉飯就比焢肉稍為濃味，好好送飯！魯肉飯拌菜有酸菜，炸脆咗既木魚碎同埋半隻溏心滷蛋，酸菜仲有得無限任添。木魚碎好好味，溏心滷蛋唔太重滷水味三星蔥餡餅我覺得有點被騙的感覺😂😂上碟時確實有好多蔥，我以為餡餅裏都會充滿著滿滿的三星蔥....點知第一啖既味道不是蔥香味而係有點似菜餃餡既味，餡餅應該都有蔥的成份但就有其他餡料混和咗，餅皮係薄既 都值得一試！芋香奶茶同甜筒好似，好正

#支持良心餐廳蕃茄牛肉刀削麵$76湯底微辣 蕃茄味唔濃 所以蕃茄控應該會失望 可以考慮叫其他湯底🙈牛肉都係偏韌左啲 刀削麵咬口level我會比6/10🤣 未滿足到煙韌控但可以過下口癮總括黎講份量唔算多 都有啲失望 不過支持黃色經濟圈是必須的🤘🏿 希望黃店都會keep住進步💪🏼

呢間三星我係畀同事帶嚟食嘅,食完之後覺得真係好有驚喜!我嗰日叫咗一個鹽酥雞扒肉燥飯,個鹽酥雞扒都幾脆而且入面嘅肉呢都多汁,而且個肉燥飯都好好食,個飯都有好多配菜同一隻鹵蛋,整體我非常之滿意!

呢間係中價台灣菜，主打牛肉麵，位置都方便，環境係徧年青人路線，即係啲櫈老人家坐得耐會腰骨痛，小弟無事😚首先個小食叫咗肉鬆皮蛋豆腐，呢個小食好多台灣餐廳都有，我一向都好鍾意食。呢度都做得好有水準，未食過真係要試吓。主菜就叫咗一個好似叫做三寶牛肉麵，睇幅相睇唔出嘅其實碗麵係大到阿媽都唔認得，一個人冇可能食得晒，兩個人一齊分享就差唔多啦。裏面啲餸有牛筋、牛腩、牛肚，每樣都做得好好味。個麵可以有幾種選擇，我哋揀咗刀削麵，貪佢夠特別，唔係好多地方食得到，亦都冇令我地失望，好好咬，好好味。另外仲嗌多咗個水餃，係豬肉餡，都好好味，尤其係個辣醬。

前陣子才去完一間頗出名的台菜餐廳，最近就到另一間也頗有名氣的～不過這間就較近我，是在銅鑼灣的！三星台菜食堂 - 魯肉飯、牛肉麵、台式小食之類都可以吃到。阿嫲魯肉飯 ($52) - 肉看起來都是偏肥 ... 會比較喜歡那個蛋多點~口感很嫩滑的喔不想吃飯就選麵吧～麵的話也有刀削麵、粗麵或是冬粉可選喲三種中最吸引的是刀削麵，麵質入口是煙韌的。番茄牛肉麵 ($76) - 湯底的番茄味雖然不特別濃，但還是夠味。台式炸雞排湯麵 ($78) - 雞排炸得不會很乾柴！我自己則是吃 - 埔里花雕三星麵 ($88)三星其實是指牛腱、牛筋、牛肚～每一款都很軟稔。藥材和花雕味都不是太重，反而湯底是帶甜味。飲品方面，還擇都是頗多的~而且可以選少甜左起檸檬柚子氣泡飲 ($29) & 超級水果茶($38)我的那杯是少甜少冰的芋香拿鐵 ($32)那個香芋味跟某牌子的香芋雪糕很似~幸好有叫少甜杯子是外賣杯那種～因為用餐有限時，飲不完可以直接拿走。

13/1/2020 六點幾上到去唔多人。上openrice見到有人話蕃茄牛肉麵太酸定太辣，我就諗：岩我喎。叫左個蕃茄三星麵走牛肚，要刀削麵。驚喜地覺得好好食，牛肉超厚超淋，牛筋就正正常常咁，刀削麵好入味~! 不過對我黎講一D都唔辣喎...我諗正常都唔會辣？有辣醬可以自己加但我食完先見到。搞笑的係，酸菜係甜的？但好食的。另外叫左個三星蔥餡餅。五個細細個的餅好得意，咬落去超香! 要小心熱因為會爆汁，但要襯熱食因為凍左就無咁好食。第一鹽酥雞就不過不失，唔會太咸又脆。

今日同朋友dinner，想食台灣野，上網search之下見到呢間餐廳！點知，平日去食，都要等好耐位😿😿😿😿而且佢既位唔算多！終於到我地，我叫左個台灣牛肉麵，叫左個包share！台灣麵個湯底好好味，無味精既感覺！而且牛肉份量都好多！我食哂d麵都仲有牛剩😂😂😂而個包，十分推！😍😍😍個包超級soft！！而且個肉好野味😍😍😍我地叫佢幫我地切開一半，佢都好好咁幫我地分左一半。本身想叫野飲，但覺得飲品有d貴，唔抵飲，所以我地最後都無叫野飲😂如果飲埋都可能太飽😆😆😆 想下次再黎試其他野食！

近排洗大佐，所以間唔中都用下訂枱app睇下有咩餐廳有優惠🙈今日同同事放工餐聚揀左位於銅鑼灣The L. Square 21 樓嘅•三星台菜食堂•我五點入座有半價優惠，真係好抵食😋餐廳位於21樓，所以景觀都好開揚。餐廳環境簡潔。我地嗌佐紅燒三星麵、涼拌小黄瓜、燙青菜同埋鹽酥雞。首先個涼拌小黄瓜同我想像中有出入。😮因為我以為係川菜果隻涼拌青瓜，但原來係唔同架。呢個涼拌小黄瓜應該用醋醃左好耐，好似罐頭嗰隻醃青瓜咁嘅質感，主要以酸味為主，非常醒胃。然後個燙青菜係油麥菜，蒜香味好重😋份量好多，折左之後廿蚊有找，真係好抵食。跟住黎個招牌✨紅燒三星麵😋碗麵有牛腩、牛筋同埋牛肚，大約每樣二舊，我揀左刀削麵（店員推介）刀削麵口感有嚼勁👍🏻，可以一試。牛腩、牛筋同埋牛肚都好冧身，唔會痴牙。略嫌湯底偏咸，食完覺得好口渴。最後個鹽酥雞有啲失色雞件炸得香脆，可惜雞肉較乾身，而且太咸。如果以半價價錢，又唔想煮飯。食個麵加碟菜都係一個唔錯嘅選擇

經過銅鑼灣，心思思想吃台灣菜，便搜索了附近的台式餐廳，和朋友選了這間台灣菜。這間餐廳比較難找，因為是樓上舖，地下的指示牌也難以留意，所以在附近兜轉幾圈才找到。上到去不多人，不用等位便可以入席了，用餐時間有限一小時。我們兩個人點了一個阿嬤魯肉飯，魯肉拌麵和鹽酥雞。阿嬤魯肉飯上有肉丁，溏心蛋，酸菜，魚乾。魯肉很入味，每一口都很彈牙，油脂滿溢，因為加了微辣的酸菜，所以並不覺油膩，反而配搭白飯魯肉一起吃，別有一番風味。溏心蛋是凍食的，有去台灣的朋友都知道台灣便利店的溏心蛋是必吃，每次去台灣都狂掃幾包回香港，而這間的溏心蛋和台灣食的一模一樣！蛋液和魯肉飯拌勻一起吃，簡直是衡激味蕾😋之後是魯肉拌麵，魯肉和配菜都是和上面的飯一樣，我就不多說了，拌麵很Q彈，像台灣吃的刀削麵，但份量感覺有點少😜如果是男生吃應該不夠飽，因為那裡的酸菜可以任加，而且也很好吃，所以本人加了很多在麵裡拌勻吃，口感不錯，不油膩，爽口煙韌👍🏼大家可以嘗試他們的酸菜，不鹹，而且微辣帶點甜。最後是鹽酥雞，鹽酥雞是新鮮即炸，不是重複炸的，入口酥脆，裡面的雞肉也很嫩滑，特別的是它配有自製蒜蓉，咸咸的和鹽酥雞很搭配，而且份量也算多，如果有胡

📍 三星台菜食堂 銅鑼灣駱克道459-461號 The L. Square 21樓限定海膽魯肉飯💰$138海膽份量好多 有2款海膽 一d都吾腥 好鮮甜 配埋d半肥瘦肉 同半隻溏心蛋 撈埋好夾 吾會好咸 質素高👍🏻再加d魚子 賣相又得味道又好好啱哂海膽愛好者 一定要試！三星既其他小食都要試 會再回頭❤️

依間台式食館，係其中一間lunch嘅飯堂，不過最近好多人，好難揾位，所以少咗去食。今日難得有位，就寫下食評。淨台式牛肉餛飩:今日唔係太肚餓，叫咗淨餛飩。餛飩隻隻都好飽滿，我分咗兩隻俾同事食後，都好夠食。牛肉餡好新鮮，一d都唔酥。皮雖然係攞貨，但係都軟熟，如果唔係太肚餓，值得一式。兩款配菜都ok, 不過份量少咗d。鹽酥雞扒養生麵:我試咗兩啖，養生麵湯底好香，有好多杞子，感覺上好補。鹽酥雞扒炸得好香口，但係配養生麵感覺怪怪的。扣肉飯:頭兩塊好靚，原來最後個塊超肥，有60%都係肥豬肉。扣肉整得好香，如果最後個塊同其他兩塊都一樣就更好。

即興係銅鑼灣食晚飯，見到某app呢個2030有85折，而之前一直想試，就揀呢間。上到去，即刻有位，餐廳地方不大，有30個位左右。我地2個人，叫咗蕃茄牛肉麵（揀咗刀削麵）、鹵肉飯同鹽酥雞。蕃茄牛肉麵湯底不算濃，冇咩蕃茄味，有4舊牛展，幾厚肉，中規中矩，但反而喜歡佢個刀削麵，好chewy。鹵肉飯正常，而鹽酥雞炸得香口但略嫌乾。因為天氣比較涼，冇試到凍飲，但見到好多人點，賣相正常。整體尚可接受，我反而喜歡線之前介紹旺角嗰間台灣野多d😅

花雕三星麵不錯，湯㡳亦很香有濃厚花雕味。鹽酥雞亦很香口很地道。但可惜員工服務水準極低全部在傾計連漏單都不知道，發現后亦不道歉繼續傾計。冷氣亦不夠，夏天不能去食。

今天晚上放工，約左朋友食飯，諗緊食咩好既時候，打開某APP，睇下有咩野又平又抵食。一search 見到三星台菜食堂，又有8折，見好耐冇食牛肉麵，就去食下。一上到，20幾樓，應該食少少環境咁，去到就叫左花雕三寶既牛肉麵，而我朋友就叫左都係花雕既牛肉麵。好啦，野食泥到，份量都多，我有成2，3舊勁厚大牛(剪)，牛肚，牛。我朋友個碗成5，6舊。湯底一飲落去，就有花雕既味道，仲有紀子甜甜地。佢仲有好正既酸菜同辣椒，一齊食仲正，可以再戰。