上海婆婆 (已結業)

是日又是星期六上班半天的日子，男友出差，惟有叫妹妹同我食lunch啦~兩姐妹都好鍾意食酸辣湯或酸辣湯拉麵，鑑於之前不愉快經驗，都有點怕怕，但喜歡食，惟有再order啦！今次叫左酸辣湯一例，很大的一碗，料也足夠，今次無論熱度，咸度，酸辣程度都非常正，而且比以往辣了一點，但很美味。另叫了一碟婆婆粒粒炒飯兩份食。外表沒什麼特別，但炒飯粒粒分明，也很有光澤。蝦仁雖小，但很爽口，加上臘腸和少許蔥花，整個炒飯很香，也很有鑊氣，調味也適中。

無BOOK位, 7點左右去到, 唔洗等位.蒜泥白肉, 幾好味，蒜泥好香, 肉質都唔錯.小龍包, 餡好味，肉汁都夠多, 但最考功夫既皮就唔係好得.奶油津白, 唔係好夠味, 津白亦都好老.擔擔面, 湯多, 面少而碎, 唔辣, 唔夠香。黃金炒飯, 呢樣最好味, 炒到充滿香味, D飯粒又唔硬.整體來講算OK, 上菜快, 但服務員其實禮貌唔夠, 上菜係飛碟野食落檯.坐得都算舒服既.

今天在葵芳第二日返工，放飯時間便一個人出去穩野食。行入上海婆婆一開始念住食飯餐的，但見到麵餐似乎更為吸引便試下。最終叫左個擔擔麵同抄手，擔擔麵好香，D花生醬令個麵個湯十分可口！個湯底夠濃，好味！抄手係雲吞做的，有小許辣，但幾過口癮。58蚊可以有甘樣一份湯麵加點心，真心抵食！

今天下班後肚子有點餓便打算去吃點東西。因為已經10點多了附近很多店鋪已經關了門。經過上海婆婆的時候看見門還沒關便上前問一問，還好10點20分才截單，於是便順便問一問還有沒有雲吞雞。因為雲吞雞是這家店的招牌菜，便決定今天試一試。進入到店裡，有舒適的沙發位置就坐，十分舒服~少了繁忙時間的嘈雜，四周圍的環境十分好~很快便下了單叫了東西吃，趁有空拍一下這難得的清凈環境過了一會儿，有侍應過來詢問是否需要切雞分湯很有禮貌！端上來的雞賣相好好，很開胃！湯很好喝，濃濃的~剩下的還可以打包回去明天喝~整體來說今晚的宵夜十分愉快用餐期間也會有人為你添茶，員工的服務態度挺好的而且環境也不錯希望可以有機會再來吃~

甘日同系内地過來香港玩既朋友相約在葵芳共享午餐。由於當時差不多12點，四處餐廳均十分清閒。順朋友意去左的士入口處既上海婆婆用膳。門口侍應帶左我地坐系1張半沙發位既四人位置。抬頭可以望到幾幅小baby既畫，朋友仲特登影低留念。So Cute ！！同朋友商量完最終叫左個擔擔麵，水煮牛肉，皮蛋豆腐同松子雞米。❤ 皮蛋豆腐 - 賣相ok，豆腐切得薄薄得，入口十分滑，原本以為面頭系肉鬆，入口先知道系花生碎。^_^酸酸得，系1道唔錯既前菜吖~ ❤ 擔擔麵 - 見系推介所以念住試下，一擺上檯面已經覺得好香。本身中意食花生醬既我當然覺得十分好味啦~同朋友1齊share已經十分足夠。❤ 水煮牛肉 - 上台已經覺得超級辣，有D薯粉底，中意食辣既千奇唔好錯過，D汁ok開胃，好好味~❤ 松子雞米 - 有麥包夾既餸，D雞米入邊有勁多料一起炒，攪勻曬夾入包入邊十分爽口~有機會試埋另外果款先^o^❤❤❤不錯既選擇，下次再黎試埋其他餸。用餐期間侍應都會主動加茶，成個環境都令人覺得舒服~

開左個openrice accout ，以後就可以係度同大家分享好快美食啦甘晚同屋企人系葵芳睇完戲便打算系附近食D野♥屋企人提議去上海婆婆叫少少野食，因為幾次去過都覺得ok八點半左右過去，似乎因為平日同埋夜D既關係門口無咩人我地三個大人同一個小朋友，門口知客叫我地稍等等汁張卡位卑我地幾分钟我地便入座啦~不用等位D感覺真系好哈哈~(^_^)我地叫D野食五多，叫左個炒拉麵，四季豆，生煎包同蔥油餅甘日D餸好快就有了，我地傾左一陣計就開始有野食四季豆.次次黎親都會叫，用鹹蛋黃炒完特別香口D，小朋友都中意食。好味！炒拉麵.第一次試，有D蝦，辣椒絲，相比平時食開既粗炒幼身D，都OK好味，幾爽口！生煎包.小朋友中意食，岩岩整出黎幾香，個餡帶小小汁.蔥油餅.是開八小塊既薄餅，有少少蔥花，幾香口！由於五系好肚餓最終都打包左少少翻屋企.中意呢個钟數黎食飯，五會好多人，可以有個安靜D舒服D既環境.甘次都系消費左200幾蚊，都OK抵食！下次再來！

是日星期六又要上班，Lunch 黎到上海婆婆食，星期一至五有午市套餐，會抵食好多，星期六只好叫正價食物。我好鍾意食酸辣湯拉麵，所以今次又叫左個酸辣湯拉麵。但今日呢碗酸辣湯拉麵完全失望，外表雖然和以往的是一樣，材料仍是那麼多。但個湯唔夠熱，只是微暖，很怪。另外這碗非常酸&咸，食不到辣，比起以前的酸辣湯拉麵完全大失水準。次次黎親上海婆婆我都一定會食酸辣湯拉麵，但這次係我第一次無食哂碗酸辣湯拉麵就走人。

第一次食既上海婆婆.裝修係幾特別既,但係食物同服務質素,今時今日甘就真係唔得啦,極大係因為連鎖式集團既關係.今日來係葵芳新都會既呢間.因為閒日既關係,人唔多,入到去侍應阿叔就拎佐本MENU來,過佐10分鐘,我地連杯水都無,要叫先有,落單既時候已經有黑面,唔知係咪嫌我地叫得太少野呢.呢個食飯既氣氛好差,都算了,佢黑面我地都無可能要求人地笑到四萬甘口架.講返食物,比起其他既連鎖上海菜,無咩特別,味道係偏淡.本身念住叫住幾個送先,唔夠再加,食完呢幾樣發覺味道完全唔岩我地,我念都唔會令我有興趣再食.香港上海菜太多選擇了..干煸四季豆,好老,有渣鮮肉鐹貼,煎得香口,趁熱食都算幾好呢個唔記得佐叫咩撈面,完全無味,D面又淋,所以連個名都唔值得記上海野必ORDER既小籠包,已經好小心甘夾,個皮未夾到個碗度已經穿佐,D汁都漏囇,里面既肉唔夠鮮甜,講唔上好食.

星期六同朋友仔行街，因為星期六好多人，所以早小小食野。六點左右入去，唔使等位。叫野食。蒜泥白肉（右上），好好味，蒜好香濃，岩哂喜歡濃味既人！上面既粉皮都ＯＫ！不過隻蒜味好long lasting，返屋企刷完牙之後都仲係到。婆婆擔擔面（左下），湯好多，面份量有點偏少，兩個女仔Share都ＯＫ，男仔應該唔夠啦。幾好味，雖然MENU寫辣但一D都唔辣。上湯小龍包（右下），餡幾好，多汁，但個皮普通，呢款唔試都唔會可惜。講下環境，幾闊坐得舒服。不過service真係麻麻，侍應上菜雖然快手，但大力地放，態度好茶餐廳。overall蒜泥白肉係最出色的，笑臉係比個蒜泥白肉，朋友請客唔知幾多錢xdd，會有下次。食完出去未夠七點，已經好多人等位。又真係幾好味既！

是日跟家人到葵芳行街，晚飯在帶媽媽到上海婆婆用餐!小籠包皮薄多汁，小朋友最喜歡這碟! 牛肉餅這個不是不好吃, 可沒想像中多汁, 可以說是沒有汁的但就很鬆化, 味道也不錯! 生煎包比較好吃, 今日沒點到!奶油津白很淋但有點老, 一般, 沒有火腿津白好吃擔擔面外貌不好, 面太碎, 味道有點偏淡黃金炒飯好吃呀! 炒飯粒粒分明, 但不會硬媽媽很喜歡吃!題外話: 環境很嘈, 像街市一樣, 哈哈

今日去咗係葵涌舉辦嘅美食嘉年華，順道去新都會廣場睇下，又順道食埋飯。 環境及衛生:肉眼睇環境及員工衛生ok。我喜歡入面夠暗，枱夠大，卡位寬敞。坐落咗咁舒服都唔願起返身。 服務：服務普通，員工俾人一種懶洋洋嘅感覺。味道及價錢：前菜要了四喜烤夫（$48）。味道唔係我食過之中嘅最好，唔推介。婆婆擔擔麵（$42）-賣相唔討好，面嘅肉碎韌，不過好彩麵夠幼細及彈牙，同湯底花生味夠重。排骨拉麵（$40）-湯底係雞湯，好清，麵一樣做得好。排骨則做得差，炸粉厚又硬。上海小籠包（$30）- 皮厚餡爭d，又係普通嘅一碟。京蔥手打牛肉包（$38）- 全部中最好食係呢樣。牛肉包煎得金黃香脆，餡多汁又濃味。好食。Final Verdict:水準麻麻，有d失望，無嘢吸引到我再去。

曾經覺得味道不錯的上海店,但係今次令我失望了她食的酸辣湯拉麵個湯唔熱既,又酸過頭,同佢食開既感覺差太遠這是我食開的婆婆粒粒炒飯,一來十分油,唔夠乾身,二來味道淡了不少,三來飯粒無左以往既粒粒分明的口感油豆腐湯是不錯,就是雞湯加vw==味,份量很多,這個我滿意的這個質素,不想再來了

今天下午與朋友相約到葵芳用膳，上開飯網頁見到上海婆婆，看來也不錯，便去試下。去到不用等位，門口姐姐呆了我們坐偏暗一邊的卡位，後來向侍應要求坐靠門口的第一張臺，也是一張卡位，十分舒適。本來我們一行三人，但給另外一位放了飛機，只餘倆人。朋友又說不太肚餓，唯有點少少野。今天星期六，原來沒有套餐。打開了大餐牌，好多相片看來都十分吸引，很多很多都好想食，但只是得兩人，唯有下次再食。之後便隨便叫了三款食品。1.蔥油餅。餐牌說有四件，到了臺發現原來有八件，外表看來也不錯，味道帶一點蔥的香味，不會太鹹，但感覺不夠香，可以炸多燶一點，我個人比較喜歡香口一D。2.黃金炒飯。色澤方面欠一點金黃色，但味道還不錯。炒飯全部一粒粒，好有口感，有火腿，另外紅色一粒粒就不知道是什麼了，這個飯是ok。3.酒釀丸子。味道只是一般，丸子軟綿綿，尚可接受。但酒釀不是有酒嗎？但感覺不到，可能我從來未食過給我印象一般，下次會選擇另一款甜品試試。環境ok，可能卡位原因，所以覺得好寬敞舒適，但比較嘈雜一點。服務尚算ok，有加茶，有執拾枱面，但發現門口好像有人拉扯，感覺不太好。總括“第一次試上海婆婆，感覺還可以。下次亦會再來，試試其他

每次想吃上海菜必然會想起上海婆婆，最初是朋友介紹給我的，而且葵芳分店位置方便，所以常常光顧。是日和媽媽2個晚飯，因為時候尚早不用等位，還有卡座。我們不例外每次都要必點的有2款，蒜泥白肉和上湯小籠包。蒜泥白肉在家裡是一樣很少會做的菜式，如果要吃的話就要出外吃囉。賣相最吸引，這家的肉肥瘦很適中、蒜味很濃但不智辣，而且會搭上薑絲與和粉皮去中和，超喜歡。上湯小籠包是即叫即做的，每次隔著玻璃看著師傅們在揉麵粉，然後蒸好新鮮出來的小籠包，好幸福！小籠包咬下去皮很薄、肉汁很豐富，湯汁滲出用湯匙盛著也快有大半滿。只有2個人吃，所以沒有叫麵食和飯，但額外還點了黃金蝦球和合桃露丸子。整盤黃金蝦球被咸蛋黃包裹住外圍，吃的時候有起沙的口感，再配旁邊的爽口青瓜，清新又減去油膩的感覺。合桃露丸子反而不太欣賞，芝麻湯圓很大粒，但合桃露太甜而且不夠滑、還有一舊粉糊狀沒有散開，有待改善。總結是如果一家人晚飯想價錢適中又喜歡不太油膩的上海菜，上海婆婆是一個很好的選擇。第一次吃的話就要試試它家招牌菜啦。

好多年前未開到成行成巿時係美孚有間小小分店那時候還喜歡去因為她們裝修雅緻又坐得很舒服食物質素也不錯自從那分店變了快餐店己很多年沒來過了今日去葵芳shopping就順便可以 " 探望 " 吓婆婆了這當然不再是從前小店現在裝修仍然有中國風味不過己變到大飯堂一樣了沒有了那種私人空間一眼望過去全都是人很嘈 ! 半玻璃牆的廚房能看見師傅在拉麵整小籠包 我很喜歡這種設計換上紫色墊紙感覺上高雅了可借嘈雜的環境一點都不高雅 我們一坐下己落單所以5mins 己有野食超神速啊 !雞絲粉皮味道不錯只不過這裡沒有配青瓜絲所以沒有了那種清新感覺幸好我們還選了涼泮小黃瓜這小點可不是酸的是鹹鹹的配上濃郁蒜泥味道不算很爽脆 今日中午吃過上海粗炒 晚餐又吃啊 !這個粗炒值得推介這個麵本身不算粗有種吃烏冬的彈口再者一點都沒有油膩感味道適中這裡煱貼我超喜歡 味道鮮又不油膩中間有點清香肉湯極像煎香了的小籠包皮夠薄又煎得脆身食落特別香口 小籠包放在青蘿蔔上賣上清新討好味道不過不失這頓晚餐吃過不會太滯膩味道不錯只是沒有了我懷念的寧靜高雅