上海婆婆 (已結業)

12點左右到達，因人少所以可坐到卡位。順口問問有無LUNCH SET，冷不防被女侍應黑面噴一句：無呀! ...幸好當時她自知失禮，連忙多補兩句：平日至會有，假日無架。 態度變回溫和我們才沒有計較。我倆先點了兩款食物：鱔糊粗炒、排骨湯麵。先來鱔糊粗炒，就是我想要吃的樣子，雖然顏色黑但不鹹，鱔魚有咬口，好吃! 問題在排骨湯麵...端來一個大湯碗，只有一半湯麵，排骨用炸而不是煎，最奇怪的是，麵是一佗而不是一條條，要倆人用力分開才行 咬下去 感覺60%熟而已。湯完全沒味道，將貨就價也太離譜吧!!! 唯有寄望排骨會好一點吧，結果...厚粉肉少，完全將剛才鱔糊粗炒的得分扣掉也不夠賠，天堂與地獄在同一餐體會到了! 原本想多點甜品，結果因太失望故沒有再追加，叫了結帳等了十分鐘，客人已經不多收據還不來，看看CASHIER是否忙不過來，結果在跟部長聊天 終於忍不住找了剛才叫結帳的侍應問：呢度埋單係咪要等十幾分鐘架??? 這次收據來得快了，但找續又等等等......跟趕客沒兩樣!

上海婆婆D野食都幾好味wor ;)佢個上海炒年糕好好味啊！所以一定要食！仲有，我食左個婆婆粒粒炒飯，雖然好好味，但係好多油啊，肥死我la!!!仲有個雙麵黃，我覺得5可以話好食，但係都5係去到好差嘅程度。其餘，擔擔麵、牛肉包都ok ;DP.S 好多人，早D去等位！

下午茶時段平日都要等一陣先有位; 店內燈光比較陰暗, 台與台之間比較近雲吞湯拉麵 (上海菜肉雲吞, 多菜少肉, 拉麵係幼身比較有少少爽口的上海麵, 配料有蛋絲, 芽菜, 紅蘿蔔絲, 荷蘭豆; 湯底清甜, 加少少豆辦醬都幾好食)蝦米肉絲炒拉麵 (拉麵係粗身煙韌, 合我口味, 上海式炒麵就係要咁樣用濃濃既醬油炒起先正! 配有普通既肉絲, 值得一提的是佢既蝦米唔係普通平時食開個d蝦毛, 佢真係有成隻赤米蝦咁大既"蝦米", 味道就唔似正式個d蝦米咁香, 不過好似食日本零食個d成隻蝦仔咁, 幾過癮) 煎牛肉包 (熱辣辣漲卜卜, 包皮脆口, 正! 不過牛肉方面就差左d, 可能醃得勁得滯, 都無乜牛味, 肉汁又無乜, 唔駛驚爆汁); 豆漿 (有豆味唔太甜)

6點入去, 所有2人卡位都冇晒了~選擇坐在近廚房的那張2人枱, 貪光D 影野食靚D~ 黃金四季豆! 係我至愛~每粒豆的"黃金" 相當香口, 比例也好, 不會太多或太少~惜D 豆有D 老...有渣有根...擔擔面, 我覺得麻麻...湯底唔夠濃郁...可能因為我叫了小辣吧~花雕醉雞~ 成碟野都係花雕香味~雞係雞脾肉, 夠好肉~惜雞皮有少少老...拍小青瓜OK, 甜酸度剛剛好~瓜瓜爽脆又新鮮~整體而言, 食得好開心~

入到去無人招呼, 好似自己走入去坐, 算, 可能人地睇唔到我地點野食, 一客鍋貼, 小龍包, 雲吞湯拉面, 排骨拉面先來小龍包, 再黎雲吞拉面, 等好耐都仲未黎, 問侍應, 5分鐘又5分鐘, 已經等到火火地再來鍋貼, 又等排骨面, 終於到la, 我頂, 岩岩拎出黎應該熱辣辣的, d 排骨凍的, 都唔知擺左幾耐, 侍應同我地講, 不如整返熱比你地, 我想講, 我再等你再整, 我咪有排都唔使食la

諗住要等位的餐廳, 食物水準應該唔差啦...点知....一入座, 已問只食1.5 小時, 但我無諗過食上海野, 都要限時間....咁算啦!!!我們四人行, 吃了以下食物-1) 花雕醉雞 - 浸雞的酒一般, 唔夠香, 雞肉一般 !!!2) 蝦籽海參 - 好軟, 味道也可接受 !!!3) 上海小籠包 - 期望很高, 但水準也是一般 !!! 4) 皮蛋豆腐 - OK 5) 松子雞米配叉子 - 叉子皮很硬, 料也尚可!!6) 鱔糊炒面 - 鱔糊很軟, 平時食應該很硬, 口感唔掂 當我正寫食評時, 發現他收據多了 $2, 事件係咁....當時有侍應送鱔糊炒年糕 $62, 但我們落了鱔魚炒面 $60,這樣因而收多 $2, 我即時致電告訴店舖, 他也有禮貌說, 可退回 $2 給我!!!第一次, 過這間店舖, 下次也不咁再試 !!!

今日同佢去食LUNCH,係呢度搵到間上海野個個都話幾好食,咁就叫左個上海婆婆炒飯,小龍包同埋炒年糕加埋都係百3蚊,好抵食,又大件個炒飯好好味,飯粒比較硬,有醬油味!好食喔呵呵個小龍包就都係咁啦,無咩特別-O-個年糕就小小SPICY,年糕煙UN,唔錯價錢又平,真係無介紹錯

今天一個人去到葵芳行街,行行下有點肚餓便去左上海婆婆吳嘆反個下午茶人不是太多,不用等位.環境都不錯.等我睇下食咩好先..........叫左個別38元餐,一人份量啱啱好,即叫即拉嘅麵配合湯底.正春卷入面有銀菜,肉絲,皮炸到剛剛好,唔會太油鮮豆漿都幾有豆味$38元合理見到隔離台有碟飯鮮黃色,幾香,好似叫金黃炒飯定係黃金炒飯,下次一7定要試下

今日下午途經葵芳新都會廣場食午膳見到上海婆婆可能十二時的關係所以無須等位,就即管入去試下.....環境俾我感覺不錯....有幾幅BB畫都幾特別,幾可愛...服務方面都不錯.....服務員給我既感覺殷勤有禮。叫左個銀芽鱔糊午市套餐....跟酸辣湯配白飯$50銀芽鱔糊望落去都不錯...個汁收得幾好,味道正合我心意酸辣湯都幾好..夠酸夠辣YUMMY....下次再來試過其他食物。

今次係我第一次試葵芳呢間分店，結果大失所望，食物都其次，service真係差到冇人有。可能因為星期六的關係，都好多人等位，廿分鐘左右有位。兩小口子叫左鎮江肴肉，小籠包，京醬牛肉配叉子燒餅，同埋上海粗炒。小籠包最好味，皮薄餡靚。鎮江肴肉的肉太大舊，醋又唔好味，感覺有啲漏。京醬牛肉真係得啲肉，就算夾埋燒餅食都好漏，如果多番啲京蔥炒會好好多。上海粗炒味道ok，但太多油，雖然食上海嘢預左會多油，但真係too much!! 食物質素麻麻都算喇，下次唔去咪得囉，service真係差到呢！啲侍應一邊落單一邊同同事講嘢，好！冇落錯單就算啦！埋緊單時，一個著白恤衫類似部長or經理的黎執枱，點知佢整跌左隻油淋淋的筷子係我個袋到，而佢的反應係若無其事咁講：「唔好意思喎！」，之後繼續執枱，完全冇要幫手的意思。我問佢有冇消毒濕紙巾，回應係「冇喎！唔好意思！」，丟左張紙巾係枱就走左去，再問其他侍應先識俾杯水我抹嘢，真係火都黎埋。就算啲嘢食幾好食，啲service差成咁，彌補唔到囉！更何怳唔好食，我捻我一定唔會再去！

第一次食上海婆婆感覺麻麻地...可能係我唔好彩啦, 又無上openrice 睇下大家有咩推介就亂叫野食...所以我都係勸大家先睇下openrice 先好點菜!! 炸脆鱔好乾食, 好似食緊柴皮咁, 一d 都食唔到有鱔肉同鱔香... 失望!!粉皮, 無味無道!!酸辣湯雲吞, 都係唔合格!!小籠包都ok, 有肉汁, 亦都係唯一一樣好味d 既食品!!

又去上海婆婆食tea，今次約埋阿媽去。大約330去到，人不多，大約3成人度。我要了酸辣麵 + 牛肉包，阿媽就要三鮮炒年糕。三鮮炒年糕先來，看上去不太多油，可接受。試一舊先，勁熱，燙咀！年糕夠味喎，不多地方能夠做到年糕入味，通常年糕都係無咩味。但呢度嘅年糕入到味喎，年糕入味之餘，配料又唔會過咸。年糕煙煙韌韌，幾好味；配料有菜、carrot、蝦、火腿、雞粒。之後來的是牛肉包，外皮煎得勁脆，牛肉餡甚為juicy，又係好燙口~酸辣麵遲遲未到，年糕都差唔多食晒，於是就催催佢。個waiter 好好人，黎食過咁多次，見佢次次都好落力，又會主動同客講野。佢幫我催完之後，佢好快就親自送碗麵黎，抵讚！酸辣麵湯底較杰，有木耳絲、筍絲、肉絲，味道幾酸，不會太辣。但我都係鍾意蕃茄牛肉麵多d~

在這裡吃擔擔麵之前一段時間，曾在一家日本拉麵店嚐過博多拉麵。沒想到，當日的評語，部份竟可以轉借，同樣合用：「...麵條較平日吃的幼小，中性硬度很合在下胃口，也就是不太硬、也不太腍，兼且有點所謂嚼勁...」「...湯比一般油潤，... 麵入口時添了一種滑溜感覺 ...」最相似的是麵條，也是幼細之餘帶點適當韌度，湯底也是油油潤潤的，入口感覺竟然極為相似，差別只是豬骨湯底換了花生醬味湯底，日式叉燒、海苔則變了肉碎。這次選了「走辣」，更能突顯湯底的香濃。本來想再試酒釀丸子，可惜已近打烊。等下次。

跟綿羊hea住浸水了1個早上, 已經好餓豬了XD來到葵芳, 要先補充體力才可以繼續下1個shopping(室內運動=P) 不如舒服的吃個fine lunch, 又是小妹喜歡的小籠包時間 -3-1打開menu 又是1大張的小籠包特寫加1段文字, 大約是甚麼用心烹調讓大家吃到婆婆所煮的味道、家的味道云云。 其實當時都沒細心看倒是回家後才細看照片, 不過當時沒看也是好, 才沒有即時的大失所望。menu內雖然款式選擇眾多, 畢竟我們只得2個人吃不到那麼多, 而且價錢也算中位價格, 小妹也不自覺就住就住的不敢隨便亂點。小籠包1定是鐵膽吧~ 僅次於此的則是蔬菜, 綿羊指定要吃津白, 簡單的煮法奶湯浸已經ok~ 綿羊說想試些特別的菜式, 本來小妹提起糖醋魚塊, 但同時見到黑醋魚塊, 而我們都只吃過黑醋骨, 就不如試試黑醋魚塊~~~ 光吃這個有點寡, 考慮到炒飯份量太大, 簡單要個鹹肉菜飯就好~~~侍者很有趣的, 本來小妹1開始就講個號碼, 不過他們似乎不止要寫號碼連菜名都要寫的~ 寫好後都細心再覆1次, 然後特別溫馨提示所有食物大概會在20分鐘內到齊~今回我們都沒點到前菜(因為花多眼亂但又好似沒哪個

今天是開心SUNDAY，好友M來我家一起吃甜品嘆咖啡，晚上到新光宴會廳慶祝朋友生日！我們先到葵芳午膳再回家tea一tea！前天腦海已出現我喜歡的東坡肉，昨天叫老公晚上買回家吃因太夜所以閣置！翌日在新都會決意吃肥肉的我要到上海婆婆一解心中愁！幸運地星期日不用等位，坐下後看著餐牌樣樣都想叫，不過要顧及打後的甜品這頓飯只好點到即止！我二話不說必要東坡肉，另點砂窩醃篤鮮和婆婆炒菜飯！記得第一次吃到東坡肉是在北京後來到上海也嘗過不久已愛上了！北京和上海做法有點不同，上海菜偏甜相信大家都知所以這個東坡肉是帶甜味的！此時我急不及待吃了一層層脂肪清晰的五花腩肉，表層的肥豬肉實在太好味了，入口軟化唔油膩，吃後看見東坡肉的底部放了金針挺有心思做法！ 這個足夠三至四人份量砂鍋相當夠睇頭，用金華火腿咸肉、百頁、魷魚和小棠菜煮成湯，我們怎吃也吃不完，但味道有點過鹹！ 出名的婆婆粒粒炒飯我倒沒點來吃反而試點婆婆炒菜飯！香噴噴炒飯令人十分開胃，我就是一個例子，一人連吃兩碗但友人M只吃了少許怕太飽吃不了下場！ 上海婆婆的東坡肉吃後令我再三回味忘不了，相信再想起肥肉時必到好地方！