九份•十分 (河畔花園) (已結業)

上一次係銅鑼灣食台灣餐廳，一個set要成$100左右。其實香港仍然有抵食既台灣餐廳，位於沙田圍既九份．十份絶對並列在內。入到餐廳大約下午2點，午飯時間過後依然非常多人。牆上掛左台灣經典木板postcard，想起每次朋友去完台灣都會寄呢啲postcard😂餐廳嘅午市套餐大約$40-60，仲要包埋飲品。餐牌上嘅甜品，例如窩夫，非常吸引，但可惜我冇兩個胃，午市套餐嘅份量實在太足夠。 我叫左牛肉麵，有我鍾意嘅粗麵條，因為掛湯能力高啲，另外湯底辣辣地，牛肉份量多並且煮得好稔，加上吸收曬湯既辣度，味道更上一層樓。最令我地驚喜既係烤香腸肉燥鹽酥炸雞粒飯。肉燥肥瘦適中，送飯一流。加上鹽酥炸雞好大件，每一件炸得非常均勻，唔會太粉。最緊要係價錢只是$48！麵線湯頭鮮香，令人想一啖飲晒。麵線吃起嚟柔滑順口，不會過爛。我認為加沙茶醬會搶走麵線本身的香氣，所以落醋已經好完美。飲品製作亦不馬虎，珍珠奶茶茶底不會太苦澀，珍珠亦煙煙韌韌，不遜於任何一間珍珠奶茶專門店。暫時九份．十分餐廳只有天水圍同沙田圍分店，希望不久將來香港島同九龍區都有呢間性價比超高嘅台灣餐廳，就算我日日食都唔覺得厭。

近期有越來越多台式餐廳在香港開業, 証明了香港人對台灣美食的喜愛是有增無減, 之前已發覺這店的水準不錯，就趁這晚人在沙田, 再來試試。坐下來, 先看看餐牌, 飲品有多款選擇，點了珍珠奶茶, 奶茶夠滑, 香味十足,甜度適中，珍珠也夠煙韌。再來鹽酥雞,炸得熱辣的雞塊，炸皮做得薄薄而緊附在雞件外，炸皮做得到脆口的, 雞皮沒有太多脂肪而且乾身脆口，雞肉嫩滑, 食落啖啖肉。紅燒牛肉麵是其中一道招牌菜, 先喝一口牛湯，湯頭夠熱, 味道濃郁，牛肉炆得鬆化而不韌，牛筋食落爽口, 也不會炆得過腍, 麵條選了寬身的, 有咬口之餘, 索滿牛湯同吃, 就更加滋味。以這個食物水準和價格, 已算不錯, 就當晚所見客人也不少。

食正宗台灣菜不一定要飛去台灣，朋友帶我入到沙田一間「九份十分」的餐廳食台灣菜，餐廳設計帶著台式格調設計，食飯時感覺到有少許置身在台灣品嚐美食。台灣紅燒牛肉麵$65，份量夠多的牛肉加埋麵質夠煙韌，湯底夠濃味，好好味超低食。醉鴿$88鴿的肉質好結實，好重酒味。鹵水拼盤小$58有雞翼、鴨舌、鴨腎、豬大腸，滷得非常入味。雜果明蝦凱撒沙拉$72，鮮蝦配雜菜沙律，酸酸甜甜非常醒胃。紅心皇后$52當然係講粉紅色嗰杯，士多啤梨好新鮮好重草莓味又夠冰凍， 綠色嗰杯係阿里山之夜$38，好有幻彩色美感。餐廳的食物有很多的選擇，仲帶著台灣情懐的味道。見到不同款色的甜品， 實在忍不住要再來一個。

今日又黎呢度食野。好食既食物唔會介意食多幾次。今次啱啱收工，係度食個午餐。第一次食午餐，原來幾抵食。叫個餐送埋珍珠奶茶，唔怪得咁多人食。坐低即刻叫個紅燒牛肉麵。超掛住呢度既牛肉麵。牛肉水準都保持到，口感好軟好滑。牛肉煮到咁滑真係唔得輸。仲有大條既牛筋，爽口彈牙。飲一啖湯再食麵，好享受。湯底有少少既辣味，所以越食就會越開胃。麵既質感又彈牙，兩個真係絕配。整埋個鹽酥雞。超大份。鹽酥雞炸得脆，肉質仲好juicy。鍾意係呢度叫鹽酥雞係因為鹽酥雞可以有好多口味任君選擇。鍾意食咩口味就自己加粉落去。成排既調味粉可以逐個逐個慢慢食。每一啖都可以唔同口味。食完個鹽酥雞好飽。再整杯珍珠奶茶，perfect！呢度珍珠奶茶唔會輸比出邊專賣店。奶茶同珍珠都靠得出架。所以點解我成日係沙田圍都會揀呢間餐廳做我既首選係有原因的。

無諗過咁失望，平日都比較鍾意食台灣紅燒牛肉麵，今日專登去試呢間店，見啲人介紹話好食，但真的要自己試過先知，不可盡信1. 紅燒牛肉麵粗麵有點硬，問過侍應話是正常。紅燒牛肉完全未煮淋，完全食唔到，再問侍應，佢哋話俾過一啲牛肉我們，今次好少少，起碼可以咬到，食咗一舊就算，另一舊唔多想食，還是比其店鋪的牛肉硬很多，牛根就唔錯，成碗麵最好食係牛根2. 酥炸排骨幼麵幼麵就淋好多，小朋友都可以食，但啲排骨就比較多粉，因為係排骨粒，同埋有粒大粒未炸熟3. 滷水雞翼味道唔錯，都夠味4. 珍珠奶茶奶茶都可以，但珍珠好硬，未煮淋5. 水果花茶味道唔錯，有幾款水果，但價錢偏貴侍應態度就不評論了！本人覺得今次光顧很失望，中途小朋友想去洗手間，店舖原本有洗手間但貼住話壞了，叫我們去收銀處攞鎖鑰使用大廈洗手間，但又話鎖鑰唔見咗，問佢哋，他們話無辦法！唉，好在我最後想到附近有間酒店，馬上抱小朋友去。

又地道又大份又抵食的台灣餐廳！我們4個人兩男兩女每人點了一個餐，發現大份到應該3個餐share就足夠！見到隔鄰座的人都醒水share來吃，就知九份十份是出名大大份。味道也很好，我們點了炸雞粒飯、蛋餅飯、魷魚羹麵線和雞排肉燥飯。炸雞又嫩又脆，典型的台灣味道；蛋餅有很多雜菜餡，但不同於台式早餐的蛋餅，它是像fritata 那樣的。還有不得不推介它的特飲，跟餐有飲品但外加了個oreo沙冰特飲，甜度適中又多料！好好飲！

掛住食都唔係好記得影相，最記得係佢d特式飲品，雖然都要30-50蚊杯，但杯杯都用鮮果足料炮製為沙冰，賣相又靚，都幾值得飲。最鐘意食就係芝士烤雞，邪惡得黎又好味，不過佢應該係半隻雞咁炸，部分位置的雞肉較鞋，無咁滑。

論食物的選擇及種類是不錯的。有一般台灣的小吃及飲料，收費亦算合理。食物的質素沒有太大的驚喜，但算是合格。至於服務方面，整體是可以的，但是個別就麻麻了！點餐不能用餐牌上的數字，一定要給名稱，。餐牌上說飲品是可以隨意選擇多冰、小冰或走冰或小糖等等。一不留心有個別飲品是沒有這種選項，但當下單時，服務員只說沒有但不作解釋。要多文追問幾次她才很不願意地告訴你原因。切記，這是一間台式的茶餐廳而不是什麼台菜食肆，不要有太高的期望。

27May201817:20話冇蠔仔肉碎泡飯，17:29落單叫左其他食物，17:30聽到廚房話有蠔仔肉碎泡飯，17:32問可唔可以改返單，服務員話已經煮左唔改得! 有冇咁快？！最後17:42食物先上桌！員工講粗口，但不是對客人，但在店內俾其他客人聽到都唔好！因為店內有小朋友！另外，每張桌都有俾杯水，係我張桌沒有！

偶爾經過都見到門口排晒長龍, 有見及此早d黎等位, 可能太早所以唔使等~  入座後見到枱面有個QR Code既優惠, 話下載就有$5折扣, 但個code.... 根本唔完整, 點scan都scan唔到, 問侍應, 侍應話之後出櫃枱問... 可惜俾錢時問櫃枱, 佢話scan唔到就無... 仲叫我下次黎再試, 想點....???  魚丸貢丸湯 - 丸夠彈牙, 細細粒, 唔算重味精~ 老媽煎餃子5只 - 皮算薄, 煎得都ok脆, 味道不過不失~ 老皮嫩肉 - 即係炸豆腐乾咁, 呢個有驚喜, 口感好好同彈牙, 一細粒一啖~ 鹽酥雞排麵 (粗麵) - 鹽酥雞排係即炸既, 大塊雞排夠味同夠滑, 麵底就似係刀削麵咁, 都唔錯~ 蚵仔肉碎泡飯 - 足料! d蠔仔份量同大細適中, 唔腥, 加埋炸蒜茸碎好惹味! 正!總括黎講, 不過不失, 但無想像中咁好味。

尋日 (12-5-2018 Sat)晏晝拜完媽媽後,順道等老公放工後帶佢o黎上次同同事食o既呢間(o個個食評: https://www.openrice.com/zh/hongkong/review/%E7%AC%AC2600%E7%AF%87%E9%A3%9F%E8%A9%95-%E5%8F%B0%E7%81%A3o%E6%97%A2%E6%83%85%E6%84%8F%E7%B5%90-e3034088),由於我唔餓,就老公自己食一份lunch,然後我叫一份甜品share食,老公揀o左$58.00 o既醉鴿肉燥撈米粉set lunch,飲凍冬瓜茶.而甜品呢,我問之後落單得嗎?應該係店長o既答o衣o家落吧,因要等半個鐘的,啊咁落$58.00o既白玉珍珠雙色冰淇淋鬆餅啦.落完單8分鐘後,老公o既凍冬瓜茶到o黎,飲吓先,都幾甜,不過係黑糖o既甜,OK o既.冇耐, 醉鴿肉燥撈米粉到o黎,我試啖好幼身o既米粉,都算爽口,冇問題.之後食一細件醉鴿,起o左骨啖啖肉,食到少少酒o既苦味,但唔太濃,OK o既.之後好耐,好耐,真係好耐,老公o個份差唔多食完,白玉珍珠雙色冰淇淋鬆餅到o黎喇,色彩繽紛

前兩日見客，咁啱佢住沙田，咁我就帶佢嚟食下台灣風味嘅午餐啦。呢間我食過幾次，水準都唔錯，多元化我哋叫咗兩杯野飲紅心皇后士多啤梨味重，冇藥水味，係新鮮草莓嘅味道海棉寶寶呢杯係我每次嚟呢度必點，滿足晒芒果控嘅慾望夏天係芒果盛產季節，呢杯芒果沙冰特別甜，果肉多我哋叫咗幾款小食，諗住試多d唔同野酒醉一口鮑魚八隻，呢款鮑魚細細隻，幾爽口，配搭埋木耳，口感唔錯芭樂鳳梨鹽酥雞最欣賞呢碟鹽酥雞係佢嘅菠蘿係新鮮菠蘿，唔係罐頭菠蘿。鹹香得來帶點鮮甜幾開胃！夏天之選呀古早醉雞本來諗住叫古早醉鴿，但店員話賣晒了，咁就轉醉雞啦因為呢度啲醉雞醉鴿都好好食好入味，雞肉爽滑之餘，又香酒味最後黎個甜品鮮雜果冰淇淋鬆餅正常size嘅鬆餅（唔係下午茶餐）有4塊，兩個人食份量啱啱好。勁多生果呀！ 雖然我係男士，但呢款唔會太死甜，岩我食呢餐幾滿足，唔貴

返工就係為咗搵食，日日不同區收工嘅我就去到邊食到邊，今次就食台灣嘢。一向由大人發版叫嘢食我只負責食，因為咁先有驚喜第一個餸先嚟個麵線，味道ok裏面有大腸同貢丸片，第二個送係溏沁蛋，係個好夠溏沁又夠味，不過佢叫得一隻話怕我膽固醇喎，第三個醉鴨舌，嚟到好香酒味鴨舌墊底係木耳，大人就好鍾意食木耳，個鴨舌夠爽，再叫個細鹵水拼盤，又估唔到D鹵水又幾入味，依個拼盤樣樣都好食包括底層酸茶。再等咗陣未見有主菜嘅我就怕大人無再叫其他嘢俾我食，係我擔心之際就送上個溶岩芝士雞，一見到就忍唔住要試吓個芝士先，因為我係一個芝士怪食到有溶岩芝士裏面有唔同嘅芝士煮成，將個雞雞放落個芝士汁一齊食邪惡得爆，個炸雞炸得夠脆個味又啱食咗大半份嘅我已經好飽，要叫杯蝶戀花青檸沙冰飲吓，青檸味夠fresh賣相又靚

今日和太太往沙田九份.十分食lunch, 我們點了蒜蓉茄子肉燥飯, 蒜蓉茄子肉燥飯賣相一流,份量十足, 蒜蓉茄子煎得甘香. 蒜香味濃, 茄子食落鮮甜, 肥而不膩, 茄子配上蔥花能帶出蒜蓉茄子的惹味口感, 肉燥甘香惹味, 食落鹹度適中, 送飯一流,白飯軟綿, 飯粒均勻,另外鹵水蛋味香濃, 鹵水味道香滑, 酸菜食落開胃, 酸甜度適中, 整碟蒜蓉茄子肉燥飯美味十足。餐廳座位舒適, 食物美味, 份量十足,而且有很多台灣擺設和播放台灣歌曲, 值得再來。

🍜🍜🍜有人話女仔最鍾意食米線，Lunch食米線，夜晚食米線，諗唔到食咩嘅時候就食米線。婆婆我其實都有棵少女心，要我喺飯🍚同埋米線先中間選一個，一定係揀米線。有一日行過沙田圍，以為呢度好夾攝冇好嘢食。原來呢度有好多食店，有好多間仲好多人排隊。👵🏼係典型廣東人：鐘意食雞。見到餐牌有醉雞米線二話不說就點個。但原來嗰日只係有米粉冇米線。不過呢個醉雞米線一啲都冇令婆婆失望。醉雞非常入味，肉質非常有咬咁。最令👵🏼驚喜嘅係米粉，食落去彈牙又爽身！同某些大形快餐店下午茶嗰啲平價米粉有明顯分別！推介推介！