不倒翁中日火鍋料理

營業中

休息中

The beef there is the best out of all meat, the beef with the soy sauce (remember,try not to put extra ingredients.)was a perfect match. the corn ther was sweet too, and you could choose different soup to go with the meat too. I would give this restuarant 9 out of 10.

與老友記聚舊，老友記就我住呢區，話想試下呢間。早就聽見呢間又貴又唔掂，不過志在聚舊，好又一餐唔好又一餐，當見識下，冇所謂啦！呢間野號稱中日火鍋，但係無論裝修菜色都係唔中唔西唔日，總之四不像啦！本來打邊爐都唔需要廚房功夫，求其用料新鮮就掂。不過呢間野淨係獨沽一味追求高毛利，除左猛咁推銷海鮮（？）之外，好多火鍋料都唔肯正正經經，實實濟濟，用基本材料，一味加Ｄ瑤柱，蟹子等等花巧野落去，然後賣高價錢，而且Ｄ苛捐雜稅嚇到我地呢Ｄ普羅大眾眼凸凸，一坐低未叫野已經每人幾十皮！叫左Ｄ大路野好似牛肉，丸、菜、少少海鮮，諸如此類，雖然都ＯＫ，正就講唔上啦！不過唔好忘記Ｄ價錢超越大市，如果收咁貴都唔俾番咁上下野人食就絕對冇良心！總而言之，冇下次幫襯喇！睇佢Ｄ手法亦都唔係似做街坊生意，只係博地旺，靠Ｄ生客或者Ｄ地保大哥打躉！

一個地球上祇得一個蘇絲黃，同樣地蘇絲黃喺電視介紹好正個碟肥牛亦入左佢老人家個肚，所以我地去不倒翁極其量祇係（希望）食到類似嘅質量同質素。不倒翁雖然位處佐敦道旺區，但係縮左上二樓，所以十點後亦要做特價招徠，小弟第一次去已經係十點特價時段，所以同正價時間無從比較是否將貨就價，招牌手切牛肉質素中上，不過叫大碟都係冇幾多，我同女朋友兩個人可以食兩碟大手切肥牛，份量之少可以想像得到，而且全部都碎濕濕咁，要一次淥幾塊先夠一啖，一碟大概十啖左右，鴛鴦湯底普通，西瓜汁冇味，招呼尚算不錯，間中有侍應幫你撇走湯上面嘅油同泡，不過亦犯上同其他火鍋店同一個毛病，但係猛推海鮮，雖然海鮮好利錢，但亦要顧下客人感受，適可而止。如果妳係蘇絲黃，我係食店經理，揀都揀碟靚靚仔仔嘅俾你啦，炒碟餸都叫師父炒啦，唔通叫尾鑊炒博鬧咩？加上佢呢期當紅，食店得罪佢肯定冇運行，我建議搵兩個老臨入餐廳點晒食物，到食物上檯先輪到蘇絲黃出場試食，我諗事情發展落去可能係兩個故事。

睇到D脂肪紋己覺對路, 試咗2片, 真係好味! 可惜份量少咗D (通貨膨脹?)醬料如果有沙茶醬, 就更好啦!文昌雞蒸鈑.... 飯可以再香D, 雞唔夠味, 相信配搭正確, 只係今次失咗手, 服務員嘅態度好喎! 主動幫我吔斟啤酒, Good ar !

我上星期日一行9人去左HOT POT~我又覺得OK WOR~d牛肉好好食,好香,有牛肉味, 個菜藍好靚, d菜好新鮮, d中蝦真係好大隻,又正, 叫左象拔,好新鮮..佢d野ge presentation真係好靚,仲有個水餃真係very good ar~d service都好好丫...好nice~總括,我會再去。

上個禮拜我同幾個朋友去左佐敦打邊爐,今次係我有生已來第一次食得咁靚o既野,座低叫左渣蔗汁,然後叫左個冬瓜瑤柱湯底,象拔蚌,剌身拼盘,手切肥牛,四寶丸,水餃,什菜藍等等…..所有食品都好靚好好食,環璄清靜,座位舒適,侍應生服務好熱情,周到,價錢合理!蔗水=============== $48 (清甜,但係唔夠凍,個待應生話剛剛煲起@@)象拔蚌剌身1條====== $5XX (好爽,好鮮甜,好新鮮)剌身拼盘 =========== $168 (好大件,好新鮮)冬瓜瑤柱鍋========= 68 (OK)手切肥牛=========== $98 (真係招牌,好淋,好香,好靚)四寶丸============= $68 (都唔錯,好彈牙)水餃=============== $44 (好好食,好多蝦….但係太大隻)什菜藍============= $58 (新鮮,款項多)總括黎講,不倒翁真係一個三五知己打邊爐同食日本野o既好地方,值得推介,唔怪得亞蘇施黃都贊賞佢地,希望佢地快d開多幾間,有更多好o既食品同招牌o既火鍋店啦!

籠仔荷葉蒸雞飯,好得.飯是一粒粒,而且很香. 不過牛肉就很差,瘦到不得了,又無牛肉味. 牛粒好些. 豬肚尖,四寶丸菜,蔗水及任食用XO醬(足料)好味GOOD! GOOD! GOOD! 價錢貴D,但坐得舒服.

六個人食)之前上過去食過一次,但今天食完我的朋友都話唔會再去,水餃好似蝦餃咁(沙餃)國語食沙一樣蝦腸完全無挑,四寶丸又硬又唔彈牙好似食石頭,手切牛肉又黑又un,叫左個東陰公湯跟上次的完全二樣野又唔酸又唔辣,服務同上次差唔多無改善...唉.......蒸雞飯雞無雞味什麼文昌雞都唔知係什麼東東

3/9 三男兩女,叫個6人餐,令叫多個籠仔荷葉蒸雞飯湯底要冬瓜瑤柱湯及味噌湯:冬瓜湯清清地,不過有d罐頭雞湯味,味噌湯就把鬼,食拉麵d湯都好過他雜錦刺身都ok,(金牌手切牛把鬼,我食過好過他多多聲都有),班片合格,招牌水餃,蝦大隻有鮮味蟹子蝦滑,四寶丸味道好大路,花膠仔,炸魚皮正常味道,絲瓜條是沒有皮得番個心,吾鐘意((有個靚名,不過是煱貼味道的餃,中蕉))送6罐汽水,生果,甜品,壽包令叫多個籠仔荷葉蒸雞飯:個飯冇荷葉香味,雞好少,味道都ok,(飯帶汁軟硬適中,煙靭有咬口)對板總結:食物味道好普通,份量細,5個人食6人餐,仲要令叫多個籠仔荷葉蒸雞飯,我地5個人都仲未飽就走人,價錢一d都吾平,因為地方闊落,環境好

(7個人)上星期聽朋友講蘇絲黃有讚過所以無論點都要上去睇睇,食完之後覺得牛肉就真係完全唔點又貴又黑又un又沒牛肉味食完好似食豬肉咁,但四寶丸,水餃跟菜藍都ok其他食物都可以,最唔好就係服務叫左好多次西裝(主任經理口個D)叫左十次八次都好似聽唔到我以為去咗聾啞餐廳.

Food:We have order the most best beef (they claimed to be) on the menu, however, it\'s not worth that much. The raw fish plateau is ok, but the salmon is way too thick & tasteless.Service:the \"vegetable bow\" take us almost 1.5hr from the point when we order to our table. the waiter/waitress keep ignore our demand of the disk for at least 5 times or more.then follow up with the most favorite rice dish \"the chicken rice\". one of the waitress told us it will take 15 mins, and everyone on the ta

AS also the effect of 'Ah So'...I tried on last night.Honestly...- the seating is very good.- the services is very good. (really can come compare with 5 star hotel)- Beef..is good only if u order the fresh 'hand-cut'. The forzen beef has only fat..without any beef taste.And also honestly.- Sea Food is not very fresh and very expensive.- The 螺cost $168 but only has ~10 片... (And I suspect they will reuse the 螺瞉since after we finish 螺片, they take out the 螺瞉and place back to the seafood counter

今日同幾朋友上去試下啦點知失望到不得了,蕃茄龍蝦湯底$158~得幾件發育不健全的小龍蝦,蕃茄,粟米...D牛肉呀牛粒呢~一個字"老"同牛皇x 冇得比,咩嘢三角魚呢(大魚)嘩!以為自己食緊泥,個什菜藍細咗成倍,同初初開張時差太遠喇,仲有幾樣都係咁.唯一好係坐得舒服,服侍好.以咁嘅價可以食到其他好D囉

8-8-2007 3人10:15pm聽講呢間火鍋店10後6折,咁就上去試下啦,但..原來唔係所有野都係6折,例如飲品超貴冇折,食物真係如同風少及痴線仔嬌妻所講,同埋唔算多選擇,蔬菜的款式都係只得3至4款,而且有d野叫左,之後佢地話冇貨,服務ok,但如果唔係6折我諗算係超貴,因為食物真係好普通,而且冇咩靚野,只係普著通通,座位不算好坐,大路野都新鮮企理..6折後..牛肉$86 冇牛肉味 牛肉粒$60 好un ,就算煮好耐都好un 娃娃菜$18 ok,幾新鮮 枝竹18 ok,幾新鮮 花膠$42 ok,夠多 靈芝菇$18 ok,幾新鮮 雜菜籃$36 ok,幾新鮮 魚腐<==唔記得ok冇折白果胡椒豬肚窩底$58 <==好一般 菠蘿柑桔蜜$48 <==超貴又細樽 醬料每位$12(送甜品或生果)原本埋單收多左$18,因為冇貨又冇幫我地取消,記住要check單,應該唔會再去$491

这家餐厅很不错，无论从食品的口味、服务质量都非常不错，尤其是此处有一间可以容纳20余人的大餐厅，真是朋友叙旧的好去处！强烈推荐给朋友们。