上海婆婆 (已結業)

果日係葵芳見完客,路經新都會發現新開咗一間上海婆婆,於是約埋女友一齊去試下,呢間上海舖酒家,朋友時常說經常要等位,而且重要超耐果隻,但我好好彩約5點45分去到都重有位.一入到去就見到一個幾搶眼嘅廚房,好多師傅係度做麵,亦見到有4 幅BB相,都幾特別.服務員都較年青,與其他上海酒家唔同,講返正題,兩個人叫咗小龍包,窩貼.XX雞米,雪菜拉麵,豆沙窩餅.小龍包皮好薄,湯好有鮮味,夾起唔穿,正窩貼唔知點解等咗好耐雖然服務員落單時候話要等20分鐘但差唔多等咗25分鐘,終於等到,食落窩貼味道幾鮮味,好脆口,超多汁,怒火立刻消失.雪菜拉麵,麵都唔知點解咁鬼長,係唔係拉麵關係?服務員推介D拉麵係師傅叫一碗拉一碗都幾彈牙XX雞米:幾得意,幾香豆沙窩餅:呢個就麻麻地,餡都OK,但D皮油咗D同淋咗D囉,要改善.

在葵芳食午飯令人頗傷腦筋, 尤其是新都會, 選擇不多而每間餐廳平均消費要$4x 以上。開張到現在, 平均每星期都會幫襯一次, 試過擔擔麵餐和鱔糊餐。其實之前都試過上海婆婆其他分店, 水準不錯。 此店雖然新開但水準都不錯, 只是多人時蒸點心會等得較長時間。擔擔麵餐可以配小籠包、生煎牛肉包和水餃。 三款點心都試過, 最好是小籠包, 皮薄有汁。 生煎牛肉包就一般, 包的餡不似牛肉。擔擔麵不錯, 與樓上某店相比就好吃得多, 起碼是較為正宗的擔擔麵, 樓上那間根本談不上是擔擔麵。 每次吃完麵餐都十分飽, 所以上海婆婆會成為午餐餐廳 list 內。飯餐只試過炒鱔糊, 有次味道很淡, 有次味道則剛好, 證明水準不太穩定。 埋單時要注意的是所謂人多手腳亂, 他們試過埋錯單和找錯錢, 小心小心。

黎呢間食，係因為成日見到荃灣間分店鬼咁多人，照計呢間都唔會差架，結果一開張就黎試。結果...首先叫左酸辣湯，只酸不辣。「可能係獨家口味卦﹖」阿媽話。好，下個菜係醉雞，嘩，有碎冰既﹗「雪得夠凍之嘛。」阿爸話。你兩個有股份架，咁幫呢間說話既，到個炒年糕同小籠包上埋檯，就真係無聲出啦。炒年糕油到反光，奇在入口一D味都無；小籠包就有湯汁，但係味道係淡到似水。雖然唔係貴，但係成餐飯都咁唔掂，到底搞乜另外幾間會咁多人呀﹖

舖租上調吉野家不見了，新晉的一品螞蟻未開，就來到另一面的上海婆婆，在荃新天地吃過，開到來這裡，似乎同新鴻基關係還不錯。開張首星期，無論午晚市客人亦如螞蟻嬲蜜糖，撇開大隊走來試新店。環境絕對是迫夾，非閒聊淺酌之地，客似雲來，多半是因地板淨潔企理，有人招呼。雖然想試擔擔麵，最後還是叫了想吃的雪菜絲拉麵，套餐配生煎牛肉包或小籠包，要了前者。牛肉包兩面煎過，泛著油光，漲身包子發酵得不錯，吃起來軟熟帶有砂糖賦予的甜，包厚，餡卻只得丁點兒，混有洋蔥、肉粒、大頭菜，鹹中帶甜，做法新派味道卻是平宜近人，一碟三大隻，真的吃包吃飽。大碗雪菜肉絲拉麵，上海麵軟熟卻欠韌性，雖說手拉是誠意，但似乎老三陽的現成貨也不比這裡差，湯底沒加火腿，只得薄薄的肉甜，其餘味道靠「師傅」補貼，同樣價錢兩步之隔的外省菜館，加了火腿的濃湯，比這裡更用心，唯一欣賞是處理過的新鮮雪菜，不太咸卻有淡淡的香。雖有師傅手拉麵點，但是日吃到的，感覺似乎不比開在路邊「兜痞」上海舖做得好，說到底懂得包裝，比起好吃更重要。

一直都想試下此上海飯店, 便相約朋友到此食個午飯慶祝我的生日吧!!!我們叫了以下四款食品 : ~(1) 婆婆粗炒 好普通沒誠意的粗炒又淡而無味, 粗麵味道還有一點點皂水味咁, 內配食料就只有肉絲 / 椰菜 / 兩三棵白菜((全都是無甚味道)), 比一般上海麵店還要差~~~~~極令人失望之選 (2) 大滷麵 成碗麵係非常之"杰"身, 唔知本身係無乜湯還是很快給所謂 手造拉麵索晒啲湯關係, 好像食緊撈麵一樣, 還要比魚肚羮杰口, 都幾難入口, 喜歡食素菜人士又不怕超杰可能會比較啱口味 (3) 上湯小籠包 好好味~~皮薄多汁 ; 夾起時皮不會穿, 幾鮮甜, 但就不太有肉味,

我與家人，共四人一起到該店用餐，那時有很多位，由於我們有小朋友，所以要求在sofa位，點知該接待員不給我們，話那些是六個人座的，但不久後卻接二連三給sofa位給二人或四人座，他這行為很不尊重我們，歧視我們，為何人哋座得我們卻不能座。