九份•十分 (已結業)

這間餐廳食過幾次，一直覺得食物選擇多，質素又有水準，性價比很高。飲品的選擇多元化，可以選擇甜度，適合我這種喜歡走糖的食客。我點了熱珍珠奶茶 （$22），朋友點了凍珍珠紅豆奶茶（$26）。這次點了培根雞蛋拉絲手抓餅（$55）、溫泉玉子牛油果凱薩沙律（$48）、茶沙安格斯牛柳粒（$88）和宜蘭蝦頭油蟹子炒飯（$88）。炒飯先上，份量比想像中多。一送到就聞到蝦香，味道都沒有令人失望，混和蝦粒、蛋、蟹子等配料，口感豐富，很惹味，整體又不覺很油膩。牛柳粒用鐵板燒的形式上，個人特別喜歡配料蘑菇，非常juicy，而且吸取了牛柳粒的味道，令人食不住口。沙律份量也很多，牛油果及生菜都很新鮮。推介手抓餅，餅底香脆但不油膩，配合芝士、雞蛋等非常惹味！

我之前食過兩次天水圍既分店，覺得好好食。今日咁岩經過上水，於是黎呢間分店再食。餐廳位置好方便，係上水火車站C 出口，行去彩園廣場就到，只需幾分鐘。我專登早啲到，大概12:25，點知餐廳差唔到坐滿晒人，十分好生意。我叫左個Set lunch同小食。紅燒牛肉麵 $58有得揀粗麵定幼麵，我揀左粗麵，因為鍾意粗麵既口感。我最欣賞係啲牛肉，幾入味，夠嫩夠林，同埋好大舊架。而麵量都幾多，飽到食唔晒。個湯有小小辣，偏甜，都幾有牛肉味。焦糖珍珠奶茶 +$5原本我想嗌黑糖珍珠鮮奶，但原來晚市先有，所以嗌左呢杯焦糖珍珠奶茶，都差唔多姐，仲抵，哈哈～呢杯野唔會太甜，珍珠唔錯，但都幾多冰，下次我會嗌少冰。醉鴨舌 $48估唔到係咁大碟，我一個人完全食唔晒。鴨舌底下有啲木耳，啲木耳係好重酒味，有少少苦，食下鴨舌都幾開胃。總括而言，食過兩間分店，我覺得上水呢間食物選擇好似多啲，Set Lunch都幾抵。

哇哇哇 九份十分又開分店啦 之前試過其他分店的也覺得不錯 越開朋友系上水食飯 當然來試下。我發現呢間分店好多元化 西式沙律又有，叫餸食飯又有 台灣地道小食又有 連酸菜魚都有～先來一個沙律，溫泉玉子牛油果凱撒沙律。玉子撈埋沙律菜好creamy,牛油果熟透，好好味。再來一碟三款的鹽酥小食，包括有雞粒，魷魚so同埋雞髀骨，上碟大大舊，食落入面都真材實料，唔會好多粉。最特意系可以任點台上的粉，勁多口味，我發現最好食都系原味，姐系椒鹽，真係天生一對啊。仲有鹵水拼盤，包括有雞翼，豆腐，蛋，牛肚。鹵水汁好香香葉八角味。送飯一流。由於之前試過其他菜都ok,於是我地帶住點期望叫左碟酸菜魚...嗯...得個咸味...還是內地的好食點，呢個不推介。另外我地都叫左杯水果茶同orea沙冰。水果菜好足料，新鮮的水果有多重口感。

上水呢間台式餐廳，環境闊落，餐牌亦有好多選擇，仲要係免加一，同朋友叫咗兩個主食、兩個小食、一個甜品同埋一杯嘢飲，大快朵頤～主食有紅燒牛肉粗麵（$62）同胡麻芥茉雞肉涼麵（$62）。紅燒牛肉粗麵，牛肉份量都多，有牛展肉三大塊，整到七成熟，肉質好軟嫩，擁有阿婆牙嘅朋友（因為箍牙而食唔到硬嘢）都認證肉好方便佢咬😂。麵底選用左粗麵，麵條彈牙，至於湯底用咗牛肉湯，可用餐廳設置嘅調味吧，自行為湯底加入香料，會更加適合個人口味（個人推薦餐廳的辣椒油🤤👍🏻）。胡麻芥末雞肉涼麵，涼麵同雞肉都用左芝麻醬同芥末調味，識落帶點微辣，配埋洋蔥一齊食非常惹味。雞肉份量都多，而且肉質一啲都唔鞋，而麵條亦非常彈牙好食，非常推薦！小食叫咗培根雞蛋拉絲手抓餅（$58）、蚵仔煎（$38）。培根雞蛋拉絲手抓餅，睇落去賣相非常邪惡，醬汁用咗沙律醬、香草同芝士，配埋培根雞蛋拉絲手抓餅，配搭唔錯，唯一可惜嘅係，手抓餅餅底唔算脆身，若果可以做到餅底酥脆，會加分不少。蚵仔煎味道唔錯，但餅底唔算脆身，整體表現不過不失。甜品叫左台妹愛遇（愛玉）（$25），甜品底部有檸檬愛玉，食落爽口而帶點檸檬香味，配料有芋圓、珍珠同桃膠，淋上黑糖漿作為調

經過見到間『九份·十分』主打台灣野，見menu岩食，入面又有位，一於入去試下～本身諗住食港式下午茶嘅，所以雖然menu有好多台式食物，但都無揀到，怎捨得離棄我最心愛的西多士呢😍無論台式、港式定西式下午茶都有好多選擇，而且價錢合理👍🏼👍🏼今次我地叫左T42，T46。跟餐飲品方面都好多樣化，我地試左「鮮柑桔檸檬」同「黑糖薑母茶」兩杯味道都ok～「椒鹽炸雞配沙律，脆薯角，西多士」沙律特別得黎有啲怪怪地😂全部都係蛋來的，口感同味道都好有新鮮感（對我來講）「勁芝士焗肉醬意粉」好多芝士味，肉醬份量都好足，不過味道偏咸，淡返少少會岩食啲～

幾個月前喱到開左間餐廳叫九分十分 一聽個名就知係台灣菜啦 上水的台灣菜廖廖可數 所以每次經過都見到好多人等位 ..終於星期一晚上 經過看到唔多人 馬上入去試一試 餐廳格局係茶餐廳風格 卡位唔少 座位闊落 黎到正題 平時台灣菜都是吃鹽酥雞牛肉麵 今次爸爸媽媽想試其他嘢 宜蘭車站大鱔煲！ 超好吃 上菜時熱到仲係滾架 入面配料有蘿蔔同埋腩肉 蘿蔔勁入味 魚肉帶有少少爽口 喱個煲有汁撈飯食一流 蝦膠蒸滑豆腐又係一個好值得推介嘅菜式豆腐超級嫩滑 用湯匙筆唔小心都斷開 每一個豆腐上面都有彈牙蝦膠 呢個餸比較清淡 感覺好健康 喱到每一個小菜都可以轉成套餐 有白飯同嘢飲 性價比很高啊

上水區冇乜台灣菜食店，所以好開心終於開咗呢間又就腳，價錢又抵食嘅！個名都夠哂台灣，拎哂兩個香港人最鍾意去嘅台灣地方做名👍🏻講返嘢食，餐牌食物選擇好多，除咗台灣特色嘅嘢食，仲有一啲有返香港味道嘅餸菜，本menu揭極都仲有，一度諗唔到食乜好😂當然食台灣嘢一定要嗌紅燒牛肉麵，呢度好貼心講到明係微辣，對於辣好敏感嘅人真係會食到少少辣，其他人就應該唔會好覺啦。碗麵牛肉份量好多仲要係大大舊，牛肉係半肉半筋，真係好抵讚👍🏻麵底有得揀粗麵幼麵，貫徹咗呢間餐廳俾食客好多選擇嘅風格。我就揀咗粗麵，啲麵好有咬口，真係似係台灣食嘅牛肉麵！然後仲嗌咗個芝士培根手抓餅，邪惡芝士拉哂絲，淋係上面嘅醬汁有沙律醬同木魚碎，有少少和式嘅感覺。我同友人都一致覺得好好味，不過記得要趁熱食！另外仲嗌咗滷肉飯同落嚟送飯嘅金銀蛋浸菜心。個飯好香口，份菜都好大份，鹹蛋皮蛋都好足料👍🏻最尾嘢飲嗌咗奶蓋紅茶同紫薯牛奶。好值得欣賞嘅係呢度有部分嘅嘢飲有得揀甜度（全糖，半糖，少糖，微糖等等），好多餐廳即使係台式餐廳都冇得咁樣揀。雖然呢兩杯都冇得揀甜度，但飲落都唔會好甜。紫薯鮮奶唔會係成杯好假嘅色素紫色，而係淡淡嘅紫色，食落好有紫薯嘅味道仲咬

想喺上水食台灣野，都唔算太多選擇。呢間都算嘅新開嘅台灣餐廳，裝修都幾靚，好精緻。每次經過都見到好多人，剛好早左少少嚟唔使排隊，差唔多坐滿曬人，都幾旺場。餐廳食物種類很多，有五花八門嘅台灣嘢食選擇。花多眼亂，揀左一段時間先點到菜！叫咗Oreo珍珠奶茶同茉莉珍珠奶茶，珍珠唔算太硬幾有𡁻口，Oreo珍珠奶茶幾好飲，有曲奇碎，口感有層次。另外仲叫咗鹽酥雞，台灣腸，蛋餅。鹽酥雞仲有10種調味粉你選擇，最特別有梅子味而我最鍾意辣味同埋咖喱味夠香口夠辣，不過我懶，我鍾意餐廳幫我預先調好味道多啲🤣仲帶咗台灣麵線又有三種麵線嘅醬汁選擇，有烏醋，沙茶醬，蒜蓉，味道都唔錯，有台灣風味，值得一試！最後仲帶咗甜品食，好特別！好飽！好滿足！

之前沙田食過一次，但但係食過番尋味🤤台灣菜真係又多元化又好食上水分店比半年前沙田食嘅時候更多選擇和有小菜古早老馬蒸大鱔🙋🏻‍♀️即叫即整，要等一陣，可加$12配上白飯和飲品，大鱔鮮味十足，入曬味，十分香濃鳯梨蝦球🍍🙋🏻‍♀️小失望😐原來唔係原個鳯梨蓋，得個邊🌝不過唔緊要，食物質素救番分🤩蝦球外殼香脆，酸酸甜甜，幾過引基隆夜市炒蜆，惹味汁配上👍🏼必食: 三寶紅燒牛肉麵，感覺沙田分店較好食，但仍然評分十分高，有牛肚、牛根、牛肉，牛十分入味💯滷水雞翼，十分入味，下面配上甜酸菜鹽酥雞🤩又係其中一樣必食每枱一早準備調味粉，可以食到隻隻唔同味🥳最後仲有甜品🍮$25細細碗岩岩好俾眼闊肚窄嘅人💯好滿足

自從上年九月到了九份十分的天水圍分店吃過一次之後，就開紿愛上它的味道。知道他們上水開了分店之後，差不多，每個月光顧一至三次。今次，請朋友吃飯，一帶她品嚐熟悉的味道。櫻花蝦高麗菜煎蛋配上海山醬這個我最喜愛吃，好有口感及香濃蛋味配上海山醬另有一番滋味。一杯陳年老柑桔蜜,好潤喉及好喝。香芋珍珠朋友愛喝飲料之一宇治抹茶紅豆鮮奶好喝，不太甜又有甘甘的抹茶味。忌廉芝士磨菇雞翼愛它有啖啖的芝士味及香脆的味道。台式烤腸腸仔內配上芝士,更加美味！芒果軟殼蟹米紙卷軟綿綿的米紙包了香脆軟殼蟹加上清爽的生菜，吃上不太油膩, 可以吃上一口又一口。黃金四季豆 這個超贊，每一口的四季豆都被包滿鹹蛋香味,配上白飯一流。醉鮑魚鮑魚爽口又有酒香芋圓珍珠雙色冰淇淋鬆餅鬆餅鬆軟沾上冰淇，甜甜的美味，令人忘記一天的辛勞。紅燒半根半肉幼麵啖啖的牛肉及爽口的牛筋，喝上香甜牛肉的湯味，又吃上一口的幼麵，真是不錯的選擇！

最近同個friend 係上水食晚飯 因為我地都好想食台灣野嘅關係 我地就去左間位於有啲up dup 嘅彩園廣場 叫九份•十分嘅餐廳到食 其實依間餐廳我之前係天水圍嘅分店都食過 個陣冇咁多選擇 依到除左台灣野食之外反而多左中式小菜 擴大左餐廳嘅market 我入到去見到好多家庭都叫中式小菜 望落都唔錯但我同個朋友就堅持叫台灣嘅小食 滿足我地唔可以親臨台灣夜市嘅願望 所以我地叫左 大腸包小腸 手抓餅 鹽酥雞 蚵仔煎 胡麻芥末雞肉涼麵 當然唔少得甜品 冰粉美人 台妹愛遇 當然唔少得我鐘意飲嘅水果茶啦^^ 好味嘅要重點寫:大腸包小腸佢賣相唔似一條腸 但都有齊所有配料 佢外層個糯米好煙韌 中間嘅台灣腸加上上面嘅肉鬆都好香口 不過因為唔係包都好似餈飯咁 所以食嘅時候有啲狼狽😂手抓餅手抓餅係鐵板上 熱辣辣而且裏面嘅芝士溶溶地配上火腿真係一流 🤪鹽酥雞份量都幾大 出色嘅位係佢有好多唔同味嘅調味粉 個人較喜愛原味同紫菜😁蚵仔煎雖然佢啲蠔唔大隻 但勝在足料 而且加埋上面個醬好有夜市蚵仔煎嘅味道><水果茶真係好飲 唔太甜 佢比我啲嘅小杯裏面有塊冰雪住舊菠蘿 都幾特別 總括而言 食完今次嘅di

今日心血來潮又想食台灣菜，去揾朋友所以入左上水，朋友話開左間好味既台灣餐廳，所以一落車就直接過去，餐廳都近車站而且都幾大間。坐低睇餐牌，勁多選擇，飲品都有幾頁。枱面見到好多一支支唔同口味既調咪粉，所以我地即刻叫左份鹽酥雞，咁多款味道我最鍾意食梅子味道，朋友話咖喱味好正！然後叫左份台式綜合滷味拼盤（細）其實都唔細，兩個人食岩岩好！有鴨舌啊！朋友勁鍾意食，佢既大腸好入味！然後叫左份3杯雞，好有獲氣，雞件大大件啖啖肉！宜蘭蝦頭油蟹子炒飯，有好多蝦肉，飯炒得好香，炒飯加上蟹子，口感真係更好！想食碟菜，所以叫左碟西蘭花炒帶子，好飽好滿足。叫左水果茶同埋蜂皇咸柑桔，水果茶好好飲，好解渴。最後叫左份珍寶三色冰粉做甜品，鍾意食冰粉同芋圓既朋友一定要食下

黎到上水，到左附近既商場同朋友食晚飯。今次揀左九分.十分。好耐都冇試過台灣菜啦，有點期待!餐廳都算幾大，我地座位既旁邊頂有唔同既霓虹燈既字牌，俾人感覺好台灣夜市特色。枱上面有好整齊擺放既調味樽架，第一次見到咁多調味粉同醬料，雖然最後都冇用到，但鍾意重口味既人，我諗點都會有一款啱你口味。我同朋友都有選擇困難症，因為D野食太多種類同D飲品好多都好有特色幾靚。最後揀左一碗牛肉麵、幾款小食、一個甜品同2杯野飲。牛肉麵既麵條有得揀油麵OR 粗麵，我地揀左既係粗麵，粗麵真係台灣粗闊麵，個軟硬度好啱我同朋友。而牛肉麵湯底好清甜，感覺真係熬製左好耐。而牛肉真係好稔好大件，有牛筋，牛腩同混合,真係好好食!而鹽酥雞真係幾有夜市味道，外脆，而裡面仲保留到少許既肉汁。雞腎同牛展好入味，而雞腎好爽口，而牛展有少許嚼勁。另外野飲方面，我同朋友分別叫左墾丁星空同維多利亞的祕密。墾丁星空既顏色好靚，以蝶豆戀花同青檸溝埋一齊，味道比較酸。超級好胃同解渴!但如果唔太食酸既人真係唔太建議飲呢杯，因為真係偏酸。但因為個人鍾意酸野，所以覺得幾爽。值得一提既係呢杯野飲會配置一個發光杯墊，營造更夢幻效果!而朋友杯維多利亞的袐密，其

想食台灣野,呢度既DECOR都幾得意,有TRAIN,感覺去左台灣既TRAIN STATION咁。WALL上有好多台灣既磁石。好有台灣風情呀!好中意杯綜合水果TEA,好多水果,仲有話梅,仲有佢粒冰有LEMON,真係好得意,令我覺得杯野即時變得好唔同。本身好飽,飲完杯野即時有返胃口,好想食多D野。叫左個PINEAPPLE蝦,用新鮮PINEAPPLE載住D蝦,好清新好開胃,D蝦都好新鮮呀!個甜品有特色,一次試到幾野樣,有珍珠,有芋丸,有新鮮水果,又有兩球雪糕,好抵食,個甜品份量好大,夠2個人SHARE。店員服務態度都好好,佢張TABLE好大,坐得舒服。個MENU仲有好多款野可以選,食多幾次都唔厭。下次會再來!

今日去到上水揾朋友食飯, 佢話之前經過一間台灣野好吸引, 一直好想試, 咁我地就決定去哥間台灣野開餐啦入到去睇本餐牌佢食物種類都非常之多, 佢吾單止得台灣野, 仲有得食中式小菜同埋鋸扒, 不過朋友話想食台灣野, 咁我地主要都係叫左台灣野黎食食台灣野邊小得滷肉飯, 細細碗岩岩好, 肉汁美味, 肥瘦適中, 食落十分惹味, 加上蘿白十分開胃另一樣台灣必食美食, 緊係牛肉面啦, 份量好足, 一個人食一碗應該已經飽哂, 牛肉炆得褂常淋身, 好正, 而且湯底十分濃郁, 飲落吾會口渴, 必食之選由於我本身食咸蛋愛好者, 見到佢有依個小菜我都忍吾到手叫左, 加上睇左圖本身諗住佢好細份就點黎試下, 點知....(見圖), 但食落咸蛋味好濃, 而且炸得十分香口, 令到我地都食吾停口另外我地仲叫左個鹽酥雞, 有一個值得稱讚的地方就係佢台面有好多吾到既味粉可以加去個鹽酥雞度, 你可以叫一份雞但係有吾到的口味, 好食又好玩