九份•十分 (已結業)

好耐無食過台灣野啦！經過見到呢到裝修幾靚就入去試下！本身以為係得台灣野食，但原來都有唔少中式小菜，餐牌分類咁寫，有分海鮮類、豬肉類等等，咁睇方便好多。叫左個台式牛肉面，有得簡粗或幼面，我就簡左粗面。牛肉麵湯底濃郁，牛肉炆到好淋好入味，湯底入面仲有d酸菜，粗面原來都幾有咬口！之後叫左碟口水雞，呢款口水雞比平時食到既較辣，鐘意食辣既朋友可以試下，但唔食得辣既朋友可以試下其他！麻醬雞絲粉皮就聽得多，呢個係wasabi 雞絲粉皮，個底有d青瓜絲，要記得撈勻先食！食落幾特別！野飲方面都幾多選擇，而且仲會可以簡糖度同冰既選擇，好似手調飲品店咁！叫左一杯珍珠奶茶，一杯胚芽珍珠奶茶，不過不失！見到台面有好多調味粉，我諗叫鹽酥雞可以配黎食！如果掛住台灣野，黎呢到都不失為一個好選擇！

今天約了母親大人去食一下中菜以外的菜色，所以便到了這間台式餐廳，誰知她還是點了很多類近中菜的菜色，不過味道尚算不俗。裝修色彩斑斕豐富而且預食物格調配合得很好，空間寬躺在香港確實少見，可以見到枱月台之間的空間很大給人一種很舒服的感覺。枱上有很多調味料，有11種。 雖然很少需要用到，但給人一種貼心，一應俱全的感覺。再到menu，真是會令人出現選擇困難症，其實我個人覺得可以刪減一點。千挑萬選下最終點了嘉義杏鮑菇三杯雞、台南咖喱醬炒蜆、紅燒牛肉麵、古早老媽蒸大鱔、酸菜魚片、珍寶三色粉；飲品方面點了綜合水果茶和熱黑糖薑母茶。看上去數量有點多，但作為餓底的我們其實是剛剛好。首當其衝的是三杯雞和炒蜆，三杯雞端來的時候發出炸炸聲，而且十分香，雞肉很入味，冇花冇假的聲色味俱全。咖喱味炒蜆我也是第一次品嚐，台南咖喱醬再加少量沙茶醬與炒蜆卻是出奇地夾，很有台灣風味。我自己對鱔不是太感興趣，但由於老媽子對魚情有獨鍾所以最後點了這個古早老媽蒸大鱔。我討厭的腥味卻出奇地找不到，因此我對這才絕不抗拒，而且蒸煮的用料十足，所以我媽媽當場把它秒殺。此店的王牌是紅燒牛肉麵，先說它的牛肉是非常嫩滑，麵條口感十足，不是誇張我

每次返完大陸之後總會去上水或者粉嶺食嘢,真係指定動作嚟㗎!!!今次又畀我八到間又抵食又好食既餐廳!!!d員工重要好好服務!!!呢度嘅食物種類都好多選擇,而當晚就叫左小菜小食為主!!!醉鮑魚,呢個小食係睇到餐牌張相好靚而叫既,上到枱同張相一樣,賣相都係好靚好精緻!!!貨真價實無呃人,一淡一口鮑魚,帶酒香,爽口!!!欖菜肉鬆炒四季豆,呢個炒法埋左茨汁,令到每一條菜都好入味!!!送飯一流!!!成碗飯食曬!!!鹹蛋蝦,已經剪咗頭食起嚟好方便,好有鑊氣好野味!!!影咗個特寫,唔係用死臭蝦,好新鮮,食落彈牙爽口!!! 呢個朵椒蒸比目魚真係冇得頂,味道好到位,生熟程度拿捏得好好,魚肉口感滑嘟嘟,辣辣地,好香口,比目魚幾乎無魚骨,食落啖啖肉!!!銀魚魷魚鬚炒韭菜花,好野味,魷魚鬚嘅份量好多,仲有就係佢攞韭菜花最嫩嘅頭部位嚟炒,完全食唔到一條係老,完全食唔到一條係有渣㗎!!!超讚!!!醉豬手味道偏淡,豬手好爽口,有骨吮亦好多肉咬,口感豐富 !!!依杯嘢飲個名勁正,"維多利亞的秘密"好似好神秘咁,而且勁靚成杯粉紅色,同埋超大杯飲極都仲有咁,因為有啲莓喺度所以味道甜甜酸酸 !!!

閨蜜上網search到呢間唔錯嘅台灣菜，就約我一齊撐枱腳。見到門口裝潢嘅色彩配搭已經感覺好豐富，裡面各種decor同顏色都配搭得好台吧feel，座位仲好舒適闊落，令人好期待～望下Menu，嘩！選擇困難症發作，去台灣咁多次都無見過一間有咁多種類台菜嘅餐廳。好啦，個friend於是又order到一枱滿。。。。🔆涼伴三小碟🥢🥢🥢 - 貓耳、麻辣牛𦟌、山葵雞絲粉皮 - 天氣咁熱，先黎個涼拌前菜就最岩。呢幾樣我覺得最好味係麻辣牛𦟌，有筋位嘅牛𦟌好軟腍，涼拌加麻辣係雙重感受，讚！🔆油鹽水胡椒煮蜆 - 真材實料，好多蜆肉。胡椒味嘅海鮮湯好鮮甜，正！🔆避風塘蝦膠🦐釀蓮藕片 - 好正宗嘅避風塘炒法，最正係炸蒜同蔥都好好食；蝦膠彈牙釀落爽口蓮藕片，雙重口感，味道香辣惹味，令人一口接一口食唔停。🔆豉汁帶子蒸豆腐 - 滑溜豆腐上面有帶子同原粒靚豆豉，咸香味真係可以食多兩碗飯！🔆古早醉雞🐤 - 花雕味好重，酒香入骨，我好酒味餸菜，酒精揮發黎剩低嘅酒甜味真係配乜都咁好食，尤其是涼拌菜。🔆珍寶三色粉 - 成幅畫咁靚！靚到唔捨得食！仲要有平民燕窩-桃膠，幾咁養顏呀！仲有紅豆、芋圓、珍珠、冰美人花美男（台式黑白冰粉，口

今早與友人一同來到一間名字像是台灣餐廳的茶餐廳吃個早餐。餐廳裡算是大，枱與枱之間算是闊敞，枱面上有很多不同種類的調味料(例如有芝士粉、咖喱粉、紫菜粉和梅子粉等等約有11種)，這是這間餐廳唯一最特別的。大家都要了港式經典早餐：第一個餐是香煎雞扒米線($34)，配漢堡扒和炒蛋，配牛油厚多士，送奶茶(+$3轉凍飲)。雞扒挺大件，似乎是炸的而不是煎的，而且泡在湯裡已變得軟軟的；米線的口感是普遍的，不爽口彈牙，又不會一咬即散；炒蛋有點overcooked；厚多士很鬆脆。這個套餐整體都是非常普通，食物質量算是中下的程度，最美味的是牛油厚多士！第二個餐是醬油煎豬扒米線($34)，配漢堡扒和炒蛋，(+$2)轉配奶油豬仔包(半隻)，送青檸柑桔(+$3轉凍飲)。豬扒有點韌；米線同上；炒蛋同上；奶油豬仔包也是很鬆脆。這個套餐整體也是非常地普通，唯一最美味的是奶油豬仔包。還有一點，就是小編坐在這裏被蚊子咬了兩次！這裏的早餐是挺便宜的，$40內就能吃得很飽但可惜全部都非常普通而且是中下，建議大家只吃他們的厚多士和奶油豬仔包就可以了。

星期日既朝早估唔到周圍既食肆都好多人有位坐既情況下有得搭枱都好叫左吉烈黑豚配多士可能忙 我嗰份個賣相差啲連蛋沙律都唔係球體我見人地嗰份係擺碟都好睇啲雖然外觀唔算好 但係估唔到今次味道又幾好喎！上次食晚餐好鹹 今次試早餐就各種配料都ok塊多士唔係烘起好耐嗰啲仲熱 脆口唔硬 吉烈豬入面係軟熟多汁既最重要係熟既( ´▽｀)蛋沙律好好食 固然有保留到蛋味都有少少甜味茄汁豆同菇就冇咩特別菜睇落都綠 但就唔算好新鮮配返杯冬瓜茶就有返啲台灣風味甜甜地 幾好飲 為上次平反

今次又再黎上水九份十分食野，呢度都係咁多客，可能係上水嘅台式食物比較少，好受歡迎！好在呢度鋪位好大，時間又算早，所以唔洗排隊！因為好肚餓， 叫左鳳梨雞粒炒飯食，超！級！大！碟！三人份量都好夠！所以好抵食！大食一族一定要揀呢度啲飯類食下！另外仲揀左蚵仔肉碎泡飯，蚵仔大大粒好肥美，加返啲胡椒粉調味簡直係perfect！仲叫咗老虎醬雞腎角，開頭唔知老虎醬係咩黎，原來係辣醬嘅一種！細細碟嘅開胃小食！唔算辣，如果再辣啲會更好！最後要叫番啲蔬菜，XO醬西芹炒牛柳絲，好惹味，辣辣地好開胃！牛柳絲又唔un，好食！最後飲左杯鮮柑桔檸檬！味道比較淡，如果濃味啲會更好！要讚一讚呢度職員服務態度幾好！笑容滿面！勤力又快手！

本身住上水，就搵下附近有咩好食，係彩園廣場發現左間新開的台式食店，就同朋友試下。一去到午飯時段都幾多人，不過就唔洗等位，侍應安排左我地坐2人枱。裝修幾好，坐得幾舒服，侍應服務態度都幾好，好熱心介紹野食俾我地。其實佢地都幾多特色飲品同野食，不過我同朋友想食粉麵飯，就叫左個福健炒飯同沙茶牛肉炒河，味道唔錯，好大碟，我地係食唔晒。我地仲叫左雞翼，可以選5隻同2隻，我地2個人就選左2隻，試食一下，如果炸粉再薄少少，會更好食。我仲叫左個水果茶，茶味夠濃，水果都幾新鮮。而個甜品細細碟，2個人食，份量剛剛好，唔會太甜，味道唔錯。我地都坐左個幾鐘，而侍應都唔會趕住收我地既野食，俾足夠時間我地慢慢食，最後埋單$200幾，價錢合理，如果下次再黎食可能2個人叫一個主食就夠，因為都食唔晒。

好似以前好多人排隊 但而家已經冇左之前嗰種盛大好啦見冇乜人就入去食個晚餐啦！台灣菜就係要食鴨舌！ 冷盤不過呢道唔係台灣唔係滷天祿 所以都唔叫滷水叫呢個有少少酒味既酒味唔算太濃 唔會話刺喉 仲帶少少香味算係個開胃前菜 唔錯唔錯台灣菜 最常見既滷肉飯！但因為係香港所以食滷肉湯面份量同價錢成正比 細細碗 得一隻蝦個面既質感都可以接受 勉強都可以叫彈牙不過！ 就有少少偏濃味偏鹹 冇乜台灣略甜既風味 少少失望啦肉鬆豆腐皮蛋 冷盤個肉鬆係有返少少甜既但個汁都係好鹹 食一兩啖都ok但食多兩食連條脷都麻麻地好鹹！肉鬆平衡唔到 真係好鹹！唔知係咪預跟白飯食會好啲但我冇飯送所以覺得真係好鹹！最後係兩面黃冇諗過有得叫所以就嗌黎食基本面要脆 汁要熱 料要多三樣都做到既不過都係偏重口味如果冇食上兩樣菜應該都可以食得落但個汁又係好鹹 食到味蕾有啲辛苦有啲食到攰既感覺 有種一餐已經超過一星期含鹽量既標準。。。。新野都係試一次就夠

在上水不知道食咩好，上openrice睇，這間台式餐廳是第一位。地點在近火車站的彩園村，決定一試。芝士蘑菇釀雞翼不錯，多芝士餃子一般，應不是自家制咖喱好抵食，連薄餅，再加$12有白飯和飲品，一人是食唔晒

今晚相約左閠蜜去上水既一間台式餐廳食飯、一早已經訂左檯，兩個人坐向較出面既一張二人檯，倘算寬躺。我地一坐底就被餐廳內台式裝橫吸引，感覺坐在火車路軌旁品嚐、好像置身於台灣九分十分甘地道🙂 我二話不說當然要睇下落單簿內有咩好食，各式餸菜都有精美相片，淨係野飲都有好幾頁，相當豐富。我同閨蜜都點左個鹽酥雞配以多種調味粉：梅子、咖哩、香草、原味、香辣及芝士六種配搭，我首先試原味，原味本身主要係鹽，比較野味🤤 隨後梅子帶酸、咖哩比較普通、香草味濃、香辣既辣度尚可接受不太偏辣、至於芝士粉同鹽酥雞較配合，可算絶配❤ 接箸係小食半熟蛋，蛋黃熟透情度岩岩好、不太生不太熟，恰到好處，口感一流，值得一試👏🏻由於我地對雞亦情有獨鍾，於是點左芝士鑲無骨雞亦，賣相外脆，再試食左之後，更喜出望外，因為雞赤煎得金黃酥脆、但仍保持內軟、芝士溶化得宜、更見廚師既用心😋另外要一讚個大大碗雞肉湯飯，湯底夠熱又不油膩，食後感不太肥膩，令我地食完一碗再添一碗👍🏻有飯有肉自然有菜，所以我地叫左個魯肉娃娃菜，重味魯肉配上清爽娃娃菜，味道好配合、又開胃、好好味。壓軸登場就係蚵仔煎，向方間食到既多數有好多粉漿，但今次令我刮目相看係因為呢度

好耐冇食啦！今天同朋友北上完按摩之後，回港消費，去咗上水間九份，十分開餐醫肚！有新菜式當然要試新嘢啦！嘉義土鹹菜沙鍋魚頭！個沙鍋內有腐竹，魚丸，豬肉丸，粉絲，金針菜，大白菜等等，主角當然係大魚頭啦！廚師炸得好香，個魚湯汁有濃濃的沙茶醬，少少辣，極香口！醉豬手！淡淡醉香酒味！碟底還有好多木耳墊底，抵食！蒜泥白肉！每塊都啖啖蒜汁，肉又腍，正！最重要個汁可以撈飯食！朋友為了撈個蒜泥汁，特別叫了松子薑米蛋白素菜炒飯，朋友話係最佳拍擋！朋友差不多掃清碟飯，只留下半碗比我！溫泉玉子牛油果凱薩沙律，牛油果同沙律菜都好新鮮！大大碗，正！紅柚茉莉綠茶！清香柚子味，清清甜甜，好解渴！另一主角出場啦！芋圓珍珠雙色冰淇淋鬆餅！芋圓，珍珠煙煙韌韌又咬口！新鮮生果好清甜！雙色雪糕分別是芋頭同芒果！個窩夫邊帶點脆口，好好味！除了餐廳的食物好味之外，侍應們個個都好有禮物！最重要帶著笑容去招呼客人！真的要比十個讚！

彩園村呢到越來越多不同種類嘅餐廳！呢間台式餐廳開左好幾個月，今次第一次黎試試！青瓜梳打，好清新！老虎醬鴨舌，辣辣地咁，惹味！底甜酸菜都好食萬巒豬手，炆得岩岩好，唔會太淋，又保持到有口感台灣鹽酥雞，餐牌寫住自選口味，係每張枱面上到有齊晒咁多唔同嘅調味粉！每件計一隻味，都試唔晒！櫻花蝦高麗菜煎蛋餅（山海醬），有少少似日式大阪燒，入面有好多菜，好爽口的水佬薑母炆鴨，台式小菜剁椒蒸比目魚，雖然好似唔係台灣菜式，不過我覺得又平又抵食，還要幾好味道

成日食快餐食到悶悶地，今晚去試新野。見到呢間以台灣地區九份·十分做店名，勾起而我之前去台北時喺九份食食食同喺十分放天燈既回憶。餐廳環境走平民路線，沒有特別加添台灣元素既裝修，但勝在夠光猛寛敞，坐得幾舒服，重點係食物質素高。近排台式手搖飲品無論喺香港定日本都火紅到不得了，而飲品喺呢間餐廳都佔左好高地位，淨係飲品選擇，都佔左餐牌3-4頁，有果茶、沙冰、黑糖、珍珠……大部份仲可以揀甜度同冰量，拍得住出面既手搖飲品專門店，而且出黎既味道同賣相都唔差，我地每人叫左一杯，餐廳原本提供嗰杯水原全冇飲過，哈 。食物選擇都好多，除左台灣特色野，仲有一般中式小菜，我地每樣叫啲﹕溫泉玉子牛油果凱撒沙律﹕沙律菜用一般生菜及紫椰菜，但都好新鮮爽口，加埋啲半熟蛋黃、牛油果同麵包粒撈埋一齊幾好食。黃金蝦﹕中size 既蝦，食落爽口彈牙，鹹蛋黃薄薄一層唔會太滯，啱啱好。帶子蒸豆腐﹕叫左咁多邪惡野，呢個清清地，豆腐似係百福，冇乜豆味，中規中距。培根雞蛋拉絲手抓餅 ﹕手抓餅+煙肉+蛋 本身就係絶配，我每次去台灣必食，呢度加埋啲酸酸地既沙律醬同芝士，好食，略嫌手抓餅太軟身唔夠酥脆。忌廉芝士磨菇雞翅﹕鹹鹹甜甜，味道幾夾，重點

屋企附近愈來愈多新餐廳，今日心血來潮想飲黑糖珍珠鮮奶，所以就Search附近邊到有台式餐廳，點知比我揾到間！呢間餐廳都幾大，雖然有人排隊，但唔會等太耐。九份•十分比香港一般的台式餐廳選擇更多更廣，除了有多款台式小炒及料理外，仲有多款台式小食！古早醉雞整得非常入味，雞肉的口感唔算特別嫩，但咬入雞肉時，酒的香氣隨此滲出。雞皮夠滑溜但唔會太厚太肥。我去台灣旅行時，我每日起碼食一份手抓餅！餐廳呢份培根雞蛋拉絲手抓餅有齊晒我心愛的配料，加上加入大量的芝士係鐵板上，食的時候除了有拉絲效果外，仲夠曬熱辣辣。蚵煎係食台灣菜的Must Have。呢份蚵仔煎得圓碌碌。同台灣的蚵煎一樣，係生菜上倒入有「彈性」的粉漿，入口有咬口但唔會痴牙。每粒蚵仔都飽滿，味道唔會腥！如果佢可以煎得再香少少，就可以將台灣食的味道神還原啦～係香港的台式餐廳，個個都只係燒/煎香台灣的腸就賣，但真係無咩餐廳會賣大腸包小腸！係香軟煙韌的糯米腸上放住夾住蒜片的台式香腸，上面再灑上肉鬆。忌廉芝士蘑菇雞翅有分2隻同4隻。餡的芝士的量唔多，都係以忌廉為主，再加以蘑菇。整體不錯，如果可以再炸得出面脆少少，入面可以多少少芝士就一定更吸引。雖然已經