三橋一品日本料理 (已結業)

25/7/2017 晚餐心血來潮去食放題，認真大失所望！1. 種類唔多，其實冇咩嘢食！不過只要做得精，種類多少唔成問題，可惜冇質量可言！2. 燒物類過鹹，還有燒得過火，又乾又柴，又焦！3. 薑汁豬柳過火又不入味，還帶上脂肪的羶味！其他熱食亦在水準之下！4. 刺身稍為合格，可接受，只是太過細片，但入口不俗！5. 以現時的收費對比質量。。。實在𣎴值！6. 環境可接受，清靜，乾淨，服務態度好。7. 受如無意外應該唔會再光顧！

喺長者屋邨租領展舖開日式食店，係個好大膽的賭局。帶老友記嚟食晏，生冷嘢以外有唔少熱食，取價合理，設梳化卡座，冷氣唔太凍，令老友記未起筷已開心咗一半。壽喜燒喺今餐最受歡迎之選，材料有肉、菜、蛋同粉絲，夠大份，一窩足夠二人開心些牙，肉同菜的份量都好足，唔會夾兩轉就冇晒。初見佢個賣相都嚇咗一嚇，不銹鋼器皿變咗花面貓，加上冇酒精爐㷫住佢，驚啲食物唔夠熱。食落就知擔心係多餘，加上個煲夠深，先可以載到咁多食材。泡菜炒豬肉飯有鑊氣，肉唔多，好啱送飯；咖喱豬扒飯完全唔辣，喺日式香甜咖喱，豬扒唔韌，老友記都食到。食物好味過隔離邨間大門，老友記話味精唔重手，啱晒怕甜怕鹹嘅佢。

唔算好食，但感覺係黑色既店，食野d staff 監視住有冇食哂，食唔哂要求比錢，魚生果d 黎好小，難食既紫薯餅，寫要1件，黎左4件，叫拉麵，suppose 食放題係細細碗，佢黎左碗standard size 既，咁即係迫你食唔哂，後面果台客人，叫左蠔，連個殼都開唔到，要求佢食左佢，仲有argument,呢間野係平既，但我寧願去mk 食，都唔去呢間食，冇咩野特別好食（2人去食，價錢350大約）服務態度都一般，食野都自在開心，但食都比人監視住咁

呢間嘢，有時係住得近，冇乜所謂，今日我同自己講係最後一次幫襯……2個大人2個小朋友，重係星期日，大人收198，小朋友140，佢話5週年88折，好似好吸引，咁冇計啦，打番88折。頭嗰幾轉都好積極送上，一個鐘之後，開始散慢，嗌刺身，等成15分鐘都未到，要吹佢先有反應，去到食到1小時30分鐘《食2個鐘》走埋嚟同我講話last order，大佬。半粒鐘last order？正常嗌多轉都得啦。邊有放題咁cheap半個鐘前同你講last order架？所以，有人請都唔會去，谷氣。

同朋友去食20:30放題,初初態度仲可以接受,食物上傳速度都OK快，但當我哋寫完刺身各類20件(我哋共5人吃)刺身黎到只有各4-5件!!!跟女員工反應，話幫我跟!之後又叫我哋自己再落囉!係咁啦!咁你之前唔好話幫我跟啦!!仲要催我哋落單!!!我朋友講話你哋跟足D咪唔駛落咁密，個女員工仲要話「你哋LAST就比我哋10件左右刺身」講條件我哋比錢消費唔係比錢買難受!食物方面一般，八瓜魚係酸，主要係女員工態度問題!講條件!!!食到成肚火!!另一張枱個叔叔都係咁話!唔會再去!

位於瀝源廣場2樓的三橋一品日本放題，個人覺得是經濟實惠之選。食物的種類和精緻度未必能和尖沙咀的豪華放題媲美，但若果住附近的居民突然想吃日本菜，質素還是滿意的。單張上推介了牛油焗帶子、榴槤炸彈和日式香芋栗子薯餅，不少客人都點了這幾款菜式，即叫即製熱騰騰。後兩者在其他餐廳較罕見，所以也是有驚喜的。炸物味道也是不錯的，有掠乾多餘的油才上桌，入口時也是熱辣辣的。刺身方面，略嫌份量有點少，點了20件，可是只來了10件。不過也理解到餐廳可能想珍惜資源，避免浪費。

同d朋友慶祝生日決定近近地去沙田食放題一諗就諗起呢一間放題可能每人17x幾 但就腳又幾好食就決定黎左一坐底就即刻嗌野食 唔洗一陣就好快有呢間亦唔似旺角出面既放題成日都走單佢成日一落就好快有得食因為佢黎得太快我地又太肚餓搞到好多時都影唔切相就俾d朋友食哂刺身幾好食 比想像中鮮甜 令人有意外驚喜佢既火鍋都好好食但係因為食得太快所以影唔到相其他小菜 粟米 肥肉 牛粒 都好好食 都係一個好值得同朋友黎食野既地方

放咗工懶得搵地方食飯，但又想食日本嘢於是乎去咗呢間，因為佢lunch都唔錯， 不過我食完呢餐放題之後我對佢完全改觀， 簡直係恐怖極中嘅恐怖。 雖然收費比出面平好多，但係食物嘅款式少好多， 同埋食物嘅質素亦都好差 ，我情願畀多四五十蚊貴啲食得好啲，好過而家咁。 仲要畀啲侍應check住你有冇食曬啲嘢， 我心諗起你食物嘅質素差，完全咬唔開所以先有渣，咁你都要check😅😅😅 最恐怖嗰樣嘢係我哋叫咗一個火鍋佢啲菜洗都唔洗😣😣成棵完整嘅黃芽白，半邊甘拎出嚟， 跟住叫經理過嚟同佢講， 個經理仲夠膽死問我哋係咪洗返d菜就會食😣😣跟住佢拎入廚房求其沖沖,認真核突😖😖😖😖

今日去開瀝源邨做嘢 ，竟然係下午時段有得開個小差， 於是乎幾個同事周圍搵嘢食， 然後畀呢間嘢門口嘅招牌吸引住 ，估唔到沙田都有放題 。不過 ，今日唔係放題，而係食佢嘅下午茶餐， 我叫咗個手握壽司配拉麵 ， 等咗一陣， 先黎個拉麵 ，望落去幾大碗喎， 同埋都幾香， 食落去啲麵條同其他地方有少少分別 ，佢冇咁彈牙， 有啲腍， 但係面身滑。 湯底好濃郁， 係麵豉湯底 ，上面仲有啲粟米 ，同埋紫菜。壽司有六件，雖然體積有點兒細小， 但係下午茶都差唔多啦， 刺身係新鮮嘅 ，飯就好彈牙。下次要嚟試佢個放題

今日同同事去咗呢度食Lunch，其實都幾surprise，因為間嘢真係大食夾大件，相對出面嘅日本餐廳真係好抵食（當然係同Level嗱），5x蚊以上（唔過70）有嘢食（主食）+有湯+一杯跟餐嘢飲（Lunch set），叫咗個雜錦魚生飯，都好大碗盤下，嗰啲魚生都算新鮮一，無出水or異味， 而個碗麵豉湯湯呢就好明顯係用粉開嘅，不過唔係清湯，都有唔小料架。而我朋友嗌嗰個就係牛肉鍋， 唔好太煲仔細細個份量相當之多（ 有個邊煱再加一碗白飯），一個女仔都食唔曬，可以share食， 而且啲味道都唔錯， 大家下次可以去試下。

打完拳,去沙田食放題刺身不過不失可惜沒有我最愛的帶子雞肉串燒幾好食泰式生蝦😍😍😍但係要四人以上及預先訂位才會有榴槤炸彈好食食咗好多粒😍鴨胸太鹹，一般金菇肥牛卷不錯喔

填十張紙但一份野都黎唔到，態度差永遠話整緊整緊就到總之一句唔好黎，媽聲四起食物質素好差，刺身薄話紙，細到擦膠咁唔想再寫但openrice又有字數限制呢間野寫都浪費時間算把啦，快d執唔好再呃人錢

以$148價錢嚟講，我覺得唔錯嘅，平平地想過下放題癮，一樣食到飽晒。選擇唔算話好多，但都Ok，要有嘅多數都有。刺身可以嘅話，希望唔好切到咁細，幾乎等如出面嘅刺身再切多一半，唔係嫌少嘅問題，係幾乎連味都食唔到，呢點貴店可以諗諗佢。清酒煮蜆都係冇味，但如果鍾意食榴連，有一款榴連丸唔錯，我都食咗好多粒。

一田大減價，我地一家人去掃貨，人山人海有點兒喘不過氣！歷源廣場有間放題，價錢十分抵食，抱著中伏心態去試下！刺身類：大路野，尚算新鮮炸物小食類：款式竟然比市面上大型放題場還多！抵讚熟食類：夠熱，分量不大，可以食多幾款都唔驚！驚喜位：竟然有一人一爐日式火鍋order，我見枱枱客都有叫，我都唔客氣order左個玩下，幾特別！總括：放題黎講呢個價錢有差不多過百款食物，同埋可以打埋邊爐，係抵既！

年幾無黎呢頭, 見到間三橋一品仲係處, 我地4個人自自然然咁就行左入去, 第一時間即刻叫左刺身, 壽司, 天婦蘿同其他熟食, 唔洗10分鐘, 成檯都係嘢食, 以呢間細舖黎講, 刺食仍然保持到咁新鮮, 實在難得, 天婦蘿上檯嘅香味令我第一時間夾黎食, 無令我失望, 4個人嘻嘻哈哈食左成粒鐘, 最後叫左榴槤炸彈一試, 超正!!! 雖然大家都好飽, 都係忍唔往叫多round, 下次都係留肚食多幾粒,  每位唔洗2佰蚊就可以食到咁有質素嘅嘢, 超值!!!!