世澄日本料理 (億利工業中心) (已結業)

海膽黑松露軍艦2件 $48大大舊既海膽，甜度岩岩好，一啲都唔腥，而且食起身好棉密，加上黑松露醬香，令整個味道層次更升華😍全場最鐘意係呢個，兩件性價比好高！海膽牡丹蝦手卷$58海膽一樣冇得頂，牡丹蝦都幾新鮮，蝦肉彈牙，唔會好有軟爛感。海膽帶子手卷$45帶子足料，而且冇腥味，帶子同海膽一樣都好夾，飯有醬油醋調味過，係帶有一啲顏色同醋味。自選刺身丼飯（火炙左口魚裙邊、三文魚腩、帶子）$100雖然本身已有勁多丼飯選擇，但有得自選揀曬自己想食既刺身都係開心啲❤️ 火炙左口魚裙邊油香滿滿，超級正！厚切三文魚腩都冇令人失望！仲有配上甜甜玉子，飯量都好多，飯粒偏軟，整個丼飯睇得出店家好用心擺到靚一靚👍🏻炸一口豆腐$48比較特別口感，同一般外面食軟淋淋炸豆腐唔同，係比較硬身，似臭豆腐口味，當然唔會臭啦🤣外面炸衣調味得岩岩好，炸得好香脆，仲有配上沙津醬！————————————————環境：👅👅👅👅👅食物：👅👅👅👅性價：👅👅👅👅服務：👅👅👅👅

特上海膽丼 $90刺身有牡丹蝦，海膽，帶子，蟹子同玉子，食材都好多，平時一個丼飯閑閑地都要$100以上，呢個性價比都幾抵下，雖然睇落唔大碗，但飯量原來都好多下，大食既女仔都爭啲食唔哂，刺身亦好新鮮，海膽鮮甜，牡丹蝦亦夠爽彈日式鰻魚炒飯 $108鰻魚肥美嫩滑，仲有大量蟹子配搭一齊，整體食落口感更加豐富，飯亦炒得質地岩岩好，唔會太濕潤，味道亦幾順口，醬汁味道唔會太甜太淡極上牛肉鍋 $98有牛肉，海帶，金菇，冬菇，仲有大量娃娃菜同一隻半熟蛋，湯底充滿娃娃菜既鮮甜，無咩味精感，牛肉亦有咬口，份量都有5-6片以上，整體配搭雖然好簡單，但味道幾好

又嚟介紹特色餐廳喇🥢！今次就想同大家分享一間專食日本料理嘅餐廳😎。有時真係會突然間心血來潮想食日本嘢🇯🇵，連我都解釋唔到個原因🤣。今次我都叫咗啲比較經典嘅日本料理，一齊嚟睇吓我嗰日食咗啲咩啦😋。環境方面☝🏻其實以日本料理餐廳來講，呢間餐廳個面積都算大👍。另外呢間餐廳嘅選址喺長沙灣道，所以都算幾容易就搵到☺️。食物方面✌🏻#極上牛肉鍋（$98）首先想介紹嘅係呢一份極上牛肉鍋🐮。由於呢一款係午市定食，所以另外都會有飯🍚、麵豉湯同埋沙律🥗。講返呢個鍋物先，我自己覺得呢一個鍋真係好好送飯😍。原因係因為呢個鍋嘅湯底比較清淡，係呢個天氣其實可以直接加啲湯落個碗度當湯飯食😊。同埋鍋入邊都有好多蔬菜類，夠晒有營養😬。至於佢嘅牛肉都好有質素🥩，就算吞咗之後口腔都仲會有牛嘅香味🤤。#日式鰻魚炒飯（$90）跟住要介紹嘅同樣係午市定食之一🙌🏻，呢個日式鰻魚炒飯，因為我自己覺得叫定食嘅CP值高啲🤣。同埋我叫呢個炒飯嘅原因係因為喺日式炒飯嚟講，我最鍾意嘅就係鰻魚炒飯啦😍。講返呢一個鰻魚炒飯先，就咁睇個賣相就已經見到呢個炒飯相當豐富，喺炒飯面上面放咗紫菜絲同埋飛魚子🤪，令到成個炒飯個口感都有所提升。我欣賞佢嘅鰻魚粒都

行完d2 place諗緊食咩，行行下見到依間新開既日本料理，睇完價錢覺得好抵就入去食了😋。✨qr code落單✨另設加一-💕 上勝特盛丼 $198牡丹蝦/拖羅/海膽/ 拖羅蓉/三文魚/油甘魚/ 帶子/魚子/玉子👅好味指數：7.8/10選擇困難症可以叫依個🤣乜都有啲，另外仲跟左個沙律同麵豉湯，性價比高！每款刺身都有2片，仲要有海膽同拖羅蓉😍刺身切得好大塊，厚薄均勻，三文魚油甘魚食落鮮美，拖羅肥美，牡丹蝦黏口彈牙！- 💕 極上海膽三色卷(黑松露海膽/拖羅蓉) $138👅好味指數：7.8/10海膽放滿頂層，濃郁得黎又唔腥，黑松露味略嫌會被蓋過小小，拖羅蓉質感綿密，整體真係好重海膽味🥰-💕 花之戀軍艦 $25/2👅好味指數：8.5/10依個價錢真係好抵！平時岀面食$25只有一件，依到竟然有2件😨size仲要咁大件，2塊厚長三文魚同成匙蟹籽，正😍-環境：7.8/10服務：7/10整體味道：7.8/10回頭率：7.8/10

夏日炎炎最好就係食魚生飯降下溫，今日就黎到荔枝角工業區既一間新開既日式小店。店舖面積唔算大，但裝修乾淨企理，座位舒服，而且可以用手機落單，非常方便快捷。雙色鮪魚丼雙色鮪魚丼包含拖羅片同拖羅蓉，拖羅好新鮮，完全無雪味腥味，魚生表面灑上金泊碎，賣相高級。壽司飯呈啡色，本身已沾上醬油，唔需要另外加豉油。海膽松葉蟹丼海膽有兩片，口感好滑，唔會有臭味；松葉蟹肉碎味道清淡，配上蟹籽加上壽司飯一齊食味道都夾。總括而言，抵食又好味新鮮。

早幾日去完d2 place 經過見到門口咁有日本風味 就入去試吓 好有驚喜😍叫咗個二人份刺身同生蠔 好生鮮 特別係個蠔 配合少少日式蘿蔔蓉同葱 成件事好夾好fresh😍😍 刺身款式夠多 有肥美拖羅同鮑魚 夠鮮甜👍🏻跟住個極上海膽三色卷都唔錯 海膽 吞拿魚蓉 加埋黑松露 味道唔會太複雜 好有層次👍🏻清酒煮蜆鍋都好好味 蜆夠大隻 清酒完全突顯到蜆既甜味 食到停唔到😂燒物方面 揀咗西京燒銀鱈魚 鹽燒油甘魚鮫 燒到外皮脆卜卜 好香口😍😍串燒就淨係叫咗牛舌 雞翼 同青椒仔 燒得好香 唔會太燶 仲好juicy🤤最後叫咗個好少見既龍蝦天婦羅 估唔到$138都有龍蝦天婦羅食 仲要彈口有龍蝦味 配埋蘿蔔蓉汁 岩岩好 一啲都唔熱氣😍人均二百幾蚊 食到咁多野 仲有服務好 環境舒服 食同朋友得好飽好滿足!! 下次會再嚟試其他壽司同丼飯✨