上海姥姥 (Citylink)

營業中

休息中

我今日下午去咗上海姥姥食Lunch，原來他們是沒有Lunch Set的。我叫了一碗手製四川擔擔麵，再追加一份排骨。他們的中國茶是免費🆓的，可以隨便添飲。餐廳環境方面，座位都幾舒適，加上有一些自然光從窗戶透進來，有助客人放鬆心情來享受食物。四川擔擔麵外表不錯，正常擔擔麵嘅樣子，上面有少少肉碎和蔥花。四川擔擔麵果然係使用手製拉麵，能夠看到拉麵有粗有幼，並非機製的同樣粗度。拉麵有少少爽口，不是麵漿似的。原來裏面亦有不少肉碎，配上麵條一起吃，味道不錯。份量也足夠。排骨有五件，外表也不差。可是，吃起來肉質太硬，不夠鬆軟。有待改善。一碗四川擔擔麵（$50）追加一份排骨（$25），加一服務費後，合共$82.5

星期五的晚上，來到沙田，大部分肆都需要輪候，黎到連城廣場，平時行過覺得好多野食，今次就特登去搵下有無好野食！睇左幾間餐廳既餐牌，好似最吸引都係上海姥姥，一黎菜式岩食，二黎價錢相宜！一拎飛，仲有10個到我地，雖然好多都走左，但最後都等左差唔多30分鐘！入到去，揭揭餐牌，其實都幾貼心，大部分菜式都有大份同細份揀，岩哂乜都想試，但食量又唔大既我們！最後叫左4樣野，全部都幾滿意！雞絲粉皮： 粉皮夠哂涼浸浸，青瓜絲夠爽，雞絲配合麻醬實在幾開胃！炸銀絲卷：熱辣辣上枱，加埋鍊奶，其實好難唔好食！香辣貢菜：有驚喜！個人中意食索索聲既菜蔬！呢個貢菜堅爽！配埋辣椒同蒜頭，真係食完一條又一條！上海粗炒： 份量多，入味！平時唔係好食麵既我，都食左超過半碟

剛從日本落機，唸住食個early dinner,去咗呢間新開既餐廳。之前係尖沙咀食過，環境食物都中上程度，唸住呢間都差唔得去邊。 一去到，因為唔覺眼又冇明確指示，睇唔到㩒飛個mon, 見到個cashier,入面唔多人， 同佢講3位，佢就話要㩒飛先帶位。其實我後面冇人排，唔係好明點解要㩒飛先入得。我有兩個喼，唸住叫佢收走張椅放喼，就唔會阻到人，佢話唔得，叫我放係另一張枱旁邊，不過我都望到既。但係坐位，都要好攝先入到，先講我都幾大隻，枱又細，如果鄰枱放滿食物，一定橫臀掃蕩。食物方面其實唔錯，撈麵個雞湯簡直滿分。員工態度可以，只是地方為咗坐多d,太迫。呢個係沙田大部份餐廳既問題，食飯豪無享受可言。

因工作關係，間中都會到上海姥姥的樂富分店開飯，服務環境同味道都非常合格。可惜，任何食店開到沙田總係大打折扣。傍晚5點幾，一踏入門口果刻就發現入面好嘈。唔係人聲既嘈而係疊碗碟既碰撞聲，一個小時入面呢d聲係無停過🙄 味道上，我地叫左兩個前菜，一個炸銀絲卷同三碗麵。1）海蜇味道好普通，一小碗（ $44+10%，唔多 值）2）雞絲粉皮，味道只係得花生醬味....3）炸醬伴麵 配雞湯 （$54+10%），正常味道4）紅油抄手伴麵配炸排骨 （ $54+$25+10%）排骨上枱時已經係微溫，但等左好耐先到....5）蕃茄菇湯面，好多菇，味道尚可6）炸銀絲卷，好難食🙄入面好散，散到會碎開沙田店係有加一服務費，但偏偏佢地非常趕客。1）未到繁忙時間，就已經趕客。只要對手一暫停食野，職員就會想收走你眼前既野。男朋友只係行一行開，餐具連碗湯麵都比人收走左。雖然係食完，但仲有其他小食未食晒，留返對筷子都得掛😂收野好快手但叫人斟茶但無人理佢

今次係第二次來,上次來黎依度食左擔擔麵, 都唔錯有蝦米肉粒花生辣度亦都夠，唔會只得花生醬，所以今次再來試酸辣湯雲吞，同樣做得唔錯！另外叫咗個素鵝，不過不失吧，不夠脆而且太油。自從新城市冇咗翡X小籠包之後, 老實講想係沙田食上海野都唔知去邊好，開咗呢一間之後總算有個心水了。裝修設計乾淨俐落又有時尚感！題外話，呢度門口負責帶位的好點慢，明明有很多位亦要求客人按飛和等叫入，而且入邊某一位落單員工亦黑面，不知道是否新店試開需時適應？

聖誕節諗住簡單咁食餐飯 就去左沙田新開既上海姥姥沙田多人 等位食飯要等好耐 但出奇地唔算等得耐 原來係有原因既 真係一試難忘 叫左鍋貼有一隻爆口 另外二隻個底爛左 無隻完整上海粗炒 d麵硬到頂胃 其他野又唔夠熱 唯一係小龍包都唔錯 幾好味重有令我最不滿既係佢既服務態度叫極唔應 去到埋單 d服務員無聲無息咁放張單係枱角 一句野都無講 就走左去第2枱落單 我真係唔明佢想點 早知係咁 自己行去埋單都無咁嬲 食物質素都算 就算幾好食 服務態度欠佳 都唔會想再去呢間野 我都係唔會再幫襯

剛剛在連城廣場新開幕的上海姥姥但真心真心不推薦本來諗唔到想食咩 所以去試下但真係好難食我地點左青瓜 紅油抄手拌麵 素鵝 排骨 醉雞 嫩雞燴麵青瓜同紅油抄手無咩味都算但係果個排骨 真係 好難食 好難食未食過咁難食既上海排骨炸得唔香 肉好乾 似係隔夜的味道 肉係痴牙 素鵝炸到乾晒 而且好油好油唯一好少少的係醉雞 啲味林都幾夠味服務方面 好似完全唔夠人咁除左落單叫左好耐從來無人黎加過茶其實我地張枱已經唔係算偏僻但真係從來無人經過食完啲前菜無人收係有新菜上枱都唔收舊碟

HK40*招牌小籠包好多湯汁,熱度岩岩好,咬開頂頭啜/整個放入口都吾會燙口。會再orderHK68*回味口水雞真係好回味,個醬汁正啊,食完個下麻辣味回衝但又吾會辣到嗌救命。雞肉肉質又夠嫩,會再order(將失色既紅油抄手點呢個汁可以加2分。但都係吾合格。)HK54*嫩雞煨麵個人不太好湯麵,米線類,但呢個湯面有驚喜面質易入口得黎湯好飲,但咸左少少。p.s.有雞味(食雞鍾意冇雞味既人可能吾鍾意)HK46*紅油抄手本身雲吞肉隻味吾夠出得黎,肉質太稔,冇口感,加埋雲吞皮又太長,放落口整係嘗到雲吞皮=稔bear bear紅油冇咩味另外仲有個銀絲卷*HK20太急不及待放入口,冇影相 。內裡沒有絲絲,鬆化既感覺,側邊炸得over左,有d硬,偏好口感實在既人會鍾意,所以我鍾意翡翠*****,真係好鍾意內裡絲絲,鬆化既感覺。

早在去旅行前已知道連城廣場裝修上一間新開餐廳上海姥姥 ，今次回港途經上址終於發現開業了、 所以決定在商場下購物完午膳便在此開餐。。。位置屬於上手越南粉麵店， 一點之內分為兩個舖位、 其實在於管理與分派食物上 感覺有點困難度， 雖則舖位上隔距離不是太遠、但始終連接上有可能碰上途人， 所以送餐上 和落單都有一定程度不方便~就以今次我們坐位而言就遇上這個問題, 我們被分派在餐廳的另一個戶外區、 故此落單每每要經過送餐之侍應才可以揮手， 如有上任何要求亦都要等待內心一點~眼看舖面上即場製作麵條的師傅豈能不是？先來是一個招牌小籠包HK40. 熱到不算太強湯汁滿滿飽飽跌蕩於小籠包中央, 個人就不喜愛沾上任何配料、簡簡單單一啖接在口中， 樸實無華~另一款紅油炒手拌麵HK$54. 等待時間差不多20分鐘可算是最長的一個食物, 幸好我不是上班一族之人、 但上枱之賣相確實不太令人討好, 幸而味道不大走樣、 些微花椒麻辣香氣在伴以蒜蓉沾上手製麵上， 麵條口感與味道確實配得不俗、 不過還是有點兒挑剔就是紅油內之雲吞 肉質較為(削身), 判斷可能是放於攪拌機上磨碎、故以肉質有別於用手切來得有口感~至於甜品方面我

知道沙田火車站上層開了一間新嘅上海菜館 ，已經好想去試吓，今日到沙田辦事，就把握機會去試新食店。可能新開張，人人都想試新食肆，雖然未到12點半，都要排隊等候，幸好只是等了十分鐘左右便可入內。食肆面積頗大，裝修也很清雅，店內有一塊大玻璃，食客可以看到員工在內烹調的情況。食物種類很多，上海包點、小食、麵食、小菜 ……都應有盡有。因為是午餐，所以只選擇了少許菜式嘗試。春卷鮮蝦頗新鮮， 皮很薄，但紫菜味道不突出，不過炸得也算鬆脆。素鵝煎得很油膩，味很淡，一定要沾喼汁吃，否則無味道。生煎包皮略厚，肉餡唔夠鹹，包底煎得過火，但又唔脆。炒粗麵極之油膩，排骨肉質很酶，蔬菜亦炒得過火，失敗之作。這一餐吃得很不暢快，大部分食物都非常油膩，除非將來有所改善，否則應該都不會再去光顧了。

上海姥姥在港已有多間分店，今天便湊熱鬧去試新開張的沙田分店。本身我也很喜歡上海菜，所以滿心期待。四川擔擔麵 ($50) 是餐廳的推介菜式，但頭一啖已是失望。這只是一個微辣的稀湯，花生醬味並不明顯。配料上也合格，肉碎份量也不少 。論味道，絕不及樂天皇朝好味。我另外加了排骨 (+$25)，排骨反而炸得不錯。炸漿沒有過厚，排骨也沒炸得乾身，還保持鬆軟口感。如果是厚切會更佳。酸辣湯拉麵 ($55) 的湯底熱度不足，只屬微暖。味道和配料卻是不錯，但非熱燙的湯以怎能稱得上為好味呢？拉麵説是師傅在廚房即搓的，但麵質並不煙韌，口感也很普通。麵條絕不及翡翠拉麵小籠包的好吃。生煎包 ($40) 也是失望，底部煎得不夠香脆，包太厚又過腍，不覺新鮮。湯汁反而挻豐富的，但整體上絕不及小南國的岀色。葱油餅 ($34) 不懂欣賞，葱也不算很多。説是招牌小籠包 ($40) 又怎能不試呢？小籠包成功地做到皮薄餡靚，我小心翼翼的夾起，一口咬下，熱燙的湯汁也湧進口裡了！這裡的小籠包跟鼎泰豐一樣高質。

之前朋友食過話ok.今日經沙田新開就試下啦！本身上海菜偏甜，其實唔係幾岩我，不過試咗幾樣野都真心覺得ok.😋會再試既選擇。價格雖然唔係好便但也唔貴。有d仲有輕盈版選擇呢樣好。服務方面都算幾有禮貌，d哥哥姐姐們好忙，都主動斟水，同好主動過來話賣單

今日同家人一齊食飯，見到上海佬佬今天第一日開張，希望日後要好好改善，第一道菜來是口水雞，先說口水雞味道感覺味精多了少少，不過辣味也不錯，第二道菜蟹粉小籠包，小籠包裡面小小蟹粉也沒有只有少少鮮味也可以接受，第三道菜四川擔擔麵，麵條質地不夠彈牙，湯底也不太好還欠少少辣味，第四道菜黃金魚，魚肉品質不錯，我覺得服務員態度不太好，一見到就知道沒有培訓希望好好的改善，因為我叫了一碟魚還有2 塊魚片未食，但個服務員問也不問就收了我碟魚，好像要急住收工要吹我走，真的不明白基本禮貌也不懂。