九份飽 (蜆殼街) (已搬遷) 新店位置

之前經過呢間裝修特別紅噹噹既台灣野已經好想黎食，今晚就約左朋友黎食晚飯。呢度原來性價比幾高，無加一，人均$150，擺到成枱都係，食到超級飽！<鹽酥雞> ($35)食台灣野通常必點鹽酥雞，呢度$35黎講份量都幾大。呢度既鹽酥雞夠曬香口，新鮮炸起熱辣辣，好酥脆，食落係啖啖嫩口雞肉，唔會淨係得個炸皮係度食麵粉。調味係適量既鹽，就算係炸野都唔會好油，香口到令人食到停唔到口！<滷味拼盤> ($32)有豆腐、雞蛋、豬耳朵、雞翼、牛腱，份量都幾多架，兩個人都可以一次過食到咁多野，啱曬想試多啲野既我地。<淡水蝦卷> ($30)呢度係新品，有少少似春卷，炸得好脆口，要點啲甜酸醬。<肉鬆起司蛋餅> ($30)食呢個真係感覺去左台灣夜市間明倫蛋餅！香濃芝士同雞蛋永遠係絕配，加上有咬口既肉鬆，成件事簡直完美！<懷舊魯肉飯(小)>（$30）魯肉飯都就算係細碗，都有正常一碗飯咁多，上面既魯肉切得幾大粒，啲魯肉汁幾足料，撈飯一流。<紅燒牛肉麵> ($45)個牛肉湯底好自然，好有牛味，啲麵亦夠滑夠彈牙，個麵跟左四至五塊牛肉

台菜控出沒🍛懷舊魯肉飯 (小)Rating: 8.5/10HK$ 29魯肉飯香味夠，肉汁同飯的比例剛剛好，魯肉肥瘦比例亦非常好，入口即融小號魯肉飯雖然冇蛋，但對於細食的女仔已好足夠••炸甜不辣 🍢Rating: 9/10HK$ 35甜辣質地彈牙，好Q，相信真有使用魚肉本身調味已好好，亦附上酸甜醬份量亦大份••酥炸魷魚 🐙Rating: 9/10HK$ 42魷魚彈牙唔難咬，非常可口••蚵仔煎Rating: 7.5/10HK$ 42蚵仔煎質感有似台灣的味道，但蚵仔份量不夠，醬汁亦有點咸••芋圓仙草豆奶 🍨Rating: 8/10HK$ 39不過份甜的味道我好鐘意，芋圓內亦包有芋頭粒，真材實料••總括是我在香港吃過的台灣菜前1,2名 😍比阿元性價比更高，有可能超越添 😋😋😋兩個人食5樣菜都係平均$99咋

「九份飽」呢個餐廳名令我好好奇去思考唔知係唔係意思叫我地食到九成飽還是係九份食飽個名有空間思考，又係我最鍾意嘅台灣菜，決定嚐一嚐店舖唔算好大，所以食飽之後唔敢坐太耐，因為門口都幾多人排隊的！魯肉飯每次食親台灣菜都必定要食魯肉飯魯肉份量一啲都唔少，而且適當的肥肉令成碗飯更滑，唔會覺得好膩個滷汁好夠味呀滷青菜台灣香腸呢個台灣腸中間唔會有一粒粒肥膏架係我鍾意食既香酥排骨米粉新竹米粉吸湯力控流個湯好夠濃但又唔油膩鹽酥排骨好香口惹味，排骨肉質又夠軟腍Perfect!酥炸魷魚魷魚一啲都唔韌呢點係好重要的，不過外層既炸粉就好容易散開，可能層炸粉再薄返啲會更好（左）鳳梨冬瓜（右）九份檸檬綠呢間台灣菜菜超抵食，三個人埋單總數都只係$270咋

今次相約朋友在北角好耐冇去台灣一於食呀台灣菜呢間叫做九分飽 裝修風格猶如台灣小店首先叫咗碗懷舊魯肉飯($29)滷好的魯肉油亮色美？繚繞濃郁醬香醬汁油亮飽含膠質的美麗色澤會閃爍微光食一大啖 簡直係超滿足😝其後我哋叫咗碗紅燒牛肉麵($45)原汁原味的湯底加上口感紮實的麵條牛肉滑嫩入口 吃起來非常過癮😆最後我哋叫咗個雙層起司蛋餅($30)呢個蛋餅喺六點之前先會供應㗎口感軟嫩之餘 搭配起司的濃郁感 相當對味👍🏻________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

近來台式食店越開越多，這次跟朋友來到九份飽嚐嚐。店外張貼了昇平大戲院的圖案，更有單車，郵筒等...很有心思。進店後，像真的來到台灣夜市般，掛著一個又一個的燈籠，寫著紅燒牛肉麵、懷舊魯肉飯、黑糖珍珠奶茶等等...黑糖珍珠奶茶黑糖味相當香濃，而且奶茶順滑，珍珠煙韌，甜度適中，不消一會，已比我整杯渴完了。懷舊魯肉飯（小）魯肉飯細細碗，當中用上了半肥半瘦的魯肉，魯汁帶甜，油脂滲入飯內、一同進食更添胃口。滷味拼盤當中有牛𦟌、豬耳、豆腐干、鹵水蛋及雞翼。牛𦟌味道唔會太咸，咬起上來牛筋淋身。鹵水蛋/雞翼相當入味。豬耳/豆腐干爽脆不油膩。肉鬆起司蛋餅台灣地道小食，蛋餅皮薄軟熟，每一口都充滿蛋香，更配合鹹香的肉鬆與芝士融為一體，口感不油膩，且美味，難怪成為台灣地道小食。

作為北角街坊，經常都會捐窿捐啦搵下有乜新美食介紹比屋企人同朋友，得閒撐枱腳食。喺openrice就search到呢頭有間九份飽，一於去試吓。讚：九份飽係幾高質，價錢又唔錯嘅彈：排隊指示唔清晰，落單有出錯店舖位置唔算顯眼，會形容佢為街角小店。嗰晚唔算太多客人，但因為鋪頭地方唔大，所以都要等10幾分鐘先入座，中間發生左小小插曲。一開始冇人等，店員比咗紙剔住食乜先，話等一陣就得，諗住坐門外嘅櫈邊剔邊等啦，點知後來陸續多食客，店員先講門口右手邊嘅位置先係堂食排隊，話牌有寫。建議派籌啦，人多都認唔到邊個打邊個，叫number實冇死。但公道啲，員工態度都叫幾好，都有講唔好意思。食物方面都確係有台灣地道風味，肉燥飯香口且肉粒半肥瘦，滿口油香好正。滷味拼盤份量唔算多，雞翼同蛋各一隻，豬耳幾入味。至於芋圓就好Q彈煙韌，加單要多碗添。鋪頭入面仲有好多唔同嘅台式飲品，下次都要試埋個紅燒牛肉麵！

行到邊食到邊～北角-近來很想去台北吃芋圓，但是因工作關係抽不到時間😔。朋友說北角有一間台灣菜的芋圓10分出名便與我一起去試試。-HK$30肉鬆起司蛋餅～餅皮薄薄有彈牙而濕蛋味重，肉鬆比芝士還要多😆蘸上台灣辣醬更加惹味。-HK$35懷舊滷肉飯（細）～油亮亮的滷肉飯，肥膏比較多所以吃一口會有入口溶化感覺。雖然脂肪偏多，但是只要伴著醃蘿蔔一起吃會太有油膩感。滷汁是偏甜，拌飯吃是一絕。-HK$45紅燒牛肉麵～牛肉是牛腱部位，切得不厚不薄，燉的時間長所以吃起來肉嫩又入味。湯頭不是太鹹又不不太油膩。-HK$32滷水拼盤～內有爽脆的豬耳，肉嫩的牛腱肉，豆味濃郁的豆腐，軟熟的雞翼及入味的雞蛋。滷水汁是我最愛的微甜味道-HK$35九份芋圓～Q彈的紫薯芋味及番薯味的芋圓、水嫩嫩的豆花、大大塊的仙草配上有益健康又不太甜的黑糖水👍🏻-HK$25黑糖牛奶珍珠～珍珠又大又彈牙，牛奶味重又帶出一絲絲黑糖味道。-HK$23冬瓜檸檬～沒有另外再加甜度，喉嚨痛的我，喝後喉嚨有一種舒緩感覺☺️-餐廳內掛滿著紅色燈籠🏮就好像去了台灣九份山城一樣😝。-每款食物經濟實惠又份量足，性價比非常高😙😙令我與朋友棒住肚腩走😜。

去完維多利亞公園打波！ 波友就介紹我去食台灣嘢， 所以就同波友嚟咗九份飽食台灣嘢啦！入咗店嘅環境好有台灣風味！都有好多人幫襯！朋友叫咗份紅燒牛肉麵， 湯頭濃郁入味， 牛肉是牛展， 非常嫩滑軟淋！ 好香牛肉味。而我就叫咗一份香酥排骨飯， 鹹香味十足，非常香脆。 飯有d滷肉， 惹味十足。手工湯水餃餡有高麗菜和白菜，皮幾薄，餡料都好足，味道幾好。甜品當然要食芋圓仙草豆奶， 芋圓有黃色嘅番薯，紫色嘅紫薯，紅豆，仙草！Q彈非常，口感層次好豐富。味道又唔會太甜！必食推介！

今次同屋企人喺北角附近搵嘢食，發覺呢間都唔錯，價錢實惠，大件夾抵食，所以今次就一於嚟咗啦。我哋叫咗兩份主食，分別係香酥排骨麵$40同埋台灣擔仔麵$40。香酥排骨麵真係唔錯喎！估唔到香酥排骨咁大份，食落去口感鬆脆，肉質鬆軟，算係高質嘅排骨呢！加上少量嘅配菜，整體嘅感覺好健康，幾好食。另外亦食到之前喺台灣食過嘅台灣擔仔麵，唔係度度都有得食架。特別鍾意呢度嘅滷水蛋，味道啱啱好，唔會話太過濃郁，肉操偏甜，麵條幼身，帶點彈牙的口感。另外叫咗一份小食就係酥炸花枝丸$35炸得非常之鬆脆，同時內裏亦唔會話太乾，食落去口感彈牙，花枝丸都好足料，墨魚味香濃。飲品方面，當然係要飲下啲台灣特飲啦，呢兩款得有冇得跟餐，所以要單點，分別係黑糖珍珠奶茶$25同黑糖珍珠鮮奶$25黑糖珍珠嘅味道比較甜，口感比較軟身，第一點點彈牙的口感。（超級多珍珠！ ！）而鮮奶同埋奶茶嘅味道正正常常！最後叫咗一份甜品：九份芋圓 $35，口感煙煙韌韌，面頭仲有一啲豆腐花添！非常豐料，特別鍾意呢度嘅芋芋圓好有芋頭味，超級之好食呢！底下仲有啲紅豆同埋珍珠，啱晒啲鍾意有口感嘅人啦食完呢餐飯後，發覺勁多人係出面排隊，估唔到咁受歡迎呢！如果唔想排

今日一試難忘的餐廳！牛肉麵，居然用油麵作麵底，我食了不下三十碗不同牛肉麵，從未試過用油麵煮台式紅燒牛肉麵。豬手飯的飯不單只不是台灣那種珍珠米，比任何一間餐廳都要難吃，好像隔夜飯，豬手用糖來煮，真的反白眼。客人要求的，完全沒做到，飲品需要小冰，沒做到，糖要3分糖沒做到，麵要走青沒做到。飲品，百香果綠茶及菠蘿綠茶，味道一樣，而且不是天然，是用化學物溝出來。服務態度更不堪，所以食物都是拋下來，收拾碗碟不會先問客人是否已用餐完畢。極不推薦的餐廳！

【涼拌青瓜（辣）】我通常前菜都會點涼拌青瓜爽脆清涼開胃啲嘛 🥒雖然 menu 括住個辣字不過唔係好辣，可以放心食～【綜合水果茶】水果茶非常真材實料喺咁啜到啖啖果肉！係真嘅水果茶而唔係糖漿茶嚟㗎甜度我揀咗微糖，有少少酸橙味 🍊鍾意飲得甜嘅話可以揀半糖以上甜度【鹽酥雞】鹽酥雞好出色，炸得外脆內軟除咗炸到脆卜卜之外雞肉仲好有肉汁好嫩滑 😋最厲害係真係有雞味！【手工湯水餃】水餃係豬肉餡 🐷仲 mix咗高麗菜同白菜比起得一種菜，食落豐富啲【紅燒牛肉米粉】紅燒牛肉燉得好入味，份量都算多軟得嚟啲筋有咬口專登揀咗輕盈啲嘅米粉米粉好滑，不過掛湯效果唔錯，好好食 【芋圓仙草豆奶】最後當然要食台式甜品啦芋圓有蕃薯同紫薯，口感好 QQ仙草整得細碎，配豆奶唔會過甜CP 值幾高～

其實香港都有好多台灣嘅餐廳，食台灣菜真係好易，但係唔係間間都好食，特別係一啲大牌子，其實真係唔可以稱得上好食所以其實真係值得支持一啲小店，例如呢一間，一望個名就知道佢係食台灣野㗎啦，佢叫 九份飽，喺正呢個轉角位，一眼就望到 呢個係所謂嘅點心紙，大家可以睇吓佢嘅選擇，都算多，而且已經有台灣好地道及著名嘅食物，重點係價錢非常平民化，一啲都唔離地唔好以為收得平就冇裝修，餐廳唔好睇佢細細間，感覺都好有台灣九份當地嘅環境感覺㗎，都係果句啦，搞到好想去台灣成個賣相都好有 feel，佢就係今晚主菜之一，招牌牛肉米粉，由於朋友好鍾意食米粉嘅關係，所以我哋就由麵轉米粉，出嚟個感覺都好正喎，因為米粉嘅吸湯能力高，所以特別好味當然都要佢湯底做得好味先得既，香濃嘅牛肉湯味道，每條米粉都吸晒湯嘅精華，加埋牛肉非常咬口，軟林林，而且牛肉味亦都好香，所以非常出色我自己就好鍾意滷肉飯，所以去親食台灣野，基本上都會叫滷肉飯，而滷肉飯亦都係我衡量嗰間台灣餐廳好唔好食嘅準則之一呢間嘅滷肉飯都唔錯，上面雖然都用上一啲肥豬肉，但係食落嘅時候唔會好肥膩，飯同肉嘅比例及味道都好均勻，所以食起嚟好舒服，好滿足飲品嘅選擇都幾多架，當然

得閒無聊就想去下旅行冇錢去旅行唯有搵D 當地食物黎食,想食台式野食..見到就入左去先嗌個蛋餅先..係台灣最鍾意就係食早餐, 因為有蛋餅唔知咩係甜不辣, 又嗌左份黎試下原來係炸魚糕..脆脆地, 幾香口再黎魯肉飯一碗..不是太大碗再黎擔仔麵食下食下, 已經有7份飽見到鹽穌雞, 又忍唔住嗌左黎食.O岩O岩炸起, 又係香口野,脆卜卜, 入面又有汁飲住台式野, 食台式野, 簡直好似去左台灣咁 (加埋D 環境裝修)最後就係甜品真係有十分飽!!!!

九分飽嘅裝修係參考咗台灣九份，除咗環境，呢度食物係好接近台灣嘅味道，令你好似去咗台灣咁。涼伴青瓜爽脆之餘仲帶一份辣味，作為前菜十分開胃😋滷味拼盤台灣夜市好流行食滷味。來到都試下滷水拼盤。入面有五種食物，包括豆腐、雞蛋、豬耳、雞翼、牛腱。特別要推介一下豬耳，整得入味之餘仲好脆。眨下眼就食哂。台灣香腸坊間好多餐廳嘅台灣腸都係原條上。呢度就切到一片片，旁邊仲放埋蒜片。香腸外皮整得好脆，入面就相對軟身。建議食嘅時候同蒜片一齊食，蒜片味道唔算強烈，怕口臭嘅朋友唔需要擔心。加咗蒜片之後一脆一軟一硬3種口感反差，提升整道菜嘅質素👍🏻豬手飯豬手煮到好淋，肉汁同醬汁混合埋一齊，每粒飯都吸到呢啲精華，食嘅時候咀唇好易黏埋一齊，記得叫定杯嘢飲濕下個咀。滷肉飯可能香港普遍比較注重健康，好多台式餐廳嘅滷肉脂肪比例好少。呢度嘅滷肉飯就唔同，幾乎瘦肉同脂肪係一半半，真係又愛又恨。不過正因為咁肥膩，味道就更貼近台灣，所以每次來到，無論幾內疚都會叫一碗。

男朋友成日都提起北角呢個corner位有間食台灣野，明明之前同佢食係一間拉麵店。次次兜過去都冇開門，今次原先諗住求其喺天后食台灣野，因為我麻麻煩煩佢就突然拉住我行左去呢度，好彩有開門咋終於。見佢門面已經好有台灣九份嘅味道，雖然鋪仔細細但係裝修陳設同九份嘅氣氛差唔多！一入門口已經有位台灣口音嘅女士招呼我哋入去坐，我哋叫咗必食嘅滷肉飯仲有台灣腸、酥炸魷魚酥、肉鬆起司蛋餅、杯芽奶茶同埋芋圓甜品。滷肉飯我叫咗個細嘅，但係男朋友怪責我點解要搶佢啲嚟食，因為佢諗住個人獨享，而我就最鍾意share嘅。（如果大size嘅有半隻滷水蛋添㗎）我相信正宗嘅滷肉飯都係肥瘦參半咁先至油香四溢，當然我會盡量將啲肥嘅畀晒男朋友食啦哈哈哈😄一大兜酥炸魷魚鬚佢炸得好鬆軟，不過係略嫌爭少少味道。男朋友叫我揀一係食炸花枝丸一係食台灣腸我就揀咗後者，佢覺得有啲意外，因為平時我唔主張食香腸但係唔知點解某幾隻腸我又接受到㗎喎 ，包括有台灣腸、紅腸、小紅腸同埋豬肉腸等等。台灣腸加埋啲蒜片食👍🏻肉鬆起司蛋餅本來淨係叫起司蛋餅，不過侍應姐姐話只係得返肉鬆起司蛋餅，雖然唔係好明個邏輯不過佢都算啦照食啦！本身對肉鬆都OK嘅，特別係泰國嗰啲