九份•十分 (河畔花園) (已結業)

很想念台灣，所以來到附近就找了一間感覺挺地道的連鎖台式菜，兩個人叫了四碟菜兩杯飲品，大滿足！ 大推紅燒牛肉麵！因為是台菜必點，所以兩個人一碗一齊食，很大碗，牛肉非常大塊，而且不會太老或者太過柴，有一隻手指那麼大塊，牛筋和肉的分布相當完美，咬起上來啖啖肉，牛筋充滿骨膠原的感覺！一碗有大約四至五塊，10分滿足！面條相對粗身，很有口感很彈牙，湯汁也不會太鹹太味精，有牛肉的鮮味，呢個價錢完全一值！另外叫左碟鹽酥雞，上面會有炸過的千層塔配搭令味道更清爽，十分有台式風味，鹽酥雞相對皮略厚身，分量都幾多，最特色嘅係有六款味道可以選擇，似韓式炸雞成碟都係同一個味，好難選擇，個人就最鍾意芝士同埋紫菜嘅配搭，可以同朋友一齊試唔同嘅味道，唔會成碟都係同一款咁單調，對於鍾意嘗鮮來講都幾值得一試，雞肉比較細，但雞肉都嫩滑多汁，不錯不錯！另外叫嘅一碟係醉小三，我自己都幾鐘意花雕酒嘅味道同埋藥材味，所以都幾鍾意呢三小碟，佢係有杞子，木耳，花雕酒嘅味道，好濃郁，真的非常入味，三碟裏面分別有豬手、鴨舌同埋雞，個人最鍾意就係豬手，因為覺得皮好Q，好滑但又唔肥膩，平時出街都好少見呢一個味道，三款細細碟又有唔同嘅口味可以揀，

男朋友住沙田，平時係新城市同周邊 d 餐廳已經食到厭，今次就過條橋去河畔個邊覓食~行過見到呢間台灣野，裝修好似幾骨子，入面都多人食，就決定試呢間！Menu 入面飲品同食物種類非常多，有選擇困難症既我揀左好耐先 shortlist 到 4 樣（2個人食 4 樣其實都好多）醉小三：有醉鴨舌，醉豬手同醉雞，3樣都好夠” 醉” ，入味得尼又好清新，每樣都有 4 件，份量算多鹽酥雞（自選口味）：好大碟有成十件雞，最特別係佢比你自己落調味粉，我最中意咖哩味綜合滷味肉燥飯：男朋友叫既，平時好食得既佢都食唔哂，可想而知幾大碟。而且又有我中意既滷水鴨舌，一餐食左 2 種味既鴨舌，滿足紅燒牛肉面：佢 menu 寫微辣，不過對我呢個辣精尼講算係一 d 都唔辣哈哈，如果有得加辣會仲開心。個牛肉好林好易咬開，好大舊，有成 3 舊！食唔哂呀飲品：薑母茶，同蜂蜜菊花薑蜜，因為我地 2 個都病病地，唔敢飲凍野下次有機會尼，會試下個忌廉芝士磨菇雞翼~

今日收工緊係又去搵間好野食：p，沙田圍花園城呢頭，雖然就唔算好近地鐵站，地方唔係特別大。但係有好多唔同野食，由茶仔到越南/泰國/日本都應有盡有。搬咗過嚟呢頭住都真係一個唔錯嘅選擇今晚左簡右簡，最後去左食台灣飯店九份十份。入到黎，我發現我好鐘意個裝修。唔係好識形容呢度，你地自己睇相haha，總之成個燈光setting都高質。之後仲播住台灣歌星d歌，都係我細個聽開果班😂好有親切感。我問呢度d員工有咩介紹，佢哋推介《醉小三》作為開胃菜。另外我再叫左杯曲奇沙冰同埋《綜合滷味肉燥飯》，我對肉燥飯有種莫名既喜好。呢個醉小三真係好食😍😍醉雞既肉好滑，加上少少酒味；鴨舌同豬手都好有口感，又唔會好重酒味，剛剛好😋最後食個肉燥飯完全無失望，咸度撈飯食好正：ppp杯Oreo係對於我呢個Oreo lover黎講就係錦上添花。今餐好滿意！

等待英詩獨誦結果，路過這間小店， 門面上也十分不錯，那知就中伏了 。我們見沒有人在外就直接入去店舖內，空枱有1，2張，店員說請在外面拿號碼，點知一按拿號碼，就叫號入座，那為什麼要浪費一張紙張，可能是規矩吧!坐下後點要兩個餐，一個是鹽酥雞扒清湯麵，一個是迷你肉燥飯+鹽酥雞粒 另外再加飲品珍珠奶茶和柑桔檸檬。先說肉燥飯和鹽酥雞粒， 肉燥少飯多唔迷你， 鹽酥雞粒都算是可以的， 問題最大的就是清湯麵，那清湯真係如清水一般只有少少蘿蔔味，麵食如湯底沒味道，麵就算幾好都無用，況且連麵也是一般，最終只吃了一住麵就放棄，鹽酥雞排說真的也是可以的。 就飲品柑桔檸檬算是做得不錯， 但珍珠奶茶的珍珠就完全入不到口， 不知怎樣形容只能說外 熔內散， 珍珠就算做得不好，外面太過軟裏面都應該煙煙靭靭，不會好像咬中一些未熟粉團吧！

探完朋友之後，他介紹試吓附近的台式餐廳，充滿地道嘅台灣感覺。門口有一排櫈提供比食客有需要時等位坐。非常細心。醉雞，醉豬手就食得多啦，醉乳鴿第一次食，乳鴿好入味。凍凍地嘅口味。作為前菜開啓味蕾。高湯浸娃娃菜，再鋪上台式肉燥。即刻化身為俱台式特色的菜式。同平時酒樓食嗰啲上湯娃娃菜有少少吾同。口感更豐富。唔好以為滷水淨係潮州餐館先食到。估唔到台式滷水都有佢獨特之處，就係有好多我好鍾意吃嘅鴨舌。柯仔煎系台式餐廳代表作之一，它的口感與平時吃嘅有少少吾同，比較煙韌。茄汁有提鮮嘅效果。炸雞又香又脆和芝士混合，特別惹味，焗包吸晒芝士味變得好香口。睇見都流晒口水。左邊是酥炸魷魚鬚好有嚼勁，中間是酥炸雞軟骨，爽口彈牙，右邊是酥炸⋯⋯？估唔到哩，系雞脾菇，第一次食，口感一流，令本身無味嘅雞脾菇變得香口。飲品方面，一定要試吓佢哋嘅沙冰。記得制作需時，心急嘅朋友就提早啲落單啦。最後要吃下甜品才算完滿嘅一餐。又飽又滿足的感覺好幸福呢。

一入門口見到店内裝修，心情立即舒服放鬆！但係店員一開聲就"幾位呀！一位呀！"用最悔氣嘅態度！立即心情跌落谷底！食慾大減！所以只係叫左紅燒半根半肉麵！連本來想叫小食都冇心情！麵一上枱賣相可以👍可能店員態度差影響心情，味道可以！之後有其怪事情發生，隔離台新黎食客，叫左紅燒牛肉麵！悔氣態度店員問食客要"粗麵幼麵"！但係我完全冇問過！總結:態度差店員，原來係經理級。見到佢對其他食客或者下屬都係用悔氣態度對待！完全趕走客人或員工！

話說已經計劃好的台北之旅，發生變化，最後在買機票當天取消行程。確是一件遺憾嘅事情，今晚食一餐豐富嘅台式料理就當去咗一次台灣旅行啦。餐廳名充滿台灣風味。燈光下顯得特別燦爛。室內裝潢算不是華麗，但樓底超高，燈火輝煌，座位整齊，有地道台灣味道。符合餐廳主題。鹽酥三兄弟＄78酥炸好的三兄弟分別是：魷魚酥，雞軟骨，雞髀菇。我就好喜歡雞脾菇的口感，外脆內軟，好有質感。台式綜合滷味拼盤＄68（細）一個餸可以滿足吾同欲忘，以滷水豆腐墊底，一層層鋪上豬大腸，鴨舌，雞腎，頂有兩只比翼雙飛，意頭十足。份量也十足。熔岩芝士雞＄128今晚重頭戲，炸香嘅雞本身已經好香，作為芝士控，絕對可以貪心地綁上一身的芝士，芝士同雞肉在你口中，纏綿痴情嘅感覺，真係令人回味無窮。芒果軟殼蟹米紙卷＄68今晚最為清新的一道菜，薄薄的米紙卷里包住青瓜絲，生菜，芒果和軟殻蟹，味道非常配合，芒果有提鮮嘅效果，建議沾點沙律醬更加層次豐富。夏日西門町＄52名字特別夏日感覺。味道一樣好清新，淡淡菠蘿味的沙冰不但可以飲，還有粒粒菠蘿可以吃。維多利亞嘅秘密＄52口感與夏日西門町略有不同，除咗沙冰還加入優格，味道屬草莓味，因此有少少酸味，特別醒神。台

沙田嚟計真係唔多有"台灣菜"朋友突然話想食吓台灣野因為成日都係食果幾樣喎🤔🤔雖然自己住係沙田但都唔係係自己區域搵食架😅所以唔知邊樹有，為有上網搵啦一見佢個名就好有去台灣嘅親切感🤩係河畔果邊地點真係有d 唔就腳如果馬鐡方便嘅人都啱嚟食佢由沙田圍站行過去大約十分鐘👉🏻朋友試咗😬上網睇d 食物相就比佢吸引住👉🏻溶岩芝士脆雞(買相已經直回票價)👍🏻😋佢用個法飽入滿芝士🤩入面有少少白汁同薯溶咁對於芝士粉絲嚟講完全滿足到,加上佢冇hea 場係用半隻雞唔會全部得雞翅一款,啱晒各人喜好👉🏻紅燒三寶麵👍有紅燒牛肉(好腍)牛肚,牛根，紅及白蘿蔔，個麵啱啱好唔會太腍👉🏻萬巒豬手(一般)冇咩驚喜雖然係好腍味道一般，上菜時比較多油覺得好腻👉🏻涼伴三小碟(想食d 菜,又唔想食大碟)呢個好好啱晒二個人食,有偏豆,海蜇,粉皮(呢個冇撈埋d 醬,只係放係面頭,所以底下d 粉皮冇味👉🏻飲品個名好靚"維多利亞的秘密"👍🏻😋係一杯雜莓沙冰,甜度啱啱好,最抵死係有莓果裝飾👉🏻另一杯叫"夏日西門町"賣相掂👍🏻😋係一杯鳳梨沙冰,甜度又係啱啱好,用新鮮鳳梨👉🏻最後叫多個甜品"花美男遇見"👍🏻朋友好耐冇食芋圓,但又唔想太多呢個就啱晒,

去開沙田，諗住搵間好食嘅餐廳食晚飯，間唔中都想食下啲特色小店，於是就去咗河畔搵到呢間餐廳試吓。8:00去到唔算太多人，等左一陣就好快有位坐。餐牌上面嘅食物種類好多，我同朋友就叫咗其中幾款呢個牛肉麵湯底幾香濃，而且牛肉份量都幾多，又夠淋，性價比高不過面底就淋左少少，我自己比較鍾意食硬身啲朋友話想試吓個皮蛋豆腐，上面鋪左好多肉鬆，上面仲有啲甜甜地嘅醬汁，豆腐點左醬汁之後變得鹹香，食落幾好味皮蛋亦有少少糖心嘅感覺，好滑入口即溶呢個麻辣牛展我覺得係最好食佢個麻辣汁好香呀又夠辣牛展都好香牛味仲有呢個醉雞，酒味唔算太濃，啱晒我呢啲唔係好飲酒嘅人。而且份量有驚喜，比想像中多好多抵食最後仲叫咗個果茶，分量唔算好多，兩個人分嘅話每人得兩小杯。不過勝在水果多，有橙、蘋果、西瓜等等，非常開胃同埋佢個小杯好得意呀～有舊檸檬冰架咁飲落又會散發啲檸檬香其實佢仲有甜品，不過我地已經食唔落啦順帶一題，老闆同員工都好有禮貌，態度都十分好！成個食飯氣氛都好舒服幾多個人想泥食飯傾吓偈都岩晒啦～

今日同朋友入黎沙田圍間九份．十分，因為之前睇FACEBOOK介紹佢既芝士岩漿炸雞，好似好正，所以就去試下，但入到去，花多眼亂，最後因為想食多啲菜式，所以都無嗌到大大份既芝士岩漿炸雞🙈🤣紅燒半筋半肉麵 $65牛腩肥瘦適中，燜得好腍好入味，牛筋相對再腍啲。成個湯底好濃郁，唔錯。滷水拼盤(小) $68有豆腐、雞腎、豬大腸、鴨舌、雞翼同半隻滷水蛋，雖然係叫咗細份，但份量都好足，起碼食咗有10條鴨舌，呢度既滷水唔會好鹹，味道啱啱好。凉伴三小碟 $78分別有四季豆、雞絲粉皮同凉伴海蜇。海蜇超爽口，好入味，但有少少徧辣，如果唔食得辣就唔好嗌呢款🙈忌廉芝士蘑菇雞翼(2隻) $38雞翼外皮炸到香脆，一咬落去入邊既蘑菇同芝士泌晒出黎，雞肉仲係保持鮮嫩多汁😋什果雪糕鬆餅 $65鬆餅係即叫即整，要預等10-15分鐘，一咬落去，皮脆內軟，仲係暖暖地，連埋個芒果雪糕一齊食，正👍🏻而且仲有多款生果，士多啤梨、芒果、藍苺同香蕉，即係賣相都好吸引🥰

［菜色包羅萬有｜估唔到喺度都食到炸雞芝士 ］係中大上完堂，特登落黎沙田市中心食九份十分。兩個人唔係ORDER左好多野已經大滿足！———綜合水果茶 $52 ———老闆話無得走甜少甜，好彩其實杯水果荼都近乎無糖，只係佢入面D 水果有用糖水浸過，所以咁樣溝埋都岩岩好！　*好特別既係有杯細細杯既檸檬冰，所以係GIMMICK野，但又幾有趣 : ) ———芝士雞 $128———見到真係當堂嚇一跳，因為份量超多！而且成個包入面都係滿滿既芝士！！！！佢呢隻芝士本身熱既時候係好溶身嘅，但你拉絲左出來，係空氣擺一陣，就會變硬左 同平時韓式店食個隻芝士有D唔同 ( AKA 好多時都係KEEP住一直硬身)炸雞配芝士呢個 combination 其實真係無得輸 ———涼拌小菜 $78———不過不失。食完芝士炸雞呢Ｄ咸野，梗係叫Ｄ涼拌小菜中和下———老水拼盤（細）$68———所有配菜都好入味！！！有雞翼，蛋，豬腸，鴨舌，雞腎，超足料！———Red berry yogurt沙冰 $52———無溝水，全yogurt打出黎而且toppings有好多berries，好好味   兩個人食左around $220 埋單，飽到

今晚同屋企人夜晚6點3就嚟食晚飯，因為仲早唔駛等，一嚟到，有個靚女長髮姐姐嚟幫我哋落嚟，要一讚嘅係佢態度親切，我哋叫咗個$198餐-海蜇，豬手，蚵仔飯，牛肉麵，oreo沙冰同綠茶沙冰。另外叫咗個香芋珍珠，老皮嫩肉，蚵仔煎，本來想叫個鹽酥鷄，不過長髮姐姐介紹咗個3寶，有鹽酥鷄，魷魚鬚同幸包菇，就聽佢講啦。先講講個海蜇，都幾辣下；豬手好林好入味；蚵仔飯唔太鹹且有d蜆肉喺裏面，感覺豐富咗；牛肉麵呢，半筋肉口感好好可惜就咁食的話會有少少鹹，配埋麵食就啱啱好；oreo沙冰淡咗d,綠茶沙冰茶味夠，香芋珍珠味道夠嘅不過如果珍珠可以冇咁硬會再好d；老皮嫩肉嘅豆腐食落去好油；蚵仔煎有d實始終都係台灣食嘅口感好d；鹽酥3寶冇介紹錯，好好食仲可以食多兩款唔同嘅餸添。雖然傳菜嘅姐姐冇笑容但係有長髮姐姐就殺晒。

鹽酥雞、台灣腸等炸物不錯。牛肉麵,珍珠奶茶都很好。肉操飯普通，比較像肉碎飯多點，而且味道不太像正宗肉操飯。另外堂食要打包需要加$2才有一個膠盒一個膠袋，高級餐廳都只收$0.5/$1，外賣又不用加$2，這樣收錢方式感覺不好。

自從港鐵提早關門，變相宵禁，真係少咗出夜街了。就算真係出去食飯，都唔敢去太遠，又要成日睇住錶，趕去坐尾班車回家，就住就住咁，都食得唔盡興。今日仲要係哈佬喂，真係唔知港鐵同班警察又會採取咩行動。但又見明天都出發去旅行，懶得煮飯，就決定同老公去近屋企附近找間經濟又實惠既餐廳食飯，於是便到九份•十分。 店內裝修不錯，提供坐位也很充裕，而且食物選擇多，有很多台灣的地道美食，例如鹽酥雞，蚵仔煎，芋圓等等......一坐下就叫了一份滷水鴨舌，鴨舌滷得很入味，肉質爽滑彈牙，仲配上配菜，令人引不住一口接著一口。另外小食叫了一份鹽酥雞及芒果軟殼蟹米紙卷，先說說鹽酥雞，估唔到份量咁大份，2個人食有點多，而最特別的地方是自由調味，一排6種調味粉，任你落，首推辣粉加紫菜，好惹味。 而芒果軟殼蟹米紙卷，個芒果汁酸酸甜甜，好開胃，好fresh。 主食就叫了台灣菜必食的半筋半肉牛肉麵，麵底係粗麵，好有咬口，啲麵掛滿濃濃的牛肉湯，微辣，味道好濃，筋同肉都好淋，好入味。飲品叫了鳳梨綠茶，茶味清香，不過甜。本來還想叫甜品，但份量真係有點多，太飽了，唯有下次再來試試吧。

去完朋友家，晚飯時間朋友推介附近一間台式料理。餐廳面積佔地很廣，座位多，Menu選擇亦十分豐富，令人眼花撩亂！很久沒有吃過鴨舌，想不到這裏會有！鴨舌入味，還加了麻油，味道香濃惹味。一條一口，停不了的吃！ 紅燒拉麵份量不少，有雪菜粒及小棠菜作伴菜。牛肉厚身，脂肪比例平均，肉質入味腍滑。蚵仔煎跟蠔餅類似，但沒有豪餅那麼熱氣及煙韌一點。蚵仔新鮮大隻，粉漿不會過硬，Q軟有蛋香。雞扒超大塊，外皮酥香，鹹香撲鼻。雞肉肉質嫩滑，不會太過油膩。水果茶顏色繽紛，有蘋果、橙、熱情果等新鮮水果。水果茶亦加入話梅、檸檬，酸酸甜甜，清涼解渴。