世澄日本料理 (億利工業中心) (已結業)

去開荔枝角睇戲行街，就去左好近荔枝角地鐵站嘅世澄日本料理食晚餐。餐廳門外掛住燈籠，內部裝修都充滿日式風格，除左係牆上嘅達摩公仔，仲有頭上掛起一整排嘅燈籠🏮，加上播住嘅日文歌，和風十足。食物方面就叫左兩個上勝 海鮮丼。火炙海膽左口魚裙邊丼，左口魚燒得溫熱，入口散發住魚油香，海膽鮮甜，另有玉子同蟹籽點綴。特上海膽丼就有多種刺身，牡丹蝦、海膽、帶子、蟹子、玉子，放得滿滿的。每款味道都很鮮甜。飲品方面，叫左青檸同密瓜特飲，清新得黎又唔會太甜，食日式料理果陣飲就岩晒。

特上海鮮丼90蚊有牡丹蝦，海膽，帶子，蟹子同玉子，試左朋友舊帶子，厚身相當肥美！壽司丼飯可以加15蚊變套餐，多左個是日沙律同埋一個麵豉湯，麵豉湯嘅湯底味道香濃，沙律酸酸甜甜，十分開胃。海膽雙魚丼85蚊有海膽，油甘魚，三文魚。刺身件件都好厚，最鍾意食油甘魚，入口溶化得黎肥美的魚油味充斥口腔，好食！油甘魚腩壽司兩件32蚊入口即溶，魚油味濃厚，可以再食！三文魚腩壽司兩件28蚊入口即溶，無筋，好食。松葉蟹膏軍艦兩件28蚊蟹膏好濃，咸味好夠，唔洗點豉油。海膽軍艦兩件45蚊馬糞海膽黎，鮮甜香濃 炸吉列廣島蠔五件68蚊炸蠔皮薄鬆脆 ，外脆內軟 超級好食！👍必點！拖羅蓉軍艦兩件30蚊朋友相當欣賞，同埋只係30蚊有2件拖羅蓉，味道仲要唔差，真係性價比高！全部壽司飯都落咗紅色嘅壽司醋 （赤酢飯 ），食多幾嚿都唔油膩，正🤤

荔枝角這一帶的餐廳比起中環CP值高不少。今天選了家日式的店，要來吃生魚片丼飯鰻魚牛油果卷先點個一起share的捲物，飯的份量還滿大的。蒲燒鰻魚的口感軟嫩美味不在話下上勝海鮮丼選的是北海道海鮮丼，可以食到很多種海鮮。有Q彈的北寄貝，鮮甜的蟹肉，美味的帶子以及新鮮的魚子。飯上也放滿滿的玉子，味道微甜超棒。另外他們的飯是褐色的，應該先調味過的醋飯。價位不高，份量卻很夠不怕吃不飽玉子壽司整體而言價格合理份量足夠，環境還算舒適，位置也相當方便

夜晚諗住去荔枝角搵嘢食，咁啱見到新開咗呢間日式餐廳，就諗住入去試吓，打開菜單發現食物嘅價格好相宜，又足料👍三文魚刺身5片 $ 58三文魚刺身肥厚冇腥味，口感十足，帶少少甜味，夾刺身豉油一齊食，味道正（大盛）蒲燒肥厚鰻魚飯 $ 108大條鰻魚鋪係一層蛋片上面，鰻魚汁沾滿成條鰻魚，外相吸引，鰻魚肉嫩，唔會拉唔斷，可以一啖飯夾一個鰻魚，非常滿足蟹子沙律$ 15額外追加的蟹子沙律，沙律上面鋪咗好多蟹子係表面特上海膽丼（牡丹蝦、海膽、帶子、蟹子、玉子）$ 90好多刺身都好想食，但又怕嗌得太多食唔晒，我就揀咗呢一個丼，每款都有啲，好足料，性價比高*設加一服務費

琴晚食左素食，今晚食肉意慾好強🤣，阿女就卜左茘枝角 D1附近嘅 *世澄日本料理* 滿足下我食魚生嘅慾求🤣。世澄位於茘枝角地鐵站D1出口再行約3-5分鐘，地點好方便。店鋪居酒屋🏮風格，枱與枱之間都有點距離，算幾闊落，地方乾淨整齊。打開餐牌，好多丼飯嘅選擇，價錢豐儉由人，由最平七十幾到三百幾都有，當然越貴魚生份量同種類越多啦😄。另外仲有天婦羅、燒物、炒物、壽司、卷物、小食同炸物，選擇非常之多。🥗先來一個開胃沙律，青瓜爽脆，蟹子份量都幾多，蟹子入口迫迫卜卜，非常過引。🥢蒜香牛脷 - 嘩，都幾有份量喎，$88 非常抵食喎，每件都好厚實，入口林滑，牛味重重係口腔中央，非常入味。🥢今晚主角，魚生丼飯🥢親子四色刺身丼（油甘魚、三文魚、帶子、魚子）全部厚切，豐富口感。油甘魚肉質爽口結實，魚味鮮清、三文魚肉質林滑，油花滿滿，論口感同味道同油甘魚截然不同。🥢特上海膽丼（牡丹蝦、海膽，帶子、蟹子）牡丹蝦蝦頭緊連蝦身，非常新鮮，入口鮮甜；海膽色澤金黃，creamy 嘅口感，慢慢吞下有回甘味道👍🏻。總括：刺身部份相當滿意，好新鮮，份量亦比預期多，滿滿鋪滿整個飯面，相當有睇頭。飯丼側邊仲有好多蟹子、魚子拌邊，用黎

朋友喺附近返工所以最清楚荔枝角呢邊有咩平靚正嘅嘢食！呢間餐廳係新開嘅，環境都好精緻清潔✨三文魚腩壽司2件三文魚真係超級好食同埋大件，好鮮味充滿油香✨ 上勝 海鮮丼 （海膽雙魚丼）真係超級抵食，$85呢個價錢食到咁大碗海鮮刺身丼，仲要有海膽添！簡直係性價比超高！刺身超級多蓋滿白飯表面，而且用料新鮮！海膽入口甘香，簡直係齒頰留香！而且三文魚同埋油甘魚刺身都好厚切同埋鮮味！✨ 炸豬扒日式湯麵類豬扒真係超級鬆脆同埋厚身，簡直係日本餐廳呢一年來食過最好味炸豬扒！拉麵質地都幾有咬口！✨ 鰻魚牛油果卷（6件）鰻魚好肥美而且好厚肉！配上牛油果感覺好豐富！好食到停唔到口！

今日荔枝角飲完啡，順便呢頭搵下野食，經過呢間新開嘅地舖居酒屋，望下餐牌價錢唔貴，就入去試試。叫咗個特上海膽丼，入面有齊海膽、牡丹蝦、帶子、蟹籽、玉子，海膽唔算大塊但新鮮實淨，入口亦鮮甜冇腥味；牡丹蝦甘香彈牙；帶子上面仲加左少許三文魚籽做點綴；蟹籽同玉子都非常適合撈飯。小食北海道炸甜蝦香脆可口，只上少許炸粉，直接炸的蝦殼更加惹味，滴埋檸檬汁同點埋蛋黃醬停不了口。炸物仲叫左沙錐魚天婦羅試下，炸衣厚薄適中，魚身亦唔會有過剩油膩感，熱辣辣好好味。串燒就揀咗和牛大蔥串同埋牛油煙肉荔枝卷兩款，和牛大蔥嘅燒汁甘甜，和牛粒都軟腍冇渣；煙肉包荔枝都好特別，煙肉沾上荔枝嘅果汁亦能開胃。綜觀呢度啲野食性價比都幾高，下次搵朋友嘆完啡又可以嚟食好西！

荔枝角搵食篇行完街有啲攰，補充下體力，門口對正巴士站同長沙灣道，地點地點方便🍴極上牛肉鍋 💰98唔跟熱爐既牛肉鍋有佢既好處，唔會太熱，個鍋上枱都已經夠哂熱牛肉有牛味， 份量幾足， 有6大片， 仲有好多我超鐘意食既海帶😋🍴三文魚刺身 💰58擺盤好靚好認真，胃口都好啲，三文魚係厚切， 有5大片，油份充足， 又唔會只係得肥既部份， 亦唔會凍冰冰，明顯地去貨去得快🍴日式胡麻凍豆腐 💰38簡單既前菜菜式但都係認真擺盤，上面有啲三文魚籽，加埋啲胡麻汁好開胃

今日早到有卡位坐。坐得好舒服。🌸日式拉麵餐可以揀拉麵或者稻庭烏冬我揀咗稻庭烏冬同廣島吉列蠔（$80）稻庭烏冬好滑，吉列蠔好食冇叫錯跟餐蟹籽沙律+$15唔少蟹籽同青瓜絲🌸日式牛肉炒飯（$88）上面有蟹籽同紫菜牛肉就係薄片🌸油甘魚刺身5片$68都幾新鮮好味🌸飲品我地揀咗檸檬氣泡汽水同蜜瓜味波子汽水 各加$8一支餐廳用QR code落單，落單時可以揀少甜少冰🤣但嚟到其實係罐裝汽水原來檸檬汽泡汽水即係c.c. Lemon 🍋🤣職員都幾nice

火炙香蔥左口魚裙邊丼 $148左口魚裙邊本來脂肪比例比較高，經炙燒之後，魚油逼晒出嚟超級香口，帶有陣陣炙燒味，魚肉入口即溶，成個口腔充滿着魚油香味～好正😍日本冷烏冬 $78用咗日本手打烏冬，超煙靭彈牙👍🏻烏冬冷汁比一般嘅偏甜～應該係師傅精心調製過😋而Wasabi味道偏濃～我將一大舊加咗入烏冬汁入面，都幾辣下😂日式炸一口雞 $48一盒有五大舊～炸漿唔厚，外面炸得脆卜卜，入面雞肉嫩滑多汁～而且無雪味，加埋蛋黃醬一齊食係絕配拖羅蓉軍艦 $30拖羅蓉正常發揮，食落都幾新鮮😋日系裝修，整體覺得幾精緻～呢間都有人氣，晚市時間keep住見有人等位 同埋買外賣😋世澄日本料理 (億利工業中心) (荔枝角)荔枝角長沙灣道883號億利工業中心地下1B號舖

星期六同朋友黎荔枝角市集，行到累累地搵左間日本野坐低食飯。餐廳環境幾舒服好坐岩晒我地傾計。餐廳係用手機落單，不過都有比實體餐牌黎可以參考。丼飯黎講依道都好多選擇，由$100以下到～$300都有。我地叫左上勝海鮮丼同埋三文魚腩刺身10片。上勝海鮮丼有海膽、帶子、蟹子、蝦多、玉子粒。飯係有醬油調味幾特別。其中海膽真係好高質，依個價錢依個質素唔錯。帶子同蝦味道鮮甜，玉子粒淡淡嘅甜味幾好送飯。三文魚腩刺生擺盤好靚，刺生厚度適中，油脂好多非常肥美，值得一提依就刺衣溫度岩岩好，唔會雪到冰晒，先可以食到佢嘅新鮮。

行街見到間日本嘢門面幾好就入去試吓先，餐牌上面有好多款丼飯，都好想試吓，但見套餐係假期先有，就嗌咗份套餐 前菜係油甘魚沙律，沙律菜上面放了d 脆麵條，比較少見，入口卜卜脆，刺身當中有牡蠣都幾大隻，唔腥，另外有兜辣味蒜頭，幾爽脆，壽司方面，有拖羅、赤身、帶子同三文魚子，壽司係一啖一口嘅size，同埋舊飯已經調好味，只需加少少芥末就食得，再嚟塩燒三文魚頭鮫，魚頭好多骨膠原，膠質非常豐富，辣味煮大蜆，蜆算係比較大粒嘅，湯底就似麵豉湯，皇帝蟹棒蟹肉茶碗蒸，蛋好滑溜，主食係鰹魚稻庭湯烏冬，烏冬比較幼身，湯底味道清清地但都算夠味，最後送上甜品，充滿抹茶味嘅蕨餅

係巴士站落車，係工業大廈地鋪見到有間咁正嘅日式風嘅日本料理，不如試下lo.見到個精選套餐又幾吸癮wor，成個package有刺身，壽司，烏冬，串燒食，齊哂。一開波黎左甘魚沙律同嘢飲 甘魚好霖，撈埋醋汁好開胃。staff見你食到咁上下先上刺身，幾有儀式感。見到個擺盤幾有心機，set得好靚靚，今次刺身係池魚，又霖又鮮甜，得三條唔夠喉😂拳頭大嘅生蠔，好肥好新鮮，一D腥味都冇👍🏻跟住上壽司，係大拖羅壽司呀。油脂均勻，入口即溶，好好味。帶子壽司都好出色，大大隻帶子，好鮮甜。刺身壽司大大舊刺身👍🏻呢set壽司冇得輸。鹽燒三文魚頭好香口，辣味煮大蜆個湯幾惹味下又鮮甜，忍唔到口飲哂D湯🤣 蟹肉茶蒸碗好正！兩大舊皇帝蟹蟹肉棒好鮮甜，蒸蛋好滑。👍🏻稻庭烏冬湯麵烏冬好彈牙湯底夠濃郁。一人食，食得好飽肚，樣樣嘢都比足心機，好味，好滿足！

今次黎到荔枝角一間新開嘅日本野 但睇餐牌似乎係改左名重開 因為餐牌仲有前店名⸜( ⌓̈ )⸝ 都抱住試新野嘅心態 叫左一熱食一丼飯 一次過試曬熟食同生野得唔得🤟🏻´•ᴥ•`世澄特盛丼($198)電話落單嗰陣見到有沙律前菜同埋麵豉湯 但可能係午餐先有 因為我晚市食是沒有的 因為我當日都精神狀態不佳 都冇留意冇比到我所以冇問店員🤡 價位都頗進取 但有齊海膽 拖羅蓉 帶子 三文魚子等等較貴價嘅食材 樣樣都有少少咁 而大路三文魚同油甘魚都各有兩片 如果切厚啲同肥美啲就更滿足 整體成個丼飯份量較少 岩曬細食女孩子 大食如我就未必夠滿足‪(⌯˃̶᷄ ⁻̫ ˂̶᷄⌯)‬´•ᴥ•`泡菜廣島蠔鍋($108)朋友為咗夠飽都+$10加咗一個飯湯底都正路 亦有泡菜 不過泡菜係偏酸個種 所以湯底都會略帶酸味金菇娃娃菜都有齊可以送飯🤤比較特別係 第一次見 廣島蠔鍋嘅蠔係炸左嘅蠔 平時食蠔鍋都會係新鮮蠔 當晚店員都較忙碌未能一問究竟 但整體個鍋都惹味(｡･ω･)ﾉ附近返工人士去食午市應該幾抵食 我印象中D2 Place附近都冇乜親民價日本野 一試無妨🤓

平時都會去荔枝角食野附近不熟路 都會去d2商場今次坐巴士落車 遇正落大雨一落車就有間日式料理價錢唔貴 近近地去入去食 一推門 原來座位很多而且標準和風設計 感覺幾舒服以卡位或4人座為主餐牌有齊各款刺身 壽司 丼飯又有日本直送的刺身魚類當然仲有炸物 拉麵 串燒價位很闊 有平有貴 完全無得輸 親子四彩刺身丼 $78刺身包括油甘魚、三文魚、帶子、魚子。外表很似細碗，但刺身高質，也很飽足！油甘魚和三文魚切得厚身，食落油脂爆發，肉質鮮嫩，而帶子同樣甘甜滋味，估唔到添加三文魚子 令每口都增強口感，而壽司飯是已調味的醬油飯，整體不錯。 特上海膽丼 $90刺身包括海膽、牡丹蝦、帶子、蟹子和玉子。不需過百元就有海膽食，而且份量都不少，配上帶子和飯，放入口中，味道滿足！海膽鮮味，而牡丹蝦大隻又彈牙，食落鮮甜，而蟹子跟玉子蛋也令刺身飯更豐富，而同樣地壽司飯是已調味的醬油飯。 炸吉列廣島蠔 $68廣島蠔大隻，味道鮮嫩，不像其他雪藏店的雪味，炸粉唔厚，炸得酥脆，配上沙律醬汁，是不錯的日式小食。 牛油果軟殼蟹卷6件 $82以醬油飯包著炸香的軟殼蟹，然後上層有一大片牛油果，食落口感豐富，牛油果熟度剛好，滑嫩即溶，而