上海婆婆 (黃大仙中心北館)

營業中

休息中

黃大仙北館的上海婆婆經過之前水浸洗禮後裝修好重新營業。是日晚餐：🐷上海小籠包 ：皮簿餡滿， 新鮮豬肉，湯汁唔油膩，咬開先飲湯再加D薑絲同醋，然後成粒放入口，肉餡鬆軟濕潤👍🏻， 外皮厚簿合到好處👍🏻🐑京蔥爆羊肉：大火快炒下，羊肉保持嫩口，大蔥香口帶蔬菜甜味，完全無辛辣口感。🍲砂鍋醃篤鮮：上海名湯，以鹹肉提鮮，慢慢將湯煮至奶白，再加入竹荀，百頁，小棠菜，咸香鮮味，絕👍🏻🐟松子大黃魚 ： 新鮮黃魚，去骨𠝹花，上粉落鑊炸至金黃色，淋上大人細路都鍾意嘅酸甜汁，酸甜鮮嫩酥脆無骨👍🏻

朋友外國返嚟，陪完佢去黃大仙廟上香之後就直接過去隔離黃大仙北館行下，一入去就見到有食上海菜嘅餐廳，朋友見到當然雙眼發光，於是咪入去試下囉😝🥢鎮江水晶肴肉$82餚肉晶瑩剔透，中間瘦肉有口感，作為頭盤必然之選🥢野生椒炒牛仔肉$92牛仔肉嫩腍伴菜仲有清香唐芹，配合野生椒及辣椒乾，夠辣夠惹味，絕對係白飯殺手🥢上海小籠包(4隻)$45皮夠薄，肉汁夠多，沾醋食味道更特出，如果啲醋多啲薑絲更加正🥢素菜煎餃(3隻)$45外皮煎得香脆，餃皮夠煙韌，素菜餡料有白菜及木耳絲等，清而不寡🥢松子素菜叉子$88松子仁有助降低心血管疾病風險，配合高纖維粒粒爽口素菜，以及採用焗嘅方法去製造嘅叉子燒餅，完全唔油膩，所以好適合關注健康嘅人士，包括我哋在內😂餐廳環境開揚闊落，地方都幾大，座位多，坐得舒服

好耐無行黃大仙中心，今日去完黃大仙廟，經過肚仔又餓餓地，家人提議食上海菜，咁就去咗依間上海婆婆，一入門口就感覺裝修寬敞精緻。上海菜當然要叫返d精緻嘅菜式，今日就叫咗鎮江水晶肴肉，依味餸好考功夫，一層豬皮一層火腿加上上湯啫喱，一層層加埋鎮江黑醋，味道豐富。仲有叫咗上海小籠包，皮薄餡靚，滿滿湯汁，真係要趁熱食。北京炸醬麵麵條幼細有嚼勁，炸醬肉多，仲有碗上湯，如果覺得太乾可以加入上湯，味到岩岩好，唔會太濃味，午市套餐仲配埋紅油炒手。京蔥爆羊肉，京蔥加埋羊肉好惹味。仲有叫咗兩個甜品，綠茶芋泥餅，綠茶皮包住芋泥，仲有芝麻圍邊，非常香脆可口，又唔會太甜。酒釀丸子，有淡淡桂花清香，丸子煙靭，同樣又不會太甜。喜歡上海菜，可以去試吓，大力推介。

上海小籠包每次黎食下午茶必點，四隻小籠包，皮夠晒薄,湯汁飽滿,小籠包熱辣辣，點埋薑絲浙醋咁先係最經典嘅味道👅四川擔擔麵有濃郁嘅花生醬同埋肉碎仲有少少辣椒油咁就係最原始嘅風味,而且麵條細滑，配搭麻醬辣油，好夾好惹味😋京蔥牛肉包外型有少少似叉燒包🤣，蔥爆牛肉充滿肉汁，值得一試蟹粉小籠包另外散叫多份蟹粉小籠包，淨係見到外觀都非常之吸引，裏面更加係肉湯絲味非常豐富重爆汁，美味非常，喜歡食小籠包的朋友仔一家鍾意❤️美極油爆蝦油爆蝦係我最鍾意既上海菜😋蝦肉鮮嫩，蝦外脆內嫩，帶着鹹鮮味，最滿意係佢哋已經將蝦頭尖刺同蝦腳剪走咗，方便食用👍🏻紅糖糍粑第一次食紅糖糍粑，一入口暖笠笠非常煙韌,幾得意，而且唔算太甜，好味🤤

黃金蝦球的蝦肉鮮嫩多汁，外層裹滿了鹹蛋黃，酥脆金黃，入口即化，口感讓人回味無窮，配上爽脆的黃瓜，絕配。江南三小拼是選擇困難症另一道不可錯過的涼菜。鎮江水晶肴肉晶瑩剔透，入口即化。江南小排骨烹飪得恰到好處，是甜口愛好者的必點。四喜烤麩則吸滿了湯汁，口感豐富。除了招牌菜，腰果雞丁也非常驚喜。雞肉鮮嫩多汁，配以香脆的腰果和蘿蔔丁，咸甜下飯。最後，婆婆擔擔麵，麵條口感勁道，配以香辣的醬汁和花生碎，味道濃郁。

老公最近較鍾意食中式，今晚同佢去上海嘢，餐廳裝修都幾光鮮，有卡位，幾光猛新淨。今日老公發板，坐低點了好多嘢食，有飯有麵有小菜同小籠包。上海小籠包$45 一籠四隻，每隻都好大隻，皮簿及爆湯，味道都唔錯，最緊要係好夠熱。紅燒豆腐$75都好大碟，d豆腐幾滑，冬菇片加上筍片及毛豆一齊食，清清地，素食味道唔錯。糖醋魚塊$85 糖醋甜酸比例適中，d魚塊好大件而且食落感覺外脆內嫩滑，個汁做得好好，不會太稠。婆婆擔擔麵$58味道不過不失，不過偏辣，略嫌麻醬味不足，湯底同一般既擔擔麵有d唔同，可能係婆婆擔擔麵專有味道。上海婆婆粒粒炒飯$82 個炒飯醬油味好香，色香味俱全，食落唔會好咸。用了好多臘腸，但食落唔會好油膩，加上蛋香，個炒飯感覺農家味道十足，仲上好多蝦仁，值得推介。

上海婆婆越來越愛吃中菜 假期又特意來吃是水浸後的黃大仙重開新裝修的這間上海婆婆是全新的木色裝修 小清新的感覺 位置舒服也寬闊松子大黃魚 $188鮮嫩的大黃魚為主角 整條魚炸得外焦內嫩搭配了香脆的松子 魚肉肥美、口感豐富魚肉的鮮美 加上醬汁酸甜 十分開胃好吃 同時整碟都啖啖肉 吃這道魚都不怕有骨田園獅子頭 $85傳統上海菜的味道 經典的菜式精心製作的大大個豬肉獅子頭 搭配了大白菜做底和濃郁的醬汁肉質鮮嫩 味道不錯 送白飯一流婆婆粗炒 $82粗炒也是上海菜的一道經典菜品炒得色澤均勻 麵條入味軟硬適中這道菜是一種簡單卻美味的選擇上海小籠包 $45最後不少得要點小籠包 上海菜美食包裹著鮮嫩多汁的豬肉和濃郁的湯汁咬下去時 湯汁在口中爆發 小心燙口

今晚又嚟黃大仙搵美食😍 上網見到好多人推薦 想試好耐！今次同屋企人食完大讚每款食物都好好味，上菜速度快，服務員態度好，絕對會再嚟食👍🏻🍚黃金炒飯賣相超吸引😍 份量多，夠2人 share食😆 值得一試！香噴噴嘅鹹蛋黃配牛肉及蝦仁，炒飯金黃鬆軟，米飯與各種配料完美結合，每一啖都帶有獨特的香氣和口感，非常美味😋🍜婆婆擔擔麵香濃惹味🔥 麵條彈牙，配上豬肉碎，加入辣椒醬、豆瓣醬和其他香料，味道微辣鮮香，簡單又美味😋🥟上海小籠包必食！非常喜歡它的口感和湯汁。外皮厚度適中，不會穿，內部包裹著鮮美的豬肉餡料和濃郁的湯汁，放入口咬下溢出鮮美湯汁😍😍😍 好正！一定要攤凍少少先食🤭🥵🥟上海大雲吞健康美味之選！湯汁清甜，配搭高質大大粒雲吞，外皮薄而滑，內部餡料鮮美豐富👍🏻 非常嫩滑🍆醬燒肉末茄子超惹味！經典的家常菜，茄子炒至軟嫩，與醬燒的肉末完美搭配，味道鹹香，配飯食一流！🥯一口小饅頭（炸）（4件）必點炸饅頭🫶🏻🫶🏻 外皮酥脆，內部鬆軟，配搭練奶一流🤤🤤🤤

黄大仙(上海婆婆)地理位置非常方便，黄大仙地鐵一出直達。❣️上海小籠包~皮薄內裡包著濃郁湯汁和鮮甜饀料，每一口鮮甜美味❣️婆婆粒粒炒飯蝦仁鮮嫩彈牙，臘腸香氣四溢，炒飯香濃而不膩，每一口都是美味的享受。❣️黃金大蝦球外層裹著咸蛋黄沙甘香酥脆，鮮嫩爽口大蝦，非常惹味❣️銀芽炒鱔糊銀芽爽甜，鱔糊香脆，食上海菜餚必選😋😋❣️糖醋魚塊外脆內嫩，糖醋醬汁香甜酸爽拌飯“正”👍👍❣️菜肉雲吞麵湯頭醇厚，菜肉雲吞肉質鮮嫩，配上軟滑的麵條，令人回味無窮。❣️雞絲拌粉皮粉皮爽滑，青瓜絲爽脆，雞絲鮮嫩多汁，配上麻香的調味料，口感豐富。

精緻好味嘅上海菜係我同屋企人嘅心頭愛，呢日去咗黃大仙中心嘅上海婆婆，食物好味環境舒服😋蟹粉小籠包 $88皮薄多汁，蟹粉香濃蘿蔔絲餡餅（2件） $38有少少失望，外皮偏濕，入面餡料好似冇咩調味松子大黃魚 $188好好味😋大黃魚炸到好酥脆，魚肉結實啖啖肉，醬汁酸甜好味琥珀合桃芥末蝦球 $148老公好欣賞😂蝦球爽口彈牙，脆炸外皮沾滿芥末沙律醬，加埋芝麻香，味道口感都好豐富旁邊仲有琥珀合桃，食到唔停口蟹粉炒粉皮 $118蟹粉嘅味道係有嘅，雖然唔太濃，粉皮炒完都係好乾身，唔會黐埋晒👍🏻黃金四季豆 $78呢個好食😋鹹蛋黃醬汁好香濃每一條四季豆都沾滿黃金醬好惹味！值得一食雪糕高力豆沙（4件）（曲奇）$78高力豆沙就食得多，加埋雪糕喺中間就第一次，冰火交融幾特別四個人食啱啱好～性價比都算高

上海小籠包真係百吃不厭，今日就嚟上海婆婆食上海菜。上海小籠包 $45薄薄嘅皮包住豐富嘅湯汁和鮮味嘅豬肉餡，外皮不僅薄而煙靭，肉餡鮮嫩多汁，令人一試愛上，加點醋汁，可以幫助去膩。酸辣湯拉麵$68湯底濃度適中，酸酸辣辣，很醒胃，加入了爽口的木耳絲和筍絲，增加咗口感層次鱔糊撈麵 $88一絲絲的鱔軟綿綿，加入大豆芽同菇絲去炒，再將麵撈匀上色，夠味唔太鹹。砂鍋雲吞雞 (小)$102砂鍋入邊嘅雞肉鮮嫩，雲吞浸喺熱騰騰嘅雞湯入面，雲吞粒粒飽滿，雞湯鮮甜，飲一碗湯很暖胃，飲到見底😋菠蘿黑醋排骨$85菠蘿嘅甜同黑醋嘅酸完美融合，排骨肉質爽嫩，佐飯都唔錯。

♡♡♡📍 上海婆婆 (黃大仙)黃大仙龍翔道136號黃大仙中心北館地下低層LG05號舖行去黃大仙就見到間食上海嘢嘅，覺得價錢都OK就想試吓啦，覺得性價比都幾好，地方又就腳，就喺正地鐵站隔離真係幾方便😎。🍽️川渝小籠包食上海嘢冇理由唔食小籠包🤣！但係因為我哋叫咗蟹粉撈麵，所以就叫咗個招牌嘅小籠包，小籠包嘅外皮有別於一般嘅小籠包，而且外型上已經比較吸引🤣；咬一口小籠包仲會有肉汁，食小籠包嘅精華喺晒入邊嚕🥰！🍽️砂鍋花膠雲吞雞（小）入邊都幾足料，真係會有好多嘅雞肉喺入邊，而且花膠嘅份量都幾多，覺得雞肉同埋花膠已經煲到好入味，仲有一啲蔬菜喺砂鍋入邊亦都係朔晒湯嘅精華，湯水好清甜，超香勁好飲🥰！🍽️蟹粉撈麵覺得成份Menu最為吸引嘅就係蟹粉系列😝😝！因為真係覺得係粉超好食勁吸引！今次就想試吓呢個蟹粉撈麵，一上枱就已經聞到好香嘅蟹粉味❣️，係個醬汁已經睇到好多嘅蟹膏喺度，真係睇上去已經勁吸引❣️❣️！麵質細滑， 撈埋之後每一條面都會掛上濃厚嘅蟹粉汁🥰，食起上嚟真係超過癮🥰🥰！🍽️雞絲伴海蜇份量都幾多，覺得雞絲同海蜇嘅份量比例啱啱好🤣，而味道適中；海蜇好有口感，亦都很爽脆！雞絲細嫩， 令到雞絲半海蜇成個組合更加ma

估唔到黃大仙都有一間咁正宗嘅上海菜食，價錢又唔貴，食得很豐富！😋😋🤩上海小籠包外皮薄內裡包著湯汁和多汁的餡料。每一口都能感受到滿滿的鮮美口感☺️☺️☺️🤩韭菜盒子🥟外酥內軟的韭菜盒子，外皮煎至金黃酥脆，內裡韭菜的清香😄😄😄🤩排骨擔擔麵酥炸排骨好脆，熱辣辣，好好食！🤓🤓而且擔擔麵湯底辣辣地，湯底都好濃郁😋😋😋🤩腿蓉奶湯津白清清地，食埋奶湯津白，就圓滿啦🥰🥰🥰份量亦都好多😄😄🤩酒釀湯圓甜美的酒釀湯汁，芝麻湯圓的皮薄而Q彈，配上酒釀的香甜😛😛🤩綠茶芋泥餅綠茶的清香和芋頭的濃郁口感🥳🥳彈牙的糯米外皮包著香氣濃郁的芋泥內餡，每一口都充滿幸福的感覺🙂🙂🤩雪糕黑糖冰粉冰粉原本沒有味道，但搭配上香甜的雪糕和濃郁的黑糖糖漿，甜絲絲的味道很幸福👍👍冰粉的口感爽滑❤️❤️鍾意食甜品嘅朋友要試呀☺️☺️

裝修之後，這餐廳最大的是6人圓桌 ，勉強可坐8人。我們這天訂了8位入坐，幸好個個大人都是瘦個子，都可以坐著。用手機點了12個餸菜包括前菜，包點，麵食等，餸菜5分鐘內陸續上枱，扣除每人一套杯碟，枱面最多只可放4-5個碟。當時待應沒有因為枱不夠位而想辦法，上菜姐姐一味放低食物，真是疊羅漢都放唔哂。作為客人唯有拿拿淋食哂枱面食物。這餐飯真是食得好辛苦。總括，食物算不錯，裝修後價錢略貴仲細碟了。待應人手足夠，但欠缺樓面經驗。最重要不要一次過落12個餸，唔會有位放，最好每次叫3-4個，差不多食完再叫。

我喜歡的餐廳「上海婆婆」於黃大仙中心北館開設分店，我當然第一時間到訪支持一下，蔟新的木系裝修典雅大體，座位舒適；食物選擇非常豐富----------🔹生煎包3個 $42包面灑上少量蔥花及芝麻點綴；包體輕甜，鬆軟綿密，底部煎至金黃香脆；肉餡鮮味彈牙帶適量的肉汁美味指數：8.5/10----------🔹京蔥爆羊肉 $92加入冬菇及筍片炒成，京蔥及蔥段份量十足；羊肉切成薄片，脂肪比例低，啖啖羊肉香而不帶羶味，調味剛好不過鹹美味指數：8/10----------🔹韭王炒鱔糊 $128上色均勻，份量豐富；韭菜新鮮爽口，鱔糊鮮嫩軟滑帶輕爽口感，鱔香濃郁；調味鹹甜有致，非常滋味美味指數：8/10----------🔹婆婆擔擔麵 $58加入大量肉碎及花生碎肉碎鮮味彈牙，麵條細滑輕軟，加入花生碎的湯底與麻醬比例平衡，是正宗的擔擔麵口味美味指數：9/10----------🔹綠茶芋泥餅 $28大餅型的芋泥餅周邊沾上香口芝麻，食到淡淡的綠茶及芋泥香，甜度不高，口感外脆內綿，為豐富的一餐作結美味指數：8/10