世澄日本料理 (億利工業中心) (已結業)

係門口見到價錢好似好相宜，見到係新開就入去試吓。地方唔算大，但張張卡位唔人有人坐緊就係話有人book咗。被安排咗座中間。是但，只要唔係坐廁所門口我就冇所謂。睇餐牌啲價錢好似好吸引，兩個人就隨便嗌咗幾樣野食。一上菜我哋即場呆一呆，發覺樣樣野都係迷你size。好彩我哋叫多咗幾樣野，唔係一定食唔飽。咁樣開價實在係取巧。最慘食物質素又好普通。啲飯凍冰冰一嚿嚿。拉麵同係超市買返屋企煮嗰啲冇咩分別。唔會再幫襯。

好耐無食刺身壽司啦! 😍 呢一日就來到荔枝角既世澄日本料理嘆下! 環境不大，裡面掛滿日本裝飾，小小的居酒屋咁，最特別係店員都著上日式和服上衣制服，好地道! 我地就叫左好多野食🤣..🍱特上海膽丼🍣三文魚刺身🍙花之戀🦀牛油果軟殼蟹卷🍢鹽燒牛舌🥚茶碗蒸..特上海膽丼有牡丹蝦、海膽、帶子、蟹子同玉子😋 好足料好豐富! 食材都好新鮮! 帶子同牡丹蝦都好鮮甜! 飯面勁多蟹子，撈埋來食好有口感! 三文魚刺身有5大片，好肥美! 三文魚刺身另有其他唔同價錢for唔同片數! 花之戀雖然都係三文魚，但其實我個人好鍾意花之戀，所以通常都會叫一碟來食🤣 兩大片肥美既三文魚包住壽司飯，加上沙律醬，一流!..牛油果軟殼蟹卷係以牛油果包住壽司飯，而壽司飯裡面仲包住左軟殼蟹同青瓜絲! 牛油果面鋪上左蟹子，同少許沙律醬，一啖食哂，牛油果好甜好好食，軟殼蟹肉好香好脆! 而鹽燒牛舌燒得好好食! 牛舌好爽! 而且本身已經有微微調味又唔會過鹹或燒得太韌，好惹味! 茶碗蒸裡面既蛋好滑好香，上邊有菇，底有蟹柳，唔錯!

D2附近真係好多平民恩物，呢間之前都留意咗一段時間，今日終於有機會食。呢到d 丼飯好誇張，$70已經可以食到（外賣仲一律$60咋）！當然，多啲魚生就貴啲，嗰啲都要三百幾蚊。呢到需然係小店，但服務態度超好，所有店員都好細心，會不斷refill 茶。今日食咗豬軟骨丼,好好食，完全感覺到啲膠質爆曬出嚟，加埋啲汁撈飯，好快就食完。另外試咗個油甘魚丼同埋個海膽三文魚子丼。海膽三文魚子丼好足料，入面仲有蟹籽豆玉子豆腐，都只係$148咋！超抵食，多料到差不多滿瀉油甘魚係我至愛，呢碗都好新鮮，絕對可以encore。

今日又黎到荔枝角揾食, 平時上得樓上多, 今日喺地舖發現到一間又平又好食嘅居酒屋, 值得推介!🍴燒雞泡魚乾 $48 - $48大大份, 超抵! 而且味道相當有水準, 雞泡魚燒到好香, 口感煙韌有咬口, 好食👍🏻🍴三文魚刺身 $58 - 有五塊厚切三文魚, 解凍做得好, 三文魚好新鮮😝🍴特上海膽丼 $90 - 今餐mvp! 首先$90食到丼飯有海膽, 牡丹蝦, 帶子, 三文魚子, 蟹子同玉子, 性價比極高! 唔好以為平野無好, 全部魚生都非常鮮甜, 尤其海膽好高質鮮味, 絕對係必食推介👍🏻👍🏻👍🏻🍴日式鰻魚炒飯 $108 - 食完凍野加左個鰻魚炒飯暖下胃, 又幾唔錯. 份量十足, 有好多鰻魚同蟹子, 炒得夠入味同香, 飽肚之選😋Overall 今餐性價比真心高, 300零蚊食到咁嘅質素嘅日本野, 一定返食!私心評分食物質素 ⭐️⭐️⭐️⭐️性價比 ⭐️⭐️⭐️⭐️⭐️

行完D2 Place，發現隔離有間小小嘅日本居酒屋，價錢好合理，同埋靚靚店員姐姐好好服務，超級推介😍本來見到餐牌咁多選擇，有選擇困難症。好彩店員姐姐主動行過嚟推介必食之選🤩兩個刺身丼一嚟到就已經見到滿滿嘅爆丼，好滿足😋個飯碗最不可思議係好似深不見底咁，好多飯🍚男仔都好夠食。刺身丼上邊嘅每一樣材料都好新鮮，甜蝦🦐，海膽，帆立貝等等，口感十足。另外小食雞泡魚乾新鮮煎起，點埋啲沙律醬好好味呀！最後甜品，綠茶🍵厥餅用好靚嘅器皿裝住，煙煙韌韌，為呢一餐完美畫上句號✌🏻 ꧁☬小編食左咩☬꧂✅特尚海膽刺身丼✅北海道刺身丼✅雞泡魚乾✅綠茶🍵厥餅(◔◡◔) ♥ 人均傷害💰： $200♥

已很久沒有食日本野了，今次去了一間在荔枝角的日本料理餐廳。店面積不是很大，裝修簡單，掛了很多燈籠，很有地道日本居酒屋的裝飾。最特別是店員穿了統一的日本上身服，很有日本feel。我們點了-特上海膽丼 包前菜，麵豉湯和沙律 刺身牡丹蝦，海膽，帶子，蟹子和玉子，全部十分新鮮，食落鮮甜有口感-三文魚刺身五片 三文魚刺身很厚身，很鮮嫩-花之戀軍艦兩件 賣相很靚，三文魚與蟹子很夾，食落 很甘甜-牛油果軟殼蟹卷 牛油果清淡夾了香脆的軟殼蟹，不會 覺肥膩，十分配合-1串鹽燒牛舌 牛舌爽口有肉味-茶碗蒸 蛋蒸得十分香滑

食物好味，有熱食，有剌身，環境舒服，有啤酒，有Sake ，有拉麵，有烏冬，有炸物，有生蠔，有酒煮蜆，有金菇牛肉，直得Encore的食店，服務態度好好，價錢合理，細心有禮

原來荔枝角降呢邊都有一間🥰隱世日本菜小店，主打日式丼飯，🐟叫咗個海鮮丼，非常豐富。🇯🇵特上海鮮海膽丼，豐富多彩，令人非常滿足，我最鍾意，🍚一定有鮮甜嘅海膽，而且蟹籽撈埋日本飯一齊食，🥢晶瑩剔透都，非常爽口。帶子夠嫩滑，😋食落去好有鮮甜味。🦐大大隻嘅牡丹蝦，更加爽口彈牙。另外小食方面，🥚我哋都叫咗茶碗蒸，應該係即叫即整，所以仲係保持住熱辣辣，食落去蒸蛋好嫩滑，而且更加配有香菇🍄同埋三文魚籽，🤤搭配有特色，非常滋味。

去荔枝角搵食，好多食肆都係工廈入面，難得地搵到一間喺地下，又近地鐵站/D2 place，QR code 落單，坐卡位幾舒適～🔘油甘魚丼 $70朋友好大膽，孤注一擲叫油甘魚丼，佢好彩呢度嘅油甘魚算幾好食，望落有光澤厚切唔腥，解凍情況都滿意，呢個價錢有咁多片油甘魚係幾抵食!! 🔘特上海膽丼 $90落完order之後店員通知是日海膽售罄，可以轉做吞拿魚蓉或者揀第二個丼飯，就係咁變咗做特上吞拿魚蓉丼，刺身整體都幾新鮮，鮮甜好食尤其帶子同吞拿魚茸，另外呢個丼仲有牡丹蝦、蟹籽同玉子，幾多嘢食，飯係有味道嘅飯，口感比一般食到嘅煙韌!! 🔘牛油果軟殼蟹卷 $82有六件大大件，牛油果、蟹籽同沙律醬嘅存在感都好高😂，軟殼蟹俾d飯包住存在感低少少，飯係同丼飯一樣嘅有味飯!! 🔘炸芝士年糕 $32熱辣辣剛炸起，脆卜卜煙煙韌韌，芝士味可以再鹹啲!!

食評唔多，圖像左上角又有綠條，以為新店，一問之下，已開業踏入四年，只係老闆易手，廚、侍不變。此餐牌是日剛好新鮮出爐，每套餐追加一項，呢部分算幾抵。先嚟嘅「 極上牛肉黑蒜油烏冬」，飲啖湯底，好鹹，但黑蒜油嘅黑油偏少，出現較少喺湯麵類現身嘅溫泉蛋（湯麵似乎用番溏心蛋合適，溫泉蛋一𢳂即散遇湯即化較合撈丼飯），有大量嘅粟米粒同海苔。食唔到牛肉質量係咪所謂極上，因太鹹都掩蓋咗。「特上海膽當」名就咁叫，但海膽真係冇乜擔當，僅得一小截舌頭嘅大細咁多。而且整碗丼個size 係兒童份量嗰種，一望已知唔能夠填肚，定必要追加。掩不住好奇臨尾追加個「海膽天婦羅」，似係用紫菜包住蛋漿皮內藏少許海膽肉去炸，兩份切開四件，得四條拇指粗、中指長嘅炸海膽，剩番一條綠色物體係炸幼辣椒，總體算好食但要催眠自己係食緊有海膽嘅嘢，實在含量太少，收$108略嫌咋舌。補充番，晚市係冇單上面寫嘅前菜麵豉湯沙律附送。

夏日炎炎最好眠？計我話，夏日炎炎最好「食」，食魚生降溫！呢間新開「世澄日本料理」，主打日式丼飯，有港人最愛既拖羅、海膽等等刺身，每一口都係大滿足，重點係價錢合理，餐廳的交通都好方便。🌸🌸🌸🌸🌸🌸🌸🌸🌸🌸🌸🌸🌸🌸🍃雙色鮪魚丼 $198（拖羅/拖羅蓉）🍃作為拖羅粉絲，見到有拖羅就即刻下單～拖羅有三大塊，油脂含量高，魚油充滿口腔！帶點微酸，入口滑溜不多筋，雪花一樣的紋理，令人一睇就覺得好新鮮。拖羅蓉口感滑溜 ，不會將貨就價乍流灘，沒有腥酸，色澤粉嫩粉嫩，令人食指大動！蟹籽增加口感，仲有微甜玉子粒粒，材料都幾豐富，睇落細細碗，但係絕對夠飽。🍃蒲燒肥厚鰻魚（普通）$88🍃有分「普通」同埋「加倍」鰻魚，今次飽飽地，所以叫左普通版。雖然並非滑蛋，但絕對蛋香濃郁，大大一塊蓋於當飯表面，鰻魚雖然係普通版，但份量相當充足，鰻魚肥美厚身而新鮮。

成日去等巴士見倒呢間日本料理，門口banner好多勁足料刺身丼圖片好吸引，今次咁啱過開嚟就試吓佢啦！😋呢度店仔細細，都掛滿左日式裝飾，別有風味⛩🏮🎏睇一睇Menu，全部刺身丼飯都好似好吸引😂 除咗刺身丼飯仲有其他例如串燒、刺身、壽司、燒物、炸物等等，種類都好多。🔥火炙海膽四色丼 $238有海膽、火炙拖羅、火炙三文魚、火炙油甘魚🥰 仲有玉子燒、青瓜、壽司薑片等等配料，刺身嘅份量好多，每款刺身都有兩片🤤 火炙咗嘅刺身唔會太油膩，但係又保持到魚生嘅油香🤤🎏海膽松葉蟹肉丼 $168勁多海膽🤤 雖然海膽溶溶地，不過都無礙佢嘅鮮甜味，松葉蟹肉都好多🤤 味道唔錯。值得一提嘅係佢嘅飯並唔係一般白飯/醋飯，而係已經撈咗醬油嘅飯，所以唔使自己加豉油已經好夠味😬今次主力食刺身丼飯，實在無容量可以試其他嘢～😬 有機會再嚟試吓其他嘢啦！

點解我以前住喺荔枝角嘅時候冇發現呢一間日本料理㗎！-雖然我搬咗，但朋友都係住喺荔枝角，所以就約佢喺附近覓食啦😋今次比我發現《世澄日本料理》，大家住附近一定要去食！-三文魚腩刺身10片 $118必食🔥🔥🔥三文魚真係我至愛！一放上枱嗰時我已經知我一定會滿意！滿滿既魚油味！又厚切🤤-火炙左口魚裙邊壽司兩件 $68呢款係朋友嘅至愛啊😜一嚟到佢已經話佢一定要食左口魚，而亦都冇令佢失望，入口即溶🤩-牛油果軟殼蟹卷（6件） $82呢款亦都唔遜色呀，啲飯本身就已經有味☺️加埋蛋黃醬同牛油果，正呀😋-蒜香牛舌 $88

今日行過荔枝角D2 Place之後，就搵日本餐食吓嘢。我哋行咗去對面嘅億利工廠大廈搵嘢食。發現最近新開左間「世澄日本餐廳」，入去試下。幫手振興小店收入。未入餐廳，門口已經好日式。佢係大馬路個邊嘅地舖。整間餐廳用木去裝飾，天花板掛住日本嘅和紙做嘅燈籠，好有日本夏祭嘅感覺。 一坐低，店員就斟茶俾我哋飲。服務態度非常好。 Menu內，花多眼亂，好多唔同款式嘅壽司刺身丼選擇。 拖羅都有好多部位選擇，arm 晒要求高對刺身DON 配料有特別要求嘅朋友。 我哋選咗一個貴嘅刺身飯同一個平嘅刺身飯。再同朋友share上面d 刺身來食。 佢哋嘅飯底唔係用傳統嘅白飯而係飲咗豉油汁嘅日本飯做返底。世澄特盛飯 $198刺身包括：牡丹蝦、拖羅、海膽、拖羅蓉、三文魚、油甘魚、帶子、魚子、玉子牡丹蝦非常通透，爽口好新鮮，拖羅呈淺粉紅色，證明好新鮮。 三文魚油脂比例均勻，油甘魚好爽口，帶子晶凝通透，玉子亦煮到剛剛好，好有蛋香味。特上海膽飯 $90刺身包括：牡丹蝦、海膽、帶子、蟹子、玉子。海膽一啲都唔苦，淺橙色，好新鮮。 蟹子好大粒，晶凝通透。總體無論平/貴嘅刺身飯都唔錯。

平常好少來這一區 上完課不知道吃什麼就在附近找找 看起來好像不錯就來了丼飯選擇非常多 平中貴不同價位都有最後選了拖羅+蓉的丼飯刺身厚片 份量也算多 也是不錯加配的炸雞好吃 即炸很juicy牛肉烏冬是白湯湯底 比丼飯更驚艷 推薦只是我們不知道有配飯 完全吃不下 軟穀蟹牛油果卷份量很多 有6件 share吃剛剛好荔枝角工廈區不貴又有質量的日本料理