丼瀛 (已搬遷) 新店位置

由於而家疫情 有時真係忍唔住想落街食下野都要搵啲唔好咁大路既 想搵間地道少少又好味嘅日本餐廳都幾難🥺去到觀塘工廈區 之前聽朋友介紹過呢間鋪頭主要係食日本嘢嘅食物嘅質素都唔錯今次就慕名去試吓啦🤔松葉蟹肉海膽魚生丼$138 🍱入面嘅蟹肉同埋海膽都幾多㗎仲鋪滿左勁多魚子蟹子咬落去好入味 用嚟送飯真係唔錯花刺身丼$108🍱入面有林林總總成七款嘅壽司刺身 吞拿魚三文魚呢啲一定走唔甩啦 另外仲有甜蝦帶子 淡淡都係刺身肉 又鮮甜又健康 呢個價錢嘅刺身飯有唔同種類嘅刺身鋪滿晒 可以試吓唔同嘅味道過下口癮🤤兩個刺身飯都係連埋 沙律同湯嘅晏晝來講都算唔貴 附近返工嘅朋友都可以諗下嚟呢度食個晏晝獎賞下自己 👍🏻

今日陪朋友出觀塘，當然要去工廈搵食啦！餐廳門口及內部都貼滿了香港加油的字句及海報，門口有消毒搓手液，更細心的是每張檯面都放有一支消毒酒精給客人用。我同朋友一口氣叫了6樣嘢，好滿足!松葉蟹肉海膽甜蝦丼($158)最吸引當然係海膽啦，難得地無腥味同藥水味，真係要新鮮靚食材先得。木魚絲吉列蠔卷($58)配搭幾特別，蠔係即炸的，吃落去外冷內熱，仲脆口。軟殼蟹米紙卷($78)薄薄米紙包住香脆軟殼蟹，真係好正!松葉蟹肉冷豆腐($58)蟹肉清甜，最讚係豆腐，味道好特別，好想知點整到滑得來又咁有口感。明太子醬燒玉子($26)，口豚肉($28)燒物都唔錯，吃得出廚師用心製作。

熱愛香港嘅香港人都會四處搵良心店舖幫襯！呢間係觀塘工廈入邊嘅日式食店，不單止食材新鮮好食，而且有濃烈香港人味道！聽住香港人嘅歌！成食個午餐都令我亢奮起黎！今日一個人在觀塘做完野，想搵間美食店舖醫醫肚，嚟到呢一間工廈，真不知道裏面有那麼好嘅餐廳，因為近兩點到，可能午飯時間已過，店舖裏面還有幾台客人，坐低之後殷勤嘅侍應遞上了餐牌，我見到其他客人都食呢度嘅「午市鍋物」！賣相都非常吸引！看看餐牌都算非常抵食！可惜我得一個人，想食簡單一餐清清腸胃，於是我叫了魚生飯！嘩！估唔到魚生飯嘅選擇非常之多！少少嘅食店有那麼多食材選擇，真是很不容易！魚生飯到了，感覺非常新鮮，每件魚生都非常厚切，裏面有油甘魚，吞拿魚，三文魚，三文魚子、帶子、與及牡丹蝦一隻！我特別喜歡油甘魚，咬落去充滿油甘香味，加上非常厚切，口感一流，令我十分享受！另外吞拿魚及帶子也不錯！吞拿魚好似砧板咁厚🤣而且非常新鮮，一路食一路心裏面讚嘆起來呢！魚生飯會跟一碗麵豉湯，水準不錯不會太鹹，與魚生飯配合得天衣無縫！魚生飯除咗跟麵豉湯之外，也會跟一杯飯後飲品，我叫了杯熱檸茶。成個午餐都只係$108！真係物超所值， CP值超高！我除咗喜歡他的食物之

力場今日難得放假同太太，去返附近食個lunch，觀塘工廠區網上面好多人都講咗， 有黃色經濟圈名單，香港人唔係唔支持下。餐廳內裝修幾特別，如果自稱黃人嘅你一定鍾意。我order一個大和牛肉便食，佢地 唔單只有前菜，仲有兩粒墨魚丸小食畀你試下，當然仲有湯加凍飲包埋。先講下牛肉質素，佢哋選用安格斯牛，一啲都唔馬夫， 食開牛肉嘅朋友一食就知道 ，再佩囗師父獨家日式燒汁，美味非常，值得推介。燒墨魚丸亦非常香脆可口， 作為餐小食非常合適。除咗套餐仲會有餐飲，但因為我只叫咗凍檸茶，所以冇位多作介紹，總結支持香港人 應該更加支持佢哋，香港人加油。。

觀塘都幾多嘢食？今次去到地鐵站附近的日本餐廳。 緊貼時事，店員都好溫馨。 甲羅燒松葉蟹肉丼($148)我至愛，真係至愛！日本松葉蟹味噌甲羅燒, 即松葉蟹膏釀蟹蓋, 伴有成隻蟹肉同滿滿嘅魚子！😻😻😻 加入鵪鶉蛋增添鮮味同黏度，撈飯食係極滋味！ 🤗🥰🤩 鹽燒泰國大頭蝦🦐 ($56) 水族箱入邊的大頭蝦，勁新鮮即撈。日本蕃薯🍠 ($19)好甜好煙韌！蕃薯中至愛。雞軟骨($21)好脆口，佐酒小食一流！脆燒雞皮($21)燒雞皮係好考技巧㗎，要燒到金黃色透明，又不油膩。海之幸丼($178)勁多刺身！而且新鮮肥美🥰🥰 影相時口水一直流🤤味道鮮甜食完飯同朋友合照，店員仲好熱心幚我地打燈影🤪 下次再來過～

近排都少佐出街食野，今日同男朋友去apm行下街，隨便食埋個lunch 見到廣告牌好似都唔錯 ，即管上去試一試一去到門口見到有張消毒地氈，坐低佐又見到枱上面有支75% 消毒酒精噴霧，好貼心👍🏻👍🏻畢竟第一次黎唔太知食咩，梗係睇下其他人點咩啦見到其他人都點魚生飯多甘我地都照一樣點佐個赤蝦海膽丼飯同一個大和牛肉便當試下先主食未上時會有麵豉湯 同 前菜睇唔出個麵豉湯又幾好味播😂唔似平時飲個d勁咸既麵豉湯 係淡淡地，但又足味道 所以第一次飲哂成碗湯😂😂😂丼飯到啦 ～俾我想像多播帆立貝都有有3 4塊赤蝦又勁大隻 🤪男朋友即刻試一試食完都話好新鮮赤蝦咬落去勁爽口又彈牙海膽好香🤪配埋青瓜食一流 ， 真係好高質到我個牛肉飯 ， 要讚真係個牛肉同d汁我自己好衰既 唔鐘意牛肉汁帶有好甜既味而間既牛肉便當個汁係有微甜但係牛味好重 ，所以d汁同牛肉係好好食，👍🏻連洋蔥都食埋🤣🤣誤打誤撞搵到好食既餐廳🤣🤣價錢又唔貴 而樣先最重要☺️☺️☺️🤩🤩

好友推介丼瀛話刺身很新鮮兼厚切，約我lunch 官塘巧明街109號榮昌工業大廈5樓A室，餐廳和式風格掛有紅燈籠🏮，我們點左餐，店員很快送上暖笠笠豆腐海帶味噌湯，很清香好味。魚生飯，有厚切三文魚🍣刺身、帶子、牡丹蝦、拖羅、蟹籽、玉子，壽司醋的飯很香甜，刺身十分新鮮又鮮甜極美味真好吃😋蔥燒豚肉丼，配海帶沙律🥗和味噌湯，豚肉腍滑很惹味，洋蔥絲🧅和紅蘿蔔🥕絲很爽甜👍。餐飲熱檸檬水🍋。這餐我們很滿意真鮮甜美味。

觀塘不嬲都多野食，好多工廈Cafe, 食到厭。 今晚同個朋友去左一間觀塘工廈食日本菜。丼瀛呢間日本餐廳，成日都會推出唔同優惠， 今晚去食個陣有推出部分野食7折北海道海膽三文魚丼估唔到佢d海膽都幾鮮甜，完全唔苦。 三文魚都幾厚切，食落魚味重，肥美。 玉子正正常常，甜甜接地炸雞翼炸粉唔會好厚，雞翼肉汁鮮嫩炸雞件份量都ok, 有5大件， 味道唔錢，肉質咬落都幾多汁店舖Staff 都幾Nice, 會係咁幫你斟茶， 環境都尚算唔錯

係觀塘區工作既我，工廈特別多！🏢大部份做埋食肆！🍽要講到好食得來價錢又合理既唔多！💵🍴不過今日比我見到有間合適既！🥰黎到呢度都唔錯！👍🏼佢有個類似室外暗暗既地方坐！👍🏼不過我就選擇左坐入面！😁甜蝦海膽卷！🦐兩樣都係我My飛佛！😍🤤甜蝦同海膽Mix埋一齊絕對係好合適既配搭！🦐👍🏼🤤而且呢度既甜蝦同海膽都好新鮮！🦐😍👍🏼香芒三文魚米紙卷！🥭🍣🌯芒果夠鮮甜！🥭初頭以為三文魚一定要點豉油同芥末！🍣冇諗過呢三種配搭原來係好夾！🥭🍣🌯因為我都係第一次咁樣食！😬😋三文魚子爆丼！🍣🐟🍚雖然不是太特別！但同樣地因為刺身夠晒新鮮！👍🏼😋所以會令到你想繼續食落去！😋兩個人share食剛剛好！👍🏼😋串炸摩天輪！🎡呢個摩天輪真係好啱女仔！🎡一來可以影相呃like！📸🎡😆二來佢每食一度炸物我摩天輪都會轉一下！🎡🥰我地呢d正宗香港少女！😂要來Post Story就Fit曬！👍🏼🥰😆炸物入面有紫薯餅！🍠忌廉蟹肉餅！🦀炸蝦配炸蠔！🍤🦪炸粟米餅！🌽炸洋蔥條！🧅全部雜物都外脆內暖！👍🏼😋入口一流！🤤觀塘又有一個工廈俾我做聚腳點啦！👍🏼仲要係我最鍾意既日本菜添！👍🏼🥰🇯🇵#丼瀛觀塘

朋友話帶我去食好西, 之後黎到觀塘就上左呢度啦, 未入去已經感受到係黃店, 然後睇餐牌見到d食物吸引到我😍入到去仲見到好多文宣！環境都幾舒適, 夠寬敞企理, 感覺不錯。✧✧✧✧✧✧✧✧✧✧【丼瀛特選丼】第一次見到呢杯丼, 內心感受到份量超多, 當中有帶子、三文魚、三文魚腩、擺位又靚, 就咁睇落去都覺得好靚, 另一方面丼飯同刺身既份量剛好, 唔會好似出面d咁, 食完刺身之後仲會食剩大量醋飯, 大力推！✧✧✧✧✧✧✧✧✧✧【三文魚腩海膽卷(4件)】呢度既三文魚腩味道都算幾好, 冇雪藏味得黎仲有鮮味, 又夠厚, 食得好過癮, 海膽份量充足, 帶有鮮甜味, 唔會苦亦都唔會腥。 ✧✧✧✧✧✧✧✧✧✧【流心芝士漢堡扒(2件)】一口咬落去d芝士爆晒出黎, 連埋漢堡扒口感極讚！✧✧✧✧✧✧✧✧✧✧【日本蕃薯】咬落既口感好似蕃薯同芋頭之間, 食起上黎唔似薯, 又唔似芋。✧✧✧✧✧✧✧✧✧✧【天龍卷(4件)】嘩...壽司中間係炸蝦, 隻蝦都幾大隻, 鋪上火炙三文魚同三文魚籽, 加埋千島醬, 味道岩岩好唔油膩, 入黎食野我推叫呢樣。✧✧✧✧✧✧✧✧✧✧環境: 4/5服務: 4/5賣相: 4/5味道: 4/

為了建立黃色經濟圈，不斷懲罰良心小店小店位於一工業大廈內，門面放滿文宣，一看便知是貨真價實的黃店連儂牆貼滿香港人的心意咭，與大家同行有一系列的防疫措施，同路人可安心進餐店內枱櫈可以自由組合，亦設有私人房間及露台，可滿足不同客人的需要除了招牌爆丼飯外，午市亦提供熟食的便當系列，照顧到不吃魚生的食客便當配有沙律、珍珠飯及炸小丸子！大和牛肉燒的牛肉稔香軟彈，味道鹹中帶點甜鹽燒鯖魚魚皮燒至香脆，魚肉嫩滑餐飲要了熱檸檬水，補充維他命C飯後更有甜品雪米糍，口感煙韌，甜而不膩，完滿了一個假日午餐

今日又同男朋友嚟觀塘呢邊食嘢，唔單止街邊，工廈入邊隱藏左好多嘅美食，今次黎呢間試試佢地既午餐！餐廳採用OPEN KITCHEN，可以見到師傅整嘢食，報紙好日式，牆上面掛住黑板，列晒唔同嘅菜式出嚟，好有地道小店嘅感覺，好親民👍🏻 同男朋友二人打算試試佢哋嘅便當，因為都真係幾耐冇食過。《西京比目魚便當》$98便當好豐富，比較少見嘅係當中配搭左章魚小丸子，原本都屬於比較濟嘅食物，但細細粒，外脆內軟，都唔錯！主角比目魚燒得好夠香肉質又滑，唔會乾身，亦無魚腥味，醬汁亦唔會太多，不錯。《大和牛肉便當》$88我哋兩個都好鍾意食牛，呢個牛肉中規中矩，薄薄一片入口幾稔而且唔乾，脂肪比例少，啱晒我呢啲怕肥嘅人。 午餐唔想食咁飽，所以只係試咗兩份便當，下次晚餐再嚟試多啲其他嘢食先！

性價比高的日式餐廳！觀塘區好難搵到好食又坐得舒服的店。以前個個都話觀塘多平靚正餐廳，其實宜家好又多都好迫，因為觀塘實在太多人了。呢間日式餐廳可以網上，book枱，好方便。book 左就坐得舒服，唔洗排隊。 食物價錢不貴，但好好食，選擇也很多。 一般餐廳無的佢都能配上。食物份量大。男女同事都食得滿足。

黎到呢間觀景日式餐廳，門口已經有唔同既文宣海報，店入面都係，仲要播埋香港人好有共鳴既歌同mv😍太黃啦！我叫咗蒜香一口牛定食，佢有一個蟹子手卷做前菜，蟹子夠新鮮！個定食有一口牛、飯、沙律同埋章魚小丸子，份量好足夠👍沙律係芝麻醬，好開胃😆一口牛好好食，煎得岩岩好，唔會過熟？個汁好惹味，搞到完全停唔到口🤣朋友叫咗鍋燒烏冬，材料有吉列炸蝦、唐揚炸雞、日式魚蛋、仲有昆布！炸既都炸得岩岩好，d粉又唔會好厚，幾香口👍🏻特別係吉列蝦！烏冬都比平時既烏冬彈牙，入靚貨鍋燒烏冬上菜既時候原來真係用一個鍋來裝住，夠哂貼題！走果陣見隔離食佢既招牌魚生飯，好吸引！下次要再黎食佢既魚生飯先得

一入去就聽到餐廳播住《願榮光歸香港》，又貼滿晒文宣，每張枱都放咗枝消毒洗手液夠晒貼心，咁有良心嘅黃店一定要大大力懲罰佢！所有便當都配章魚小丸子2粒、沙律、味增湯同餐飲，章魚燒外脆內軟，配燒汁同木魚碎都幾惹味，味增湯麵豉味夠出之餘唔會太鹹-大和牛肉燒($88)肥牛夠嫩滑，洋蔥新鮮清甜，醬汁味道都好濃郁鮮甜鹽燒鯖花魚($78)外皮微酥脆，肉質厚實有彈性，而且冇腥味，擠少少檸檬汁已經可以帶出鯖魚嘅鮮味餐飲加錢叫咗巨峰提子梳打(+$8)同青蘋果梳打(+$8)，味道都偏甜，建議叫少甜比較好