上海弄堂菜肉餛飩 (電氣道)

營業中

休息中

剛親自去買外賣，未食完，但不能不馬上寫評語，不單上海粗炒，回鍋肉炒年糕差左，麻婆豆腐更是由細到大，吃過咁多間上海店最難吃的。以前計價錢，食物算不錯，點解依家攪成咁，失望

近排食多左中菜，覺得有種住家飯既感覺。黎開天后醒起有上海弄堂，就過黎食下小菜。叫左個一人餐，$102，糖醋魚塊加菜飯。魚塊口感唔錯，外皮香口而內嫩，配上酸甜既糖醋汁好開胃，又唔會搶去魚既鮮味，而且份量又岩岩好夠一個女仔食。菜飯係健康之選，菜粒增添口感，比一般白飯食得更滋味。呢個一人餐最開心係佢有埋小食，加左上海春卷，外皮非常香脆，足料又唔太膩。飲品點左豆漿，甜度適中，豆香濃郁，完結左一餐滿足既晚飯。

呢間位於天后橫街嘅上海菜館，有好多報刊、電視媒介、藝人及食客都介紹過，今日經過就入去食lunch。醉雞擔擔麵 $78湯底欠缺花生醬香味，湯面好多紅油，味道唔辣又唔香，好淡口。上海拉麵煙銀度適中，爽口彈牙。醉雞件欠缺酒味及藥材味，仲係剛剛從雪櫃攞出嚟，凍冰冰😖！雞件帶血，無肉味，肉質較實。小籠包 $40/4隻包皮較厚，豬肉餡料淡而無味，湯汁亦好少😔。薺菜豬肉餛飩 $35/4隻呢個招牌菜係每日人手新鮮製作，果然係好食。薺菜香甜美味，餛飩皮薄滑口，但配上豉油湯底就好可惜☹️。餐廳名大於實，只可當家常便飯嘅食堂，但價錢就略貴。

放工同朋友嚟到天后食「上海弄堂菜肉餛飩」，之前行PMQ已經想試佢，但平日又好少去嗰頭。天后店可算係交通最方便嘅一間🚅，地鐵站沿住電氣道直行第一個左邊街口就係！小店面積真係好細，如果坐滿人應該都係得廿人左右。不過裝修都幾有中式風，而且幾企理。餐廳人氣好高，全晚堂食客以及外賣訂單不斷🥡。店員好忙碌，但仍然能保持禮貌☺️。餐廳有做晚市套餐，價錢分為係$88同埋$102，分別在於主菜嘅菜式有所不同。另外，呢度亦都有素食餐單🥦！定價唔算貴，而且全日仲免收加一服務費添。套餐包一款小食同埋一款主食配飯或麵，另外仲可以加$5要豆漿。小食我哋要咗鎮江肴肉，由於係跟餐所以得兩粒，但都冇乜所謂😉，反而可以食更多菜式。肴肉大小剛好，用高湯整嘅水晶層上下都有，口感唔錯，而且味道本身亦唔太鹹。主食我要咗回鍋肉，其實我就唔係好食呢味，但朋友想食我就唯有奉陪到底。唔好比回鍋肉咁深色水嚇親，味道其實一啲都唔重口味。🐷豬腩片薄薄的，腩位帶有油香而不膩，質感仲幾爽口，同時回鍋肉亦用上唔少蔬菜一齊炒。朋友話如果辣少少就會更加惹味。跟主食可以要白飯、菜飯或者擔擔麵(+$10)，雖然回鍋肉好啱配飯，但我又好想食麵，所以要咗後者。🍜

雖然是住附近，而且成日經過，但從未吃過天后的上海弄堂，反而以前在灣仔上班的時候常常吃。經常經過天后的上海弄堂，店小小的坐位不算多，但記憶是經常滿座，而且還布很多人在外面等外賣。*梅菜素瘦肉雲吞素雲吞其實蠻常見，但梅菜的反而少見。梅菜餡原來蠻夾的，味道算是很濃，連我這個重口味的女士都覺得很ok ，不用再點醬了。雖然是素肉，但因梅菜的味道太濃，素肉的感覺反而感覺不大，所以平時不接受素肉的人士也推薦吃呀。*弄堂菜肉雲吞接下來是招牌菜肉雲吞，比例是我最喜歡的多菜少肉，吃的時候不會很硬，口感很鬆軟但又不會很易散，手工超好！而且雲吞皮很滑溜呀，像河粉但更滑，超級出色。*響螺蟲草燉雞十全養生湯另外不得不提的是響螺蟲草燉雞十全養生湯，首先是主打無味精，而的確真的是無味精哈哈。喝下去是少少咸香感覺很補，但又不會飲完全身血氣運行的那種，又濃又清，而且雞湯補氣呀，很適合我。*脆皮素鵝太肚餓所以又點了一份我最愛的脆皮素鵝，上台時嚇死我了，也太大份了吧！是酒樓的份量！平常吃的不是小小一碟嗎，也太慷慨了，而且裡面的餡料是超多，不油也不會乾，我自己快吃完一整碟！*

疫情又反彈，都係買生嘅水餃翻去自己煮。冬天先有嘅西洋菜餃，水準一如既往咁好，西洋菜新鮮又爽脆，菜同肉嘅比例啱啱好，肉質鮮嫩，真係會令人上癮四喜烤麩鹹中帶甜，味道正宗。食得出係手撕，唔似其他餐廳嘅烤麩都用刀切，手撕烤麩先可以保留其紋理，口感更佳！想讚一讚戴眼鏡個位女店員，細心地幫我將生同熟嘅分開包。同埋見佢好認真將d餐牌逐頁逐頁咁消毒，包外賣時會換翻另一對手套（之前見過另一位男店員同一對手套又掉垃圾又上菜比客人）

上海炒年糕，年糕口感煙韌，充滿醬油味道，味道咸香，配料包括有豬肉絲、香菇、津白、白菜，味道正宗。小籠包，即叫即製，肉質肥瘦適中，湯汁飽滿，配以薑醋食用，味道更佳。弄堂菜肉餛飩配響螺蟲草燉雞十全養生湯，餛飩菜肉比例均勻，食落好新鮮，響螺蟲草燉雞十全養生湯，味道鮮甜。陳年花鵰醉雞，雞件肉質鮮嫩，花鵰味濃，食落好入味。五色素菜餛飩配豉油湯，皮薄餡多，味道獨特，食落好有鮮味。酸辣湯，好足料，採用大量冬菇、肉絲、荀絲、蛋花、木耳製作，口感濃稠，味道惹味。菜飯，菜粒口感爽脆，味道清甜。白飯，口感軟硬適中，食落有咬口。豆漿，豆味濃香，口感細滑，味道香甜。

雖然店舖唔算好大，但係裝修得體，而且好有上海小店嘅感覺，感受相當休閒。價錢親民，應該係一個地方嘅美食。雖然座位唔多，但係唔少人特登過嚟外賣。鎮江肴肉：江蘇鎮江的一款名菜，迄今已有300多年的歷史。作為冷盤嘅豬蹄，其實比較多脂肪，所以建議配上拍薑絲及香醋一齊食。肴肉不膩，口感紮實，外觀鮮紅、上邊凍湯膠晶瑩透明，10分醒目。梅菜素肉餃燉湯：響螺蟲草燉雞湯有響螺、陳醋、淮山、鮮雞煲成嘅燉湯。食飯之前可以品嚐一下， 味道濃郁，滋味補身醉雞菜飯：醉鄉鮮雞，配上風味菜飯排骨菜擔擔面：上海排骨炸得非常鬆脆軟熟，外表香脆可口，而且乾身唔油膩，淡淡都係肉，非常值得推介！擔擔面，我建議大家可以叫大辣。有花生醬、辣椒醬、肉碎做配料。煮食係上海麵，白雪雪，軟硬適中，麵又淋又滑唔糊口，相當吸汁，一啖又一啖，非常滿足，好快忍唔住就會食晒。

天后地鐵站近電器道一帶，食肆林立，係搵食嘅好地方，久唔久就會嚟一次，食餐好嘅！最喜歡幫襯小店，今次就試吓呢間。。。好多選擇的雲吞，有肉冇肉，任君選擇!還可以加8元，升級至養生湯呢！弄堂菜肉雲吞(豉油湯底)，白菜、豬肉比例剛剛好，味道清鮮，雲吞內有湯汁，不愧為招牌貨薺菜豬肉雲吞，好好食😋薺菜爽甜加少許豬肉，口感恰到好處，啱晒我口味，另外只需要加$8就可以轉響螺蟲草燉雞十全養生湯做雲吞湯底，飲落清甜沒有味精，這麼費時間去做的燉湯，就算額外叫一盅也只需要$20，10分超值👍烤麩幾乎是我去到任何一間上海菜餐廳都必點的一味，今次也不例外，一般煮烤麩多數只會加雲耳，而這間店還加了金針和冬菇，煮出來的味道竟然出奇地夾，烤麩吸收了冬菇香味和秘製醬汁炆煮而成，攤凍放涼後口感更佳😋熏魚味道極佳，魚肉熏香，肉質實淨但不嚡口，做得恰到好處！靚雞配上靚花雕酒做成的醉雞，啖啖雞肉啖啖酒香，正👍

今日住港島的朋友帶我食上海菜，原來是來食出名的餛飩。我很喜歡食餃子，但這個上海餛飩真係值得一試，因為它們餐紙說堅守不本地法，保留上海名廚相傳而久的秘方。我們嗌了兩款餛飩，一款是元貝豬肉蝦仁餛飩，另一款試下素餛飩: 梅菜素瘦肉餛飩餛飩我覺得皮十分滑，口感非常好。有别於本土餃子，通常本地餃子的醃料都比較濃。而呢間上海餛飩的餡粒鮮，醃料感覺較少，主要是食它的原味鮮味，所以明白點解可以配簡單鼓油湯，有它吸引人之處。元貝豬肉蝦仁餛飩元貝絲加鮮味蝦仁，幾彈牙爽口。梅菜素瘦肉餛飩梅菜香配素肉很清新，少少咸香幾特別。黃金排骨菜飯黃金排骨炸得很香囗，不會很油膩，配菜飯很夾。酸辣湯餛飩酸辣湯很多料，酸甜味道剛好，很開胃。雪菜毛豆百頁第一次試這個菜式，一試愛上。雪菜、毛豆、百頁、西芹絲、 荀絲、辣椒。原來混在一起口感很好，爽口清新，調味不會太濃，飯前小吃一流。最後見$20有個十全養生湯，寫用蟲草花淮山響螺等十多種材料燉製，原本無太大期望，點知原來勁大碗，仲足料，又幾好飲，絕對不是味精湯。埋單每人才一百六十，係抵食高質上海菜。

餐廳乾淨舒適。同朋友各點了一人套餐，各有主菜配小食，各配白飯/菜飯/湯麵酸辣湯十分足料，酸辣味均勻。菜膽獅子頭肉質軟腍鮮甜。上海麵煙韌，湯底清甜。上海春卷口感香脆，餡料新鮮。鱔糊爽滑，配上芽菜及韮黃口感豐富，醬油惹味。擔擔麵麻醬濃郁加上辣油，風味十足。餛飩足料，餛飩皮薄滑，蝦仁爽口元貝鮮甜。薺菜及豬肉比例各一半，薺菜清新，內裡肉汁鮮甜唔油膩。 十全養生湯大大碗，響螺味鮮甜加上濃濃雞味，飲完唔會口渴，足料無味精。

之前在炮台山返工已經常去上海弄堂lunch，前排夜晚見好耐無去，就再去～無去一陣子，原來餐廳有新搞作，有好多款新餃子🥟的同時，還有養生湯飲！ps一坐下時喝茶覺得好香，原來他們的茶是煎過的，真有心思。🌟響螺蟲草燉雞十全養生湯：養生湯價錢合理，所以同朋友都點了來養下生。湯用上真材實料，而且仲好足料，味道清甜得來好香雞味，喝下去好暖胃同舒服，好補身的感覺。原來餐廳還出了很多款新餛飩，而且款式特別，還可以加$8將湯底升級至響螺蟲草燉雞十全養生湯～連湯底都可以飲埋🥟元貝豬肉蝦仁餛飩：好juicy的餃子，配上養生湯的組合真的可以唔怕飲曬d湯！🥟弄堂菜肉餛飩：餃子的菜和肉很平均，而且皮薄有咬口，加上養生湯，好健康的配搭🌟回鍋肉炒年糕：炒得很有鑊氣，而且年糕、豬肉非常入味，還有好多不同蔬菜，例如係紅椒、黃椒等，每一口都好滋味。🐔捧捧雞：原來冷盤叫啊拉菜，芝麻醬好香，粉皮亦好煙韌整體來說，餐廳的食物質素和水準也不錯，而且店員好友善。下次可以黎食一人餐！

本身好鐘意食上海野去到門口見到呢間餐廳門口幾靚就入左去🤣咁岩lunch仲有lunch Manuel 包埋豆漿都只係50幾蚊🤣招牌菜肉餛飩 - 皮非常薄 菜肉亦好多 味道清清地好健康蝦仁跑蛋 - 依個真係勁好食 每一啖蛋都少少甜 好夠鑊氣 蝦仁大大隻小籠包 - 皮薄餡靚 肉味濃同鮮甜 入邊勁多湯 差唔多滿晒成半隻匙羹😂家鄉燻魚 - 味道超好 每一啖肉都好滑好鬆軟 啲肉入晒味 超級推介👍🏻 但魚骨都頗多 如果比小朋友食既話要小心豆漿係送既🤣 豆味唔算好濃 但已經好過出邊好多豆漿❤️店員仲要勁細心見太曬會過黎幫我地拉埋個窗簾❤️

原來北角一帶都有好多隱世美食。這間餛飩店全部都是自己一手包的。而且價錢親民又美味。店舖牆身有貼有大量壁畫，裝修美觀又有格調。小店不大，只有大約20個位。晚餐時段都坐滿。元貝豬肉蝦仁餛飩 4隻$35一啖咬開，就吃到滿滿的元貝絲，豬肉肉質軟嫩，裏面還有一兩粒蝦仁，口感相當豐富。芫荽豬肉餛飩 4隻$30 $30 4隻芫荽豬肉餛飩真是便宜。而且四隻都大大粒，很足料。芫荽清香加上豬肉的軟嫩，吃落香滑可口。小籠包 $40 小籠包皮唔算太薄，但湯汁足夠。輕輕咬破面皮，慢慢地將鮮甜可口的湯汁啜入口中，咸淡適中，油而不腻。吸完湯汁，把醋和薑倒落豬肉餡內，一口把它吃掉，鮮甜美味。花雕醉雞 $80醉雞肉質滑嫩，帶有淡淡酒味，非常入味。冰涼的口感使人暢快舒爽。黃金排骨 $40 排骨炸至金黃色又脆卜卜，酥脆可口，肉質不會太乾，而且非常入味，好吃😋

今次和友人來到了位於天后的上海弄堂品嚐抵食滬菜。這裡出名餛飩，套餐亦非常抵食，有小食、主菜和飯。我們點了個一人套餐:鎮江肴肉+回鍋肉+菜飯、招牌菜肉餛飩(小)、元貝豬肉蝦仁餛飩(小)、紅燒肉百頁結、響螺蟲草燉雞湯和炸銀絲卷。餛飩大大隻皮薄餡靚，肉餡足料彈牙，餛飩皮滑溜，配上清湯，絕對係必試之選。回鍋肉微辣，炒得夠香，十分惹味，送飯一流。紅燒肉和百頁結都炆得十分入味，紅燒肉肥而不膩，絕對係邪惡之選。雞湯飲得出足料，非常清甜，而且大大碗，十分抵飲。銀絲卷炸得金黃，外皮香脆，內裡銀絲軟熟，配搭煉奶一起吃，香甜可口。。。上海弄堂菜肉餛飩 (電氣道)天后電氣道63-81號發昌大廈地下A號舖。。