九份•十分 (河畔花園) (已結業)

收工專登過左沙田圍搵朋友食飯，平時好少去呢頭食野，原來都幾多餐廳選擇，見到呢間食台灣野既餐廳門面裝修得幾靚就決定入去試下！餐廳裡面裝修都唔錯，幾有台灣風味。叫左個冷門d 既 基隆紫菜蝦蝦泡飯，同行朋友就叫左大路既 紅燒牛肉面。再叫左d 小食 share, 有醉溏心蛋，古早醉雞，同埋台式綜合滷味拼盤。野飲方面叫左個賣相好吸引既紅心皇后同埋胚芽珍珠奶茶。醉溏心蛋同醉雞都幾重酒香，但味道偏咸，如果有得送飯就一流！雞可以再滑d, 溏心蛋蛋心可以再流心d 就更好。泡飯都足料，有好多蝦米同幾粒連殼蝦肉，牛肉麵既牛筋牛腩煮到好淋好入味，湯底同麵底就可以啦。拼盤有好多唔同既料，有豬腸，鴨舌，豆腐，雞翼，雞腎等等。野飲方面算係呢餐最滿意，杯紅心皇后好重好香士多啤梨味，值得推介呀！

一聽個名就知呢間餐廳係食台灣菜架啦，門面清楚易睇，好容易就搵到呢間餐廳架啦 今晚既食物當中都叫左一D小食，例如呢一款 - 皮蛋豆腐，凍食既佢都唔錯，份量正常，滑豆腐上面有D肉鬆襯托，皮蛋都幾有咬口，都幾好食食台灣菜，點都要整碗牛肉麵既，呢碗紅燒牛肉麵(粗麵)就唔錯啦真係餐廳可以比客人揀個麵係要粗定幼既，今次我就揀左粗，因為比較有咬口 ; 而佢既紅燒牛肉都做得唔錯，件件都大大舊，但大件得黎，口感又唔會韌或硬，係做得唔錯既 ; 配合埋湯底香濃牛肉味既味道，你會鍾意食既台灣飲品當中，珍珠奶茶都真係代表之一啦，我就叫左杯胚芽珍珠奶茶，因為好似比普通既珍珠奶茶特別D，口感上有多D唔同既層次，而且味道都會豐富少少，好飲好飲鹽酥雞 !! 真係冇理由唔叫啦掛 ! 又幾特別喎，除左碟鹽酥雞之外，餐廳重比左一SET調味粉比客人，可以自己為果件鹽酥雞調味，當然我就最鍾意原本鹽酥雞既椒鹽味啦，味道既輕重都可以自己調教，唔錯唔錯每件雞都炸得好香脆，因為大大件既佢，都好有咬口，入面重有雞油流出，加埋自己調教既味道，特別好味滷水拼盤都值得一試既，當中有豬耳，一隻雞翼，滷水蛋及大腸等等 ; 比較有驚喜既係當中重包括左

第二次食，第一次都正常價格稍貴。幾個月後再黎食物質素已經差咗，而且服務態度好差，落單幾樣野都錯晒，改完都上錯。今次嗌返一樣嘅嘢portion都細咗，希望可以做返好，唔好因爲多咗人食而罔顧質素。

本來約了在市中心食飯, 忽然之間滂沱大雨, 沒法子下跟同事只好在附近找落腳, 在河畔花園樓下, 就發現了這間不太起眼的台灣食店.餐廳裝飾簡潔, 沒有太花巧, 不過餐牌的選擇, 卻多如繁星單是 drink list 已經令人難以決澤小食類有熱葷也有冷點未食正餐已經想先叫甜品單是看menu也攪了十多分鐘, 先來個推介的醉溏心蛋($15), 下面不知是木耳還是雲耳, 用酒調了味, 很香口還未咬下去, 蛋漿已流心走出來, 加上酒的香氣, 混和起來味道香醇, 這個蛋果然值得推介阿春麵線($28) - 自己對蚵仔麵線情有獨鐘, 來到台灣店子, 怎可以不叫一碗滷水拼盤($58) - 帶小小酒香, 只得兩個人所以點了細size, 不過份量也不少, 雞翼鴨舌雞腎豆腐雞蛋, 好像還有一兩樣叫不出名字, 重要的是味道夠濃, 每件都很足味鹽酥雞($48) - 這個有點不得了, 吃之前想著不過是一般炸雞, 咬下去, 雞肉非常嫩滑, 還有點點的juicy口感, 外皮香脆, 完全不帶半點油膩的味道, 非常出色, 平時不會吃炸雞皮的我, 都咬著這薄薄又香脆的雞皮吃過不停有幾種香粉給客人選擇, 梅子粉及原味是我的選擇紫

台灣野，對香港人黎講應該唔陌生。今日黎到呢間台式餐廳估唔到都有驚喜！入到餐廳，就有一陣好熟悉既台灣味道(應該係肉燥味，哈哈!)，枱面都乾淨，係常見既木桌，舒適又唔造作。餐牌幾繽紛，有唔同既顏色配搭。「香氣馥郁」首先黎到既係醉雞，點餐果陣已經問過店員，份量多唔多，兩個人食會唔會唔夠，店員語差唔多半隻雞，一開始我都半信半疑，點知黎到真係好大份！皮冇油膩感，可能係料酒既功勞。而且雞肉咬落有淡淡既杞子香，肉質唔柴，而且酒味都夠濃。呢個冷盤整體算幾唔錯！「精心擺佈」到左熱葷，呢個應該係餐廳既招牌，鹽酥雞同蘑菇忌廉芝士雞翼。鹽酥雞有多種口味既調味粉自己加，個人覺得辣味同原味都唔錯，同個鹽酥雞幾夾。雞肉咬開係會見到雞皮，睇得出係新鮮冇骨雞件。而且咬開仲鎖到肉汁，入面依然好濕潤，做到外脆內軟既效果。雞翼去左骨，見到心思，但個人覺得蘑菇個量可以再調節一下，避免搶左雞肉既香味。「完美無瑕」而呢個牛肉麵，係我成餐飯最愛既野食！一上枱已經聞頭好香既湯頭，飲一啖湯，你就已經會完全感覺到，係正宗既牛肉麵湯！麵既質地剛好，岩岩煮熟偏小小淋，加埋個湯一齊放入口真係絕配。牛腩同牛筋一咬就知煮左好耐，兩者非常軟，而且唔係

今次同老友再來九份。十份開餐餐前小食選擇了醉溏沁蛋和鹵水雞腎角個蛋真的帶有陣陣酒香味，但又遮不到陣陣新鮮蛋味，好配！正雞腎角好軟，好滑，可能是廚師把邊連邊的位切走，所以咬落口時不會有咬不開的感覺！涼拌四季豆，灼得剛好，沒有食落口過熟，淋身的口感！先來一碗阿春麵缐，麵缐好滑！湯汁不是稀稀的，正！豬手粗麵，大大碗，豬手炆得好淋，又多件，食落口即溶，最欣賞塊豬手皮，好爽口呀！湯底好清甜！蚵仔肉碎泡飯，好大碗呀！蠔仔不是細細粒，好肥美新鮮又多，配上勁多葱花，好好味，好味到冇朋友呀！熱薑母茶，飲後好舒服，不會辣口！甜點時刻到啦，今次點了一個什果雪糕鬆餅，雪糕係芒果味，好好味！上枱時，個鬆餅還有少許熱，鬆鬆軟軟，急不及待要吞落肚！食咗咁多美食，價錢超值，下次一定會再食過，等我呀！

路過變了寫食評，原因是太久無過來分享下了一直是台食的fans，只是香港太多餐廳都太港式，未能保留台灣風味，不過今次純粹路過卻遇到不錯的台餐...我於當日因未食午餐，叫了大大份的Tea，先上的是台灣香腸、加珍珠奶茶，香腸完全是台灣風味，亦比想像大份，不錯。再來是麵線，果然和台灣無得比較，但對比香港其他對手，應該還有勝數。接下來是奶酥吐司，也不錯，烤得面頭香香的奶酥，實在好吃。整份餐加起總數$45，於沙田又不是旺區算有點貴，但亦令人可以再回歸。總之，算有驚喜，值得一試。

呢間餐廳係冇得網上訂位於是我哋兩條友足足等左一個鐘先入到去。開頭都滿心期待嘅，入到去叫左皇牌牛肉麵真係味精到不得了！如果味精敏感一定要小心，食完飲左幾杯水喉嚨都仲係覺得唔舒服。之後仲叫咗個豆腐，豆腐係滑嘅味道OK不錯不錯！巴洛鳳梨鹽酥雞係三樣嘢之中最難食嘅菠蘿太酸，雞肉可能雪得太耐沒有雞味而且十分韌。下次要我等咁耐寧願試其他

好掛住台灣，不過都有排無得請假，想食下台灣野頂住先餐廳佈置得有心思，好有台灣feel~座位夠多，樓底高，感覺舒服。<維多利亞的秘密> (優格野莓冰沙)超級透心涼！夏天飲好正。入面blend咗yogurt，好似食雪糕咁，野莓味好清新！正呀！<紅燒牛肉麵>中意佢個湯底，辣辣地但係都唔太油膩，幾惹味，牛肉份量夠多，肉質都腍！<溶岩芝士雞>好邪惡呀！成個麵包入面都係好濃郁嘅芝士超creamy！雞炸得嫩，點芝士好正！我地仲食埋個麵包，推介！一定要食！有手套用好貼心。個包裝好正。<鮮雜果冰淇淋鬆餅>D Cream好好食！我呢個cream怪好滿足。熱情果醬令個鬆餅好refreshing，鬆餅上面配咗好多款生果，唔錯！！

沙田的餐廳選擇多，要突圍而出實在不易。這餐廳不太近沙田站，從新城市廣場出發大概要走15分鐘。即便如此，在餐廳外等位的人仍是絡繹不絕，可見其受歡迎的程度。我最喜歡他們的台式炸雞，有多款口味可選，非常特別！除此之外，他們的裝修也挺有特色，不是一般的臺灣風格，感覺比較新潮年青。唯一美中不足的是，當天的顧客蠻多（可能每天都是吧科科），而且侍應不太夠，所以要等一會才能下單。幸好上菜時間還算正常，不然我就要餓死了＞.＜買單的時候只需走到門口付錢就可以了，不用再慢慢等，也是一個好安排噢。

星期天去沙田行街街~但食飯時段人多到不得了，最後決定行出少少，去沙田圍果邊搵野食見到台灣餐廳就想食台灣香腸，加上見入面裝修都好relax，就入去嘆頭下先黎張大合照卤味雞腎角雞腎好新鮮，好有嚼頭，一啲都唔“梅”雞腎唔會切到太細，保留到口感因為都因為雞腎切成細粒，所以卤味好入味，卤味甜甜的夏日熱辣辣，仲嗌左杯紅心皇后 ，即係鮮草莓沙冰有草莓粒粒點綴，而沙冰又堆到咁高，夠哂賞心悅目烤台式香腸肉燥飯每次去美食展，都會食台式香腸，鍾意Juicy，同果種燒肉香味，同場仲有台式炸豆腐，都幾入味而肉躁好濃味，唔會太肥，無罪惡感之下完成整碗而不得不說呢個飯有幾咁大，真係岩岩好食得落，捧住個肚咁返沙田繼續血拼

曾經我好鍾意食九份•十分鍾意到一個月黎幾次但係自從上次不愉快既用餐體驗之後就冇再黎了時隔接近一年,重回呢個充滿回憶既舊地食完呢餐之後就發現那些年美好既回憶,已經返返黎啦==============================今日比平時早左到所以暫時都仲冇乜人唔洗等位但係見到有呢個手機拎票系統可以提早拎位唔洗下下黎到先等位又幾方便喎別致既裝飾熟悉既menu,會唔會係熟悉既味道呢?先點左個綜合水果茶味道有進步,酸甜度岩岩好而且水果量都足蝦沙律雖然由之前既碗變左做碟,但依然好味道菜同蝦都幾新鮮,份量又夠沙律醬味道岩岩好醉溏心蛋就有少少失望了酒味同蛋味雖夠,但唔夠溏心鹽酥雞呢到既鹽酥雞最特別就會有6種唔同既調味粉可以按自己既口味調節味道分別有梅子、咖哩、芝士、香辣、紫菜及椒鹽其中我覺得最好食既,依然都係香辣雞既外層炸得夠晒香脆,仲保持到入面既鮮嫩但如果用既雞肉質素可以再高d就更加好啦忌廉芝士磨菇雞翼雞中翼位置已經去左骨啖啖肉,正!而且外皮非常香脆忌廉同芝士味道香濃同雞翼都完美配合魚丸貢丸湯魚丸同貢丸都好爽口彈牙幾乎可以用黎打乒乓波阿春麵線呢道個人就唔太鍾意了因為佢係用左豬雜黎做湯底而本人對

估唔到第一次寫食評就奉獻左俾呢間野第一 星期六慕名去食 但去到發現有人等位 明明入面有超多枱都唔放人入去 要人係外面死等 製造好多人等位嘅氣氛第二 終於入到去 我男朋友一個背囊 加埋我一個斜咩袋仔 手上一個大嘅環保袋 我地好聲好氣問下有無多張椅俾我地擺 因為入面已經係枱碰枱 完全無空位 一名男侍應一句話我地唔包擺野架囉 我心諗 下 我問下姐 洗唔洗咁無禮貌 你大可以話唔好意思無之類 我望一望地下 又油又痴笠笠 我想擺都擺唔到 如果係咁係咪即係間接叫一啲多個一個袋嘅人唔好黎食？我唔係要求一定要擺 而係如果你唔俾張椅我 你個地方根本放唔到多一個袋 係香港地租金貴 你擺枱逼啲我係可以理解同體諒 但如果你間餐廳係無位俾人放野嘅 係咪應該搞好啲地下衛生 等客人可以唔洗椅子都放到野呢 而唔係好無禮貌咁話唔包擺野 真係非常失望啊

本人在粉嶺揸車出來時我清楚關門時間為11點，專誠去店裏吃飯，但去到10：15看到兩位員工在門口煲煙，我入門口前，在門口同我說我地收工，請貴店好好說明營業時間，以免日後人客白行一趟。😡😡😡

好耐之前喺天水圍食過九份十分，咁啱尋晚經過沙田，見到有佢哋既分店，仲點會考慮，即刻衝入去食野！呢度同天水圍分店既裝修差唔多，位置亦頗多，人多人少都ok, 而且樓底頗高，非常舒適！餐廳提供各式各樣的台式美食，有街頭小食，亦有較名貴既菜式，也有一些台式混合菜，選擇多不勝數！除左餐牌提供既美食外，晚餐時段仲有鐵板套餐供應，其實我都幾有興趣試下佢哋既我鐵板餐！佢哋上菜極之有效率，落單無耐，食物都上晒檯，先嚟有我最期待既台灣鹽酥雞！最係有得自己落味粉，炸得外脆內嫩既鹽酥雞，可以自己揀喜歡既味粉口味，除了原味同辣味外，仲有平時唔會食到既咖哩，紫菜，芝士等，每隻各有特色！而且仲可以混合不同味道，我最喜歡就係辣加紫菜味！台式綜合滷水拼盤，一次個滿足晒所有願望既菜式，因為我又想食腎，又想食鴨舌，又想食大腸，呢個拼盤正好符合要求，滷水汁非常入味， 大腸肥美，雞腎片非常爽口，嫩滑既鴨舌真係想連骨都食埋！而飲品我就叫左個夏日西門町(菠蘿沙冰), 大大杯沙冰，賣相吸引，份量十足，又唔會太甜，啖啖沙冰都有果肉！炎炎夏日飲返杯真係透心涼！一眼睇晒我最初點既野食，份量都唔錯架！食完d小食，我都有d意猶未盡，所以再