三橋一品日本料理 (已結業)

唔會再有下次.話說一行10去食,試下啦,平就唔平呀,埋單17幾一個人.同旺區食冇分別,坐位大把.係要我們係門口個到,背脊係街咁.野食一般,壽司舊舊飯都散,清酒煮蜆似清水煮蜆.前菜小食,叫一客客咁,一樣款叫幾客,都來一客,一客得2舊.蟹籽沙律,從未見過咁清淡,得青瓜絲.沙律醬2篤.炸野炸到黑到唔想食.刺身唔多選擇,最多是唔知咩魚刺身,我們只有叫八爪魚,甜蝦,三文魚,八瓜魚so,元貝5毫子都冇咁大粒.賣相最好睇個樣.係天婦囉.埋單喇,問你地有咩優惠架,生日呀,咩信用有折呀,服務員答冇優惠,只有現金,到埋完單,關了我們坐的位置燈,但當時亦有另外一台客,眼見他們是相識,但沒有吹趕他們走,我們亦走,不想左人收工,~出了門口,門口旁的廣告,寫住生日月有88折,我們立即問收銀個女人,佢話我地冇講有人生日,我們答.我們問過你們同事,答案是甚麼優惠都沒有,收銀個女人話,邊個人講,叫佢出來,更說已經埋數,沒辦法.我亦說,唔會再有下次.咁樣做生意,唔怪得冇人食,價錢佢就好好,,但d食材唔係好...

今日同朋友去食三文魚，所以諗住食放題吾洗就住就住。係沙田食放題無乜選擇，見呢間未試過，就膽粗粗試下啦！830入座，吾洗等位，其實都多空位 D野味道一般，炸物算比較好！而且值得一讚既係staff態度好 （特別有位靚女侍應好笑容，好有禮貌）問題係我地食到一半就出現啦！我地叫左一碟三文魚刺身14塊，點知黎左8塊 心諗點搞架，之後落多兩次單，一次都無黎！！！ 佢地解釋話無貨了 俾左300幾都係得8件3文魚刺身（雖然都有食左10件度既三文魚壽司）三文魚都無，還算放題嗎.sosad連我最喜歡既軟殻蟹都無哂丫 以呢價錢食咁既放題絶對係惡夢！

第一次去到「三橋」時新開張無耐食拉丐，發覺食物質素, 味道都唔錯,之後發現有晚間放題,食過後朋友們都讚不絕口！侍應好禮貌，呢個亦都係我返轉頭再幫襯既原因！加上家住在附近關係, 因此,往後放假經常都幫襯,點知……好失望,一次比一次更差, 侍應不停地轉人添！放題單上,寫6件比3件, 加上每次都係,食到中途就經常漏單, 越來越多漏單情況,再填寫又怕重複左, 浪費食物!,前兩晚, 因了解經常漏單情況, 唔敢比一般侍應,專登將一疊單交比一位門口位高大像經理男士,見到佢將疊單袋落袋無收出嚟, 那當然~作為食客,就只有呆呆地等等…一追再追, 再追三追,查單又話廚房無單呀之類,侍應每次都會無奈地~禮貌地~道歉,拖拖拉拉, 噢! 90分鐘放題已經夠鐘埋單, 因此更加一肚火, 原來「三橋」現在有此種原因存在, 怪不得近月來晚間越來越少客,如果「三橋」認為放題價格定位低, 無錢賺嘅, 可以考慮調高價錢或縮短為60分鐘放題,用這種<<掉食客單>>,下三流手段,趕客且失信心, 恐怕難再有返轉頭幫襯食客！

好耐無寫食評！食過兩次呢間之後決心要上黎Openrice留言！第一次去到「三橋」時新開張無耐，當時未有放題，同埋３位朋友食過後都已經讚不絕口！點知事隔兩個月有次再經過該商場見到佢轉做放題！即刻通知好友踩場試食！最抵讚既係 啤酒 汽水任飲..............厲害！刺身種類雖然唔多，但劍魚腩、馬刀貝呢Ｄ卻有供應！讚！果真係外脆內多汁既炸蠔呀！！超正我可以話係為左佢Ｄ炸物而來，Ｄ炸粉好薄，所以食落口感好好～佢係我食過放題裡面最好食既軟殼蟹！其實係幾好食，不過一人最好吃半件好了...超飽肚基本前菜多種壽司任君選擇，由其火炙類，整得非常好食！多款卷物～(任食兩小時)星期一至四 5:30入座$138, 7:00入座$158, 8:30入座$138星期五至日5:30入座$148, 7:00入座$168, 8:30入座$148(另收加一服務費)以後唔洗專登出油尖旺一帶同人逼食放題LU~~

到沙田玩樂後，飢腸轆轆，路經瀝源商場，看到裝修簇新的三橋一品日本料理，店內零顧客，就「膽粗粗」地試一試。看看下午茶餐牌，價錢合理。我們吃了～中華風胡麻撈麵：賣相尚可，有火腿、青瓜、蟹柳、日本魚片切成絲，可惜那些麵要用難食來形容！麵是溫熱的，有如印尼撈麵，但以麻醬相拌，味道怪怪的。可能我一直以為中華風是冷麵，有期望才會有失望。日式炸餃子：餃子很細小，不知道是炸得過度還是放久了，餃子不香脆，反而有點腍。粒粒三文魚蟹籽迷你魚生飯：果真是極度迷你！比一碟豉油更少，以$25(包三隻餃子、一杯熱飲)來說，並不「抵食」。三文魚質素普通，飯欠壽司醋味。飲品：喝了熱菜蜜(竟然有兩片檸檬)和凍咖啡，味道正常。總結而言，經過今次體驗，我不會再光顧三橋一品日本料理。

沙田瀝源商場既新店。星期六既中午12點幾，店內客人只有小貓幾隻，我和友人抱住一試無妨既心態第一次光顧。我地叫左Lunch Set：1) 魚生飯：用料充足，味道OK，好快上菜。2) 吉列豬扒烏冬：因為豬扒係即炸，所以等得比較耐，d 豬扒熱辣辣， 又唔會太多粉，正！至於烏冬就普普通通，無咩特別。食物OK，但飲品唔得，熱奶茶&凍檸茶都達唔到正常水平。我地食食下就開始多人，走既時候仲接近滿座。日本野黎講算係抵食，又唔駛等位，下次再黎！