九五至尊火鍋狗毛

營業中

休息中

狗毛酒吧竟然開埋打邊爐同泰菜！ 同樣出色 ❤️ 冬蔭功湯鍋 拼麻辣鴨血鍋狗毛有間泰菜餐廳 所以唔洗諗個冬陰功湯底一定無敵！ 打邊爐前仲可以飲啖冬陰功湯先😍 一味2食咪呢啲🤣 冬陰公湯超好飲！ 落個粉落去即變 冬陰功湯粉 超級抵嘅係佢鴛鴦鍋唔洗加錢！ 可以一個價錢試到兩個湯底！ 麻辣鴨血鍋入邊已經有唔少鴨血 鴨血係真鴨血 彈牙爽口！ 手切本地牛 $268 （中） 乾冰上場 中size都有好多 手切牛又重牛味 油脂適中 唔洗諗一定係叫呢個 淥15秒 食得！ 朋友都話正過和牛 美國豬梅肉片有冇聽過一個靚晚豬肉係可以媲美牛肉😏 所以豬肉都係性價比之選 重用碎冰上 又靚又好食手打牛肉丸手打牛肉丸好嫩滑 好似食緊山竹牛咁 好大粒！ 手打墨魚滑爽滑彈牙 麻辣鍋必選😍 好香既墨魚味 未叫之選！ 洛神花茶（凍）（壺）值得一提佢真係超多嘢飲 因為酒吧出身所以有好多唔同類型特色飲品 當晚唔想飲酒 所以叫咗壺花茶 冇諗過$68係有咁大壺！ 超抵飲 兩個人食完飯都未飲哂🤣

呢個星期雨下不停, 唯有打個邊爐驅一驅濕氣啦.去到尖沙咀寶勒巷九五至尊火鍋狗毛打邊爐. 原來餐廳除左傳統打邊爐外, 重有串燒, 泰國野食.我地叫左雙併胡椒豬肚湯鍋 + 麻辣鴨血湯鍋: 胡椒豬肚湯鍋 - 胡椒味香濃, 豬肚份量多, 奶白色嘅豬骨湯底, 非常吸睛..麻辣鴨血湯 – 呢個唔講得笑, 由唔係好辣, 去到越來越辣, 差D頂唔順. 鴨血爽滑, 麻辣湯, 香﹑麻﹑辣﹑樣樣俱存.牛肩胛肉 – 牛肉味濃, 油脂分有均勻, 入口充滿油香, 薄薄一片都好有牛肉味, 滾一滾就可以入口.牛舌片 – 平時打邊爐食開牛舌片比較細塊, 但今次係非常大塊同好有彈性, 好食.黑豚肉片 – 粉白色嘅黑豚肉片, 好香豚肉味, 滾耐左D肉都唔會實哂, 肥瘦適中.珊瑚蚌 – 入口索索聲, 海鮮新鮮必定好食.手打墨魚滑 – 打邊爐有手打墨魚滑的話, 我必定會食, 因為好食嘅墨魚滑唔係度度都食到,  彈牙, 勁多蟹籽, 咬落重有少少粒粒口感.自家鮮蝦雲吞+自家韭菜水餃 - 韭菜水餃材料十足, 韭菜味新鮮香甜. 油麥菜 – 又係份量十足, 而且十分新鮮. 加上最後麻辣鴨血湯麻辣鴨血湯嘅麻辣, 真係辣到噴汁.

得悉狗毛於尖沙咀寶勒巷開設左一間名為「九五至尊」嘅火鍋店，作為狗毛嘅粉絲當然要試試，門店嘅金碧輝煌中國風非常eye-catching，內裡非常寬敞舒適，座位空間亦較一般餐廳寬闊不少，整體舒適潔淨。另外，想提下呢啲每個爐頭都設有抽風淨化器，基本上油煙不沾衫，著靚衫黎打邊爐都唔怕有味！啤酒有來自愛爾蘭的黑啤Guinness Draught，基本上無乜火鍋店提供Guinness Draught，打邊爐黎講，Guinness Fans必來無異；另外目前仲有SAPPORO生啤買一送一優惠。燒鱔串 ($38) & 燒牛脷 ($20): 串燒高質，白鱔肉質爽彈，肥美多汁，美常鮮甜；燒牛脷十分爽嫩有嚼勁，加鹽和黑椒調味已很鮮味。冬蔭功湯鍋拼蕃茄薯仔湯鍋 （免費）：目前以ig打卡post story即享免費湯底，大癲！狗毛本身作為泰國餐廳，冬蔭功出曬名唔錯，有大/中/小辣可選，中辣酸辣並重，唔會太辣但好香濃惹味；蕃茄薯仔湯都幾濃郁，蕃茄味幾突出，唔係假甜果種罐頭味。美國特級牛小排($238/中): 含豐富脂肪，油香突出，肉質細嫩，牛味仲幾濃郁，而且中份嘅份量頗多。金錢腱 ($68/中): 肉質結實爽脆有

今日與同事加班，放工剛好經過寶勒巷，發現原來開了一間火鍋店～門外店員介紹我們說只要follow 社交平台 post，就有四款湯底免費選擇，其他特色湯底還有半價優惠見裝修環境都吸引，一於入去食豐富去獎勵自己- 餐廳環境好多特色，而且好寬敞所以坐得好舒服- 醬料區有十幾款鍾意點調配都可以🫶🏻- 湯底竟然有泰式冬蔭功湯😍水煮麻辣樣樣有齊，但因為同事唔食得辣所以冇點🤣最後點了❤️蕃茄薯仔濃湯鍋湯底非常濃郁，而且足料！值得一讚是抽風設計非常巧妙：蒸氣從鐵鍋的外圈直接吸走，打完邊爐都不會沾滿成身油香味❤️扇貝(隻）$38；鮮鮑魚仔 （隻） $38；鮮海蝦（半份）$68🦐海蝦好大隻；扇貝新鮮及彈牙鮮甜；打邊爐又點少得食牛😝❤️手切本地牛（中）$268肉質相當嫩滑，牛味濃郁出色份量一樣好足，仲有足夠冰底座住保持新鮮的溫度，夠細心👍❤️桂花蚌（半份）$68口感鮮甜爽脆～👍❤️蝦餅$78發現餐牌仲有好多泰式菜可以選擇蝦餅即叫即炸，蝦餃彈牙用料足，真係食過返尋味配上酸酸甜甜醬，更能提升味道～下次約多幾個同事去試吓這店的泰國菜先！❤️楊枝甘露$48當然要叫返碗糖水做結尾果然是大滿足的晚餐

【野生菌老雞鍋】今次試嘅打邊爐湯底係野生菌老雞鍋，真係一個滋味豐富嘅選擇！湯底以老雞熬製而成，滋味鮮甜，再加入各款野生菌類，增添咗湯底嘅香氣同鮮味！每一口湯底都飽滿濃郁，令人回味無窮！如果你鍾意濃郁滋味，呢款野生菌老雞鍋絕對唔可以錯過！🍲【美國特級牛小排 (大)】講吓呢個美國特級牛小排 (大)，真係肉質鮮嫩多汁！每一片肉都厚實有料，經過簡單烹調，保留咗牛肉嘅原汁原味，肉香四溢！無論你係鍾意五成熟定係全部煮熟，呢款牛小排絕對會滿足到你對牛肉嘅所有幻想！🥩【手打蝦滑】呢款手打蝦滑真係滑口又彈牙！一共有兩條，每一條都經過精心製作，肉質鮮嫩，口感豐富！無論係切成比較大粒，定係細細粒，呢款蝦滑都能夠帶嚟豐富嘅口感同滋味！如果你鍾意海鮮，一定要試下呢款手打蝦滑！🍤【燒蒜蓉扇貝】呢款燒蒜蓉扇貝新鮮彈牙，每一口都充滿咗海鮮嘅鮮甜！燒烤過程中，蒜蓉嘅香氣融入扇貝嘅鮮味當中，味道香濃迷人！如果你鍾意扇貝，呢款燒蒜蓉扇貝絕對值得一試！🐚【麻辣鴨血】最後要介紹嘅就係麻辣鴨血啦！鴨血經過燙煮後，彈牙滑嫩，配合麻辣湯底，辣味濃郁，麻辣鮮香，令人回味無窮！如果你鍾意辣味，呢款麻辣鴨血一定會滿足到你對辣味嘅所有渴望！

同朋友喺尖沙咀行行吓，見到呢間火鍋店新店幾企理都入咗去試吓先個環境，啲餐枱非常闊落值得一讚兩個人坐卡位坐得好舒服，傾偈唔使驚比隔籬位聽到晒😂餐廳做緊湯底買嘢送嘅，我哋兩個嗌咗雞煲中辣🤓🤭🤭雞煲上到嚟係極度香！等幾分鐘炒香就食得啦！雞肉非常滑，而且醬好惹味！真係一舊接一舊，停唔到口🥰推！呢個雞煲嘅雞肉係極度多！兩個人完全食唔晒，非常足料✔️食完雞煲打邊爐，湯底加咗水之後都仲係好入味✔️牛肩胛肉牛味濃郁，雪花分明，烚耐左啲肉都仲好淋🫶🏻蒙古羊肉片估唔到係新鮮羊肉，食落去好蘇！好驚喜，非常出色！ $48 超值😳桂花蚌好新鮮！食落去好爽口，食得出好鮮味！必點👍🏻手打蝦滑啖啖蝦肉，爽口，吸晒啲湯底🤤椒鹽墨魚咀👍🏻👍🏻👍🏻估唔到打邊爐嘅地方可以有泰國菜小食嗌，墨魚咀好惹味，外脆內軟🤭🤭另外想讚吓啲職員好細心，好少遇到打邊爐都會有人幫你換碟，又會好貼心咁幫你加湯底🥰成餐飯都食得好開心，餐廳除咗做緊半價，仲有啤酒買一送一，任食鴨血同豆腐🥹🥹一餐完全食唔晒，一定會再返嚟！

依度裝修好有格調，有酒吧feel, 空間感超大，同朋友傾計食野好適合。 食物種類好多選擇，有打邊爐，串燒同泰國菜。 首先歎左個雞煲先，服務員細心幫我地均勻炒熟雞肉。醬料味濃好惹味，麻麻辣辣，雞肉嫩滑。食完雞煲，加湯打邊爐…麻辣鴨血，鋒巢豆付可以免費任食。本地肥牛牛肉新鮮，份量有夠大，肥瘦均勻，少少油花，食落去有油香兼牛味好重，好有口感。2百幾蚊真係好抵食。海鮮桂花蚌新鮮，味道鮮甜串燒牛舌心燒得岩岩好，不會太乾，好有風味, 口感好爽，濃厚牛舌味，仲好油香好惹味。泰式炸蝦餅即叫即制，熱辣辣，外皮香脆蝦肉鮮甜彈牙，配上甜酸醬，好惹味。洛神花茶，夠晒涷，用料十足煲出黎，味道好濃，甜酸度岩岩好。最好仲送左每人1盅既楊枝金露，一樣出色。食物選擇真係繁多好，用料好新鮮，仲有好其他款式都好想食，加上服務員既服務態度都係超好，價錢又抵食，真係有賓至如歸既感覺。

搵食經過見到呢間新火鍋店見MENU好得意，除左有各式各樣火鍋配料外，仲有特色泰菜，醬料款多排列整潔，食物質素仲大有驚喜！首先講個湯底，蕃茄薯仔湯係可以免費拼冬陰功湯，仲可以加錢配其他特色湯底如牛邊腩鍋、雞煲等，多樣選擇！打邊爐最愛有牛肉，叫碟牛肩胛肉，色澤鮮嫩，油花分佈細緻均勻，食落口感紮實有牛肉味~鍾意有咬口嘅我地仲點左脆鯇片同珊瑚蚌，全部用冰鎮上，脆鯇片厚實又大片，魚鮮味十足，珊瑚蚌淥起脆口又鮮爽，估唔到咁新鮮~而個即炸響鈴，簡真係必點ITEM!剩係一上枱已經聞到炸起嘅香氣，大大卷毛巾形狀炸得鬆脆!就咁食都非常YUMMY!另韭菜餃粒粒飽滿，淥起見到餃皮透薄，韭菜香味十足~最後加上新竹米吸盡湯汁精華，超級滿足!食到滯滯地點個楊枝金露解解膩，果肉夠多夠新鮮!成餐飯坐得十分舒適，仲要樣樣食物都夠高質，值得回頭，見隔離枱食泰菜食得好滋味，下次都要試下~

今日和朋友去這新店吃火鍋，吃得滿意。除了火鍋，這店也提供泰菜和酒水，選擇不少。店員介紹，follow店的社交平台有優惠，有些湯底免費，有些則可半價享用，抵。我們要了野生菌老雞鍋，follow了社交平台有半價。湯底出色，湯真材實料，香甜濃郁，野生菌有獨特的鮮味，又有益，和雞很夾味。先飲美味的雞湯再吃火鍋，好正。火鍋的黃油雞肉質鮮嫩，量足，野菌吸滿雞湯更好味。火鍋配料都新鮮優質。推介手切本地牛，大大碟肉質肥美，牛肉味濃。手打墨魚滑，自家製鮮蝦雲吞，炸芋頭，鮮腐竹，娃娃菜等都好食。小食叫了泰菜蝦餅，即叫即炸，彈牙好食。醬料齊，吃XO醬值回票價。店座位舒適，通風良好，店員服務不錯。

聽日難得放假，今晚一於去打吓邊爐自從天氣熱返之後都好少去打邊爐湯底有好多唔同嘅選擇，例如蕃茄薯仔濃湯、蘿蔔牛腩湯等等，今次就選咗個清少少嘅胡椒豬肚湯鍋！外面有唔同嘅醬料任君選擇個鍋一到就聞到好重既胡椒味，而且入邊有豬肚，唐芹同腐皮等配料，食之前可以飲咗個湯暖暖胃先金錢鍵（大），逐塊鋪得好有心機，金錢鍵略略六淥下就食得，夠嚼勁！三黃雞肉，雞肉好嫩滑，而且全部都係肉無骨，岩哂我呢d懶人！手打牛肉丸，大大粒真材實料，牛肉味濃黑豚肉片，肥瘦適中，意外地好食，豬肉味夠濃即炸響鈴，份量好多，而且真係即炸！西洋菜，好清甜紅薯粉，雖然要$48，但係其實份量都好足夠泰式燒牛肉，呢個超級推介，必食！！牛肉燒得啱啱好，帶粉紅色，唔會過熟，食落一啲都唔韌！冬蔭功湯河，呢度嘅冬陰功湯蕃茄味較重，所以會比較酸，但湯底都算濃郁！之後仲送咗個楊枝甘露俾我哋，好足料，酸甜配合得啱啱好！

咁啱經過見間餐廳好似新開張，就入去食。餐廳環境幾闊落舒服，有醬料自助吧任你混醬，仲有檸檬水任飲👍🏻呢到除咗有火鍋選擇外，仲有多款泰國菜，好特別！野生菌老雞湯$368雲南空運嚟嘅牛肝菌、羊肚菌、蟲草花、雜菇熬成，睇到成煲湯好上色，就知道十分足料。鍋底上枱後就可以加埋半隻雞一齊滾20分鐘，湯味濃雞又滑😍 先試頭啖湯，超級濃郁菌湯，再食埋雜菌超級吸湯。建議先飲湯食雞後再加配料打邊爐，唔係個湯會飲唔到鮮味手切本地牛（中）$268哇😧牛份量大到…以為係我叫錯size肉質嫩滑，牛油花較多，入口啖啖脂感，食得多有啲好制🥲🥲 比一般手切牛偏肥… 桂花蚌半份$68蚌質感爽口，彈牙，算抵食娃娃菜$48手打牛肉丸半份$48牛肉丸幾大粒，肉質好彈，彈到可以打兵乓波😫重粉 個人麻麻燒墨魚$98墨魚份量幾多😋燒得唔會過老，肉質實肉，再配埋酸酸汁 一流👍🏻建議燒蒜茸生蠔$38可惜晏左去食，叫既時喉得返一隻睇得出燒蠔好受歡迎，燒蠔燒完都係咁大隻，蒜蓉醬比例岩岩好👍🏻太好賣了燒脆肉瓜$15多汁爽脆，外層炙熱脆嫩，非常開胃燒雞肉串$18係日式既汁燒，燒完一啲都唔會乾，仲有肉汁推薦

伏到爆。 冇下次唔係太咸又太甜，星期五7:00 成間野5枱客左右。 裝修： ok 既， 不過枱底頂腳， 有啲坐得唔係咁舒服。 食物質素 。 叫左$268雞煲。 除咗咸。 食唔到其他味道。鵝腸半份$68 。 6條左右。 送左個鴨血， 又係咸到一個點。 價錢偏貴唔洗講， 上菜速度慢到一個點。 叫左雞煲起碼等左半個鐘。 叫碟鵝腸等左起碼15分鐘。 $268 牛小排。 好明顯雪藏過度， 灼完係死灰色同埋有渣。送咗個椰汁糕甜品。 甜到嘔。唯一最可取係洛神花茶， 夠濃， 性價比較高

-九五至尊火鍋狗毛-📍尖沙咀.裝修好有氣派，每張枱都有好大空間同私隱度高。.見到餐廳做緊promotion，follow佢地social media就有湯底半費甚至免費，而且啤酒都有優惠。 .自助醬料區有沙律同檸檬水添。.野生菌老雞鍋 ($368)好足料的湯底。湯底本身已經好濃厚野菌鮮味，仲有一碟雞同一碟野菌另上，勁足料。將雞件同野菌放入湯底內再添鮮味。.雲南新鮮野菌種類好多，有羊肚菌、鴻喜菇等，湯底好清甜濃郁野菌香味。.牛肩胛肉(中) ($198)美國肥牛(中) ($58)蒙古羊肉片(半份) ($48).肉類好新鮮，牛肩胛好香；肥牛帶多點脂肪，食落夠嫩滑。而羊肉好鮮，味道同野菌湯底好夾。.扇貝($38/隻)鮮鮑魚仔($28/隻)蟶子王($48/隻)海鮮好新鮮，而且都好大隻。扇貝超厚肉。.3樣裡面最鍾意蟶子王，夠大隻而且好鮮甜，唔洗加任何調味已經好好食。.自家鮮蝦雲吞 (半份)($48)大部份配料都可以選擇半份或整份，就算人少都可以試到多點配料。.鮮蝦雲吞好大粒，原來係餐廳自家製的。用料超足，大大粒彈牙大蝦，皮又夠滑同薄。.蜂巢豆腐蜂巢豆腐同鴨血都係免費添食，份量本身都唔少。蜂巢豆腐吸

乍暖還寒嘅春天依然好適合打邊爐呢～是晚相約同為火鍋控嘅友人前往位於尖沙咀嘅新火鍋店🍲餐廳裝修勁有中式風情🧧環境敞大闊落～坐得好舒服呢🤗🤗.現有四款湯底免費供大廳食客選擇🍲包括:胡椒豬肚湯,蕃茄湯,冬蔭功湯,麻辣鴨血湯)🤗其他湯底就有半價優惠～店員仲話22：00前Sapporo啤酒買一送一及22：00後火鍋食材有八折優惠添～.呢度最特別係食火鍋～同時可以歎埋泰菜🤩✨泰式生菜包(牛肉)$108味道正宗～惹味免治牛肉加上爽脆生菜～絕配滋味👏🏻👏🏻.✨洛神花茶 $28 (大推薦🙌🏻下次要叫一渣至夠飲)✨可樂 $18.✨麻辣鴨血鍋 免費 (原價$148）做緊免鍋底優惠之餘～仲可以無限添加鴨血😍麻辣滋味食到人非常上癮🌶️🌶️.✨牛肩胛肉 (中) $198冒住乾冰上枱好架勢😝😝牛肉紋理靚～肉質鮮嫩又脂肪分佈均勻～有質素哦🫰🏻🫰🏻.✨牛舌片 (中) $48🙌🏻價錢咁抵都無令人失望～爽口又有牛味～.✨脆鯇腩 (一份) $88肉質新鮮又爽口彈牙🙂鍾意食魚嘅朋友咪錯過～.✨三黃雞 (半份)$48本身餐牌圖片係雞件～但上枱嚟到係雞柳😅味道正正常常啦～.✨手打牛肉丸 (半份) $48粒粒真材實料～飽滿大粒～食落極有

「九五至尊火鍋狗毛」店如其名,相當有帝王既氣派,入口已經好驚為天人。坐位都好舒服。配料吧超正,好多款醬料任君選擇,連水都係detox,好好飲。叫左個胡椒豬肚湯底,有埋豬骨,個湯底好足料,豬肚又好食,仲要有埋我中意既腐竹,只係個湯底已經好多野食。呢度有唔少泰菜,我叫左個泰式生菜包,好惹味可口,好多塊生菜任我包,超中意個調味。火鍋食物通常都連乾冰,有煙霧既效果,賣相好得。叫左一碟手切牛頸脊,肉質厚實,手切既口感係好味d.而個海鮮拼盤都好豪華,有好大隻元貝,仲有鮮蝦、蟶子、鮑魚、蛤蜊,全部都好肥美鮮甜,用料新鮮,真係好令人滿足既海鮮拼盤。另外再加左一份珊瑚蚌,爽口彈牙得來又帶有鮮味,正!食左咁多野,店員仲送左一份楊枝甘露比我添,真係好好味,有粒粒芒果。中意呢度既店員笑容親切,又近mtr,環境又好夠寬落。值得推介。