下江南

營業中

休息中

🌸《下江南 · 中菜館 · 西九龍》-西九文化區有咩好野食？好多人唔知原來行過少少去到故宮博物館個頭仲有好幾間餐廳，今次放復活節去左西九行下，見到有間好有中國古典feel既餐廳，就入左去食，幫大家分析一下‼️-🔹 小籠包 （4件） $68需要等候15分鐘，送到黎既時候店員好貼心，有詢問係唔係即食，因為無蓋冚住，小籠包會唔好食🙈 的確加左蓋之後，肉汁依然保持到係小籠包入面，咬落爆曬湯汁✨ 非常推薦‼️-🔸 下江南精選套餐 $158花雕醉雞、夫妻肺片、雪菜大排麵、珍珠奶茶+$48精選套餐包兩個小食、一份主菜同一杯飲品🤩花鵰醉雞非常濃郁酒香味，而且皮同肉之間會有一層啫喱，好好食✨ 夫妻肺片好香口、微辣，好食☺️ 主菜炸排骨都好出色，食到炸粉有香濃蛋香味，唔錯🙈-🔹 朱古力咖啡 $52-📍 下江南 (尖沙咀)尖沙咀西九龍文化區博物館道8號香港故宮文化博物館地舖

參觀完M+博物館，就發現左呢間叫下江南餐廳，老公話不如休息吓，食個晚飯。餐廳光猛，裝修簡潔。外面個景都幾好，可惜今日有點大霧。餐牌都好多嘢食，有兩人套餐同一人套餐，就連甜品都有。兩人套餐就比較豐富，驚食唔晒，最後我哋就揀左兩個一人套餐。一人套餐主要係兩款冷菜 + 一款主菜，飲品就另加錢。冷菜：花雕醉雞兩份，酒味濃，多肉。其中如意菜係素菜，有幾款蔬菜，唔辣。另外手拍青瓜伴雲耳就係辣嘅，食落幾開胃。菜肉大雲吞：雲吞有七隻至八隻，大大粒。裡面主要係大白菜，湯底有紫菜同櫻花蝦。清清淡淡食吓雲吞，飲吓湯都幾好。重慶小麵：小麵份量都多，配料有花生、菜脯、肉碎、小豆同辣椒油等。麻油同辣椒油好香，麵條彈牙。初初食嘅時候係小辣，然後會越食越辣，越食越惹味，好好味。飲品：老公叫左酸梅湯，酸酸甜甜又幾夠凍，啱晒今日咁熱天氣。我就叫左個雪榚紅豆冰，奶味重，甜甜地。雖然佢係中式餐廳，但呢杯紅豆冰都沖得幾好飲。

今日夜晚朋友約咗我嚟呢間位於西九海旁博物館入面嘅餐廳，如果唔係佢帶路我一定唔識嚟，因為夜晚博物館已經過咗營業時間，人煙稀少之餘我完全唔知原來餐廳係收得晏過博物館少少，所以就算博物館關咗門依然係可以通過博物館行入餐廳，不過一個人都冇，咁神秘都俾我朋友發現到呢度有得食晚餐呢個餐廳地理環境優越，望住嘅係維港postcard景，如果下晝嚟我諗應該座無虛席，夜晚人就比較少啲，我哋都可以慢慢坐慢慢食~ 餐廳標榜提供古時候嘅宮廷料理，夜晚都有得食set，好多菜式啲名都幾得意，我哋今次就揀咗酥油野雞瓜麵同埋火薰玉蓮鴨子麵，個名好似好特別咁，簡單啲嚟講其實係蓮子鴨肉麵同埋雞肉麵，朋友太肚餓食咗個鴨麵唔記得影相~ 好彩我有影低，兩個湯麵味道唔錯，普通餐廳冇咁常見嘅配搭令人幾有新鮮感除咗麵之外，我哋都叫咗個叫蟠枝瑞實嘅蟠桃包，睇個樣唔好以為佢係蓮蓉餡嘅甜壽包，其實係鹹味嘅肉包黎，真係估佢唔到~ 總括嚟講餐廳環境優美，好有文化氣息同埋食物都唔錯，雖然價錢有少少貴，但係呢個地段同風景都值得一試

行完故宮博物館見到原來入面有間餐廳裝修襯晒故宮博物館 叫下江南令人諗起皇帝微服出巡坐低仲可以望住出面個景送飯本身想試吓個二人餐，但我哋都麻麻哋芝麻糊於是揀咗2個下江南套餐可以揀兩個前菜同埋一個主食仲可以另外加錢有嘢飲！本身想試吓藝術打印係咩家科點知已經賣晒！可惜🥹✨花雕醉雞 醉鮮鮑+$20酒香味好重，而且啲雞好滑鮑魚肉質彈牙，值得加$20一試😆✨火薰玉蓮鴨子麵 $178鴨肉炆得好腍，好入味湯頭濃厚，原來鴨肉係好好嘅益補食物清代皇帝餐餐都食！✨夫妻肺片 手拍青瓜伴雲耳鍾意食辣嘅朋友都有好多選擇揀咗一個肉類，一個菜類兩樣都出乎意料夠辣✨重慶小麵 $168原來係拌麵嚟，撈埋惹味香口仲有好多豆，口感豐富！✨茉莉花茶✨驢打滾 $58呢個大推！煙靭，又唔係太甜原來係慈禧太后最愛嘅食物 ！嚟開故宮博物館可以考慮呢到舒服坐吓睇住景享受吓宮庭食物好似穿越時空咁💕

在西九故宮文化博物館的深處，我和朋友意外地發現了一家名為「下江南」的高級餐廳。這個充滿中國傳統氣息的名字預示著我們即將踏入的不僅是一場視覺藝術的盛宴，也是一次味蕾的旅行。專營京川滬菜式的「下江南」，以其精緻的烹調技法和舒適典雅的環境，成為了一個與朋友共享美好時光的理想場所。我們各自選擇了「下江南套餐」，從中品嘗到了四款不同風味的佳肴，這不僅豐富了我們的味蕾，也增加了交流的樂趣。套餐的開始是鹽水鴨冷盤，其肉質的鮮嫩搭配手拍青瓜的爽脆和雲耳的彈性，搭配微辣調味，令人回味無窮。接著是色彩斑斕的油四季烤麩冷盤，其中結合了豆腐干、紅蘿蔔、蓮藕片和蔬菜絲，不僅視覺上吸引，味道也清新可口。主食方面，青筍蔥椒丸子飯和雪菜大排麵都以其獨特的風味和口感，滿足了我們對於中式美食的所有期待。肉丸子的鬆軟、青筍和蔥椒的新鮮，以及麵條和大排骨的完美融合，每一口都是對傳統中餐的致敬。最終，這次「下江南」的餐飲體驗不僅滿足了我們的味蕾，更讓我們的心靈獲得了愉悅。在離開時，我們還在餐廳門口的小店選購了一些精緻的禮品作為紀念。對於那些計劃參觀西九故宮文化博物館的朋友們，「下江南」無疑是一個不可錯過的美食目的地。

🪭夢入江̴̨̪͇͓͍̻̖̟͔̔̍̇̂ͅ南̴̦̜̗̩̘̳̀̃̂̓̏̈́͝͝煙水路西九文化區有不少特色餐廳，今次一嘗香港故宮文化博物館地下⼤堂的「下江南」，餐廳結合宮廷飲食文化，以創意特色茶館營式提供多款價格親民的宮廷菜式🍱 +民間特色小食🍜。餐廳將歷史典故中記載的美食，如慈禧太后最愛的糕點豌⾖⿈+清宮養⽣御膳火薰⽟蓮鴨⼦🍲+乾隆帝早上享⽤的冰糖燉燕窩等，以現代方式呈現眼前，讓視覺+味覺同時感受到古代宮廷飲食⽂化。。精選二人套餐 $488。🥢如意菜+醉雞嫩滑雞肉+陣陣香醇撲鼻的花雕酒🍶香氣 = 回味無窮😋 而旁邊的如意菜 = 涼拌三絲。🥢火熏玉蓮鴨子燴菜飯配紅燒獅子頭大大份鮮嫩且皮薄肉厚的🥓鴨肉+口感細嫩的迷你版獅子頭+濃汁伴香茹片+香濃入味燴菜飯🍚 = 現代版清宮養⽣御膳。🥢重慶小面配菜肉大雲吞重慶小麵麵條寬長+有嚼勁。撈汁麻辣鮮香，以豬肉醉+花生+菜脯+黃豆等作伴，倍添口感+層次感。辣度適中，非常惹味😋。另有大大隻韮菜豬肉餃🥟伴碟，非常滿足。🥢芝麻糊湯圓芝麻味濃郁的香滑芝麻糊🥣+煙韌流心芝麻湯圓 = perfect match，芝麻控行過路過，不能錯過。🥢芋頭糕紫色🔮外觀非常吸睛，打卡一流📸，入口淡淡芋香味。🥢桂圓紅棗茶味道香甜+ 持久濃郁+☕️滋

咁啱前排行過M+個邊,順手參觀埋故宮文化博物館,差唔多時間食LUNCH ,揀左間中菜館下江南黎食!午市套餐都幾正😋, 一個主食加2款前菜,都係百幾蚊咁!首先講下個前菜先:✨醉鮑魚,無得頂,超入味! 超彈牙嘅鮑魚加上濃郁嘅酒香,好想再食多件!✨花雕醉雞-花雕醉雞亦都好似醉鮑魚咁,入味再加上雞肉質好嫩滑,好正🤤!✨夫妻肺片牛肚爽口再加上麻辣醬一流呀😍!✨重慶小麵寬麵勁有口感, 又唔會太油膩，再加上花生黃豆同碎肉，又有少少辣香，層次感再升華咗!✨菜肉大雲吞食完濃味，緊係叫番個清淡啲既中和下啦～雲吞咬落去好足料，雲吞皮滑捋捋，配埋個紫菜湯底，清香又唔會搶走雲吞味，成個感覺好舒服!✨我再叫咗個凍龍井,清新得黎又有D回甘!解渴一流! @xia.curator 真心唔錯!👍👍

平時西式,台式,日式都吃過, 今天日子比較特別, 就想籍著今天來吃點特別的, 吃中式宫廷餐 !西九文化博物館往上一層到達G層, 走進故宮文化博物館往左看會看到一個中式拱門, 那裡就是'下江南'餐廳裝潢以中古設計為題, 環境舒服，落地玻璃更遠眺維港景色,相當顯赫, 如果有時間建議先進場參觀故宫文化搏物館, 然後再進餐廳點餐時出示票據可免費獲贈甜品一客, 還有, 如果騎車過去, 周一至五消費滿$200就免費泊車2小時 (溫馨小貼士,別忘喔!)進入食評階段, 我和西生各點了一個下江南套餐, 現續一點評:✨下江南套餐 1主食+2冷菜 $168✨冷菜: 花雕醉雞 & 夫妻肺片我欣賞醉雞花雕唔會太搶味,香味濃度適中, 雞肉嫩滑。主食: 重慶小麵濃味人表示, 寬麵有嚼勁, 其寛闊加上坑紋有助掛汁, 辣度是中規中舉, 我頗吃辣的, 如果再辣些會更惹味，另外要讚配料充足, 花生黃豆等配料充足, 口感非常豐富加配飲品: 凍牛奶咖啡+$43中式餐廳沖出西式水準, 份量如果大杯點就好了✨下江南套餐 1主食+2冷菜 $178✨冷菜: 鹽水鴨 & 手拍青瓜伴雲耳鴨肉已去骨，味道帶點咸香主食: 火薰玉蓮鴨子飯鴨肉份

今日年廿九，嚟到故宮博物館參觀，參觀完之後嚟到博物館底層嘅下江南食午餐。餐廳嘅食物大多同清朝皇帝或慈禧太后有關。可以單叫嘅主食就有三款，歸類做宮廷主食。有幾款宮廷點心、甜品同燉燕窩呢款宮廷甜品單叫嘅飲品就有各類茶、咖啡、特飲同支裝飲品除咗散叫，仲可以叫套餐。餐廳有下江南套餐提供，可選擇兩款冷菜同一款主食。套餐唔包飲品，但有加配飲品優惠今日嚟到仲有期間限定嘅二人餐今次我就試咗下江南套餐（花雕醉雞+鹽水鴨+菜肉大雲吞）加配普洱茶同宮廷點心—豌豆黃。普洱茶最先上嘅係普洱茶，係茶壺入面放茶包，飲完待應會嚟加熱水。如果唔係用茶包而係直接用茶葉會更好。下江南套餐冷菜—花雕醉雞+鹽水鴨賣相唔錯、味道都唔錯。花雕醉雞味道略淡，如果可以重返啲花雕酒味會好啲。鹽水鴨咸得嚟唔會太咸，幾好👍🏻下江南套餐主食—菜肉大雲吞賣相唔錯，湯底同雲吞味道都好好👍🏻湯底有蛋絲、紫菜、蔥花、櫻花蝦，調味適中，正👍🏻雲吞餡有白菜、豬肉同紫菜，都好好味😋慈禧太后喜食—豌豆黃呢個有啲失望。我本身未食過亦唔知咩係豌豆黃，見佢係宮廷點心就想試吓。佢哋基本上係豌豆泥，冇咩味道，口感都唔好。不過應該唔關餐廳事，可能豌豆黃就係咁，係我本身唔

精選套餐，每款可選擇兩款冷菜+一款主食。花雕醉雞：未食已聞到陣陣迷人既花雕酒香氣，雞肉軟嫩，皮和肉中間還帶少許晶凍，倍添風味。四喜烤夫：包括冬菇、烤麩、木耳，烤麩口感似麵筋，索晒D醬汁，味道濃郁，富有彈性。雪菜大排麵：大排炸得金黃鬆脆，上海麵爽口彈牙，湯底鮮甜，雪菜咸味適中，好開胃。盐水鴨：鴨肉已去骨，肉質嫩滑，帶咸香味道。夫妻肺片：將牛展、牛肚、牛心、牛舌等滷製而成，加左蔥花、辣醬，鮮香入味。長壽菜素菜飯：素菜包括面筋、冬菇、秀珍菇、紅蘿蔔，清新健康。海底椰汁水晶涼粉：海底椰果肉細白，水晶涼粉滑溜，甜蜜蜜既紅豆蓉，配上味道香醇既椰汁，很滋味既甜品。老薑茶湯丸：芝麻湯丸煙韌流心，薑湯帶辛辣口感，喝後很溫暖。總結，餐廳位置有優勢，邊食邊欣賞靚景，而且食物有質素，值得再回訪。

《西九•high tea 》🧧特色中式high tea 🧧今日約朋友食下午茶。見到宜間位於故宮博物館入面嘅餐廳有中式high tea 一於試吓佢。餐廳門口開始己經見到裝修幾靚 光線充足 而且岩岩好坐到窗邊位 有埋海景 室內環境不錯。tea set 用左木架呈上 賣相精緻 打卡一流👍🏻。🍡🍵 皇帝多寶格 下午餐套餐 兩位$488蝦餃皇 炸蟹鉗 奶黃流沙包 芝麻卷紫薯糕金絲香芋酥橘子包（吉士口味）花好月圓（榛子朱古力慕絲蛋糕）老姜茶湯圓鮮雜果鴛鴦涼粉 中國茶（烏龍/ 茱莉/ 龍井/ 普洱 ）一壺🍤炸蟹鉗同金絲香芋酥個人認為比較好食。炸得非常酥脆 特別係香芋酥 入面甜甜地 香芋味濃厚 🥟蝦餃皇 入面有一大隻蝦 足料 味道不錯但皮略厚 。奶皇包做到流心效果 奶皇味香濃 但包可再軟熟啲。🍫朱古力慕絲蛋糕都吾錯 吾會太甜 口感順滑。芝麻卷同紫薯糕就普通 正正常常。🍡🍨湯圓同鴛鴦涼粉係最特別 最好食。用左兩個顏色好靚嘅中式大碗呈上 好吸引。湯圓姜味特出 芝麻餡料飽滿。涼粉非常足料 好多生果同紅豆。黑白涼粉配搭非常特別 份量二人分享剛剛好中國茶（烏龍/ 茱莉/ 龍井/ 普洱 ）一壺

過年期間去咗西九行下，下午茶時間喺openrice搵到故宮博物館入面有間特色中菜，即刻行上去試下過左lunch hour都幾多人餐廳環境高挑，午後有啲陽光曬到入嚟，坐得好舒服Menu選擇都好多，要左個套餐，有兩款冷菜同一款主菜花雕醉雞、鹽水鴨兩款都好出色醉雞酒味濃郁、雞肉嫩滑鹽水鴨入味、鴨肉彈牙主食要左火薰玉蓮鴨子麵湯頭清甜，鴨肉大件又夠滑，麵條爽彈！小籠包即叫即整皮薄餡靚熱辣辣，一咬入面湯汁湧晒出嚟驢打滾係出名嘅宮廷點心，豆沙餡加埋黃豆粉真係perfect match，甜度適中老薑茶湯圓足料有4粒芝麻湯圓，薑茶少少辣，飲完好暖身Latte有拉花，靚👍🏻桂花觀音茶雖然係茶包但味道好香好濃，飲落好滑口，加水沖都仲係好有味！

第一次去故宮博物館，平日都有學生團，人來人往。見到有間小型餐廳食中菜，門口擺放茶及小吃禮品，以為係伴手禮店，原來入邊有10張枱可以坐低食飯。人唔算多，可以慢慢食。主食包括花雕醉雞，雲吞，獅子頭，玉蓮鴨子，蔥椒丸子，全部都可以選擇配飯或麵。蔥椒丸子其實係meatball，青筍切絲，撈汁送飯剛剛好。前菜油四季烤麩和花雕醉雞，份量唔算多。咖啡都幾香濃，latte奶夠 creamy。凍水果茶有烏龍香味。甜品order紅豆涼粉芋圓，幾有趙口。

西式high tea相信好多人都試過, 中式high tea我都係第1次食, 餐廳採用左多寶格造型木盤嚟擺放食物, 精美得嚟又有特式. 仲因為地點位於西九, 窗邊有一大片海景做襯托, 啱哂打卡. 「帝皇多寶格」下午茶套餐 $488/兩位-蝦餃皇-炸蟹鉗-奶皇流沙包-芝麻卷-紫薯糕-金絲香芋酥-橘子包-花好月圓(榛子朱古力慕絲蛋糕）-老薑茶湯圓-鮮雜果鴛鴦涼粉-中國茶咸點部分有蝦餃皇同炸蟹鉗, 蝦餃非常足料, 咬開入面有一大隻蝦肉, 而炸蟹鉗即使因為影相擺耐左都仍然能夠保持酥脆.甜點部分當中, 我最欣賞金絲香芋酥, 做到表層脆卜卜, 但內裡軟糯, 入口有甜甜既香芋味. 另外朱古力慕絲蛋糕都非常不錯, 唔會死甜, 而且慕絲入口十分順滑. 至於湯圓同涼粉既部分, 2碗都非常足料, 湯圓既薑味十足, 而涼粉入面亦伴隨住好多雜果, 食完之後真係勁飽勁滿足.

最近去左故宮文化博物館行到攰去左博物館內食午餐餐廳主打宮廷菜式將歷史典故中記載嘅美食呈現眼前餐廳裝潢有南北建築特⾊以木系為主調 睇落非常舒適窗邊景觀更可望到維港景色✨下江南.精選套餐 $216✨套餐可以試到多d款式，包左兩款前菜、一款主食同埋一杯飲品。// 花雕醉雞 //呢款係冷盤，酒香非常濃郁，雞肉經過浸泡喺花雕酒，令雞肉嘅肉質好嫩滑。.// 四喜烤麩 // 呢道係上海嘅素菜，將木耳、花生、烤麩一齊炒，口感似食緊豆腐。// 青筍蔥椒丸子麵 //丸子係手打製成，配上青筍蔥、冬菇，麵質彈牙掛汁力高。丸子肉質結實彈牙。// 高山烏龍茶 //飲完職員仲會幫你加水落壺，茶味好出。// 驢打滾 $58 //呢款係慈禧太后最愛，外皮口感煙韌似糯米糍，內層包著紅豆蓉。// 小籠包 $68 //皮簿餡肉多汁，一定要用匙羹食，咬開外層塊皮，湯汁滿瀉！// 紫薯芋圓涼粉 $48 //芋圓口感好煙韌，配埋甘苦嘅涼粉，令到成個甜品都唔會過甜，係清熱嘅好選擇！