丼瀛 (已搬遷) 新店位置

朋友帶左我去附近一間金黃色的日本料理店，成日聽人講工廈入邊嘅舖頭質素參差，一開始都有啲擔心，但係食落發覺都物超所值既。丼𤅀特選丼（$188）兩塊三文魚同兩塊油甘魚都幾肥美，厚切既！ 新鮮魚子一大堆; 好驚蝦同帶子肉質會"霉", 但喱間好鮮甜; 最緊要嗰一格海膽唔腥，質地唔算軟身，證明間喱間用料新鮮。整體成個丼都幾足料。芝麻雞翼（$58）薄薄雞皮烤得脆，都幾香芝麻味，肉質鮮嫩，味道中上。金菇牛肉卷（$28）醬汁比較甜，外層牛肉微焦，好彩金菇比較爽口，味道就中規中矩。大蔥黑豚肉（$28）黑豚肉夠厚，juicy既，ok惹味。 (我唔食蔥😅)間鋪環境不在話下，會不停播高登台嘅歌😂 最緊要衛生情況非常理想。係呢啲危險時候食飯都覺得非常安全。整體呢間舖就係 "你俾得咁嘅價錢，畀返一定質素嘅嘢食你"，絕對唔會失望，希望大家都支持下。

位於觀塘榮昌工業大廈既「丼瀛」日式小店，上到門口已經勁多文宣，近門口有一幅連儂牆，成間鋪周邊都貼有文宣，部電視長期播映抗爭既歌同影片。⁣⁣聽佢個名就知道呢間小店主打係丼飯啦，我地點左以下食物😋⁣🔸最勁爆果個北海道四重奏爆丼(吞拿魚腩一件、赤牡丹蝦一隻、海膽一格、赤身兩件、魚籽、蟹籽)$218⁣🔸吉列廣島蠔$48⁣🔸天龍卷(炸大蝦配赤燒三文魚加魚籽壽司卷)$98⁣🔸三文魚腩海膽卷$98⁣無論賣相、味道都一流👍份量都好有誠意⁣老闆仲送兩杯野飲俾我地添✌🏻謝謝🙏⁣順帶一提如果係樓下見到有個姐姐派傳單，記得去拎啊，因為有50蚊現金卷可以即時用架💰⁣———————————————————⁣⛳️丼瀛 (觀塘)⁣觀塘巧明街109號榮昌工業大廈5樓A室⁣⏰星期一到五 ⁣ 12:00-15:00⁣ 18:00-22:30⁣ 星期六至日⁣ 12:00-22:30⁣

作為一個香港人， 應該要幫襯應該幫襯嘅舖頭， 尤其是疫情期間， 一定要幫襯呢啲小店令到佢哋可以繼續生存落去！呢間店舖主要食日本嘢食物， 每張枱都有消毒酒精提供， 位於位之間都有適當嘅距離 ，保證清潔衛生!特別推介一個帆立貝赤蝦海膽丼， 呢度嘅海鮮飯特別新鮮， 尤其是呢個時間唔係度度都可以食到咁新鮮嘅刺身， 分量亦都好足夠， 赤蝦爽口彈牙， 海膽鮮甜冇腥味， 帆立貝size好大肉亦都好厚， 超正！ 仲有好多打卡位可以畀大家打卡， 但願明天香港會更好，努力打仗！

今次嚟幫襯黃色經濟圈！呢間日式餐廳位於工廈入面，店舖唔算好大，不過有分室內同室外，今次黎食午市都幾抵食，所有嘢都可以跟套餐。花刺身丼，估唔到一碗細細地嘅刺身丼竟然有七至八款刺身，價錢仲要係100出頭，真係唔係邊間做到！刺身每款都有兩件，質素都算幾唔錯，刺身鮮甜！鹽燒鯖魚套餐，除咗有鯖魚之外仲有沙律同迷你章魚丸，鯖魚燒得香脆，魚肉唔會燒到太老，章魚丸亦都幾出色，雖然只係配菜，但味道都唔錯，每一粒都有章魚添！套餐仲包埋麵豉湯同餐飲，性價比高！

黃到出汁既工廈日式店，成間店痴滿哂口號文宣。食肆都受疫情影響，吾少黃店都告急，大家可以買外賣返去支持佢地。【海之幸丼】$178食材好豐盛，有赤蝦、三文魚、油甘魚，赤身、三文魚籽，仲有蟹肉，而且又新鮮處理。特別要讚賞佢地既油甘魚，之前系外面食到既都好腥，令到我有d怕，呢到食到魚腩既油脂豐富卻一點都吾腥，肉厚肥嫩。【L1 大和牛肉燒】$88系用比較上等既牛肉，吾系勁多肥肉既肥牛，有厚道又有肉味，加埋洋蔥清甜同埋菇菌香味，令個醬汁好豐富。【炸餃子】$16/3隻一口餃子，外皮酥脆，內裡熱辣辣噴哂汁。

前排朋友推介，話呢間黃店又好食又抵食，今日咁岩又係觀塘，決定嚟支持下。而家間舖抗疫有做promotion，部份精選食物有七折。入到去店內環境乾淨同闊落，侍應都好好服務，一坐低即刻斟左杯熱茶俾我哋。🍱刺身丼聽講呢間嘅刺身丼都幾出名，循例嗌一碗試吓。出到嚟比預想中大份，刺身食落去新鮮，啖啖肉，依家仲要做緊七折先$100鬆啲，好抵食。🍣卷物有見到OpenRice人哋影嗰啲卷物都好吸引，叫左一份黎試下。出到黎勁大份，面頭三文魚加埋天婦羅蝦同埋個醬汁mix埋一齊勁juicy，好食！🐟燒靖魚呢個係驚喜！平時喺街外食嘅燒靖魚都預左係急凍魚，會有少少乾乾地。但係呢個食到新鮮魚味同埋好Juicy，同埋唔知點解比起正常餐廳食要大條d。🍢燒雞軟骨正常餐廳水準。🍢明太子燒玉子呢個都好吸引。食落去有好濃郁嘅明太子香味，再加上芝士，同塊玉子好夾。食完呢餐好滿足，尤其是好耐都冇食過咁好食嘅卷物同埋燒靖魚。呢餐埋單都唔洗$400，好抵食。下次一定會再嚟幫襯。

呢排同公司同事輪流Home Office, 加上疫情關係午餐都選擇帶飯多, 所以今晚放工同同事去食個快飯, 揀左公司附近一間日本野試下, 其他同事介紹過之餘, 同埋冇咁肥~ 哈哈~ 同同事出街食飯多數幫襯小店, 貪佢D擺設夠靚夠cute~ 疫情關係餐廳都跟足政府指引需要入店前量體溫同枱同枱之間相隔1.5米, 而餐廳更貼心地每枱都有支酒精同派發酒精紙比我地消毒, 所以都食得幾放心~ 我地叫左5樣食物, 分別有天龍卷, 金菇肥牛卷, 三文魚腩海膽卷, 松葉蟹肉海膽卷甜蝦丼, 燒大頭蝦2隻~ 先黎一個三文魚腩海膽卷, 三文魚腩入口好肥美而海膽亦算鮮甜, 先開啟左個味雷~ 再黎松葉蟹肉海膽卷甜蝦丼, 入面有甜蝦, 三文魚籽, 松葉蟹肉, 海膽同玉子, 每樣味道都好鮮甜, 尤其係甜蝦, 蝦頭仲有蝦膏好好送飯~ 之後金菇肥牛卷同燒大頭蝦同時出場, 燒大頭蝦係即場喺魚缸拎出黎燒, 燒得剛剛好, 肉質爽口又彈牙, 而蝦頭同樣都有好多蝦膏, 我同事又唔食, 我又唔想浪費要食埋佢, 真係怕食到膽固醇超標, 哈哈!! 金菇肥牛卷精髓都係同燒汁, 甜甜地都幾好味~ 天龍卷一上枱我地已經嘩左出聲, 畫面都幾震撼

朋友某天晚上話想食日本餐，於是佢就帶左我黎觀塘工廈度揾好野食甘話，去左一間叫丼灜既日本餐廳，餐廳好別緻燈光比較柔和，仲掛住左d特別既日本燈籠，坐位分佈平均，坐低左仲有一細張抹手機用既消毒紙巾同消毒搓手液供客人使用，令客人食得放心，食物方面：我地叫左一個特選牛肉烏冬配壽喜燒窩，牛肉份量好多好抵食，加左$20轉烏冬，烏冬煙韌彈牙，湯底味道濃郁。仲配有三片刺身，三片都好厚切。甲羅燒松葉蟹肉丼：推介呢款真係貌相好靚，蟹膏同鵪鶉蛋攪拌後，再同珍珠米一齊食，蟹膏味香濃，仲有滿滿拆好左既蟹肉同玉子，真係好好味。小食我地叫左碎葱吞拿魚海膽卷4件吞拿魚配海膽既鮮味一啖一口。仲有脆炸流心粟米餅：唔會太油，好creamy既粟米餅外脆內軟。如果份量可以多d就更好。金菇肥牛卷：朋友對燒物有興趣所以叫左金菇肥牛卷食，即叫即燒，燒到岩岩好唔會太燶同韌。上菜速度快，下次一定會介紹俾其他朋友再黎食。

依家咁嘅情況，都應該有一段時間去唔到日本架啦！既然係咁，唯有去食間好嘅日本野，當去過日本啦！今次就搵到呢間喺觀塘工業區樓上嘅一間餐廳，一去到門口，就知道係自己人，食都食得開心過癮啲！廢話少說，先叫了一個甜蝦角切魚生飯！賣相雖然一般，但魚生新鮮，而且角切大小適中，啱我呢個懶人！一個魚生飯當然唔夠喉！仲叫咗吞拿魚，北寄貝同帶子壽司！新鮮得黎，仲要份量足，唔會好似紙咁薄！牛油果金龍卷略嫌有d滯，太多牛油果了🙈明太子炸雞翼爭d比佢熱親條脷，而且d明太子爆晒餡！什錦天婦羅好味！炸漿唔厚之餘仲一d油益味都無，而且炸到啱啱好，唔會柴晒皮！原條燒茄子茄子淋身得黎無話水汪汪但又不是實的的，而最重要係份量極多！食極都仲有，最後當然仲食唔晒添！好滿足嘅一餐！呢度d食物份量好足，絕對無偷工減料，而且侍應哥哥招呼好好，又有禮貌，依家原來仲有d item七折添，抵到爛！下次要試埋佢其他野先得！

記得第一次去呢間日本料理係walk in,諗住求其搵間日本嘢食😆，點知意外地搵到好嘢！第二次，已經係帶朋友仔嚟！可以試多啲菜式海膽杯：一貫吸睛，其實好細杯，好食！不過，個人覺得食個丼飯開心啲丼瀛十二風味：如果想每樣試吓，呢個係不錯嘅選擇，而且用到料好足明太子焗蠔：我無食，不過朋友仔都讚個醬好得白汁芝士焗扇貝：幾好食，不過我覺得個醬太腸鹽燒虎蝦：好味肉質好爽，好新鮮燒油甘魚鮫：好味Sukiyaki豚肉鍋：其實好味，不過第一次嚟係食蟹鍋，蟹鍋會係比較出色

好久沒來觀塘了，近來多了不同新晉餐廳，真的令人眼花撩亂。最後我們選擇吃樓上店的日本菜，因為有折扣優惠哦😊-環境及服務：牆壁貼上手寫的菜單，溫文爾雅的字體，還有店主推介的名菜相片令人出現選擇困難症😆。進入餐廳前，店員會為我們量體溫及需要用酒精搓手液搓手。每張檯相隔1.5米距離，真是令客人放心進膳。-HK$68甜蝦角切魚生丼～丼飯用一個精緻高身的花型丼碗來盛著。青瓜片好像一朵朵小花伴著甜蝦、三文魚、吞拿魚、鯛魚、蟹籽及甜蛋。真的非常吸引大家的眼球。🤩刺身非常新鮮及甜美。橙紅色蟹籽，外型飽滿圓粒粒。-HK$98雞脾扒烏冬～剛巧我有點冷的感覺，店員推介這款菜式。好大個的湯窩內裏盛著熱騰騰的京葱、金菇、菜、嫩肉的雞脾扒及軟滑的湯烏冬。吃了全身充滿暖意🥰。為了方便客人進食，廚師將雞脾扒切好👍🏻。 -每人還有一碗多海帶的麵豉湯及惹味的章魚小丸子。-

今日又係觀塘附近放工呀， 行到去apm附近搵嘢食， 知道呢度有間良心小店賣日本嘢好出名， 朋友介紹嚟食當然要試下。 鋪頭嘅裝修幾 日本， 細細哋好多日式嘅燈籠。海鮮睇嚟都好新鮮。由於抗疫嘅關係大家都唔可以坐得咁密， 但係餐廳就好好咁安排咗每一枱都有消毒用品食日式丼飯嘅舖頭， 當然要叫返個海鮮飯，呢個海之幸丼 真係好正， 除咗有勁大隻鮮蝦之外， 仲有唔同種類嘅魚生， 全部厚切。 仲要有真嘅蟹肉。另外我地都好鍾意叫卷物， 試咗呢個天龍捲， 98蚊一啲都唔平， 但想到枱就知道真係值咁嘅價錢， 每一個卷都勁大舊， 加埋個超級大蝦頭， 係普通餐廳嘅天龍捲嘅1.5倍另外我哋叫咗呢個鰻魚卷， 每嚿壽司上面都有鰻魚， 而且燒得唔錯脆脆地。 壽司入面好香嘅芝士味， 滋味十足。 另外小食都唔錯， 最推薦係呢個燒豬腩肉， 肥瘦均勻， 食落超香口彈牙。呢個金菇牛肉捲都係極品， 牛肉煎到好香脆， 再加埋甜汁調味非常唔錯， 食到鮮牛肉味， 又甜甜地， 金菇都好新鮮。甜品方面我哋就揀咗少少哋嘅三粒日本 甜蕃薯， 燒得好好入口即溶 。當你以為成餐飯就咁完咗嘅時候， 職員好好咁送咗兩個雪米糍畀我哋， 原本仲諗住要去第二

觀塘出名黃店，由外黃到內，探熱後便進餐廳內安坐。餐廳內環境都算舒服😌只係略嫌有點黑。大家都可以參考下，最後我們分別吃了一客魚生飯。師傅都有帶晒口罩，衛生功夫都相信有做到。清清甜甜味增湯，配上不能少的豆腐和昆布。油甘魚蟹子蛋飯，厚切油甘魚比想象中好食，夠晒新鮮，蟹子新鮮程度係會覺得彈牙😂❤️蛋的部分都好夠甜，而且蟹子好夠多，我好鍾意喔！之後就係朋友的甜蝦角切魚生飯，角切的部分有三文魚，油甘魚同吞拿魚，仲有甜蛋同青瓜，都係因為食材好新鮮，所以令整個魚生飯都清甜好味😋

觀塘嘅工廈有好多黃店❣今次試咗呢間日本野🤓佢嘅丼有好多選擇 lunch set 包左野飲 麵豉湯同甜品（迷你雪米糍）😝==============================劍魚腩蔥拖羅爆丼 （$118）7.5/10呢間店嘅刺身都唔錯幾新鮮 劍魚腩爆油 好肥美💓 最鍾意佢嘅蔥吞拿魚魚腩 撈飯好好味-牛肉壽喜燒鍋（$56）6.5/10壽喜燒嘅味同我想像中有啲出入🤣 有啲似普通牛肉鍋 有雜菜菇同豆腐 不過呢個餐配一份刺身有兩片三文魚同一隻蝦 🤣刺身又幾新鮮🤣-不過整體黎講唔算好抵 價錢適中 建議試佢嘅刺身丼飯🥳

同男朋友搵日式黃店食，由門口已經係黃到一個點既餐廳，有裝飾得好靚既corner同有文宣póster, 連背景音樂都係文宣或者2次創作歌，正！鍋燒烏冬配炸雞好大碗好好味，湯底味道濃郁唔似淨係豬骨既鹹味，覺得有魚湯既味所以好香好好飲，烏冬比較稔同滑身吸埋湯汁好正，炸雞大大件肉質一啲都唔嚡，仲有冬菇，海苔，魚片等配料，仲有蟹籽手卷。另外叫左好出名既帆立貝赤蝦海膽丼，勁大碗同足料，海膽口感creamy，蝦同帆立貝都好新鮮，性價比極高既丼飯店，巨峰同青蘋果梳打都好飲，好fresh好爽，佢地既茶都好香混入香片，大讚！