上海婆婆 (已結業)

係葵芳行完街，唔知邊度dinner 好，所以細佬就suggest 食上海婆婆啦......但都係同平時一樣，勁多人等，我地都等左成 45 mins 呀........ 醉雞：呢個幾好，d 雞夠滑，d 酒的濃烈度幾好，夠凍，又唔算油，好好味 鮮茄蝦仁鍋巴：個汁的味道 ok，唔算過酸........不過 d 蝦就唔係太好食；d 鍋巴的份量又太少........總之就同個價錢唔成正比啦 椰菜回窩肉：呢個好惹味，送飯一流......正(不過就油左d) 婆婆粒粒炒飯：呢個超差，個飯好乾，又冇餡，個味度好似扮緊生炒糯米飯咁，好奇怪 上海津白：呢個一般啦，冇咩特別 酸辣湯：呢個都冇特別，ok 啦，不過份量超多............ 糖醋魚塊：呢個唔得，d 魚肉太腍，唔脆又唔爽，又多粉，一啖咬落去就係一舊粉.....唉......

一直都好想試下”上海婆婆”.....不過次次都見佢大排長龍.....就好唔想等.....今次終於少左人等位啦~~拍黃瓜: 友人食上海野必點.....佢既最愛.....我就無所謂.....不過今次又幾好味呢.....要讚下!上海粗炒 (好似叫"婆婆粗炒"..): 熱既時候好好味.....入味.....麵質又唔錯….但凍左就大打折扣.....好油.....生煎牛肉飽: 唔錯~小籠包: 好味~ 如果有埋蟹粉就仲正~隔離叫左個炒飯"走蔥".....走左2次.....最後第3次先走到.....佢地前前後後等左好耐.....我諗佢地應該嬲到一肚氣.....而我地叫埋單都叫左2次.....差既服務會影響餐廳既評價.....所以真係要好好改善!下次去第2間"上海婆婆"食~

唔知起邊度聽番黎,話上海婆婆好好味.咁岩今日過葵芳有上海婆婆喎, 附近都仲有兩間餐廳夾住.其實3間餐廳, 就只係得上海婆婆冇下午茶, 計落唔抵食架.但係3間又得佢要排隊喎..都係試下啦~等左5分鐘就入得去喇,仲要卡位呢~但係d燈射住晒,好熱呀!!是日午餐:- 上海排骨面 (我點既~)排骨查實就係炸豬扒. 肉質好鬆, 食第二件開始咸喇.個上海面好清, 份量剛剛好, 配料仲有榨菜添~ 擔擔面套餐 (男朋友點既~)上海擔擔面>> 嫌花生醬太多, 吃了一半個湯好"潔", 同埋開始咸. 不過我幾欣賞架, 係我鍾意既味道. 如果用清湯混清擔擔面湯就冇咁漏喇.小籠包>> 十級好味!散叫都25蚊4粒架!皮薄餡靚,好多肉汁呀!一啖食熱死左~豆漿>> 好有豆味, 終於似番飲豆漿喇整體上都好味, 原來間店都幾大, 員工唔夠.埋單又係叫左幾次~眼見都幾多人食完仲要外賣呢!我一定會再試,等我呀♪

今次真係特登去食上海婆婆架, 因為聽人講咁好味野食都有好多選擇, 而且價錢都好合理食物質素唔差但唔係特別好, 唔係人地口中咁好味喎聽人地講果生煎牛肉包好好味, 我都一定點左個不過原來好細個架za不過細細個好精緻一咬落口唔juicy, 咬多幾啖都冇汁牛肉唔香, 其實食唔間出係牛肉, 只有五香味但個飽好軟熟 又唔會好油 煎得剛剛好 其實都幾乾下, 始終生煎肉包都係有肉汁好味D所以我都幾失望下食物中規中矩, 但冇驚喜小籠包都末夠準, 都係冇肉汁但份量適中, 唔會太過份碗碟好多都係崩架! 其實唔係咁好睇....以呢個價錢都算幾好, 但要求高D就唔得啦但我下次唔會特登再去食

我家婆婆是正宗的上海人,,於是便請她到葵芳上海婆婆用膳,,估唔到當上海婆婆遇上上海婆婆ヌ刷出新驚喜!我們order左南瓜餅,小龍包,醉雞,炒反,糖醋骨南瓜餅:甜而不膩..有南瓜香味小龍包:皮簿多汁,一啖一個好好味醉雞:唔多夠酒味,但賣相ok炒反:賣相唔ok、炒到黑蚊蚊,但有好香的臘味味道糖醋骨:肉質夠冧,又入味,送反一流

今天在葵芳百老匯看完2012後,到上海婆婆吃晚飯,平時很多人,今天出奇地不用等位環境都算清潔舒適架,檯面夠大,座位亦舒適,bb畫好得意!服務員有善!我們叫了幾個菜1.麻辣粉皮-----不算太辣,不過幾好食2.醉雞-----好食,,有酒味,不會太肥!3.小龍包-----皮薄多湯4.水煮牛肉-----個樣望落去好似好辣,但並不是太辣,如果薯粉換左粉皮仲正(個人意見)5.黑醋排骨-----幾好食,個汁甜甜酸酸.6.咸肉津白-----咸肉沒有甚麼味道，色澤麻麻，清淡沒甚麼味道，免強合格 三位結帳二百九十八元，都不太便宜,總括食物質素,樣子,服務ok,值得一讚,要繼續努力但唯一不滿意就是環境太嘈

同屋企4個人都諗緊食乜好!不嬲對上海菜冇乜興趣..覺得唔好食!!但去到葵芳又唔知食乜好..去到6點幾見上海婆婆冇乜人等位..就入左去試!入到去個環境都算清潔舒適..有幾幅好特別既bb畫,好得意!服務方面都算有禮貌..感覺頗有親切感!但有點唔開心..因為卡位已坐滿!知客安排左坐半張sofa位..都ok啦!我地叫左幾樣野:1.花x醉雞酒味夠,雞不會太肥,正2.雞絲粉皮(服務員推介)個醬好好味粉皮好滑唔怪得服務員推介3.雲吞雞湯都幾好,唔似味精湯4.松子王魚(服務員推介)甜甜酸酸,送飯一流5.咸肉津白一般般,沒有特別6.小龍包皮都算薄好多湯7.薄餅我唔食蔥,所以沒有食,但媽媽話唔夠味8.高力豆沙一般,入面好似有d唔熟,有d水汪汪咁,叫左個黑色西裝既人,換個第二樣野,都立即更換總括今晚既晚餐都算唔錯,我第一次寫食評,希望沒有介紹錯

今日行過葵芳見倒又有上海婆婆喎!~~`之前食過屯門果間好正所以諗都唔諗 就行入去等位都等左30分鍾以上好~~~~~有位喇.....我地叫了帶子小籠包.雞絲粉皮-.松子黃魚 粗炒帶子小籠包-超正帶子好有鮮味充滿肉汁.雞絲粉皮-粉皮，很香很滑松子黃魚-味道不錯--粗炒-好飽了!!

今天在葵芳百老匯看完阿童木,一家人到上海婆婆吃午飯,那時巳經一時,出奇地不用等位,後來知道最重要的原因是上菜極快.我們叫了幾個菜1. 麻辣粉皮-----超辣,不過幾好食2. 醉雞-----好香酒味,d雞肉都好滑,好有雞味3. 婆婆粒粒炒飯-----好香,好味,d飯炒到夠乾爽4. 小籠包-----多汁,好香肉味,正5. 鍋貼-----現在很多地方造的所謂窩貼，只可以叫煎餃，叫得窩貼，樣子要這樣，個底要燶燶地，皮要厚，入面的肉無九菜，這樣才好吃上海婆婆的食物幾有水準,做到色香味俱全,總之好正

好朋友生日,我們二人行街街經過見到有間上海婆婆新開的,,於是試下!!我地等左半個鐘到先有位!!入到去覺得有啲迫.啲位不太好座!!!!我們叫了以下食物:小龍包: 最正外皮厚度適中,不會一夾就穿,多肉汁juicy juicy亦不會太油,,,點埋啲醋味度一流!!!!Great!!!!!雞絲粉皮: 雞絲無味,,只得好重的花生醬味,,好細碟,一般啦!!醉雞: ok好食,,有濃烈酒味,,入晒啲雞肉度,雞不會太肥!!啱哂我好酒之人素菜包 :有陣陣麻油清香味,熱辣辣咬落去超正!!!!!!不過略嫌太細個,,兩啖食哂!!螞蟻上樹: 好怪呀啲味!都唔知啲汁攪咩,ヌ咸ヌ甜,難食到爆,早知唔叫啦!!!粒粒炒反: 好香的腊味味度,,啲反炒得几乾身,好味!!!唯一要彈的是樓面服務有待改善

新都會既食肆係狂風掃落葉的執執執執執清光行動後，又顯番ｄ生命力，昨夜無意見到有上海婆婆，故便入去一試。冷盆：雞絲手晶粉皮熏魚熱菜：銀芽炒鱔糊雪菜炒年糕上海婆婆粒粒炒飯點心：小籠兩籠（８隻）湯羹：宋嫂魚羹逐樣黎數：　　雞絲粉皮，雞肉不夠細，粉皮不夠滑，同埋應用麻醬佢用花生醬；需用三和油，即醬油﹑麻油果ｄ，佢好少，唔夠味。　　熏魚，真係得啖笑。基本上同銅記「南翔小籠」同人路數，錯晒。勝在佢魚唔腥，當佢唔知咩炸魚塊都可以囫圇下肚。　　銀芽鱔糊。係「南翔小籠」慘烈的經歷後，醒左，點都睇清楚問清楚，唔要有韭黃成份既！同埋上菜後主動問佢拎胡椒粉，因為佢地都係唔會落嫁喇煮果陣。食落，ｏ晒咀。唔係鱔絲整既，只係將段黃鱔切成條，既來之則安之，當佢黃鱔咁食，但又唔岩！佢ｄ魚係死既，失去左炒鱔時食既皮爽肉滑。ｄ銀芽炒到濕晒，過左火。　　雪菜炒年糕，又係比「南翔」好ｄｄ，因為多ｄ綠意（即係多左ｄｄ所謂雪菜）。但查實雪菜唔係綠色的，食落完全無雪菜既鮮味同鹹味。加之年糕太軟身，失卻彈牙之Ｑ。加埋筍絲放得太孤寒，心諗：係人都知你地用既唔係新鮮筍喇，罐頭又好，真空又好，你都落多幾條喇，又唔係貴，當比錢食果個係乞兒咩！

好少食中菜....今日路經...見到裝修幾靚...入去一試...排骨炒年糕, 上海粗炒 + 豆漿原來上海菜都幾好味喎~排骨炒得好香....兩碟都不筫油膩 (一直以為上海菜係好肥膩)坐位很寬敞好舒服呢~其實仲有好多款式想試...但兩個人食唔到幾多...但呢間好怪...下午茶都有 last order...

環境: 午飯時間，餐廳頗多人，侍應帶我們一家人直行到最盡，再轉左，到了一處非常偏遠的卡位(外面完全看不到原來裡面還有卡位)。環境頗暗，而且旁邊就是出菜的地方，很嘈。加上極之凍!!!服務: 帶位的侍應沒有給我們餐牌，連茶也沒有倒。加上那個位是個荒島，完全沒有人理會。經過一輪招手後才有侍應走過來。食物: 假日午餐優惠套餐，平均$40多完一個餐，小菜款式也尚算多選擇。蔥爆羊肉: 雖然那個羊肉很像肥牛，但整體很惹味。而且肉的份量不會很少~紅燒豆腐: 都幾大碟，份量很足，味道OK。菠蘿咕嚕肉: 好味，啖啖肉。而且甜酸的比例剛好，而且有新鮮菠蘿，很甜很多汁。還有附送的例湯有老火湯和酸辣湯。老火湯頗足料(紅蘿白、雞腳、瘦肉)，酸辣湯母親大人覺得比較酸，還有如果多一點料會更加好。最最最差的是菜飯]!!! (還真是意想不到)話說它的套餐可以+$3將白飯轉為菜飯，於是我們身癢加左。結果菜飯一到...菜少到幾乎找不到，非常零碎一看感覺非常求其。其實餸菜也不錯，不過那個卡位實在太凍，結果食物一來，一分鐘就開始被吹涼了~所以如果真的要去的話，千萬不要坐那個卡位。還有不要叫「菜飯」。

今日同個fd行新都會, 到食晚飯個時大家都無idea, 周圍逛之下乍見上海婆婆個門面幾好, 於是盲中中走左入去食, 有好多人等緊, 不過可能我地都係得2丁友, 所以等左15分鐘左右就有位本來都係諗住是是旦旦食一餐, 點知味道出乎意料的好!!由於人少, 叫左唔係好多嘢:糖醣魚塊好好食! 魚好脆又有鮮味, 個汁ge味合到好處!! 力讚!! (因為連平時我唔中意呢個餸都覺得好好食!!!)水煮魚個樣望落去好似好辣, 因為有好多辣椒, 但食入口其實辣度一般, 魚好大件亦好鮮味, 另值得一讚係加左一束薯粉, 正! 直情好似食緊ma辣紅薯粉咁!咸肉津白同蒸銀絲卷好普通無特別.擔擔麵都係平時出面食開個d味, 不過d麵好彈牙!!! 同埋都幾大碗下. overall lai講, 食物好夠熱, 味道唔錯, 份量亦比相象中多, 所以有機會一定會再幫襯!!不過人多的話,可能等ge時間會比較長同埋上菜ge速度都慢左d, 同埋環境比較嘈.

今次係第一次試上海婆婆, 次次都因為太多人放棄. 6:30去到, 9張飛都要等45分鐘...其實都幾耐叫左酸辣湯 唔好食, 個質地好似好怪咁婆婆炒飯 唔錯, 不過油左d, 同埋無咩料婆婆粗炒 好食, 不過都係油左d婆婆擔擔麵 呢個最好食, 唔知係咪因為手拉麵既關係, 而且好似係$30, 幾抵食呀黑糖排骨 個汁幾好食呀, 不過d排骨肥左d最後食埋高力香蕉豆沙, 一般啦...可能因為太多人等位, 野食黎得好快, 收野亦都好快...