丼家和食 (已結業)

近年興"丼", 而元朗都開了好幾間專門店。而我偏愛丼家和食, 因為座位舒適闊落, 性價比又高!想吃刺身又不想要丼飯, 所以選了雜錦刺身沙律。刺生非常肥美, 配上新鮮的沙律菜, 十分開胃!之後有丼家招牌卷。卷物上鋪了海膽及魚子, 一口就有多重滋味, 而且不貴, 正最後就有黑蒜油豬骨拉麵, 雖然一定不及拉麵專門店, 但都不俗。湯底味道剛剛好, 配菜亦很足夠, 麵質又不太硬不太軟~這裡的價格不會太高, 但座位真係非常舒適, 所以我會再次光顧的!

今日難得早收 約左幾個好朋友行街買左唔少野 大家都為左下個月旅行血拼血拼過後大家都好肚餓 要搵野食好西我地又係食日本野迷 刺身刺身😻😻yummy之前食過呢間印象分唔錯 去到唔洗等位講番野食先！咁岩佢地番左飛機貨 店員介紹我地食左條伊佐木 仲有唔記得係咪粒貝 真係好新鮮好好味唔知係咪食飛機貨特別新鮮咁個人覺得佢地d壽司飯好好食 好軟熟又唔會太酸我自己就再叫左個石鍋飯 炸炸聲飯焦好脆如果可以再香口D就仲perfect杯凍檸茶好大杯 飲到成吐水食左1600蚊有找 整體滿意 再有下次

一向都知元朗有好多日本餐廳，今日於朋友引領下就試新餐廳，原本以為只係食丼，但原來有好多選擇。我們點了店排名第三的松露海膽帶子卷，多款壽司，赤蝦特別出色，好肥美好大隻又鮮甜，仲有鰻魚玉子燒 & 出名的刺身丼。總括來講，刺身新鮮，價錢合理，下次會再光臨

最近天氣真係好熱，所以都係唔想食d熱辣辣嘅野，所以揀左食日本野。今日唔算太肚餓，所以兩個人叫左一個魚生飯、玉子燒、芒果蟹子沙律同埋鹽燒大白鱔。玉子燒好快就上枱，我揀左凍嘅。其實佢可以揀熱嘅，不過咁熱嘅天氣，食下凍野會開胃d。玉子燒甜甜地，唔錯嘅。芒果蟹子沙律賣相唔錯，芒果好甜，加埋青瓜絲同埋沙律醬撈埋好開胃。鹽燒大白鱔估佢唔到唔錯wor，大白鱔好有鱔味，個面燒到脆卜卜，係嫌份量少左d！今晚嘅主菜係香蔥吞拿魚拖羅茸丼，賣相唔錯嘅。拖羅茸食落都算新鮮嘅，吞拿魚都唔錯，份量都算足料。每款食物味道都唔錯，有下次！

星期六熱辣辣，到元朗行下兼食下野！聽聞元朗壽司好抵食，不過又唔知邊間，所以撞下手神，求其入一間！呢間幾好坐，服務態度都幾好，午餐有好多set揀，我要左壽司定食$68，朋友要左三色丼$62, 加左$22要左三色三文魚壽司，另外叫左個蟹子沙律！佢set lunch已經包左麵鼓湯同沙律，湯淡淡的，飲完唔會口乾，沙律都幾醒胃，不過略為太多麻醬！我個定食都幾好食，小卷有沙律醬，酸酸甜甜好好味，舊飯就麻麻，三文魚正常，無乜特別！但不得不提個蟹子沙律，38蚊，以為細細碟，點知大過我手掌，好誇張！

晚晚都想食飽飽先番屋企，今晚又係好肚餓又好想食飯，突然醒起呢間食日式飯嘅舖頭，佢有熱野又有生冷野，可以滿足晒唔同人嘅願望。我今晚想食熱野嘅，而另一半想食生冷野，而呢間店就冷熱野食都有，岩晒有唔同要求嘅我地！叫左一個溫泉蛋洋蔥牛肉丼同埋香蔥吞拿魚拖羅蓉丼，另加一個招牌鹽燒牛舌。先上枱嘅係溫泉蛋洋蔥牛肉丼，個飯面舖滿晒牛肉，紫菜下面收埋左隻溫泉蛋。牛肉嘅量好多，味道無吉野家咁甜，加埋d洋蔥好香，撈埋隻蛋個飯好滑，唔錯！至於香蔥吞拿魚拖羅茸丼，拖羅茸唔算係特別多，不過吞拿魚就算係厚切嘅，至少唔會好似食緊橡筋咁，食落唔腥，加埋隻鵪春蛋都唔錯嘅。最後叫多個燒牛舌，牛舌落鹽重手左少少有d鹹，都係丼好食d！

夜麻麻陪男友係元朗運動場度做完運動之後，已經就快十點嚕。元朗真係有好多好野食，友人推介呢間丼飯價錢合理又幾好食，於是就試下佢啦！去到以為裡面無咩人已經打烊，好彩有問一問原來未關門。我地叫左M4 溫泉蛋洋蔥牛肉丼 $68 仲有N2 鰻魚炒飯 $72首先個丼飯份量係夠我一個女仔食，男友就覺得有少少唔夠，不過唔緊要啦，做完運動唔好食咁多野都好牛肉份量十足！！食極都有，每一啖都配到牛肉食，好滿足。而味道唔係普通吉野家既牛飯既汁，加入洋蔥令個汁甜啲，加上珍珠米，唔怪得男友話唔夠食啦而鰻魚炒飯就好岩我口味啦，店家好大方咁落左好多鰻魚粒 每粒米都有沾上鰻魚汁，連埋蔥同芝麻炒出個香味。平時最驚炒飯既米粒濕濕lup lup, 但係呢間既炒飯做到粒粒分明，有咬口，加分！總結：店員態度幾好，店鋪亦乾淨企理，見道夜晚收舖時有將menu架仔細抹乾淨。期待係元朗發掘更多高質小舖。

因為工作，我又到元朗覓食。本來想到另一家店的，但2pm 人家已收市了，於是只好誤打誤撞，憑直覺走入<丼家和食>。午市餐牌選擇眾多，有刺身丼，熟食丼，壽司.......今次我選擇了灸燒三文魚帆立貝丼。每個丼都跟面豉湯和沙律，飲品會另外加$6 up。面豉湯溫度剛好，唔會太咸。沙律生菜新鮮脆口，夠晒fresh。至於個主菜亦不錯，未算非常驚喜，但性價比高。三文鮮有三片，挺厚身的，帆立貝有4粒，未算鮮甜。加上燒汁，味道很夾，可以不用醬油已夠味。唯一覺得帆立貝燒得有點焦。但以$62 食到一個如此質數的丼飯，兼不用等位，舒舒服服的吃一餐，本人表示有機會我一定會回頭的。

幾拾蚊就食到咁豐富既和食五色丼，擺得好靚所以相機食先，食材新鮮，牡丹蝦好鮮甜，連頭啜啜啜我見到有食評話d飯煑得差，我又唔覺得，d飯粒粒軟糯有咬口，平時我食壽司唔會完全食哂d飯，今次越嚼越想食。係舊八爪魚薄得黎又咬唔開……，紫菜蟹子果件有d煋味，其它一律very good午市套餐送沙律和麵豉湯，有良心的小店，讚！

火焰三文魚帆立貝丼($62) 元朗有好多抵食日本菜 帆立貝同三文魚各三大片咁足料都只係$62 仲有沙律同湯附送 難怪有唔少既上班族係到食lunch~ 份量的確好足 不過味道就屬一般 兩樣都冇乜味 要靠燒汁調味 反而丼既飯底係最令人滿意 黏度同醋味都適唔中黑蒜油豬骨豚肉拉麵($58) 黑蒜油同豬骨湯既味道好強 強到有d太咸太濃味 聞落去好香既蒜味反而食落就冇咁突出；三大片既豚肉好冧好入味 但係略肥；整體只屬一般 作為店家招牌實在係冇乜驚喜 但係勝左夠平丼家招牌卷($58) 海膽 + 三文魚子 +帶子+三文魚！ 邪惡呀！四樣食材都好香同埋幾新鮮 尤其係海膽 一放入口就溶化 而且又甜 不過一齊食既話海膽同帶子既味道會略略俾三文魚子蓋過

回望這店的食評絕對清楚明白每個人對(食店/食物)的要求都是主觀的..當然包括我自己😅為咗支持本地小店我決定從食物的角度比大家看呢份食評！！現在香港無論租金,人工,食物的成本的確高昂，要經營一間小店絕對不容易，正所謂有圖有真相，希望大家都可以嘗試用客觀的角度去對待小店😋呢餐埋單五百有找，是平是貴因人而異，但絕對感受到廚師的誠意👍🏼

食物好一般，唔值呢個價滑旦牛老到燶晒，豚肉係成舊肥豬肉坐位狹窄，態度惡劣，高既女侍應唔單止無笑容 ，明明已經逼到無位都叫你讓位，但明明後面張枱一個人差不多霸两個位空間又唔見叫佢讓位 ！！安排極差 ！

放工經過 見無乜人又裝修幾好就入左去，點知中左伏叫左個招牌刺身飯同招牌一口牛，個飯有三文魚，海膽，帶子，扮晒蟹柳，蝦，$128鮮度尚可但份量太少，粒帶子勁細粒，好唔抵食。最頂癮係"招牌一口牛"串，$38得5粒仔，啲肉醃到無晒牛肉味，口感稔到爛，仲要加埋啲勁油既炸蒜係面，食完成口油憶味 ，好唔舒服。成間鋪得兩台六個人（加埋我），啲師傅可能年紀太輕，講野多過做野，仲要大大聲講粗口，一啲都唔專業，整碗飯要成20-25分鐘，大佬啲刺身切好晒，就咁鋪係面都可以搞咁耐，真係吹脹。 樓面好似唔願郁咁，坐埋角落，明明無乜人好得閒，都唔去裝下茶，留意下客人需要。評語：如果想試新野，一定令你失望。

味道一般才料十足多多蔬菜，例如有小唐菜丶黃芽白丶日式粉絲丶冬菇。海鮮方面有巨型帶子丶青口丶蟹棒。不足係湯底未能完全配合以上食物夠曬大服務人員能度良好重視容人要求

道元朗近排開左勁多日本餐廳, 今晚就專程黎到試下呢間餐廳啦因為我地黎之前已經係美食展食左唔少野,所以我地只係嗌左3樣野食店舖入面好有住家感覺, 唔係太寬敞,但都坐得舒適~三文魚刺身(半磅) $90果然係好好好肥美同好新鮮黑松露帆立貝海膽卷 $58帆立貝上再加上加拿大海膽同黑松露, 甘甜中滲出松露香,好味道丼家招牌卷 $58同樣有加拿大海膽, 但今次就配上三文魚子,而入面就有三文子同帶子, 將唔同既魚生鮮味滲出黎總括黎講都好好味,要支持多D香港小店