上海姥姥 (已結業)

樂富廣場平台開了很多食店，其中一間叫上海姥姥，主打湯麵，最近行過見開埋下午茶，一於試吓，地方寬倘和潔淨，服務員細心，環境舒適，太人多可以慢慢坐，menu都好多麵款選擇，叫左個五香牛肉餐，29蚊，如果加多15蚊重有套餐升級，任君選擇，牛肉有4塊，下午茶細細碗都夠，味感適中，麵條滑滑，美味

店內裝潢清雅，座位寬敞。心想可享受一個美味的午餐。見姥姥手製排骨拉麵，被手製2字吸引，做得招牌應唔差啩！亦想食吓有冇唔同，點知中伏。一碗上海麵，麵身屬幼扁類，麵質都算合格，可是份量很少。而排骨就非常一般了，炸皮冧軟，排骨肉又乾嚡，吃咗2塊便無法繼續了，唯有放棄。小籠包，皮尙算薄，餡料肉味正常，但較硬實。雞絲粉皮，半透明粉皮卷起，麻醬、青瓜、雞絲拌吃，麻醬太傑，很難撈埋，吃時很且漿口。熱豆漿，微甜可接受。

一個下午茶餐 差不多$70份量少得可憐 同行七歲小朋友（平時已是小食量的小孩）點一個上海粗炒都不夠食 夾開兩個小碗都裝唔滿味道非常一般 一早整定 似街市整定一盒㨂幾樣餸賣廿幾蚊果種小籠包皮厚 不值呢個價錢個經理都無乜禮貌同他講份量少 佢竟然可以扮聽唔到 唔應人一句到尾 無下次

香港有一個特式，咫尺之地，貴價樓和居屋可以和睦共處。同樣，樂富和又一城只隔一個港鐵站，但兩區的餐館價單有很大分別，所以今日特別坐多一站到此處覓食。因為餐館滿座，店長提議我們坐吧台，我們因趕時間，所以就不作它想跟隨店長入內。吧台椅出奇 地高，我太太要出力延起自已上座，問題不致太大。反而，既然吧台預給客人，吧內就應該修捨好些，不應給客人十分凌亂感覺。我們叫了芥末小雲耳、香煎素鵝、古法香蔥芝麻餅、生煎鍋貼和四川擔擔麵。服務效率算十分快，轉瞬間五道菜已備上。可是，質素不如預期中好。四川擔擔麵不知是碗有點過大，還是麵的份量少了，結果湯太多，麵像全浸沒在湯裹，賣相變得很怪。  香煎素鵝沒有隔油，腐皮外層很油，有點馬虎。 五道菜比較有驚喜的是古法香蔥芝麻餅，煎得很香口。雖然如此，我始終給擔擔麵的份量打了折扣。但當我環顧其他枱時，都發覺其他麵湯都是這樣，麵條差不多浸沒在湯內，莫非是我預期多了？

$29茶餐不包飲品可選擇加15配豆漿及小寵包2粒面正常..有小小辣+花生醬味另外點了一碗菜肉雲吞$29有六粒味道同灣仔碼頭一樣..呢個價錢唔值另外，下午茶時間侍應只會安排客人座一個範圍好迫傾唔倒計

性價比不高，68蚊套餐要加一，有前菜一客，麵同埋飲品。叫左紫菜鮮蝦春卷，紫菜香乳，做餡好夾，所謂鮮蝦似急凍，無咩味；四川擔擔麵，湯底濃郁花生麻醬味但重味精且過咸，好口乾，有肉末但有碎骨。

樂富廣場1/F 有d似food court, 四周好多唔同食店, 同知己逛一逛, 揀左e間上海姥姥。👭👭 星期六大概1點半, 3個人入去, staff安排左個卡位比我地。😎👍🏻餐廳位子都ok 多, 應該可以容納幾十人。 Menu有圖片睇, 易明。最後楝望1麵、1小菜同1點心。👭👭 粗炒味道濃郁, 加左椰菜、香菇絲, 唯多油了點。 之前黃大仙分店整得好香，好出色, 但e間偏辣, 同冇無左香口味。腰果數量好多。整體普通。 炸銀絲卷皮脆, 入面麵包軟, 熱辣辣, 點埋煉奶好味！👍🏻😊 坐左成2粒鐘, 中途侍應都有加左幾次茶, 服務算ok!若炒粉麵、小菜, 炒得更香及少油點, 應會再來！

晚餐唔知食咩好，就揀左好耐無食嘅上海野。一行4人，一入到去還好，但一開始食野就覺得冷氣好唔夠，越食越熱快快食完就去附近商場行街了！一入到去，首先講下杯茶，茶係有茶色，但味道係淡到好似飲緊水咁雖然杯茶唔係主角，但真係可以更好⋯⋯食物方便，點左個冷盤燻魚，由於屋企人非常喜歡食燻魚，所以燻魚基本上係食上海野嘅必點item燻魚賣相係可以嘅，但一入口就覺得真係好麻麻，成碟魚都太多骨，同埋皮太韌，根本成舊魚只有入面白色嘅肉係較易入口。回鍋肉味道唔錯，唔算太辣，賣相都好好。擔擔麵黎講，我個人認為唔夠正宗，試過就可以了。賣相可以但湯較咸及辣。麻醬味也不夠濃。菜肉雲吞夠大粒，味道也可以，但整碗菜肉雲吞麵的賣相真係麻麻地，好似白烚咁款紅油炒手拌麵都係用菜肉雲吞黎煮，拌麵嘅汁夠入味夠辣，全碟麵只係底部比較油，淨個麵唔算太油，可以食哂賣相都唔錯，麵上面有少量蒜，可以自己揀撈唔撈埋黎食拌麵送嘅杞子雞湯，賣相好好，但飲落覺得好重味精嘅湯，飲左2淡就算了餐廳環境其實係唔錯，但食物質素真係有待改善⋯上海野嘅餐廳真係有太多好味過姥姥了⋯⋯

見上海姥姥既門口整整齊齊🖼🖼就比佢吸引左入去食喇，接待我地個男職員好Nice👱🏻‍♂️👍🏻👍🏻兩個人食唔到好多野，男職員仲建議我地點叫點叫會好啲，落單冇耐就有得食喇，好快手，可能果陣都夜夜地，客人唔多。叫左雞絲粉皮同粗炒麵同埋麻婆豆腐，都係正正常常平時食到既味道🤤🤤但我坐個位就冷氣機滴水，雖然冇滴中我，但成日會覺得啲水反彈會彈到啲野食。呢樣可以改善下。坐到差唔多又怕阻住人收工，我就那那林食啦，另一個員工又好好咁話你慢慢食，十點先走都得架，感覺佢唔會趕人收又趕住收工，好好態度👏🏻👏🏻

係樂富打波前同朋友先食個飯，係樂富唔知有咩食，只好係個有蓋平台到求其搵間食。入黎食個上海麵加啲小食一陣打波就剛剛好啦～ 呢兩個小食係輕盈份量，我地相信個燻蛋係鴨蛋，燻蹄中間比較多肥膏但係呢兩個小食係比較好食既菜了。擔擔麵同排骨拉麵個麵都算合格但唔夠煙靭，排骨都算大份，我自己叫擔擔麵都加左一份排骨。擔擔麵個湯都算唔錯，味道幾平衡。跟住落黎係最差既包點部門，小籠包好厚皮，好似啲舊式上海店個種小籠包，但依家好多店鋪都做到皮薄多汁，所以呢個小籠包令我好失望，太'老‘啦～生煎包個底好似冇煎過咁，入面好厚既包又冇肉汁，好似食緊菜肉包咁。總結上海佬佬啲包點做法太舊式，令佢分數大打折扣，其他菜式都只係中規中矩，唯一比較推崇既係佢服務態度唔錯，但本人未必會再光顧啦。

早前来了吃饭，特别点了个牛𦟌拉面及菜肉云吞拉回，两个拉面味道还可以，但份量少，配料亦少，感觉单调，特别是我的菜肉云吞皮也未煮熟煮够就端出来给食客吃，皮好厚好硬，问了店员一下，说帮我问一下，但最后也没有回应，而且每台客人只能够有1.5小时的吃饭时间，就要交台，吃得很急，最后还点了个鱼肚羮，味道很淡，而且醋也一同加入沉底，要搅拌才能吃，但个人感觉应该分开上，因为不是每人都喜欢加醋，这餐吃的真赶，还未到1.5小时，店员就催促还有东西点吗？如没有就结帐吧，感觉真不好，好像赶人走，下一次也不会再来，想多吃也不想再点......失望

每隻杯既杯邊都係黑點, 職員話係酸梅湯既渣, 但我地係飲緊豆漿!! 佢話佢地d杯用洗碗碟機洗, 呢個就係好合理解釋?? d渣係會甩既, 全部入晒豆漿入面, 一點點!! 職員仲要覺得冇問題. 唔會再去!

經開樂富又咁啱係午餐時間，所以就喺附近睇吓有咩食，本來想去譚仔，但係路過上海姥姥見到午市套餐裏面有口水雞湯麵🤤即刻試試先！一人食飯大嘅好處就係好快有枱😹一坐低拿拿聲就叫咗個口水雞麵套餐，小食揀咗熏蛋，再加多杯凍豆漿！花心既我仲追加咗$16 一客兩件既小籠包湯麵好重鹼水味， 湯亦不夠熱....口水雞小碟分開上， 肥膏同骨仲多過肉😥辣油比醬料更辣！味道亦很普通...熏蛋也很令人失望，蛋黃中有灰色不明物體...冇煙熏味可言光看圖片就知道湯汁不多了.....幸好餡了味道不錯！埋單$99.4⋯⋯應該不會有下次了🤡

中午時段， 我們二人走進這間上海店舖食嘢， 地方環境燈光舒適， 我們點了兩款麵食和兩款小食第一款小食店了四喜烤麩$32（ 輕盈分量）， 味道唔錯不太鹹， 有少少甜甜地第二款小食~五香燻魚$66 (標準分量)， 第一啖擺落口已經覺得有點兒腥，口感較硬麵食1, 菜肉雲吞拉麵$54， 湯底感覺似淡味精湯底， 雲吞接口太多感覺咬一團粉， 雲吞味道ok麵食2, 排骨炒粗麵$69, 賣相ok唔太油膩， 排骨裏面有少少咖哩的味道， 整體唔太鹹

因為近公司 所以經常會去樂富上海姥姥食lunch~呢間上海姥姥係午市時通常會比較少人 十次9次都吾洗等位 午餐有兩款 一款係麵 一款係飯我比較常order飯款 杞子雞湯非常一般 只係冇乜雞味既鹽水 推薦麻辣魚片個個餐 愛辣人士必試價錢算係中等價錢 但整體而言算係合格