三橋一品日本料理 (已結業)

今日6點幾入場食，唔算多人，除左一入去座低第一轉order食物好快到之外，其餘的都要一等再等都唔到，三番四次叫職員跟進，職員起初只話追左廚房叫等等，一等再等再三揾職員跟進後仍遲遲未到，再追就話叫我地同經理講，全場枱枱都起哄投訴食物遲遲都唔嚟！唉…本來呢度食物味道都唔差的，但就係食物要等好耐都唔嚟，真係全晚等多過食，還要一夠鐘就出單叫你埋單，好激氣！服務態度又差！（第一次寫食評，皆因實在太差，唔想其他人中伏）

我同屋企人諗住去沙田睇下有冇放題食，搵搵下就搵到依間，環境都幾好幾有feel，可能我早黎唔會太嘈，燒壽司入口即溶，雞翼同牛卷都好食既，係雞軟骨串太乾同刺身慢左小小，榴槤炸彈一咬落去就爆曬d榴槤出黎，幾好咪服務員態度好好，好有笑容

游泳完，突然想吃日本料理，便來這裡試試。這裡環境可以，燈光柔和舒適。我們試了兩項午膳進介。壽司拼盤兩款午膳都送味噌湯：不用多說，即開粉沖的味道，10件壽司加3件手卷，食物方面的賣相不錯，但他們的米飯有點乾身，䁔身的壽司飯不錯，可惜沒有飯香味。我比較欣賞3件加洲牛油果手卷，軟硬適中，飯味雖沒有但陣陣的手油香送入口中不錯的味道，相反那10件壽司的味道一般般。三文魚頭腩骨飯外表看普通，但入口爽脆可口，是炸魚骨和魚頭。味道帶著濃郁的三文魚味還帶點鹽味，軟骨多是宵夜送酒的美食，用來作午膳本人覺得有點奇怪，因進食需時，而且要懂得咀嚼魚骨和魚頭裡的肉，休閒日子還可。食物是下價的東西，但經師傅調味後不錯，可惜他們的飯一般，沒有飯香味綜合味道，壽司的靈魂是材料新鮮、飯味和手握食物的軟硬度，可能覺得我太高要求，但有時候在日本生活幾個月習慣這樣品嚐。炸魚骨用來晚上看奧運、電影送酒是佳作，還不習慣這樣，這店舖還有進步的空間

去到沙田 肚餓想食下沙田既放題 結果就搵到瀝源既三橋喇～一開始因為冇咩人 所以好快入左去坐唔洗等 雖然地方勁逼 坐都坐唔舒服 但瀝源既放題 差少少都正常既～點知叫刺身，勁耐都唔黎一碗，每半個鐘先黎少少。我同店員講，刺身仲未黎，點知佢望都未望我一句廚房好忙，黎緊架喇，就由我慢慢等多20分鐘先到。。後來終於到左，d三文魚勁薄勁細塊，唔足料，4個人我寫15塊三文魚，點知得幾塊想省錢都唔係咁掛間店人又唔係多，員工就手fingfing企係到冇野做，野飲要自己拎都算，d茶就唔熱既，仲要個壺冇水無人加，我點針啊？正常放題雞翼係最好食，點知呢間雞翼極難食都算。我叫左5隻食剩1隻，個1隻跌左落枱到，只好叫店員收左佢，點知佢勁串咁同我講：你點都要食左佢架喇 唔係收錢$28/100g我心諗：下，食咁耐放題我都係第一次，如果我同你講跌左落地你咪又去比多隻新既我，係到懶係環保，實際上係想收我錢。以後唔會再黎 早知睇清楚食評先 真係可一不可再 又唔係平 又唔係好味 又唔係服務好

係沙田想食日式放題真係無咩選擇, 又口痕,又吾想去咁遠, 於是膽粗粗來左呢間三橋, 放題當然2小時任點任飲任食啦。放題最想食就係刺身啦, 先吾講質數, 不過賣相真係好馬馬地, 就係幾片放左係度, 無冰鎮好失色。新鮮度三文魚, 甜蝦都尚算ok。小柱貝都正常, 不過份量極小, 有點少家。刀馬背, 爽口吾錯‧ 八爪魚和墨魚鬚又厚又無味, 好似食緊刷子膠, 平目魚霉霉地又膠膠地。每份量都勁細牒。壽司: 試左火炙三文魚和熳魚, 應該是全晚最好食。炸物: 試左吉列炸蝦, 吉列炸帶子, 吉列炸蠔 , 吉列炸蟹鉗, 炸粉略厚。吉列 炸蟹鉗完全食不出味道來。吉列炸蠔較出色, 入面有幾粒蠔仔炸得吾太乾。天婦羅: 試左蝦, 炸蟹柳, 味道正常。串燒: 雞軟骨和雞翼正常, 雞腎又乾又硬又無味, 雞肉串燒過火, 黑黑地。碳燒海蝦d肉霉霉地, 我地叫多幾次就話限定, 吾俾我地點, 是放題嗎?一品料理: 禾風牛肉燒, 勁勁鹹, 黑椒牛柳粒, 好硬, 金茹肥牛札卷, 又係勁鹹勁硬。老人家千奇吾好點。牛肉烏東火鍋: 得4片牛肉, 有大量黃牙白菜墊底, 妹仔大過主人婆嗎? 咁多菜點食??講到最失望就是上刺身速度勁勁勁慢,

大前日(27-2-2016 Sat)到老公攰到o係屋企瞓o左成個晏晝,由於我o地o既電話都較o左靜音,所以唔知佢男友人IN call過佢,好彩老公5:30pm都醒o左,call返IN,原來IN一家三口入o左科學園玩,順便搵我o地一齊食晚飯.啊,好呀!我o地join o左佢o地後諗o左大圍打粥底邊爐,但都知會冇位o架喇.打去,果然冇,o係沙田市中心食o既,多數都係連鎖店,唔會有特色o既,一係龍華,但龍華o既電話一直都唔通,我o地決定walk in 博一博,於是帶佢o地行.當行經瀝源,見到呢間我o地成日見o既放題,我o地又睇睇,食2個鐘,8:30pm會平啲,於是book定先,諗住可去龍華睇有冇位,冇就返轉頭,但IN太太KK話唔行,太攰了,於是都即食呢間.呢間係即刻有位o既,我o地坐低後,IN同老公負責剔o野食,三個女o既就只飯來張口. 我o地食o左:1. 牛油帶子唔太油膩但有點點牛油香,帶子仍嫩 味道:5 分2. 清酒煮蜆幾清甜 味道: 5分3-6. 八爪魚,辣味螺肉,刺身正常o野,冇乜問題.味道: 3分7.天婦羅我食o左南瓜,蝦同蟹柳,個漿又薄又脆,南瓜又好甜,唔錯 味道: 5分

年初七都唔係間間餐廳開，開左既都多人，我地一行十二人去左間無咁多人既日本餐廳食Lunch Set.我叫左個三文魚便當 ($60),包一碗麵豉湯，佢係開粉嗰款，豆腐都唔加兩粒。Lunch set 包三片三文魚,三文魚厚薄適中，唔肥，三文魚粒舖飯滿。餃子炸得脆脆，無乜肥豬肉。 左邊係中華沙律。呢間舖頭服務由入去到食時都差，十二人一排咁坐，食物同飲品都只放響頭嗰兩個人枱，要我地自己傳，有幾個係煱物，傳來傳到，辣親咁點先？本來新年流流態度唔好，要我地傳野都算。我地十二個人，有一個叫菜蜜，佢俾左兩杯，我地叫乜自己唔知，個待應未話跟已一口咬定我地叫錯，都算！ 佢叫經理嚟，個經理都話係我地叫兩杯菜蜜，我地話係一杯菜蜜兩杯阿華田，佢話係我地叫錯。。。。。。只係一杯沖既野飲啫，入去沖過咪算囉，仲咁黑口黑面不停話我地錯。。。。。究竟發生什麼事呢？

是日去完投票之後就黎左「三橋一品」食個午餐，其實呢間日本野都開左都有幾年，但係都好少過黎食。50幾60蚊一個餐，有飯有湯有飲品，都算係唔錯。味噌湯: 唔係個個飯都有湯跟，呢個湯鹹度適中，可惜唔夠料，落多少少會更加好。三橋一品壽司拼盤: 壽司卷得夠實，珍珠飯量好香，醋既份量都好適中，魚生都好新鮮。蟹籽雙色魚生飯:咁既價錢有咁多魚生都算係咁架啦，珍珠飯細細粒好好味。自家製蘿蔔豬軟骨鍋定食:豬軟骨勁軟勁入味，真係令人想一件接一件咁食，不過蘿蔔份量比較上多，如果少一點蘿蔔但再多一點豬軟骨就真係完美啦。呢到既食物都幾OK，但飲品仍然有進步既空間，但係星期日12點幾都未要等位，加上50幾60蚊既日本野有咁既水準都算係抵食，真係值得encore。

聽朋友講瀝源廣場新開大眾書店, 所以約左個朋友去逛一逛, 逛完打算搵嘢食, 朋友介紹樓上有間日本放題食物唔錯, 我地就上去試下, 入到去覺得間舖清潔及環境尚算唔錯, 我地先來一輪刺身同小食, 三文魚刺身夠新鮮夠肥美, 小食份量適中, 之後再叫天婦羅及炸蠔, 天婦羅皮薄, 剛炸出黎夠香脆, 而炸蠔亦好鮮味, 其他食物亦唔錯, 埋單兩人共370蚊, 一次唔錯嘅嘗試, 值得推介

吾係講笑 我同d朋友都大大話話食個好多次放題 但係從來都未食過d咁難食既放題 食物種類又小 要咩無咩 甜品又小 果幾丁員工叫佢拎單又要黑口黑面 幾次扮聽吾到 喂 點都係客人呀 又無得罪你 尋仇呀?  只可以話入黎絕對係中哂伏 講真 依個價錢 又吾係話勁平 憑咩要受你地d咁既態度 終於知道點解經過親都無咩人幫襯 下次絕對吾會入依間野 不過都吾係全部吾好, 有一樣野都吾錯 依間野係我唯一見過食剩野真係要計錢既放題! 例如我地幾個叫左個類似蟹粥既粥,超稀,超白 完全無味 極難食  , 但係店員都好好""吩咐""我地要連DD渣都食埋,否則收我地$28 /100g  D粥難食 算...照食 , 但自此果幾丁店員不停以不善意眼光盯實我地D野食 , 好似準備罰我地錢咁既樣,比錢幫襯,又要受依種壓力 請我黎都吾會再食我真心懷疑 佢煮煲垃圾比我,我一滴渣都要食埋!!!!!! too bad  

今日同班fd來呢度食lunch. 間舖睇來都乾乾淨淨，ok.我叫咗叉燒拉面，配料分量唔錯，但係湯底太咸，同食鹽基本上冇分別。不過面的硬度麻麻，太淋。不過我諗有下次。（ps. 新晉食家，第一篇評論）

短評非包膠，不喜勿X最尾場放題。一百六十八加一。坐位迫，走道窄。係咁畀人踢櫈腳。魚生完全不合格。串燒好似食胡椒粉咁。其他就算數唔好提。或者今日星期六大廚休息。唯一可取是啤酒汽水任你飲。謝謝，以上。

今天晚上相約了一位同事吃飯打算放題,不過卻沒有心水這位同事就建議沙田的三橋一品我心不禁懷疑,不是放題的旺區(如旺角,銅鑼灣)質素有保證嗎?他就說,這裡不錯的!!見他已經到過此店我又沒有意見就這樣,他已經打電話留位了因為此店20:30的價錢開始回落每人$158另收加一以現時各地區的放題價錢來說,的確不貴所以選擇了這時間我們比原定時間早到見店內客人的都不算滿座店員已經於20:20左右就已經帶位入座點餐的模式與其他的放題店一樣都是先在紙上點選好食物再交給侍應在選好後,同事指出不要一次過交給侍應因為怕桌上沒有足夠空間擺放首先到來的是一碟刺身整體刺身質素合格只是每種都不算是非常新鮮反而之後的一碟枝豆卻另有驚喜簡單的水煮過後再灑上鹽雖然製法簡單不過我們就不停口的吃不消一會就已經吃淨一層厚厚的皮內裡的豆早已消失得無影無縱接着的串燒及辣汁魷魚的水準合格算不上驚喜,亦無失望其實是我不喜好炸的食物之後的是炸芝士年糕,炸魷魚及炸蝦天婦羅炸魷魚的色澤好像有點兒過燋吧!幸好年糕的內涵搭救還算不錯吧,有豐富的芝士在內最後的是清酒煮蜆但可惜的是這是令我最感失望的一道菜湯底淡淡的,酒味欠奉而且蜆肉欠飽滿下圖是我們再點

見2030後148+1,last order2200 相比起樓下禾輋個間平10蚊又早半個鐘就有宵夜時段終於去試左位就初頭坐2人非car位就迫爆...好彩係平日..半個鐘後咁岩隔離台就走左..後生個位男樓面就好識做將個張台合埋落我個張..大好多了..佢地樓面好似1定2個係後生,其他中年個d都唔會有咁爽快d動作..講事實..無歧視..仲有個經理係白頭個位恤衫佬應該..唔多聲氣招呼..一副扒房個d經理款..正係負責收錢指指點點為主..講返野食:刺身..3文魚食到中段都係覺得同禾輋個間相似..懷疑同一批來貨商..呢度多左樣貝粒同平目魚..前者ok..後者睇彩數..試過有舊好食有舊就怪怪地即吞..甜蝦都ok..八爪魚麻麻..仲有沙津個款螺肉,八爪魚,裙邊..都過得去..其他熟食仲有牛柳粒..味ok..但有d似好重鬆肉粉個種口感..地獄尤魚..用上xo調味.唔太岩我..寫一份都黎左十五至二十條鬚仔..食唔哂..牛油焗帶子..正..有牛油味..一啖一粒..好似寫左兩份..黎左20粒度..吉列個d全部過得去.除左蠔麻麻外..芝士年高夠熱夠口感.但味唔太重..燒蝦唔錯..好過禾車..唔會太孱..另外五味

今日星期日， 放假同老公去沙田行街拍拖拖。  剛好今日我和老公很想食放題， 忽然間醒起這間日本料理。  每次只是經過這間日本料理， 今次終於要試下。前菜有幾款選擇， 我最鐘意係墨魚咀。 因為墨魚咀好爽口又彈牙， 而且好大隻墨魚咀， 起初以為係芝麻八爪魚， 食落去先發現係墨魚咀。刺身都有好多選擇， 每款都好新鮮， 所以刺身都食左2 round.  三文魚厚切而且新鮮肥美、 希靈魚夠爽味道香口、帶子粒新鮮又鮮甜、甜蝦爽口勁甜、 鮑魚片味道甜甜地煙煙靭靭。天婦羅海蝦夠大隻夠爽甜、茄子清清甜甜、吉列蠔炸到又熱又脆卜卜， 味道都十分鮮甜、炸花技丸外脆內彈牙，味道好味。火鍋鍋物有3款選擇材料和3款湯底選擇， 我和老公選擇吃醬油湯牛肉鍋， 個湯底調到好香濃， 味道咸咸甜甜， 配襯肥牛一起， 肥牛索滿湯汁， 味道好好味， 醬油湯必吃之選。  因為這個湯底好好味又香濃，所以吃完肥牛，再order海鮮火鍋料。  海鮮火鍋料有魚、蟹柳、青口...  這裡的火鍋必試之一， 幾乎每一枱都有打邊爐火鍋中。 鐵板牛柳粒在傳菜中時， 已經聞到呢道菜的香味。  這個菜的醬汁好香， 味道咸咸地， 再加埋牛柳粒一起， 食到