串串燒 by Season (已結業)

今日同另一半去咗食串串燒 呢間串燒嘅特色係加168就有全部酒精類飲品任飲包括cocktail 啤酒 紅酒白酒 梅酒仲有清酒 清酒佢仲有獺祭 鍾意飲酒嘅人一定唔可以錯過真係好抵獺祭真係幾好飲 冇一種好確喉嘅感覺 清清甜甜另外 如果加99蚊都有啤酒 cocktail 葡萄酒任飲串燒有好多種類 我哋嗌咗燒蠔 佢有好多種口味我哋揀咗蒜蓉燒蠔 柚子燒蠔柚子有肉鬆 增加口感孜然蒜燒茄子 佢雖然話係微辣但其實食落去都幾辣下 更加送酒 重口味人士一定要食冰鎮菠蘿燒菠蘿兩種都好好味 我就鍾意燒菠蘿多啲 菠蘿甜度增加 好好味另外佢 啲串燒都幾平 雞軟骨雞腎冬菇秋葵12至16蚊一串 火候啱啱好唔會太老鹽燒鯇魚腩又係一定要食外脆內鬆軟 雖然有醬汁提供 但齋食已經好好味蜂蜜魚腐燒 玉子肉鬆燒呢兩隻都係必點好有日本風味兩個人食飽串燒連飲酒都係800蚊樓下埋單環境有日式風格 店員有禮 我地會再黎

-🔸Free Flow任飲 $168/位🔸台灣腸 $18🔸燒魷魚 $38🔸燒雞軟骨 $12🔸燒火雞腎 $12🔸蒜蓉金菇 $28🔸燒多春魚 $48🔸焗海鮮軍艦 $78🔸燒金菇牛肉卷 $28🔸孜然蒜蓉茄子 $38🔸焗七味芝士雞翼 $48-今晚同好耐冇見嘅韓國朋友聚舊，搵咗呢間居酒屋邊食串燒邊吹水。嘢食選擇非常豐富，必食嘅推介超惹味嘅蒜蓉茄子、咸香嘅芝士雞翼，仲有一次過食勻廣島蠔、大元貝、虎蝦嘅海鮮軍艦！重點就係有任飲清酒、雞尾酒、紅酒、白酒等等，極之啱我哋雞啄唔斷啊！邊食邊飲邊談心，我哋成晚大大話話試咗成6款日本酒，個人最鍾意都係果味重、甜度高嘅柚子酒、梅酒！下次再約朋友傾計都會再encore啊！

位於旺角嘅串串燒by Season，除咗食串燒、燒海鮮，另一賣點就係佢哋嘅清酒free flow。每位只需$168，就可以品嘗超過20款嘅清酒。清酒款式多，醇濃芳香、淡麗清雅嘅一應俱全，照顧哂不同喜好嘅顧客。唔喜歡飲清酒，亦可以選擇$98一位嘅cocktail（Hall Ball、Gin Tonic等等）、紅白酒、青島啤酒任飲。而唔飲酒嘅朋友都可以汽水、柚子茶等等，而一大杯1L裝，都只係$28一杯。食物方面，份量都相當豐盛，清酒煮蜆、壽喜燒野菜頂級小肥牛鍋、燒油甘魚鮫、味椒鹽炸雞軟骨等，全部都好味兼大份。特別想介紹麻辣牛舌同埋焗海鮮軍艦俾大家。麻辣牛舌口感Q嫩，點埋麻煩醬汁相當惹味，依道菜配搭清酒特別好味。焗海鮮軍艦裏面包含咗日本廣島蠔、北海道大元貝同埋阿根廷虎蝦。三種美味嘅海鮮放哂喺同一個蠔殼度焗，鮮味十足。而四款口味當中，我推介明太子口味。

單純食串燒嘅居酒屋喺香港唔算多，仲要係有質素保證嘅五隻手指數得晒！今日食嘅呢一間除咗可以單點串燒之外仲可以加錢無限暢飲酒，講緊嘅唔係普通啤酒而係清酒！成件事即刻吸引咗勁多燒鰻魚一條燒鰻魚有兩塊嘅鰻魚，份量都可接受，最只要係佢燒得有少少燶燶地，打一點脆口嘅口感！正蒜蓉大元貝兩個元貝成個手掌咁大，上面嘅料都係超足而且夠味！燒茄子望落去真係有成條茄子係入邊，辣辣的加上軟綿綿嘅口感，食過返尋味梅酒同樣都係免費包喺任飲套餐入邊

今日食既呢間係位於㕵角既串燒店 season ，呢度出名既除左係串燒之外就係清酒梅酒任飲！只需要比一個價錢就可以無限try不同既酒，性價比極高我點左既係焗蠔，雞軟骨，金菇焗蠔係有不同既選擇，可以揀定食或者四食，足足有4種不同既口味可以選擇我就揀左蒜容焗蠔，咁樣先食得出佢既鮮味！價錢唔算貴但係即點即燒，熱辣辣食最好味炸雞軟骨呢度既雞軟骨分左有串燒同炸，我個人最愛都係炸既，口感同味道都係好正蒜容金菇係勁大既一兜，佢真係用兜黎送上的，份量多而且係超多超多的蒜容，超好味！野飲方面我加左168任飲，真係所有既清酒同梅酒都係任飲，串燒配好酒真係一個無敵既配搭

旺角呢間串燒店裝修格局好有日本風味🇯🇵同朋友同事有時收工後都係一個聚餐嘅好地點😋最近嘅優惠有$168清酒任飲🍶入面好多款酒揀🍻淡至濃都有介紹一個價錢每一款都可以試曬佢哋串燒大部份價錢都係$12-$48欣賞佢哋嘅串燒都唔會好重調味牛肉鍋好味❤️睇落好似好多七味粉 但食落味道能啱啱好燒茄子必食😆食完都唔會覺得好口渴 但配埋清酒又覺得好夾💓燒油甘魚餃燒得好出色 外脆內嫩 油香十足😆燒比目魚外脆內嫩🤤仲有出邊少見嘅芝士焗雞翼🤩不過呢個要趁熱食如果唔係芝士就會硬咗🧀

想起很久沒有吃過串燒，朋友推介了這家在旺角的串串燒，每次經過門口都被門面吸引，於是今晚訂位來吃。餐廳位於地庫一樓，環境很大，寬落舒適，沒有油煙味。餐廳正在做清酒放題任飲，$168/位，包任飲紅酒，白酒，清酒，氣酒，雞尾酒，款式眾多，很抵飲。我叫了鶯宿梅 梅酒和嘉美心 桃子酒。酒樽很可愛，酒冰凍可口，梅酒清甜美味，香醇易入口，梅味濃郁，是解暑之選。桃子酒味道清新，甜而不膩，酒味香醇。燒鰻魚香氣撲鼻，熱辣辣，鰻魚肉厚身軟稔，鰻魚汁入味，魚香味濃，入口即溶。燒魷魚，燒牛舌，燒雞翼燒魷魚惹味爽口，面有蒜蓉，入味而爽脆。燒牛舌厚身，燒得剛好熟，肉汏充沛，牛肉味濃郁，口感爽脆。雞翼外脆內軟，雞肉嫩滑多汁。燒油甘魚鮫份量很大，魚香味濃郁，油脂味豐富，魚皮很香脆，魚肉軟稔滑溜，美味可口。燒多春魚燒得一點也不乾，魚子很豐富，肉質嫩滑，脆中帶韌。蒜蓉雜菌以蒜蓉和牛油等焗熟，雜菌份量多，鮮甜入味，爽脆美味。炸一口午餐肉是必點之選，十分香脆，入口卜卜脆，惹味而香酥，令人吃不停口。胡麻醬豆腐沙律口感清新美味，豆腐十分滑溜，入口即溶，豆味香甜，加上胡麻醬很配搭，沙律菜新鮮爽脆。壽喜燒頂級小肥牛鍋鍋有很多配料，蔥條

朋友最近好像有心事, 看到廣告知道旺角這間串串燒可以任飲sake, 於是便約了他去大吃大喝一番。室內裝修主要是以木系風格, 是標準日式居酒屋的感覺。看看餐牌, 每人$168這個價錢能夠讓你任飲多達20款不同的清酒, 性價比之王當之無愧。我點了餐牌上第一款的獺祭四割五分純米大吟釀, 「四割五分」表示每粒米只取 45% 最精華部分去釀造，酒質特純，釀造出擁有令人驚豔口感的高品質純米大吟釀。帶果香的酒在日本酒中不算罕見，但獺祭帶有洋梨般清新的果香卻是其特性。燒魷魚除了任飲的清酒之外, 串燒的性價比也相當高。原隻燒魷魚$38這個價位在一般居酒屋根本做不到, 價錢經濟之餘, 份量亦很大, 絕無呃秤, 魷魚加入了蒜香粒一起燒, 令魷魚又香又脆, 非常惹味。燒雞翼第二款便是人人均愛的燒雞翼, 雞皮被燒至極為吸引的金黃色, 香脆無比, 但同時卻能保持到雞肉嫩滑, 肉汁豐富。清酒煮蜆一粒粒厚身的蜆肉, 一般都是送酒的佳品, 皆因蜆肉味道鮮甜, 而且已經吐沙, 口感是一流的。燒粟米特別令我覺得驚喜的是這個燒粟米, 原條分開2邊上, 份量有誠意, 而且不會燒得很乾身, 香甜的粟米水仍然能夠保留在粟米粒內。燒

如果大家好中意飲清酒🍶呢間黃店會好適合大家！獺祭、男山、上善如水、千歲鶴，都有得仼飲！（$168 一位）如果唔想飲清酒 都可以任飲cocktail 同 啤酒 （$98一位）最推介一定係：焗海鮮軍艦（$78）一個蠔殼放咗廣島蠔、大元貝、虎蝦！好好食！重有明太子醬調味！清酒煮蜆（必點！）（$48）好大隻，肥美，無沙！超好食！勁重酒味！豬頸肉（$22）油脂豐厚，一食就飛晒d油脂出黎！好食！鹽燒鯇魚腩（$48）皮脆，肉質軟滑，好好食！如果大家想同朋友飲返2杯，可以選擇呢間！💛串串燒 by Season💛地址: 旺角彌敦道733號振宜大廈地庫電話: 35863737

感覺真的很久沒盡興的吃和飲野了，朋友之前見到這間餐廳做緊$168 sake free flow，就說不如去盡興一下！只需$168就可以成晚任飲sake/cocktail/紅白酒！😍6pm開始慢慢飲，慢慢食，慢慢傾～真係不醉無歸！（另外仲有$98位任飲cocktail）清酒分好曬薰、熟、爽、醇，即使係初階者都可以揀到鍾意嘅清酒款！特別喜歡1號清酒，清得來好香果香。飲酒當然配串燒和小吃才夠盡興！各款串燒小食由$1x到$6x不等，價錢合理！特別推介：🐔炸惹味雞翼（4隻）：雞翼炸得好香之餘加了香料，非常惹味🌟蒜蓉金菇：金菇焗得好香，落左好多蒜蓉，味香軟淋，想encore😋🔥燒羊架（2件）：這裡的羊也幾出色，不論是羊架還是羊肉串，都好香嫩！（燒羊柳只是$18）🦪風味焗蠔4食：season plus的蠔一向有質素，特別喜歡明太子醬焗蠔和蒜蓉😋🦞澳洲龍蝦尾：龍蝦尾連蒜蓉一齊焗，好香好鮮甜，而且餐廳頗貼心的，竹籤一抽就原條龍蝦尾抽出😍啖啖肉壽喜燒野菜豚肉鍋：非常豐富，有薄片豬肉外，還有粉絲、豆腐、金菇和好多野菜，味道頗入味人均只需$400左右就可以傾計飲得盡興一整晚，真的要一大班fd再來gossip下

疫情關係避免正日同人迫兼食得貴，一對仔女展開馬拉松式慶祝母親節，呢日就帶我嚟食串燒居酒屋極上清酒雞尾酒任飲$168/位呢個價錢包任飲指定啤酒，雞尾酒和葡萄酒，與及廿四款清酒，非常抵飲，而且餐牌將清酒分成薰、爽、熟、醇四大類別介紹，方便客人容易搵啱自己的口味，唔使盲目亂試1L大杯裝汽水同枱的只需一位叫任飲而其餘客人可以叫其他飲品就得，我同仔仔就叫咗汽水，超大杯都喺廿八蚊真心抵燒羊架(2件)羊架燒得剛好熟，入口帶肉汁又唔羶，肉質軟腍，叫兩件比單叫一件抵食，啱食肉獸的仔仔豬類燒豬頸肉，厚切豬頸肉特別有咬口，入口爽彈，非常有口感；燒自家製滷水大腸，大腸滷得入味，燒過之後外脆內軟，口感煙韌菜類孜然蒜蓉茄子味道非常惹味，帶少許微辛與茄子很夾海鮮澳洲龍蝦尾啖啖肉，食落鮮甜爽彈燒油甘魚鮫，魚鮫是魚肉最滑溜的部位，而油甘魚又含豐富油脂，經過燒烤後，皮脆肉嫩，油脂豐香雞類鹽燒雞翼燒得非常香口但肉質又唔乾；燒火雞腎口感非常爽硬有口燒魷魚、燒雞脾肉、燒日本和牛粒燒魷魚口感軟嫩又唔韌；雞脾肉更加滑嫩又香口；和牛粒入口融化又無渣吉列炸蠔生蠔炸得金黃酥脆，香脆的外皮包裹著軟嫩的生蠔，入口非常鮮味焗海鮮軍艦軍艦包括

今日收咗工嘅時候同朋友去Happy Hours，自己一直以來都鍾意飲清酒，而我上網就發現呢間餐廳可以有清酒任飲，睇餐牌發現，佢啲食物都唔貴，旺角來講算係一個非常合理嘅價錢。第一次去食串燒可以有清酒🍶任飲🥰，佢呢度斷人頭計$168位，未包加一，清酒嘅選擇非常多，而餐廳都會介紹一啲飲清酒嘅學問。由淺淡口味「薰」，之後係濃少少嘅「爽」慢慢飲落去；一路飲酒，一路食串燒，首先頭盤係一個凍菠蘿🍍，食串燒咁熱氣，梗係要有啲嘢打下底先；菠蘿非常甜，而且一嚿嚿切好晒，非常容易食，更加重要嘅係，菠蘿非常冰凍。之後我哋叫咗一串豆皮，去外層燒得香口，而且淋上蜜糖，份外惹味。芝士翠玉瓜亦都係好創新嘅菜式，芝士本身容易膩，但有翠玉瓜嘅清甜就完全消除左呢個問題。食完冰菠蘿，梗係要試吓燒菠蘿。清酒煮蜆亦都係一個幾抵食嘅菜式，$78有一大大碗，且清酒煮蜆非常甜，係幾唔錯嘅。炭燒三文魚頭，最重要嘅係佢嘅外皮笑得非常香脆，而且魚肉亦都冇因為燒得耐而變老，點上檸檬汁就更惹味。我特別鍾意佢嘅🦪焗蠔：有明太子、黑松露等等口味，出到嚟嘅時候仲有浸🌊海水味；🥘壽喜燒嘅牛肉亦都好嫩，最緊要係呢度真係好抵食。

串燒配SAKE, 人生一樂也! 飲下食下吹下水容乜易就過千蚊落樓, 一個月飲幾轉荷包都幾傷! 但如果有任飲, 又唔同講法😏😏😏依間係旺角既串燒居酒屋, 做緊$168/位既FREE FLOW無限時任飲, cocktail, 啤酒, 紅白酒同埋SAKE都有得揀, 坊間比較少有SAKE任飲, 淨係SAKE都有24款, 熱門款式好似瀨祭, 男山等等都有, 對我黎講係好!!鬼!!吸引!!抬頭係一片旗海, 牆身佈滿日本POSTER, 加埋人客飲酒吹水既嘈雜聲. 營造出濃厚日本居酒屋風情。先order一埕瀨祭, 清香易入口, 再叫番round串燒黎襯先!! 串燒既上枱速度快, 唔洗多等亦冇漏單, 咁先食得過癮。串燒既火喉, 調味都做得好, 最怕係個d咩都落一大堆孜然粉既串燒店,  依度既調味唔會過重, 由其係肉類既串燒, 燒得焦香惹味, 肉質唔會乾柴, 全部都好good!燒羊架七味椒鹽鹽燒雞翼自家製滷水大腸燒豬頸肉燒頂級牛小排串燒羊柳雞軟骨雞心燒牛舌魚類叫左燒油甘魚鮫同柚子醬比目魚, 燒油甘魚幾大件, 魚油香重, 柚子醬比目魚肉質就好滑溜!焗海鮮軍艦(明太子味)有齊蠔肉, 帶子同埋大蝦, 面頭鋪上芝

母親節正日出街食飯實好多人所以寧願提早馬拉松式咁出街食飯慶祝；之前食過呢個集團喺尖沙咀嘅西餐廳覺得質素幾好今次試埋位於旺角嘅串燒店極上清酒雞尾酒任飲俾埋服務費兩舊水都唔使可以無限時任飲紅酒、白酒、清酒、汽酒同雞尾酒真心勁抵；個人覺得食串燒最啱配清酒而喺呢度淨係清酒都有二十幾款選擇好爽；餐牌仲根據香氣強弱同口感濃淡將每款清酒分成薰、爽、醇、熟四大類別去幫助新手揾到啱自己口味嘅清酒超級貼心大杯裝汽水唔鍾意飲酒嘅可以叫大杯裝汽水飲；三十蚊左右就有成公升咁多可以飲成餐飯海鮮十幾款海鮮全部勁平連最貴嘅燒油甘魚鮫都唔使八十蚊而且肉質肥厚細嫩加上油脂豐腴簡單鹽燒已經足夠甘香澳洲龍蝦尾更加只係五十蚊左右食落啖啖肉夠哂彈牙；或者平平地食條燒魷魚都唔錯㗎焗海鮮軍艦焗海鮮軍艦有齊日本廣島蠔、北海道大元貝同阿根廷虎蝦而且仲有四款口味包括柚子醬、蒜蓉、黑松露、明太子可以選擇；選擇困難症想乜都試吓嘅話不妨叫份食豬肉豬肉得燒豬頸肉同燒自家製滷水大腸兩款但都超正尤其係燒豬頸肉厚切緊緻彈嫩而且肥瘦相間真心推薦牛肉燒日本和牛粒同燒頂級牛小排串都幾唔錯不過個人嚟講都係偏愛燒牛舌貪佢口感爽嫩得嚟肉味又夠香濃羊肉 燒羊架可以單

串燒其實唔差，但野食要等好耐好耐先上到，用餐體驗好差，就算啲野食有幾好食，都唔會再去。第一次落單其中一樣叫左燒冬菇，但上左燒雞翼比我地，同職員講番之後，諗住佢會好快補番燒冬菇比我地，但最後要等40分鐘先有。第二次落單再叫左3樣，明白串燒係要用啲時間燒，所以係等嘅頭30分鐘都冇話覺得耐，但最後由第二次落單到漏左嘅冬菇加埋第二次落單嘅三樣野食到齊要用45分鐘。等到好唔耐煩😓